لا عاد تبكين قطعتي معاليقي

العيون أحلى من عيون المها | خالد الفيصل

مرحبا يا راس مالي وكنزي وذهبي | ضيدان بن قضعان

لبيه لبيه يا فيّي ومشراقي | ضيدان بن قضعان

الو لبّيه يا أغلى من ذبحني قبل عام ألفين | ضيدان بن قضعان

ألا يا حمد وش حيلة اللي فقد مغليه؟

سهوم نظرتك ما يقدم عليها شجاع | جابر النشيرا

أنا يا محمد كيف اسافر واخلي نوف / وأنا كيف أعيش بديرة ٍ ماتعيش بها
أكب السفر من شانها لو علي ظروف / ولا لي بدربٍ خطوته ما تقربها
ليا جيت اسافر عن بلدها يجيني خوف / هواجيس حبٍ فالضماير تقالبها
وأنا ساعة ٍ ماوحي بها الزين والا اشوف / أعد السنه بحساب الايام واحسبها
عشير ٍ طواني طي الأوراق بالمظروف / مراسيل حب ٍ شمع الظرف كاتبها
بعد زرفه سجل عليه البريد حروف / واخذته مراسيل السما في حقايبها
عليها نظر عيني وقلبي لها مشعوف / والاضلاع راحت في صوايد مخالبها
طويل المعنق ضامره والحشا ملهوف / لالا ردفها كان الهبايب تهب بها
معزل نحيل الوسط جسمه صدر وردوف / نسيم الهوى لاهب نوده يلين بها
تمايل بجسم ٍ ينثني كنه الغظروف / تلاعب خفيف النود وهوه يلاعبها
يتل العروق اللي تغذي صميم الجوف / بنظرة عيون ٍ سحرها في مذانبها
نظرها عليها رمش والرمش يثر خوف / تخوف قلوب أهل المحبة وترهبها
ليا صد واغظى بالنظر كن فيه صفوف / جنود ٍ لخط النار ترسل كتايبها
والا يا عيون مقرنس ٍ بالشبك مصدوف / توايق ومفتول المسابيق قاضبها
ليا هدها الصقار مضرابها معروف / على مشبك الجنحان تثبت مظاربها
يلوف الضماير بالهوى والمحبة لوف / وأنا الروح غيره ماش شي ٍ يناسبها

أنا يا محمد كيف أسافر وأخلي نوف؟ | شقير الجذع

‏مل قلبً حب خله عذابً له 
كل مايطري عليه الغضي وني

يزعج الونات حزنن على خله 
عدة شهور المراسيل ماجني

لو ذعاذيع الهبايب يروح له
كان برسل كل مخفي وماكني

وليت يومً الهبايب يمرً له 
اللي يرسل كل مخفي وماكني

ودي اعطيه التفاصيل وارسل له
يوم حبه عن هوا الغير مشغلني

‏مشغلً فكري وقلبي معه تله 
لاقطوع ولا وفيً يراسلني

من صفا لي ياشقر الراس صافً له 
وغافلً قلبي عن اللي غفا عني 

ياسمي اللي وصوفه يحالله 
مايفيد اهل الهوى ضحكة السني

كان مابه بـ ضمةً تبري العله 
وشفةً لين الشفايف يليلني 

العيون الساهره ويش يبكن له ؟
والجروح الخافيه ليش يبرني

‏عقدك اللي عاقده فالهوا حله 
لاتزيد الجرح ياصغير السني

لا تعذبني يابو قذلةً هله 
كان ظنك ياعشيري على ظني

ارسل المرسول والمبتلي قله 
وعطني اسرار المواليف واسألني

اترك المقفين والمقبل اقبل له
الهوى غصبً عن الانس والجني

لاتضر الروح منت بـ عدوً له 
ولا له اسبابً على شان تقتلني

‏ماذكر خلً قتل فالهوى خله 
وأن نفذ قتلي على يدك كفني

لفني في سمطة البرقع الهله 
وحطني بين النهيدين وادفني

في ذرا واحد و واحد تحت ظله
لين عطفك ياشقر الراس يشملني

في جبينك حطني والشعر هله
ذرني به ياحبيبي وظللني

وكمبيوتر حبنا برمجه كله 
دقني ب ارقام الادخال وادخلني

الهوى غصبً عن الانس والجنّي | شقير الجذع ❤️

وجودي على حيـن سنحنـاه ماجينـاه/اشوف المباني مير انا خطوتـي عجلـه
وجودي على شوفة لطيف الحشا وجـداه/وجود الكسير اللي مشى الكسر مع رجله
اليا جاء ينام اكسور عظمه بـدت تشظـاه/يجـر الونيـن وونتـه ماتفـرج لــه
على صاحبٍ لو قلت ابنساه كيف انساه/قضى العمر في حبه وانا صابرٍ لجلـه
عشيرٍ جرحني فالهوا جرح من يرفـاه/ابزين الوصوف وزينه اللي غطا نجلـه
على حجر عينٍ كنه البرق من منشـاه/على ساقية ندرا مـن الوسـم مندجلـه
بردها على روس النواجذ يقسـم مـاه/مطرها حقاق وسيل ماها هـذا عجلـه
تقض الحزوم وكـل وادٍ سـرا بمـلاه/يزلزل بها الرعاد والمـزن يفلـج لـه
طويل المعنق ضامر البطـن والمثنـاه/ليا شافهـا راع المحبـه طمـع بجلـه
يجر الونين وموته اللـي موجـل جـاه/يكون الله اللي كون الكـون يفـرج لـه
وانا اقول ياويل المهـاوي منـه ويـلاه/وانا منه ويلي لو هرج لي وانا اهرج لـه
ولا ياحلي اللي لو حـوا حـدن جـلاه/تقود الاوايـل والغزيـل تعـروج لـه
تقود الجوازي مع وطا الحزم مع مقراه/وترب القفور اللي غطت نبتها العجلـه
والا ياعيون امقرنسن عاليٍ مجنـاه/تنهض بعد شاف الحباري تـدارج لـه
توايق على جوٍ خـلا طايلٍ مرعـاه/ليا الخرب وادي والحباري تهـادج لـه
ولا يابا الجلابيب انا منـك فـي ماسـاه/احبك وروحي مـن سبايبـك منسجلـه
ترفق بحال اللي بليبـك وشـف بلـواه/وقلـه يجـي ولا نسـج القـدم وجلـه
ترى للوصل لمولعيـن الغـرام اهـواه/وكثر الجفا للحب يقضي علـى سجلـه
يبو لمبةٍ كنـه شعـاع القمـر حليـاه/ويبو كفٍ ابيض من بياضه زها حجلـه

أحبك وروحي من سبايبك منسجله | شقير الجذع

إن كان ما جازت لك الدنيا ندور غيرها | مدغم أبو شيبه

هيه ياللي غرك الليل واغراك النديم
هيه ياللي هزك الشوق والمسرا ضياع

وقفي بين الخطا والصراط المستقيم
والعبي بين التراحيب وكفوف الــــوداع

سولفي مثل المشاريه في صوت الحشيم
واسكتي مثل الشفايف إليا طاح القناع

واضحكي مثل النواوير في روضة خريم
واغربي مثل المزاجات في غرب الرفاع

وابعدي مثل المتاهات في حلم اليتيم
واقربي بين السوالف وكتفي والذراع

وانظري لي نظرة الشوق للشئ القديم
واغرقي بالدمع الأزرق مظاليلن وساع

واصبري مثل المسافات في صبر الحليم
واسمعي صوت الهوا يوم فليت الشراع

يوم صرتي عود ريحان ورضاي النسيم
اصبري يانجمة الصبح ماللصبح داع

قد طلبت الله وأنا بين زمزم والهشيم
شوفتك يغلا ثنيه إليا صرتي ربـــــاع

العيون تجوع لك جوع والله العظيم
والعشاء في عيونك السود وعيوني جياع

إن عطيتي مايرد الكريم إلا اللئيم
وإن بخلتي قلت تكفين والدنيا متــاع

أقبلي مثل التباشير في وجه الكريم
وارحلي مثل التعازي على موت الشجاع

واقربي بين السوالف وكتفي والذراع | ضيدان بن قضعان

مرثية في الأمير الراحل بدر بن عبدالمحسن -رحمه الله- | ضيدان بن قضعان

الهنوف اللي سرت من نجد وامست في الحوية
ضيقت صدر الرياض وسافر الطائف وجاها

وانثنى غيم الحجاز لخد نجد النرجسية
يوم جاته من زعلها كنها تقصر خطاها

زعلوها وارحلت واخلت قصور الخالدية
والحقتني شرهة الزعلان واخطاني رضاها

سافرت والله ماخبر اللي يزعلها عليه
واستباحت لله الخيرة سهر عيني وماها

ليتها يوم إستباحت دمعة العين الشقية
ماستباحت دم قلبي من خلاها في خلاها

سامح الله ظلمها وطعونها الخضر النديه
والله يسامح خناجرها ويعفو عن خطاها

عرضتني للهبايب والضماء والمهمهيه
وتركتني للزعل والشوق والكبر وغلاها

والغلا ماهو في يديها ولاهو في يديه
الغلا شي من الله واشهد ان الله عطاها

من غلاها لو توردني على حوض المنيه
كنها تسقيني الشهد المصفا من شفاها

ومن حلاها ماتوصّفها الحروف الابجديه
كيف توصف وردة يبري من العله شذاها

الورود تغار منها مزهرية مزهرية
وان تباهت عذرها معها يحق لها تباها

مايشابهها شبيه ولا يحاليها حليه
جل رب يوم صورها فرقها عن سواها

لا أقبلت هيجنت وان اقفت جذبت السامرية
واعذابي ان عطتني وجهها ولا قفاها

ان بدالي وجهها يسعد صباح اليوسفيه
وان غشتني نفحت من ليلها يسعد مساها

درة بالموت محروسة وبالبحر محمية
البحر من دونها والموت الاحمر من وراها

دونها ماغليت واسمحلي والاشداد المطيه
مرخص بالقاع عمري والثريا في سماها

لايمي يبلى بحب الحضر في عيون بدوية
في ظروف مايقارن مستواه بمستواها

الله اقوى يافقير القلب ابو نفس غنيه
مالك الا الصبر والجنه لقاها من لقاها

والهوى اللي يطرح الرجال بيدين اجنبيه
علة بالجوف لاتبرى ولا يلقى دواها

والهنوف اللي نرد الثار تاخذها الحميه
شفتها بالعين في قلبي وهي تاخذ قضاها

وشفتها تشتاق تطعني بلا ذنب وخطيه
كثر ماتشتاق لأعماقي وانا اشتاق لدفاها

كل ماعرقت بميسمها تحريت الخويه
وألحقت بالميسم بميسم كذا على عماها

عاقبتني كل يوم تلحق الكيه بكيه
واتعبتني وادركتني والحقت نفسي مداها

وإن تمادت جهزوا قبري وانا بكتب وصيه
ابكتب الله لايعاقبها ويرضى لي علاها

الاعمار تلفها الايام والدنيا مديه
والسنين تلفني والنار تحرق من وطاها

علموها تلحق الباقي مدام الشمس حيه
والتغانم مابقى مني وماتطلب فداها

لا تمادى في جفاها والرياح الموسميه
ماتقدر وقفة الاشجار وتثمن عطاها

وعلموها مابقى لي غير ادن الهاشميه
كان ترضاها علي ولا تهون من جفاها

وانصحوها لاتحمل نفسها نفس بريئه
وذكروها بالقبر لعلها والا عساها

وعلموها علموها لا تطول في الحويه
ديرة ماهي بديرتها لو اعجبها هواها

نوف

Popular tracks