قلم_حمرة

مسلسل الغُفران/  عزّة والمتنبي

الخوف
رفيق حياتك الأبدي 
أو ممكن تقول عدوك الأبدي
من إنسان الكهوف وإنت كبشري بتخاف ،كمان ما شرط تكون بشري
الخوف غريزة بتتحكم فيك
الخوف بيصير سلاح بأغلب الأوقات لحدا تاني حتى يتحكم فيك
وهو تطور مع تطورك إنت كبشري
بوقت كنت تخاف من الحيوانات المفترسة أو غضب الطبيعة
اليوم انت كمان بتخاف من الحيوانات المفترسة ولا تنسى إنه صارت أشكالها متعددة.
وكمان بتخاف من إنه تكبر وتكون وحيد
ومن إنه تكون بلا فايدة بالحياة
بتخاف من العنوسة ، بتخاف عأولادك
بتخاف إنه ما ييجيك اولاد ،وبتخاف إزا إجاك اولاد
بتخاف إنه تنشلّ ،بتخاف من العجز ، من الطفر
من إنك تحكي رأيك بأي شي ، بجوز بأبوك ، برفيقك ، بمديرك بالشغل ، بالسياسة
الخوف من الموت
وأحياناً بتخاف من اللي بعد الموت
الخوف....
انت هلأ عم بتفكر إنك انت عبارة عن كتلة من الخوف....مو أكتر .

#قلم حمرة.....الخوف

الزواج....
الراعي الرسمي للوحدة
بالأخير بتوصل لإحساس إنه حتكون أقل وِحدة بكتير في حال كنت لحالك
في حال كنت مو متزوج صعب تفهم هاي الجملة
وكمان مو كل المتزوجين رح يفهموها
أكيد في جْوازات ما بتدخل بهاد التصنيف
بس بعد عدة سنين بتقضيها بمراعاة مشاعر الآخرين
بتوصل لمرحلة بتبطل تعرف شعورك الخاص 
وقت توصل لهاي المرحلة بيكون صار الوقت إنك لازم تدور على حالك
عحياتك الشخصية
ببساطة وقت بتتعب من كونك ميت
رح تكون على استعداد 
إنك 
ترجع
 للحياة مرة تانية....

الزواج.....قلم حمرة

متاهة...
وإنت راكض ،ماشي ،واقف...
بس انت فيها للمتاهة
بتحاول ....
بتفتح باب وبتنبسط بدون ما تعرف إنه لسا قدامك عشر ابواب 
مسكرة
بتحاول...
بيسكر بوجهك باب...بتزعل
بدون ما تعرف إنه لسا قدامك عشر ابواب مفتوحة
متاهة...
هي اللي بنعيشه كل يوم
وكل يوم بتعطيك فرصة جديدة إنك تفتح ابواب جديدة
بس ولا مرة رح تعطيك الفرصة إنك تطلع منها 
طالما انت فيها....

و أنت هيك هيك جواتها للمتاهة... وأنت هيك هيك بتعرف شو آخرتها... بالنهاية كلنا رح نسقط .... بس فيك تستمتع بالرحلة... فيك تراقب، تشم، تدوق وتسمع وتحس ... 
وفيك تضل عم تعد كم باب مفتوح وكم باب مسكر ...
متل أي مشوار فيك تنبسط فيه وفيك تضل عيونك طايرة ع عداد البنزين و مخك عم يتقرش لـ سيارتك قديه عم تعمل بالتنكة ... 
ما دام طلعتو للـمشوار
 ... ليه عم تحسب !


متاهة _قلم حمرة

من أذكى الحوارات اللي صارت بهاد المسلسل وأكثرها ألما
حوار بين ورد وصِبا قبل موت صبا

من وين عم تيجي كل هالمي اللي بتروي دمعنا....قلم حمرة

الأغاني شو بتشبهنا - قلم حمرة

Classical Mood

قلم حمرة - انتي ليش مانك مهتمي؟

قلم حمرة - لية دائما عم تعمي عيونك عن الباب؟

قلم حمرة - وقتا بس بيوقف قلبك وبتطفي

كإنو امبارح كنا قاعدين مع بعض - حلقة 9 - قلم حمرة

كان فية كتير شغلات - الحلقة 30 - قلم حمرة

ابق حيث الغناء ، فالأشرار لا يغنّون

قلم حمرة - لية دائما عم تعمي عيونك عن الباب؟

3la2 Kabaha

Recent comments

مُنَى ✨🖤

Related tracks