اذا المفتي طلع علماني 🧡🧡

يا زلمي شو دينك انت ؟؟ بدك ١٠ كيلو ممنوعات لحتا نستوعب شو في براسك

التوزيع الموسيقى رهيييييييب ❤️❤️❤️❤️❤️

كل مشاكلك مع الله بس مع هيك ابليس بترجم🔥🔥🤯

يا ويللللييييي ما 💝❤❤❤❤❤❤❤❤❤❤❤❤❤❤

Prod by Al Darwish إنتاج: الدرويش
Photo: Nader Bahsoun صورة: نادر بحصون

#مسوخ
#حم


بدو المدينة غزوا الشوارع عالرّينغ في خيم، فلا تسألني عشيرتي وين مضربا.
هالرقبة اشطبا متل بايرو "النجمة" بتضوّي لما يقطعوا الكهربا، ما بيشيلها غير اللي ركّبا.
أنا بنتمي للمناح اللي بيحافظوا على ضبط أعصابن وقت زعرانك بتنزل لتجرّبا،
قلوب أنضف من حسابي بالبنك، وعقول بتنهض بالبلد لهيك كان بدك تغرّبا.
بلعتونا بسورية بس أخواتي بكل البلاد عم يقوموا لتصير كل البلاد أوطان.. عم تفهم؟
أعمى القلب تابع أعمى، والتابع شبّيح، والشبّيح خاروف لو طار.. عم تفهم؟
فلا تستصعبوا طريق الحقّ لأنّه ما عاد تزبط، ع طريق الحقّ صرنا كتار....
كتار عم تفهم؟

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بحمص بالشارع
بالقاهرة بماسبيرو بالشارع

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بالسودان بالشام بحمص، بالشارع.

قلّي مين أقوى، الطايفة ولّا الجوع؟
طرق طايفة أو طريق مقطوع؟
نشوة السكرة ولّا الصوت المسموع؟
ضرب كفوف..
سنان ثابتة والرّئيس مخلوع.
هي لساحة التحرير وشهدا العراق وحسين العطّار، للي ثبتوا بالساحات.
هي ثورة على الذات، ع العرصات، هي مو ثورة لا ثورات. 
هي للي ماتوا قبل لنقلّن تعبن ما مات.
وهي صفحة جديدة وهي كل ما يقولوا الرقص مانه ثورة رقصة جديدة هي
ثورة عالبارانويا، ثورة عالأنكزاييتي، نفس لناسي اللي انردتلّها الرّوح شوي.
وهي رقصة جديدة صفحة جديدة هي كل ما يقولوا الرقص مانه ثورة رقصة جديدة هي.. 
لو ما بدقّ عالطناجر.
أنا طنجرة الحيّ.

هنيك\ تحت\ بالشارع
تحت مجلس العرصات بالشارع
جوا التُكتُك ببغداد بالشارع 
بحمص بالشارع
بالقاهرة بماسبيرو بالشارع
بيتي تحت.

بالشارع | In The Street

النَّص :
هي انا لسا ناطر بين اساطيح
لا تفاؤل بمضارع ولا أستبيح
كل مالي بفرص انا ماني نبي مالي بالطوفان انا مالي بالطوفان
انا ما كفرتُ لكن كفرد ملاكم تحت الحصار ناطر حمار صابر ع تار بارد ع نار في خدعة لكن آخد حِذار لابس حزام ناسف صباح ناشف متل وجه القضاة انا مالي بالقضاء على لو مهما علا شأن ال ناطر انتصار انا انسحاب مجسد بطين و شوية ناس مطبشين بين الخشب تاع السفين ال تنّح قال قادر و مش خايف صادد لرياحك مش راحتك حاطط من قدرك مش قارءك
قالبك على وجك كي تعرف غضباً قد يفقع بمعاقلك
انا و استثناءً لقواعدك على ملعب رأسك انا راقص
على كل قراراتك انا رافض
بادءُ ذي بدء ما بفاوض
قاتل فأقاتل انا قابل
صادر مادياً انا قادر
حاصر أجواءك كمسافر
غرقاً ككواكب انا ناشط
سبحاً كسلاحف انا سابح
أمراً ضد أمرك انا نافذ
شو ما عملت انا نافد. 

انا فاهم مش راسب و سيادتك حافظ مش فاهم راسب ف جلائك أصفار مزخرف و رجالك كالفيلة بطشا
أ يا نازي انا مش ناسي انا نازل من سما ك نيازك لا تحاول
أطلق نيراني لا مفر ولا ملجئ لمحاول فاشل
انا حامل بسم الدم النازف مش نازل نافق بمراجع
دستوراً حقاً إذ يُقرأ ف ترى أبا جهلٍ خر راكع
ببنودٍ خطت من شاهق بخطوطٍ رسمت بمغاور
ف تراني أعودُ و انا واثق و أراك تغورُ غنم داشر
لأعطيك م الآخر انا راجع خطاط و اسم امي سراقب
لاعفيك من منصب و انا ناصب خيماً ورا راسك و مش شايف
قمماً بمواقع لتساعد قزماً بمعارك ضد مارد
قسماً بمهالك لممالك
حضراً و سيوفاً و خيولاً و سموماً و ظلاماً حالك
ف تفيض مآقيك بدمعٍ و أختمك بأحمر شمعٍ
لأعطيك م الاخر انا راجع خاتم و سليمان و مالك
يونس و عصا موسى.. انا راجع

المزاج-صباح ناشف-mazaj_sabah nashef

أعمال قديمة..
إعادة النشر للأرشفة

شفتا مرة وحدة - مزاج - إنتاج مولانا Shfta Marra Wahde - Mazaj - Prod By. Mawlana L

Tawsee3 Madarek - Mazaj - Prod. By Mawlana L توســيع مدارك - مـزاج - إنتاج مـولانـا

مزاج : https://www.facebook.com/profile.php?id=100011368405907
ووردنكلف : https://www.facebook.com/wardenclyphmusic/
 محمد رضوان بوستر : https://www.facebook.com/mhd.robben
صورة : https://www.instagram.com/ramez_melhem/

النَص :

عبالي طيييير
بلكي بوصل
حمل على ضهري براميل كبا ع روسن
مو ردة فعل.. تمني قديييييم
انا المحارب الحقيقي غصب عن روسن

حاجة نحوص حاجة نقوص 
حاجز على طرف لساني
حاجز ع صدري
حاجة تلف حاجة تدوووور

عبالي صيييير
العنب
و اتسمم و اقتل الناطور
نحنا بحاجة نعيد
كتير سنيييين
نحنا بحاجة نعيد النظر باللي حصل
الحق ع مين
بوجود البشر بهالمعترك
السئييييل

عبالي صييييد الصيادة
و اعمل انيابن قلائد

عبالي عييييش

حاجة بدل ما احمل همي احمل خراطيش
عاطي أمل لل حولي رغم ال أنا فيه
اذا الاكتئاب قابس.. ف أنا فيش
جواتي الف شخصية ف أنا حقيقي فيش


عطوني قفل الزنزانة بسكر على حالي بابا
عندي ٤٠ علي جواتي و انا علي بابا
كل شي رمادي بحياتي حتى ألوان تيابي
و ما تقرب صوبي بعزلتي because the floor is lava




اللي استحو ماتو من وقاحة العايشين
و اكتر واحد بيشوف لبعيد هو بينوكيو
يمكن المظلوم بقصة ليلى هو الديب
و في اتصال بالسر بين الفضائيين و طوكيو

كل هاد مالك فيه.. مالو فيك
متل الركد ورا الجزرة اللي معلقة برقبتك
قد ما سرعت ما بيفيد
متل الحفر بالصخر بمفتاح شق صغير

انا الموقع أدناه الهامستر بإرادتي
رافض ارفس الكرسي برغم الحبل اللي ع رقبتي
دولاب الزمن اللي بتحكو عنو ليك بقفصي
ف انا المسؤول عن دورانو ع هوا ركدتي

ف يا بعيد يا بموت يا بعيش يا بروح
يا بصير يانسون و حقق حلم ستي
يا بطير يا بكون ياسمين ع اسطوح
ماسكين صامدون هدي ان كان فيك تهدي



ماني جايي منقذ.. ولا حتى انصح
و بالنسبة لمحيطي.. ف أصلاً ما بعرف اسبح
بخاف من الدوائر، فمالي بالحكومة
و لتصدقني اكتر انا ببصم بالعشرة

هالمرة deep.. بلكي نغرق
و يجي نوح جديييييد
يعملنا مركب
نروح عالمريخ
لأن اصلاً
ما ضل مطرح عهالكوكب إلا عليه نزحنا

نحنا شعب منيح.. لهيك علينا زحمة
مالي بالفوتبول لهيك ما بيهم مين ح يربح
لما كون مكتئب عم نام من المغرب
و هاد الشي الوحيد ال بعرفو عن البرشا

ما تنصحني بشي.. ما تنصحني امشي
شبعان برغم أن ما في بصحني شي
ف ما تنصحني بشي.. مشهور كيف بدير الطرشا

مزاج_عبالي طير| mazaj_3abale_teer | prod by : wardenclyph

prod by : @wardenclyph 
https://www.facebook.com/wardenclyphmusic/

poster by : mohammad radwan
https://www.facebook.com/mhd.robben

النَّص:

ما غريب الا الشيطان ساكن بحيطان سامع 
كل شي لكن ح يضل ناطر كل شي واضح
انا مو امبارح انا مو امبارح انا غد انا جد لأ مو مبارح مكاني
إلى غد أفضل أنا اقدر أصلح او أُصبح نبي يُصلح ما أفسدَ مُفسد
أنا مخرج
أنا مُدخل بياناتي كما الآتي اذا لم تعقل أنا بعطف
محدود دماغك و انا مسهب
صلي و انا شعوذ ما انا بعرف بعد اللي حصلي ما ح فكّر
بقا عمّر و بعمري لن أرثي ما تهدّم
انا أكبر مما تقدّمَ و تأخّر
و ح ضلني كما الماءَ و أطهر
و ببعبص و قد اُعذر أَنذرَ
و ببعثر ما تبقى و أنثر
على أمل ان لن يبقى ما يُقلق
و تقوقع هالقسورة قلقاً
فلا ناصر روماً أو عجماً ولا ناظر معجبَ بل عجباً
عسى أعرف سبباً بس عبثاً
بدل ان أتَذاكى و أَتَفَصْحَن
ف أُقاطِعْ و اصنع مسغبةً.

تعي معي بلا لعي مالو فايدة
نجي على سوق غلا برخيص
كلي خرا انا ما قلت فانية
هذا بلد انباع برسيس

عصا على من عصا علم انرفع
جرا دم مشي على جمر النار
ع زمن نوح الطوف ارتفع
عتبك على كل مين احتار

ماني كاتب انا راسم حكي
كما بنقش ع ورق جدران
سهل التحليل عالمرتكي
لل على صدرو معلق مخزن جولان

أرقص على نار المهتدي
أضحك على برد الجهّال
معلش سميني المعتدي
من كان ثابت جحّش شمال

كل القصة بحمار جحا
بس جحا حمار ..

بعيد الكلام قريب المغزى بعيد الكلام
لابس جزمة بعيد الكمال
حامل قزمة و ازمة أنام
حاول بلكي بزمط لنام

انا مسلة بنص الصحرا
انت بتتخبى بإصبَع

انا حاسس حالي نافع
عم فكر اتقمص عقبة

كول حكي على هالنمط
بلكي بتتصلح صحتك
راسك فاضي راسي مطبخ
حابل نابل على مخك
ذات صوارٍ لك منيك

انا حدودي سياج مكهرب
فلا تقرب فلا تقرب

انا عبد الوقت و بعترف
مربط بخيطان الحرف
كلما انذكر.. اسمي برتجف
قف يا دكر قف كالألف
دافع عبث كحابس نفس
عارك أجل شابه أباً
رافض خلف لاوسخ سلف
كلما انذكر اتفل دماً
معلي مو كل مين راح ترك
خلفي سايب معرك ورق
حلمي قبالي جا دق بابي و لم صحابي و عملو عزا
شعبي مكنات تمشي بهدف
ارضاء مُرتكِب المُرتَكَب
الموضوع اكبر مما احتسب
بصحرا و لست ألمح حدا
ال يكسر صوتو كل شي صدى
ال خايف ليعيد كل شي
بحادث و الكل الو فيه يداً
ما عم اشحدك
معلش خلص
بكسر حالي ولا بكسبك
انا مو مراية فما بعكسك
أشباحي كما أحلامي ف بهرب بدل ما أنا لاحقا.

Mazaj| Khaleet | prod by: wardenclyph \ المزاج- خليط

المزاج على فيسبوك : https://www.facebook.com/profile.php?id=100011368405907

إنتاج مولانا : https://www.facebook.com/profile.php?id=100006046096120

بوستر من محمد رضوان : https://www.facebook.com/mhd.robben
ميكسينغ ماسترنغ بلال : https://www.facebook.com/bilal.derky.9

النَص :

1. اذكرلي الزوايا الكونية ال ع أساسا أنت المُرتَكَز
2. ولّا حاجة الجنة الك لتصير المُنتَظَر
3. ما كلك ذرة سابحة، مقيد بين الميادين كبعث ولّا رابِعة
4. وجودك مُصادفة، فار بحقل تجارِب
5. من يوم ما علقت انت و مليون حيوان منوي، صرت محارِب
6. عندك قضية..مافي داعي ينفهم أساسا
7. بس فهمني ليه دايماً بيجي كبير عليك مقاسا
8. أنا حدودي عطارد.. بس انت حدودك حيفا
9. راحت غزة اجت حمص طارت حلب هدت صَيدا
10. طارت فكرة ..هدت ..صيدا
11. باليمين محاضرة سلام، و باليسار رصاصة
12. يشرح فوايد البارود، و وين وصلت ناسا
13. متل ال عطاك شمع ملوّن يحلّي طعم العتمة
14. أو أغراك براتب شهري.. لتمر "الأزمة"
15. طول ما القرار بالجار مربوط راح شنغلة
16. كالتالي حل المسألة:
17. لترفض الجغرافيا.. لازم تهرب من تاريخا
18. لتدحض كذب القومية.. لازم تعرف شو دينا
19. و مهما الرموز كترت بتتبع لنفس الراية
20. و لو زادت الرايات، فبتتبع لذات الغاية
21. أو لذات الغابة!
22. حكيي فاضي طنشو، روح لحّق نشرة التمانة
23. و على الفاضي تعمشق.. أو عالواقف نام
24. بتبقا الدعوة باطلة.. طول ما التابعين أصنام
25. لا تصدق ورد بينبّت ببلد مليان صخام
26. اذا المفتي طلع علماني
27. يعني القطة عشقت طير
28. و نسينا المرحبا صرنا نقول "الله بالخير"
29. العتم بيستر بس ضيعت باب داري
30. هدولي أربع حيطان أنا صرت الباب داري
31. بكرا السبَق بيصير على مين بالتار بادي
32. ف لتكسب الأبيض و الأسود.. خليك رمادي
33. خليلي ولادي، و خود الأرض اشباع فيها
34. عم ربي أرانب بقفص، حكام و غابة سباع فيها
35. النجوم دليلي يوم بوصلتك عني تحجب
36. و الكفر سبيلي اذا الملايكة بتبطل تحسب
37. او بترفض تكتب.. تحت اسمي بيستاهل
38. بشوف الرب بنومي و يوم بفيق ببطل ناطر
39. سمّك أدانك يوم الزعتري بيكون بارد
40. ف ببطل ناطر مارد
41. فبفكر حالي راجع
42. فبصير دروسي براجع
43. يا ترى رح أعرف جاوب؟
44. أو من التهاب دماغي رح صير حروفي راجع؟!
45. هدّوا دينك جامع جامع
46. ع مسمع المقاوم
47. عم اسمع الممانع
48. يوم عن يوم بيزيد مراجع
49. يوم عن يوم بتزيد قناعة
50. إني ما راجع
51. تعا نتبادل المواقف.. بدل تبادل الأسرى
52. صح ربيت أرانب بس بتضل السلحفة أسرع
53. سلحني أحسن ما ضدك قلم أحمل
54. الحملة اللي بمطرحا فراطة الشعب عم تجمُل
55. كل مشاكلك مع الله، و مع هيك ابليس بترجُم
56. ديني علْم بترجِم
57. اعطيني عَلَم ت ارجع
58. بيلبق سرج عالفرس.. يوم الشمس تبطل تطلع
59. يوم اسم الرب يبطل رشوة، و الصلاه تبطل مهرب
60. كل العلل فيني.. ما تفكرني عم أنصح
61. هي النفخة من اكل الخوازيق لا تفكر عم أنصح
62. لسّاني ناطر التراب يطم صحابو
63. بس لساني تخدّر ف صار يلم رحالو
64. جدرانو كلها مرايا.. بس بيخاف من خيالو
65. و بعدو العطشان عن الجوعان عنا.. بيقول نيالو
66. و اللي تعوّد ع مصّ الدماغ بينام هو وعم يحكي
67. و آخر مركب جنّح ما بتلحقو اذا عم تمشي.

المزاج || تفريغ \ el_mazaj | tafreegh | إنتاج : مولانا

المعري:
https://www.instagram.com/almuarri/

المزاج:
https://www.instagram.com/el_mazaj/

انتاج ووردِنْكلِفّ:
https://www.instagram.com/wardenclyph/

بوستر \ محمد رضوان:
https://www.instagram.com/_radwan8/

الكلمات 

 المزاج:
عم لملم أشلائي لم عتم ع بوابي
النور سرقهن مني عادو مني سرقو نور ال كان يسد بوز ال كان يسب على حدا من ولادي
منضل نعمل أغاني..
ف كيفما اتجهت أصغي عم دندن تراني
طب طبطب ع كتف البلد بلكي الغفوة خلصت
خضخضا من كتافا هزا تصحا ولو انزعجت عادي
مو ما ضل ظل لآوي
قاتَل حتى ارجع ع الرجعة مو قاتِل حالي
كون ذو مبدأ سابق أفضل من مقاتل حالي
كون مسابق خاسر أفضل ثابر عالمواقف ال كسبا غيري ع حسابي
حلني حتى حط حمالي حلمي حبا حتى من فيض العواطف مو المخاوف على عتابا تحل ركابي
عم دسدس حالي فتش ع علم ضبيتو بآخر حصة الرسم بشي وحدة من جيابي
مريولي مخزق مخزوني متل البرغوثي قفا ينبع على قدس و عروبة و كزا منبر و انا بسمع منك خرا يخطب و الخرا زقّف و الدم يجري
على ضفة ذكرى ع باب شرقي
أهلي و صاحبة الشال ال مال و مال الشام ال راح و راحو أهلي و صاحَبت الصوَر 
ال ما بتحرقها الحرب ولا بتحملها الجبال البرات حدود بلادي

مو كل ذكي استاهل ركعة..مو كل اهبل تستهبلو
مو كل كرسي جالس يعني..الجالس فوقو جالس متلو
مايل يحكي مالل يسمع..إسم الله مافي متلو
انا ملكي مليان..مين في غيري متلي مالي ملكو

 المُعَرّي:
بستجمع ارواحي كوني جثة هامدة بهالطين 
بشعل شمعة وقناديل بفكر بكسر مصابيح 
بحكي واطي كلامك من فوق الاساطيح
بخلع بوابي بتحدى هاد تصارع مع الريح 
صرت خاف ابلع ريقي صرت ابلع طريقي
صرت صحبة مع الحيط الكان دائما سامع حديثي
صرت خاوي الجان الكان يخوفني بليلي 
ونادي فلتحيا شماريخي
قاب قوسين او ادنى طال شعرين وغنى
سار مترين وعنا او فريقين وهدنة
او نارين وجنة بحكايا كليلة ودمنة 
لا تكللنا ولا دمنا
صب زيت بجمرنا هد حيط بآلمنا 
افرض علينا اتجاهك والقيادة حط خيارة بعلمنا 
بيعنا سكوتك بالمقايضة وتاجر بدمنا
ارض الوطن ما حوتك وين آدمنا
ليك بغني على صوت الراجمة 
بعمل من جدار صوت الميغ سامبل 
بعزف عالدبابة لهيك موسيقتي صاخبة
فجبلي جلاد عالتيمبو لانو ناقصني دم
سارد ع زمور الخطر من مكبرات الصوت 
ساخر ع شعب مستعبد للعصا والبوط 
في فرق بين الفقر و الواقف عالطابور 
شرقيتك تخلف هون ما بينفع تخوت
ما بينفع تموت لتدفع حق التابوت 
لتستنج انو الرب رفع اجرة سحب الروح 
وعزرائيل مستني يقبض لانو هاد موسم نزوح
فوين ما رحت بأرضي انطرب
ع انغام الصوًر ع أنغام الصوّر
ع الغام السور عالوعد بالحور 
نفطر لحمك عالموائد حط عظامك عالسحور
كيف ما تنظر تراني منبعث كنور 
مرتعد ك thor
اخلع نعالك  انا جبل طور

قناديل .. المُعَرّي و المزآج || qanadel .. ALMUARRI X MAZAJ  prod by: wardenclyph

المزاج فيسبوك : https://www.facebook.com/profile.php?id=100011368405907

رابط الفيديو كليب على يوتيوب :  https://www.youtube.com/watch?v=0S0-uvsyNDU

إنتاج غيث بدران: https://www.facebook.com/profile.php?id=100010103954520&epa=SEARCH_BOX

ميكسينغ ماسترينغ بلال سكوترم: https://www.facebook.com/bilal.derky.9?epa=SEARCH_BOX

النَص :

معكن أكبر مغشوش عالكوكب ف مرحباً
بعرف عن نفسي تلت مرات كل مرة عن مرحلَة

عقلي كل ما مر بمرحلة مرة بيترخا
بتعذبو بس بيتركا

ع لحم راسي من سنة بلف نصوصي و بدخنا

بنف حروف غيري يلملما
ف من البداية حابب اختم
حاجة بختو
ماشي عمّ ارشرش قمبز
يا ببغاء ملوّن معوّد على التكرار فاتح باب للدورات ناديني الاستاذ بلبل

واضح رغم شفافيتي
سألتني كيف بتكتب
قلتلا مو بإيدي

باكل حروف فالجوع ما بيهينّي
و سباق الأرانب للجزر لالا يعنيني

عم ناصر مناطق ماني ناطق بآراء
متعالي بمحتوايي كني ناطحة سحاب
بين كواخ
مو ذنبي أن كل اللي بصفي متلي كبار
مستفرد بالحصة ما في عندي بصفي متلي كبار
على الله تتعلم باخطائك
متلي اكبار.

ماني فايت لواسي
ماني هاني متواسي
ما عم وزع نصايح 
لا عم زدلك مآسي.

المزاج _ مو بإيدي _ إنتاج : غيث بدران || el mazaj _ mu b2ede _ prod by : ghaith bdran

رابط الفيديو كليب :
https://www.youtube.com/watch?v=XWVMCMbIq5Y

المزاج فيسبوك : https://www.facebook.com/profile.php?...
إنستاغرام : https://www.instagram.com/el_mazaj/

إنتاج موسيقي و إخراج غيث بدران : https://www.facebook.com/profile.php?...
انستاغرام : https://www.instagram.com/ghaith.bdra...

ميكسينغ& ماسترينغ : بلال https://www.facebook.com/bilal.derky.9

بوستر : محمد رضوان https://www.facebook.com/mhd.robben?epa=SEARCH_BOX

النص : 
تعودنا نبدل مشاعرنا الحقيقية باستفتاء
بست كتاب اهترو كتافي لبست كتاف لبطت الباب
اللي براسي فتت ع صاحب المعالي بايدي حبال
ماسك نطفة الغضب زرعت ايدي بقلبو قلت احبال
ما متنا شفنا لتعلمنا أن هالحل ب نحنا
خاسر بحربك ضد أحدنا كونو هالحلبة نحنا

بوجه الناس.. حتى الحكم خسران
ما طلبنا حكام
مدربين بالفطرة حطابين عضام
حطا بين عيونك
فلاحين بقلام
لحم كتافك بقلاوة
رضينا بالعيشة بخراها
قالو عباد فهمناها
بس عبيد تخينة
بدمك بمكيجك
جاي يوم علقك من حلقك زينة


بضب الشمس بصير بصيد
ضباع تغني تزن تبيع
العرض بطول البحر بطول
الدني بغير دنيي و دين
زحمة سفر و مواعيد
و اسماء تضيع ما تضيع
بتخربط ف بعيد التشكيل
بطفي ف بعيد التشغيل

سوسو منو و فيه
نحنا السوس يا عضام
هالصوت بيسلخ جلود
يعمل بالجلود اعلام

و تقوم الساعة بوقت وجوب الطاعة بيوت بناسا
حزب الناس اللي ياما الزفت آكل من كواعا
صمنا انضمنا و فطرنا ع بيروت تخيل
راح قتلى ع درب اوروبا لصار دربا قانا
قلب عزا كرنفالا
اقنعو يبقا عبد شعب العشرين مليون تشي غيفارا

اكتبونا ارقام ملامحنا صعب تمحى
لوما التربة خانتنا ما بتطولو منا قمحة

عم نصفصف حمير شيالة و بكرا نوزع فصة
منا ع روح الراحو
منا ع روح النعنع
لتغير ريحة
حتى ريحة نيتك وسخة

بعطيك خود بعطيك بضل بعطيك خوف طعميك
ليصير بين الحدود و حرس الحدود خوذ من ريش
رح طير خود رح شيل خوف شيل شيل صوت كالريح
ضل استاعد استاعد استاعد رح ضل مستريح

شفت الله بكل المطارح الا بهالبلاد
و الورد ال بصدور اخواتنا ما ح يسقيها جلاد
عم نحتفل باستقلالنا كتف بكتف الاحتلال
رحتي خاف رجعتي حافية ف منقاوم احتمال
نرد الشعرة اللي انقطعت
ليك الشام فيها نهرين مع هيك المي انقطعت
ف شر البلية هو الشي الوحيد ال ما بيضحك

كاس بصحة كل الصحبة ال راحو بسبب اكتئاب
قلي البلد فسحة أمل كتير مفيدة للانتحار
منتي حتى روسنا مالت لزقت بحضيضك عيب
لنتي و عمرا ما مطرقة خشب قدرت لمسمار

عجزنا الطاغي رسّمنا المربع ببيكار

بعطيك خود بعطيك بضل بعطيك خوف طعميك
ليصير بين الحدود و حرس الحدود خوذ من ريش
سوس الخل منو و فيه
نحنا السوس يا عضام
هالصوت بيسلخ جلود
يعمل بالجلود اعلام.

المزاج- تعوّدنا- إنتاج غيث بدران || mazaj- t3awwadna- prod by: ghaith bdran

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات

ما في شي احدثك عنو 
بسال كيفك؟ انا كويس ماشي الحال 
هيو في الخزانة معلق قميصك
و على ايدي رابط منك خلخال 
بحسك محال ... شو هالفال ما؟
نكبر  احلامنا تركض قدامنا 
بعدك بلشت اصدق كارما
بقلها بديش انسى، بترد ما في شي كان
هان! عشوي بفتح دكان 
براسي ضابب الك مكان
 وقفي جنان
بكرهك لما تضلي عطول بالبال
و بكره اني اكره اعطيكي هالقد اهتمام!
بس سيبك هادا كلو كلام 
ولما كل شي يقلب سيئ بضل تمام
سيبك كان النا اشياء حلوة بالماضي 
 بهاي الدنيا ولا عمرو شي دام 
و يمكن الظاهر مش زي المخبى 
قلبي ولد شقي ما عرف يتربى 
بضل برغي و اكتب بلكي يتتزبط 
عبث في بحر هواكي قلب قرصان
شعرك ذهب .. راسك خربان
فش حل الك بالزبط زي لبنان
حبك بتعب.. فكرت اني نسيان 
طلعت ملبسك السما براسي فستان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران 

بدهم يانا وحوش.. ضليت انسان 
الحب نصري المتواضع عالسجان 
حكاها وليد ابو دقة في الزنزانة 
بعد ٢٥ سنة اعتقال بسجون الاحتلال
و هيني ثابت نفس الموال 
بغنيكي بعقلي عنفس المقام 
اتضلي بعيدة و انا اضل رحال 
تسعتلاف ميل بيناتنا وانا بعدني علقان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران

Ma L2et Mkan - ما لقيت مكان

writer, rapper, singer

Facebook : https://www.facebook.com/profile.php?id=100011368405907
 YouTube :https://www.youtube.com/channel/UCpN6frc-JWl6I0rTr9WF4Tg?view_as=subscriber
Instagram : https://www.instagram.com/el_mazaj/

المزاج || تفريغ \ el_mazaj | tafreegh | إنتاج : مولانا

el_mazaj المزاج

Recent comments

n.

Ahmed Stohy

Khoder Kaka

عمار علبة

Related tracks