La Gomera Memories @ Zuco Radio Show

--------------(Simitricz)---------------

Legt zelve gi woordn in m'n moend..
Wan kwilnn echt zelf gezeid ebbn , oe dak me dr bie voelen..
T'enigste echte .. da letterlijk , ip m'n erte ligt..
Kzittn dicht bie et punt van verbetering, de omwenteling...

Mo kvoeln me zo slicht & upt ende van de tunnel brand er licht..
Mo t'ende is nog verre, vawoa dak nu gestrand zien .. 
Nog lang geen land in zicht, ier van up me schip !
Pertank's dak zeker zien, dak nie ip een zandbank vastliep..

Kruppn vanboven up de mast !
Int kroaiennest mem verrekieker en kompas..
Kzenden noodsignalen ut , doormiddel vam lyrics ,utgeschreven toet wa barz! 
M'n reddingsveste als hulpmiddel , m'n houvast..

Khoudn me vast , toet da kik me kunn vastklampen an vanolles !
Atr nu nog gin lichtje go ga branden,
Zoej beter ki peizn... ''wuk daj dr'' beter kut an doen...
Legt gi woorden in m'n moend ,want kwiln zelve zeggen ''oe dak me voelen '' !

-----------------------------(KING SKAM )---------------------------

Leg me gin woordn in de moend, dak zelf nie enn geschreven, 
Pakt et roer en gift e droai , toetdak tgevoar ier enn ontweken, 
Zodak t'heft in eign handn kunn pakkn, tschip is ier ant kanteln, 
Dus, ku me nie mi vastklampn, 

Overleven is gin optie, want dr is gin vasteland,
kzittn vast ime gedachtegang, 
Stuurboord of bakboord, de dood loert ier an elke kant, 
Me loengn gevuld met woater, en me woordn drievn boven, 
Zodak weer de moend gesnoerd kun wordn deur de verstekelingn doaboven, 

Mor ik voarn nie mi mee met de stroming van de zee, 
‘T anker is al utgesmetn, de golven pakkn me nie mee, 
Want de last is veel te zwoar vor alleen te bluvn droagn,
S.O.S, is de boodschap in de fles want ik zien vermist, 

Keme zelvn deur de storm gejoagd in e bank van mist,
Kzien nie benauwd van te leven met de plicht, vor et woare noordn te viendn,
Gif mien e kompas, zodak me nieuwe kanse viendn en ipnieuw verspilln, 
Gin compasse, ooit valt de zee wel eki stil ..!!!

------------------(JOEY JOGGING 8301 )-------------

En valt die zji stille? Ton ister etwa bie mis! 
Tis deur de flow van joe datie nu niemi ant bewegen is,
Je zegt dak suckn? Mo je zit me tracks te chekn.
Ookal doe gie da nie da kumme gin kloten rekken! 

Doe mo rappe deure kerel want je boeie is a't legen. 
Nietnt boeiends te verteln dus jat evengoed gezwegen.
Kiekn richting zji en kzien doa etwa bewegen,
Ken e boeie imen andn mo gie et em nie gekregen.

Joey jogging motherfucker ken nietnt te vrezen. 
Je boeie moeje nie zoekn dien is al afgedreven.
Dus tis tied vor ip te geven, verzopen nie gedreven,
Wilskracht is weg, gedoan met overleven!

Doe je masker vaje smoel, moekik et kom doen?
30 maskers afgetrokken keje mulle nie gevoendn.
Woa woare gie? De dag dakik aljinne stoendn.
En nu komje meje sorry mo je meug je sorry oedn!

3de oge - De woarheid

3de oge

Recent comments

Parus Major 🕊

Vanbesien Wouter

Dj Fld

West-Kop

Related tracks