‎⁨على عيد انكساري

أنا لا قلت لي شلونك

ياعين هلي دموعك سيل

أحبك كثر صقارٍ تولع في محبة طير ..

أرجوك جفّت دموعي لا تبكيني ياخي

جرب انت مره وازعل وياي

ماعرفتك والعذر اقبح من ذنوب الخطيّه
حتى شكلك صدقيني ان قلت لك .. بعضه نسيته
اذكر اعيونك حورها من الخجل زايد شويّه
بس هذا اذكره وغيره من الذكرى محيته
لابعد اذكر .. شعرك اللي يحب لعبة يديّه
سالفه شعرك لحاله لو ابشرح ماوفيته
واذكر ان فمك حضن جمرن ٍ حمر فوق ابرديّه
لابتسم لي رحت له كلي من اللهفه وجيته
واذكر ان غمازة اخدودك عذاب ومهمهيّه
وردتني لطريق اللي ابتدى يوم انتهيته
واذكر ان اطعونك اللي بالظهر كانت قويّه
ايه اعرفك بس اخاف الجرح يكبر لا طريته
انتي كنتي شي ثاني .. كنتي شي مني وفيّه
اقرب انسانه لقلبي حطمت قلبي في بيته
تذكرين .. الورد الاحمر يوم جبتي لي هديّه
قلتي : تكفا لايموت الورد لك غالي شريته
مات قلبي قبل يموت الورد وجروحه نديّه
في يديني جبت دم القلب للورد وسقيته
كنت احسب اني اضحي .. مادريت اني ضحيّه
كنت احسب ان العطى يثمر بعين اللي عطيته
راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيته
من عقب ماكان ليّه .. صار له ماهو بليّه
من خذاه !! وقلبي يسئل عنه لكن مالقيته
دايم اسمع عن خوي ٍ خان في خوة خويّه
موقف ٍ يمكن كتبته بالشعر قبل وقريته
المهم .. ماكنت احسه لين ماجتني بليّه
من يديك وحسستني وخاب كل اللي هقيته
يابدويّه مو كذا رد الجمايل يابدويّه
البداوه علمتني كيف ارد اللي خذيته
في الزمن هذا .. محال الوافي يلقى له وفيّه
الزمن هذا خذلني في محبتك وبكيته
كنت اقول : الطيّبه احسن من علوم الرديّه
كنت اقول وكنت اقول ولانفعني ماحكيته
مابقا عندي كلام ولا بقا بصدري بقيّه
من تفارقنا بصدري هالعتاب ولاشكيته
هذا كله اللي عليك .. وقولي انتي ماعليّه
بسمعك للصبح يمكن منك اسمع مابغيته
اما شكلك اعرفه عرف الموصى للوصيّه
قلت : ماعرفه .. وفي قلبي اقول:اني فديته
ايه اعرفك والعذر اقبح من ذنوب الخطيه

ما عرفتك والعذر أقبح من ذنوب الخطيّه


كان من بد البشر للعين قرّه
شوفته ياما أتشفّقها شفاقه
ومن غيابه تشتعل بالجوف حره
انكوي من نار قلبي واحتراقه
ألتمس عذر الجفا سبعين مره
هذا من باب الموده والرفاقه
وأتساءل من على الفرقا يجره
كن مابيني ولابينه صداقه
الغياب الي اخذ خيره وشره
بسبته اطلقت من روحي وثاقه
من يصد اصد عنه ما أمره
من يبي فرقاي يسعدني فراقه

سبعين مره  - فهد الكبيسي

احبك وين ماسجت عيوني بزمان الزين.. وحبك كل يوم يزيد في العين الشقاوة..‫♡‬

- كنه خلق مني.

𝙰𝚙𝚛𝚒𝚕

Recent comments

عـّون

Aml

الميموني

MeSِ

Related tracks