كابوس
كلمات و أداء صوتي : علاء زينه
ـــــــــــــــــــــــــــــــــ

وكان بيغني طول الليل ف موال ..
وبيدندن وعلي الصوت وغني وقال ..
ياليل طول ..
ياريت الليل ماكان طال ..
من الأول ..
لا كان شافها ولا ضحكت ..
ولو شافها دا كان سابها ..
ولا وقفت ..
ومديتله إيدين ناعمين ..
ونادتله وقالها مين ..
ياريت فضلت عنيه نايميين ..
ولا شغلت في يوم بال ..
مدام ماشيه وهتسيبه ..
مدام القلب بعد ماكان.. 
ف لحظه حبيبه ..
وف التانيه يقول إصحي ..
دا كله خيال ..
ويحضن فيه زمن غادر ..
ويكسر فيه ومش قادر ..
يقول لأه فقال حاضر ..
وسابله مصيره يتحكم ..
ورغم إنه بيتألم .. دا كان صابر ..
وكان فاكر ..
عنيها بتبكي علشانه ..
عشان وجع الزمان هانه ..
عشان إتذل ..
أتاري عنيها كدابه ..
وبتداري ورا أحلامها ألف كابوس ..
لا هتكونله ولا ينولها ..
ومستنيه لحظه تدوس .. علي قلبه ..
وايه ذنبه يعيش الجرح .. يموت قلبه ..
ويتحول ..
تموت الدنيا في عيونه ..
عشان نفسه يعيش الحلم ويطول ..
يغنليها .. تغنيله ..
لكن قلبه ماكانش دليله ..
فضل يحلم .. 
عشق حلمه وبيصونه ..
أتاري الحلم بيخونه ..
أتاري الدنيا ضحكتله ..
وفجأه البسمه بصتله .. بتكشيره ..
جبال حيره .. وألف سؤال ..
وقالتله .. كتير غيرك ..
رسم عالشجر بألوانه ..
طلع للقمر وغناله ..
سهر في الليل ..
سمع مواويل ..
سرح في النيل ..
وشاف النجمه عالميه ..
فمد إيديه وبيجبها ..
غرق فيها .. وفضلت هيه ..
قالتله ..
كتير غيرك مواعدني ..
وبيجيلي وبيزورني ..
وبيغني يسمعني ..
وفاكر إنه هيطولني ..
وفي الأخر ماحدش طال ..

كابوس .. علاء زينه

الكمانجات .. وحش يعذبه اظفر امرأة مسّه وابتعد.

Alaa Zinah

Popular tracks