اووعك

أحمد حلمى-ما هو الحب-اكس لارج

مشهد أمن الدوله من فيلم صرخه نمله..تعيش نمله تاكل سكر

انا قولت الحق في بلدنا قالولي احا انت كداب 
و قافلو عليا في بلدنا يا احا يجيي ميت باب وباب 
قالولي انتا حر امشي ومر قولتلهم احا دا السجن متر في متر 
من هنا احا ومن هنا احا حطوني في سجن ليه بوابه ومفتاحها في ايد مأمور اقل كلمة عنده طلعت هي احا وطلعت مش انا بس اللي بقول احا دا كل الشعب بيقول احا 
بس انا ال قولت احا والناس قاعده في مطرحها ولما جوم يقاعدوني جنبهم قولتلهم احا 
احا علي النظام واحا علي العظام ال هو مش عظام احا علي الجلاء 
و احا علي الغلاء واللي من بعده الغباء 
احا علي الحكومة .واحا علي البهوات ال فاكرين انهم خلاص هيمسكونا 
احا وبسجل اعتراضي . احا واقولها ادام البيه ادام الباشا ادام القاضي 
قول احا لو كنت فاضي قول احا ان كنت عامل ان كنت قاضي قول احا في وقت جازت فيه مقولتك 
. احا ممكن تحرر بيها اهلك وعلتك. 
لأ يعني احا. اعترض أساسها احا .
عياط العيل علي سريره في عز ليله يعني احا 
احا علي العوالم ال عاملين هوانم وكل هانم وهانم يتقلها يجي الف احا 
احا علي الصفار اللي كان في الاصل خضار 
و احا علي الدمار اللي كان اصلا عمار 
و احا علي الشباب اللي شعروا ابيض و شاب من غير ما يقول احا 
بعد مجهوده الطويل شد حيله وقال أمين.
قالولوا . أمين مين يا احا لسه ادامك اكياس هم ولازم تفتحها
احا علي الاثار اللي بتسافر وطار وادينا بنقول احا يمكن حد يسمعها.
احتين وشخره وسب دين
فرحاانه على ايه يا بلدى دى خيبتك عالضفتين ضفه "فلس" والتاانيه "طين" 
واتجمعن الضفتين تبقى على راى المثل خخخخ " فلسطين "
ياللي هويت الاححه اح اح وقول احيه ما جمال مسك الرئاسه 
اوعاك تقولي ليه ...ما حسني يبقي ابوه احا انت ماتعرفش ولا ايه .﻿

نجيب سرور .. A7A ...قصيدة احا .

- طب مفيش حاجة هترخص ؟
- حاجات كتير هترخص و هتبقي بسعر التراب,
انا و انت و الأستاذ و حضراتكم اجمعين
وسع يا سيدي, وسع يا أخويا, عن اذنك يا مدام,
يا مدام ما بيقفوش بالعرض كده في الأتوبيس وخصوصاً الستات,
الوقوف يا مدام لازم يبقى بالورب
يا سلام عجبتكم الهيافه اوى, - اه - ولو في حاجة جد يبقي بوزكم شبرين, جتكم البلا فيكم وفأشكالكم
يا بتوع معلش يابتوع مسيرها تفرج
دي أزايز القازوزة واقفة مترصصة فى صناديقها ومستريحة عنكم, ولو حد ضغط عليها تفرقع...
يا جُبنا يا اللي صوتكم ما يعلاش إلا في الفارغة,
خليكم فى اللي انتم فيه
ربوا العيال, وروقوا نفسكم ليلة الخميس, ويوم الجمعة اتوضوا وروحوا صلوا, وكفايه عليكم دعا ورا الإمام
جاتكم ستين نيله

وحيد حامد
شريف عرفة

(source: youtube)

عبدالعظيم عبدالحق ـ عادل إمام .. مفيش حاجة هترخص؟! ـ الإرهاب والكباب

بعدت ولادتي في الزمن تلاتين سنه
صَبَحِت تاريخ زي السيوف و السقايين
زي الشراكسه و الشموع و السلطنه
زي الخيول ضاعت سنيني ف السنين

القاهرة و الألف مدنه شمعدان
آدم عريس ف بولاق و حوا في الحريم
القاهرة و الناس في كهف الليل ديدان
آدم و حوا بيقروا توفيق الحكيم

غنّالها "بَشْرَفْ كُرد "غنّت له " عَجَم " 
ردّيت أنا من فوق بجواب الجواب 
و خرجت كالعنقود من كرم العدم 
قطرة حياه محلوبه من ضرع السحاب 

أدم و حوا شقّطونى فى الهوا 
زى المخده الريش و لعبوا فى السرير 
صرخت ضموا الصرخه بالحضنين سوا 
و نعست نمت سعيد فى المهد الحرير 

جدّى رفع يدّى بطرطوفة البنان 
ضحكت شواربه و كرمشت أركان عينيه 
مولود ذكر ينشال على كفوف الحنان 
محروس من الله و الملايكة حواليه 

يا هلترى الطفل اللى نايم يبتسم 
من خلف جدران فى العدد تلاتين سنه 
هو الحزين ... هو البدين الملتحم 
هو أنا يا رب ؟ و لا مش أنا؟؟

صلاح جاهين ميلاد

مشهد رائع يحكي حال مصر في 5 دقايق

" اللي ع البر عوام يا قصبي , وازاي عقلك يفهمني يا قصبي ؟
= ومن امتى الصحبة بالعقل يا سيدي ؟ أنا معاك بقلبي.
- ومين يضمن القلب يا قصبي ؟ القلب قلاب .. والاختيار صعب ، واللي ما شافش غير الدلع فتـاي . طول ما ابن آدم ما اتعصرش واتبهدل ، تلاقي لسانه حر ومدلدل ! خليك في حالك وسيبني في حالي يا قصبي.
= حالي .. لا ما تكسرشي بخاطري ، خليني معاك اتعلم وهسكت.
- كداااب يا ابن آدم كداب , زاهد طول ما انت مش مالك في جيبك قرش , وتبقى أحسن واحد في الزهد يتكلم , والفقر ستر , في جيبك ألف تصرخ تخاف م الخلق وتحرص , ألفين تتجنن , فما بالك شنطة فيها ملايين , بلالين العقل بتفرقع... بتفرقع... بتفرقع! "

ونوس-القلب قلاب

امتي الزمان يسمح يا جميل واقعد معاك علي شط النيل
 يا تري يا هل تري مين هو الجميل ده اللي قاعد تغنيله ف نص الليل ؟ - 
عاوزة تعرفي مين هو يا ثنية .. شبابي ، شبابي اللي ضاع مني من غير م احس 
 شباب ايه يا اخويا اللي راح منك ؟ مالك ؟ م انتا زي الفل اهو وف عز شبابك -
انا .. خلاص انتهيت كبرت واللي كان كان 
 كلام ايه الجديد ده اللي بسمعه منك ؟ - 
النهاردة الصبح شوفت عطية واقف ف وسط الجنينة مع الانفار لقيته مليان شباب وحيوية ، بصيت لنفسي لقيتني كبرت وشِخت زي شجر الجنينة 
 م اهو انتا اللي م بتاخدش بالك من نفسك ياما قولتلك 100 مرة تأجرلك نفر ياخد باله م الزراعة وانتا تقعد وتستريح .. ملدّش عليك
يعني انا كنت .. لقيت وقولت لأ .. هو بس لو كان عطية يرضي 
 يوه .. م تتكلم معاه ف الموضوع ده - 
م انا اتكلمت معاه قالي لأ محبش اقعد هنا ف الفلاحين 
 مالها الفلاحين ! هو فيه احلي من عيشة الفلاحين غيرش هو اللي مغفل - 
م انا قولتهاله ف وشه ولا اتكسفتش قولتله يا عطية يابني انتا مغفل .. وبرضه موافقش
 لو كان ربنا يهديه ويقعد يخطب البت خوخة - 
احنا ف ايه ولا ايه يا ست هانم انتي ؟ 
 م اهو لو اتجوز خوخة غصب عن عينيه هيقعد هنا اهو ويسلّيك -
لا .. انا عاوزه يقعد هنا باختياره محدش يغصب عليه ، م اهو البني آدم مننا اعمي تبقي الجنة قدام عينيه ومش شايفها .. يا جميل انتا يا حلو

مشهد من فيلم خرج ولم يعد - محمد خان

مداح القمر - مصطفي رزق - الخواجه عبدالقادر

الشر هو الورم الخبيث يبدأ بمللي. يتوسع يتوسع يتوسع من غير ما تحس تبقى له السيطره. يبقى الانحراف متعة والشر مزاج والسرقة كيف والسلطة إدمان. بديت مظلوم أصبحت ظالم

الشر - أحمد زكى - معالى الوزير

بسافر بسافر... بهاجر بهاجر .....إمتى حاتلقى المحطة وترسى يا حاير؟.... مر السؤال على مالوش عالسكة اخر... من مصغرى لمكبرى مسافر بأغوى مشاوير الهوى والدنيا... والقطر واخدك فين؟؟.. القطر واخدنى بلا محطة.. واه يا ابا اه يا ابا يابا عليا... لا دار ولا مرسى ولا صبية.. وادينى ماشى فى رحلة الشقا والرزق والترحال كأنى سؤال.. يا هل ترى يا مطرحى الجديد يد القدر بتخبى إيه من بعيد؟؟..كما طفل وأنت العيد بأحن إليك ...قولى وطمنى ...حلاقى رزقى ولقمتى الهنية ولا ..نهايتى فيك


مسافر - من فيلم الزمار كلمات عبدالرحيم منصور واداء رائع لنور الشريف

مسلسل ونوس تجسد الشيطان في صورة ولي من أولياء الله الصالحين

أما يما شفت حلم، غريب يخوف

حلم بهية - مقصوص من المسرحية الإذاعية الأصلية " ياسين وبهية " لنجيب سرور

ليست السعادة كائناً مادياً....ليست لذةً حيوانيه....ليست شهوةً بهيميه....
ليست السعاده في  جمال النساء....ولا الملابس البراقه....

أي والله ده كلام حلو 

إوصفلهم طريق السعاده - نجيب الريحاني

عبدالرحمن الأبنودى- أذكروني لما تصطادني الأيادي-

فرضنا يعني إن امبارح كان السبت -
يبقى النهارده إيه؟

يبقى النهارده السبت بردو يا دكتور -
ده رأي أنا
ثم ده الرأي العلمي حتى .. الأصل ف الزمن مش إنه مقياس للتغير
طول مافيش تغيير مافيش في زمن
تقدر حضرتك تقولي إيه اللي اتغير ف الدنيا من امبارح لغاية النهارده؟

على الأقل إنت .. امبارح كنت عاقل النهارده .. محدش يفهم -

عظيم .. يبقى زمني أنا اللي اتغير .. لكن زمن الناس كلها ماتغيرش .. يبقى النهارده السبت بردو -

امبارح كان السبت -
والنهارده السبت
وبكرة السبت
أومال الحد يجي امتى ؟

قلتلي الحد يجي امتى يا دكتور -
الحد يجي لما نحس إن النهارده اختلف عن امبارح
لما نحس إن الدنيا اتقدمت بينا خطوة
لما نحس إن عدالة النهارده أكتر من عدالة امبارح
لما نحس إن ظلم النهارده أقل بكتير من ظلم امبارح
لما نحس إن إحنا لاقيين مكان في أوتوبيس
لما نلاقي سجارة وفرخة من غير صابون
لما ما نقبضشي على بياع البطيخ ونسيب بياع البلد
لما نحاكم الوزير وهو لسه وزير
لما نحس إن إحنا اتقدمنا خطوة .. أو اترقينا سنتي
يجي الحد يا دكتور !!

عبدالعظيم عبدالحق ـ عادل إمام .. مفيش حاجة هترخص؟! ـ الإرهاب والكباب

ْJكَمَا

Recent comments

Eslam Fares

Related tracks