


عادى عادى كله عادى راجع بيته متاخر 
عارف انه ابوه نايم بيحلم نايم بيشخر
بس اتفاجأ لما ابوه فتحله وقاله اتفضل 
قاله بطريقه غريبه تعالى ده الاكل اتحضر
قفل عليه كده بابه رفع عليه حزامه
 عمال فى جسمه يضرب والواد بيحاول يهرب
عمال يصرخ عمال يبكى حرام عليك كفايه سبنى 
والاب بيضرب,  مش كل مره هتسكتنى
امه قامت مفزوعه تجرى وهى موجوعه 
ماهى كل يوم لازم بتسمع منهم الموسوعه 
مش عاوز حاجه منك زهقت خلاص انا منك
 وعرفت بردو انك مش حابب انى ابقى ابنك 
خلاص خسرتك و هنسى سيرتك وابقى فى ذاكرتك
 تايه فى ارض فاضيه او غرقان فى بحر حيرتك
هلف ادور اطلع فالنور اشوف قصور
 بس متجيش تقولى انا ياما شيلتك 
ارجعلى يا ابنى استنى يا ابنى يا نبض قلبى
 حرام عليك كفايه ارحمنى يا ابن بطنى 
خلاص سبيه هيشمى ويرجع وايه اللى يمنع من
انه يلف  يمين وشمال يروح ويسمع 
استنى يا ابنى يا نبض قلبى
 حرام عليك كفايه ارحمنى يا ابن بطنى 
خلاص سبيه هيشمى ويرجع وايه اللى يمنع من.
.. انه يلف شمال ويمين ويروح ويسمع 

الدنيا تمطر والسما تبرق وهو حالف انه هيخرج وعنيه بتبرق 
بدمع قلبه بجرح عقله وجعله قلبه
غلط كتير خسر كتير كره ابوه وشله .
. زرعت فى الارض بذره , بذره فى ارض خصبه من جوه
قلب العزبه , الحمل حقيقى مطلعش كذبه 
وهتعمل ايه و الدنيا معادلة ونسبه 
ماهو اصله شاء مالك الملك
يبقى جنين وتبقى بذره 
ويوم ما ولدت , النبته طلعت , الاهل فرحت , ايام تمر ,  كبر الواد والنبته كبرت 
وتعدى سنين وايام 
بتربى وتروى كمان والشجره اللى كانت بذره قويت مع الزمان
 كبر بقى انسان قادر يقول كلام 
خلاص خلص علام بيشق طريقه وسط الزحام 
وتعدى ايام وتمر منها ينفع يضر
والحزن فى قلبى الحزن فى قلبى ما بيستر
 زرعت فى الارض بذره بذره فى ارض خصبه من جوه قلب
العزبه الحمل حقيقى مطلعش كذبه
 وهتعمل ايه والدنيا معدله ونسبه ماهو اصله شاء مالك الملك يبقى جنين وتبقى بذره


الام خرجت قدام بيتها فى حته قدام بيتها 
 جريت بتكلم شجره لما ولدت زرعتها
 جريت عليها سالتها منها نازل دمعتها
هى الدنيا دى قاسيه ولا احنا اللى مش فاهمنها 
من سنين وانا بروى فيكى وبربى ضى عنيا وانتى اللى طمر فيكى 
وابنى اللى جه عليا وتعدى سنين وتكتر والقسوه فى القلب تكتر والام من كتر البكاء صارت عاميه ومش بتقدر
قعد على سجاده ربه يستنجد ربه انه يحميه انه يهديه انه يغفرله وبعد ما صلى وقام دخل عشان ينام وبيدعى من 
كل قلبه امه تجيله فى المنام امه جتله فى منامه وحشها حبه وحنانه بصتله وهى بتبكى وبتسمع منه كلامه
قالت له ارجعلى اصلي انت  واحشنى والبعد حايشنى وفى اى لحظه الموت عنك ممكن هيحوشنى , والله 
راجع يا امى تحضنى فيا وتضمى واللى منى هتطلبيه راح يصير ولو بدمى والله راجع يا امى تحضنى 
فيا وتضمى واللى منى هتطلبيه راح يسير ولو بدمى  بسرعه رجع لبيته ضحكتله بعد اما خنته
خبط على بابه فتحله ابوه شاف دمع فى عينه خلااه يتوه اوعى تصدمنى اوعى تقولى هى فين امى 
هى فين امى قالو

 امك ماتت يعنى شمس الفرحه غابت مشيت وسابت احزان تلاال فى القلب دابت 
الام ماتت يعنى شمس الفرحه غابت مشيت وسابت احزان تلاال فى القلب دابت


by : 3MR.BEH www.facebook.com/3mr.beh

download link : www.reverbnation.com/3mrbeh


3MR.BEH - جنين و بذره

Aimz Beats
MIX&Master : Tonal Studios
Facebook acc. :thegentle.beh
Film by : XAVER XYLOPHON
Video : https://youtu.be/1fmpYhyJtN0

Lyrics : 

ليه أقرب ما ليا دمع عالخد ؟
ليه الحزن ماليني و الفرح عالقد ؟
ليه مش ب يكفيني و من غير حد
بكمل و   ما بخلاش من الحسد

القلوب مش صافيه ،  و النفوس متكاده           
كل إللي قرّب مني ،  فاكر  الأذي عباده  
أبان طيب يأذيني ، يبان ضعفي يتمآدي!
وعشان  متربي زياده  مابردش  الاسائه 

تفكيري ف الماضي بيخليني أتضايق 
لكنني متحاصر أدمنته  مش قادر
شقيت إني أبطل لكن قربت أكثر 
فاستثمرت  جرحي  و بيني و بين الموت دقائق 

مُشتت  جوايا ييجي ١٠٠ موضوع 
أحاول إني احكي تسبقني الدموع 
ببان إني رايق ، كأنه مش فارق 
لكن من جوايا أنا قلبي مخلوع 

و رغم المساوئ هعافر و أكمل       
لو بزحف  طريقي هشوفني  بتأمل 
هشوفك كارهني و عادي هسلم 
هسيبك تشوفني بوصل ف تتألم 

و هفضل اغني و اغني و اقوووول      
كلام عنده قدره يغير الكون 
بأيدي و لوحدي مش مستني عون 
و ربك العادل هيوصلني ف يوم 

و  النصيحه دي ليك ، الخير مستنيك 
لو سالك فالنيه  قوم شُق الطريق 
مصير حزنك يبهت ،  و أصرارك هيخلق لك 
وسط العتمه نور هيبان لك اكيد

طول ما الجوهر اصيل قوم صبه ف سبايك 
و اختار لك صديق بس  عليك يبقي خايف
قوم أخلق الفرصه،  أحزانك ارفصها
 جبرك قدر صبرك  لو حلمك كبير 

ف ياللي بتبكي وحدك ، ماتبكيش.   
هوِن علي نفسك ،  دنيا ماتساويش 
دمعك اغلي من الحزن ، امسح دمعك و عيش 
 ألايام قدامنا ، و الاحزان مابتنتهيش

3MR.BEH_7ALA-عمرو بيه - حاله

جنين و بذره 1 :
 https://soundcloud.com/3mrbeh/3mr-beh-gnen-we-bzra-mp3


الكلمات

يا اللي انتي حبك ذنب , اندم لو معملتوش 
تلقاكي عنيا , عليا يحلفوا ما يرمشوش 

يا اعيش حرامي ورد , او اكون جنايني فبستانك
مش شرط اكون امير , يكفي اني اكون قدامك 

نفسي اقول للشعب , نفسي اخلف شعب منها ده منها بقي بيغير الشعر 

----------------------

من بعد قصه حب دامت كام سنه , بقت حلاله
جمعهم بيت من بعد صبر طويل , بس و ماله

صبره و ناله خير , حلال الله جميل
قله المال بتخنق في وجود مولود جديد 

 --------
هو : سامحيني يا حته مني 
هي : اوعي تقول لي هتبعد 
هو : و الله غصب عني , علشان بنتي و بنتك 

كلها سنتين و هرجع و نرجع تاني نرجع
كل زكري حلوه عدت تتكرر و نبدع

-----
بس تطول المده و في غيابه باطله الماده
يفيد بايه القرش و هي علي غيابه مش قادره


-----------------------------


Don't let us die بلاش تموتنا 
Look in my eyes بص في عيوني 
All I can see  كل اللي انا شايفاه 
Is you here with me  هو انك جنبي 
It's like I'm trembling inside زي ما اكون برتجف جوايا 
And I cannot hide و مش عارفه استخبي 
What I believe ده اللي انا مؤمنه بي
And all this time I didn't see كل ده مش شايفه 
Baby, bring us back to life رجعنا نعيش تاني 

-------------------------------

في الكام سنه اللي عدو , صانت له بيته في غيبته 
و هو خان العهد و حب واحده أد بنته 

لأ , و قال ايه !! بتتشرط , عاوزني طب طلقها
هيرجع بلده يقول لمراته و ربنا يصبرها

من بعد طول غياب , شاف بنته ادام عينه ,ما شاء الله كبرت , مش قلقان عليه
بييجي دور مراته , بيبلغها بقراره , قرار غريب و رد اغرب , بوظله افكاره

------

هي : موافقه بس بشروط 

1- كل يوم تشلني لمده شهر كامل
2- و تبوسني ادام بنتي 

هو : اه يابنت المجنونه , لسي زي ما انتي 

بنتهم لما شافتهم , اخدها في حضنه و قال 
ما تبكيش كفايه !! هفضل جنبك خلاص
في نصف الشهر فاق رجع عن قرار الطلاق

-----

اشتري من الورد بوكيه , و هديه انما ايه 
هيفتح صفحه جديده , تفتكروا هيجري ايه 

بيروح بيته ينادي عليها بس ما بتردش بيلاقي ورقه مكتوب عليها  

اسفه , ما قصدتش اخبي مرضي عليك و مادام بتقرا عنيك سطوري 
 يبقي انا ميته و ما تنسوش تزوروني

----------------------------------------

العلاقه بين جنين و بذره 1 & 2 هي اني الطفل اللي في الجزء الاول اللي امه ماتت  بسبب انه عرف قيمتها متأخر , كبر و اتجوز و حصل زي ما حضارتكم ما سمعتوا  كرر الغلطه تاني 

-----------------------------------------


www.facebook.com/3mr.beh

www.reverbnation.com/3mrbeh

RECORDED BY : TONAL STUDIO (DR.RAAFAT MOURICE)

poster Dez by : PoLo 

3mr.Beh_Ganen W Bzra 2 نفس المشهد

اغنيه بعنوان كوكب بياخد فيها من احمد الشبكشي 
لينك الكليب : https://www.youtube.com/watch?v=OdzfyTLyInk&list=UU3EeLcfpUSX-lGkXISavSTQ

احمد الشبكشي | كوكب بياخد فيها | Ahmed Elshobokshy

--- youtube :- http://youtu.be/K-754iLnVVI
--- Facebook Profile :- https://www.facebook.com/ter.vex
--- ASK :- ask.fm/modimuisc
- Written by: MR Sniper
- Master and mix by: MR Sniper
- Home Studio " [MR Sniper]© 2015

Mr Sniper " Ter vex " - 3omrk | عمرك

شوف فيديو التراك الجديد على يوتيوب : https://youtu.be/MYQHCevcIDU
Singer : Tika El-khouly 
Rapper : E. Evil 
Beat. By : RaKan

Rab El Osra Mol7ed

Hip Hop Afandy - Rab El Osra Mol7ed | رب الأسرة ملحد   ( Prod. By Rakan )

كماله عدد


Beat By : Free beat

Rec. By : Tonal Studios 2016

3mr.Beh Page : www.facebook.com/3mr.beh

: انضموا لقناة عمرو بيه الرسمية على يوتيوب واستمعوا إلى أحدث أعماله
s.yala.fm/1HsE5Ix

Subscribe : s.yala.fm/1HsE5Ix
Facebook : s.yala.fm/1C5A10G

lyrics :

بكِت ...... اول ما جه جنبيها
بعد رعشه خوف سبقتها تنهيده 
استغرب رد الفعل ده حتي مامدش ايده
وقف و من بعيد طبطب عليها بأيده
هو : إهدي ماتخافيش انا عمري فيوم ما أذيكي
احكيلي ماتخافيش مش يمكن اقدر افيدك
هي : انت ابن ناس وسيم ، مُلِم كمان بالدين 
شغلانتك حلوه جدآ تملي عين التخين 
بس انا قلبي مع غيرك فالغربه من سنين 
سافر يكون نفسه ، الله يعينه حزين 
مالقاش ياكل في بلده ، طلع يدور بره 
قطعت اخباره و لولا زن اهلي بيك انا ما ارضي 
عرفت اني انا مش خايفه 
عرفت اني انا مش شايفه غيره في حضني 
و انت في حضني انا مش هبقي عارفه
هو : ده كلام يتقال دلوقتي 
مش شايفه انه متأخر 
لو اعرف قبل ما اكتب و الله ما كنت اتأخر
ثواني من الصمت
هو بينه و بين نفسه : معقوله اكون حصدت 
ثمن اني اشتري السعاده بقرش في جيبي الحزن فرط
دمع و افتكرها اللي بيتناسي مرارها 
اصلي صاحبنا له حبيبه اتغرب و هجرها
قصصنا اكيد مختلفه لكن حكايتنا واحده
بندور علي الأنسب مش علي اللي هيريحنا 
فأكيد طبعآ بنخسر ، سككنا مش بتقصر 
بالعكس طريقنا للسعاده بيطول ده لو هنوصل
بعد وصلة صمت و بكاء من الطرفين 
استغرقت دقيقه لكن مرت سنتين 
استغربت من دمعه سألته
هي : بتبكي ليه ؟ 
هو : نفسك تعرفي ؟ 
هي : اكيد !!
هو : انا هحكيلك ليه ، كان ليا حبيبه قبلك
قلت لها هفضل جانبك 
مش ناسي لمعة عينها لما قلت هقابل اهلك 
ولا ناسي الترحيب بيا من بعيد 
من اهلها و جيرانها كأنها ليله عيد 
وافقوا بس بشرطين
الأهل : تنجوزوا في سنتين 
و الشقه في منطقه راقيه 
هاديه و تملي العين
هو : و انا مخلوق بأيدين يمكن شافوا اخطبوط 
بس انا ما فرقش معايا 
ما يا إما هي يا اموت
الشقي بألوانه دقته علشانها طفحت الكوته 
مانمتش ٦ شهور و ماجبتش ثمن الأوضه
فالغُربه كانت طريقي و الترحال بقي صديقي
حرمت نفسي ياما عشان اسمع كلمة حبيبي
قصصنا اكيد مختلفه لكن حكايتنا واحده
بندور علي الأنسب مش علي اللي هيريحنا 
فأكيد طبعآ بنخسر ، سككنا مش بتقصر 
بالعكس طريقنا للسعاده بيطول ده لو هنوصل
١٢ شهر غربه اشتقت ليوم رجوعنا 
و قدرت انفذ غرضي قبل انتهاء المهله 
لكن تأتي الرياح بما لا تشتهي السفن 
عملت حادثه فقدت الوعي و اتقطعت السبل 
للوصال ، لأ و بكل الحياه 
٢١٠ يوم انا بين ايدين الله
كنت بدون هويه محدش يعرف لي ديه 
قطعت اخباري تمامآ و اهلي قلقوا عليا
لكن مش ديا الصدمه ، الصدمه لسي جايه
فُقت بكلم حبيبتي و مش بترد عليا 
سألت قالوا قابل دي اتجوزت و حامل 
اتمنيت اني اموت او حتي افوق مش فاكر
دلوقتي انا اتأكدت سفري كان فكره سوده
ظلمتني و ظلمتك و يمكن هي مظلومه
فيارتني كنت صبرت ما أكيد الصبر جميل 
ما نتيجة استعجالنا كنتي انتي البديل

D/Raafat Mourice 01200600153

3mr.beh_kmalet 3adad - عمرو بيه - كماله عدد

3ly El Sha3eR ○ Hya Meen • على الشاعر ○ هى مين

دعم الراب المصرى
يلا follow علشان يوصلك كل جديد <3

El Joker - Sokan El leel l الجوكر - سكان الليل

If You Like MY Tracks please follow me on official account..
https://www.facebook.com/I.Am.Elfanan
............................................................................................................
انسان و عايش ..جوه منه قلب بايش
ما هو وسط العيله مكنش حاجه كان مجرد هامش
مجرد اله مصنعه لتحقيق اهداف
موجود في وسط اوضه ضلمه نور عمره ما شاف
بس خاف من الظهور في وسط الناس
ما هو متعود عالإهانه و انه يبقي مداس
أب و أم يتحكموا في حياته ..غلط يتهان
و لو اتكلم حب يعبر يجبر يسكت يبقي جبان
..................................................................................................
record by : Elfanan
beat : free beat
Write & Singer : Elfanan

El Fanan - Hoknet Nsyaan || حقنت نسيان

فرصة تانية - الجوكر

THE SOUND OF YOUR PAIN


عمرو عثمان احمد عزت 

من مواليد الصعيد تحديدا من اسيوط قريه (ساحل سليم) و اللي كان ليها تأثير في تكوين شخصيته الفنيه المتأثره بتراث الصعيد الخصب 

عمرو من مواليد 1-7-1991 بدأ بالقراءه منذ نعومه اظافره و لم يكن علي خاطره يوما ان يكتب سطرا واحدا و انما كان يستمتع بالقراءه في مختلف المجالات الا ان شاء الله ان تاتي الرياح بما لا تشتهي السفن بحيث يفقد عمرو اكثر الناس المقربين لقلبه فينشطر و يبدأ بالتعبير عن حزنه الشارد بقلمه الصغير و قلبه الوافي و كان ذلك تحديدا في 2004 و مع التطور و الانفتاح الي العالم الغربي بدأ عمرو بالاستماع لموسيقي الراب و التي كانت تميل لها اذان المبدع الصغير و مع الوقت و ظهور بعض العرب و المصريين ( في الشمال تحديدا ) المؤديين لهذا النوع من الغناء تأثر عمرو بذلك و زادت شهوته لأن يصل جراحه المتتاليه في صوره الراب و ذلك كان تحديدا في 2008 

بدأ عمرو بكتابه الراب و لكنه كان رافضا تماما ان يقوم بتسجيل خواطره الحزينه حتي ان يقتنع تماما بما يقدمه من فن و ان يكون علي القدر الكافي من الكفاءه التي تؤهله لأن يجعل من يسمعه اسيرا لجراحه و احزانه و بالفعل كانت البدايه ب اغنيه (جنين و بذره ) و التي كانت انطلاقه لبحر من الاغاني التنمويه الهادفه و التي تصب في كأس الحزن و توالت الاغاني و النجاحات الي يومنا هذا


الهدف الاول للغناء هو الاعتراف بالاشياء التي لم يستطع ان يتكلم عنها او يصارح بها الغير و لكن في الصوره االغير مباشره اي انه يجعلك تشعر بحزنه لكن بدون معرفه السبب وراء حزنه 

اللون الذي تميز فيه عمرو (الحزن التنموي) له الفضل في ان يكون مميز في المجال وسط الامواج العاليه من الجموع التي اصبحت ترتدي قناع الراب للتعبير عن ما بداخلهم مع تجاهل مستواهم في الكتابه و الغناء 



3MR.BEH - جنين و بذره

3MR.BEH

Recent comments

..

Ahmoody

Ahmed

Abdelrahman Ayman 14

Related tracks