فؤاد حداد:   خليك فاكر مصر جميلة كان على راسها ولفت راسي شمس العصر مع البلاصي إخلاصها يزود إخلاصي مصر جميلة كل الزرع حافظلي منابي كل الأرض بساط لجنابي عقد الحلو خرز عنابي مصر جميلة شفت الحلو عطف ولاغاني من بحر المواويل والاغاني ولاحدش من باله لغاني مصر جميلة صنايعي دقي ودقيقي عال منخول منقي يا مغربلين ربعي ربيعي والاعتدال طبيب طبيعي يا عطارين أصيل ومحدث تحت الهلال وبياضه مخلص يا نحاسين لما التجارب رمت السؤال تجديدي جاوب يا منجدين من غير تجاري ومن غير دلال بايع وشاري يا دلالين داخل حارتكم بماء زلال عيني اشترتكم يا سقايين وكتافي شالت لاجل العيال تاني وتالت يا عتالين وكان حنيني ولا يزال سقف يداريني يا بنايين والف واحوِد والليل جبال يفنيها مِروِد يا كحالين  خليك فاكر مصر جميلة

يسري فودة .... خلصت فيك كل الكلام

لكل المتورطين فـ حب مصر ...
و ف دم اصحابهم...اللى سدّ عليهم السكّة لورا..
و للعسكر اللى سادّينها لقدّام..
و لضحايا آخر مجزرة.. و اللى بعدها..
وإلى سرب الشهداء القابل لزيادة العدد..
ولمجهولي الأسماء.. والأنبيا الجدد..
للمفطومين ع السخرية والصعب..
واللى حالفين يعدلوا وش الزمن..

أشعار  
وائل فتحي
أحمد عبد الحي
مصطفى ابراهيم

يسقط كل من خان عسكر فلول اخوان

من وحى الانبياء الجدد

شعر وإلقاء | منى رؤوف 
شهرين يا حب
الشمس تدخل بيتي ما تدفيش
والضي يكسر عيني يعميني
ألقاني واقفة وحيدة وسط الريح
تقلع جذوري الشهقة ترميني
تدميني حاجتي لـ لمسة من إيده
مطرودة روحي من إطار جسمي
هايمة ف براح الشقة والملكوت
معطوبة قشرة قلبي بالوحدة 
تشبه لقشر اليوسفي لما يبوظ 
كف الرضيع لو لمسه بس هيتعصر 
تعصرني كلمة "إنتي وحشاني"
تتلِف ضلوعي الرغبة لما تثور 
تخلع عيوني الدمعة لما تفور
تكويني بالصهد اللي يفضحني 
وتفرفت الكلمات على لساني

منى رؤوف _ الغربة (بوح شفايف ميتة)

دخلة ابريل
الشتا بيعافر في الصيف
والصيف بيعافر في الخلق
والخلق بتغرق في الزيف
والكلمة بتخنق في الحلق
وشوية تمطر على غفلة
وشوية عواصف وتراب
وشوية الحر بيتمكن
كروان بيخانق في غراب
وشوية نمل اللي قريب
وشوية نحب الأغراب
وتملي بحن
وبفتكرِك
وبروح على صورتِك
بالعافية
( الجو عيا )
على رأي أمي
باين من صوتي اني بعافية
دور برد شديد
المرادي
مانفعش معاه
مشاريب دافية
على فكرة أنا لسه عبيط جدا
وبحب أتفلسف ع البرد
ومصدق انه بيغسلنا
وبيغري الساكت بالسرد
وبيسحب من خنقة روحنا
فبتظهر خنقة على الصوت
لولا بس مضاد بينيمني
كان ممكن أقول لِك مبسوط
انشاله تكوني أحسن مني
يا شبيهة الشاي المظبوط
وحشتني عيونِك بزيادة
يا اللي انتي عيونِك كات ليا
فتشت خيوط السجادة 
 مالقتش مُسكِن غير هيَ
كان نفسي أحكيلِك كالعادة
وأوان الحكي
خلاص عَدى
أه صحيح بخصوص نتيجتي
شلت مادة
وسبت مادة



دور برد شديد

بكيت في الأول بكيت في الثاني

بكيت مسحت دموعي

بامسح دموعي بكيت

املوا علينا البيت

املوا علينا المخيم

املوا علينا الظلام

أنا القتيل المتيم

املوا علينا الشجن

أنا قتيل اتسجن

قتيل في يوم الفطام

املوا علينا الهوا

املوا علينا عنينا

نزفنا دم النور

نزفنا في حبكم

دم الخيال 
خلينا كل البلاد و الشهور

بلد وشهر حرام

قليل ما قلنا يا ريت

بكيت مسحت دموعي

بامسح دموعي بكيت

املوا علينا البيت

املوا علينا الطريق

مبلول كأنه طري

غنيت لقطر الندى

من كتر ما غنيت

شقت جفون اللي نام

رمت صبية و غلام

املوا علينا الصرخة

املوا علينا الكلام

املوا علينا الفرحة

قليلة يوم الانتقام

قليل ما قلنا يا ريت

بكيت مسحت دموعي

بامسح دموعي بكيت

املوا علينا البيت
فؤاد حداد

بكيت في الأول بكيت في الثاني - فؤاد حداد

Proverbs Choir - Choral el Amthal
El She2 en Zad 3an 7addo
by The Choir Project, December 2010
a result of a group writing & composition workshop directed by Salam Yousry

To view the choir's work: www.youtube.com/thechoirprojectegypt

Choral el Amthal - The Choir Project كورال الأمثال - مشروع كورال

اسكيندريلا   خليك فاكر مصر جميله

قصائد قصيرة شعر وإلقاء أمين حداد - موسيقى وعزف حازم شاهين
من أمسية شعرية بساقية الصاوي يوم 7 جيسمبر 2018

(♫♫♪)
الدنيا ماشية بموتور واللعب بنزينها
والحب لو يختفى حتميل موازينها
والحب لعبة وأمل وحياة بحق وحقيق
ما تيجى نبنى الحياة اللى احنا عايزينها.
(♫♫♪)

زىّ ما قلبك زايد دقّة
زىّ الفول بالزيت والدَقّة
زىّ العيش اللى بيتبقّى
ويبقى زبالة رمتها بيوت
فيه أحلام بتموت.
(♫♫♪)

عمر التاريخ ما اختلف
ولا شعب صابه التلف
ولا ديكتاتور اعترف
بخطأه .. 
إلا وفات الأوان
ولا ربيع أوفى 
بوعده إلا وكان
فصل الشتا استوفى
لو قلت كان ياما كان
تعرف تقول .. سَوْفَ.
 (♫♫♪)

البحر .. مش مهتم باللى بيجرى
ولسّه زرقته مالياه
وبيرمى موجه وهواه
على بنت نايمة بتقرا
أبسط معانى الحياة
(♫♫♪)
أنا لازم اصحى أروح شغلى
غيرت ريقى بشاى وحليب
و نزلت أجرى بجزمة كاوتش
نسيت قصايد غنيتها
	ليلة امبارح
	والاّ مانسيتش
أنا أصلى شاعر و مهندس
	فى دماغى سويتش
لتحت .. أقعد على مكتب
لفوق .. أغنّى و أدندن
لتحت .. تلاقينى مؤدب
لفوق .. أبرق و اتجنّن
و احط إيدى فى عبّى واجيب
شعر البارودى فى سرنديب
وسلسلة كان فيها صليب
	تحت بلوزة
وعسكرى لابس خوذة
	يلعب تحطيب
و اروح مع شوية مجاذيب
فى حوش قدم يشربوا جوزة
	فى الجلوكوزة
ويغنوا مصر بشوق و نحيب
و الشمس على شط العجمى
	مش عايزة تغيب
	عمّالة تزنّ
	أفرد كفّى
تنام عليه لحد ما تطفى
و ارجع لكم أبكى و أئنّ
على كومبيوتر آى بى إم
كل الجروح تفتح وتلمّ
و انا لازم اصحى أروح شغلى
غيرت ريقى بشاى سادة
كان المنبه صوته كئيب
	زى العادة
	و الديك يدّن
بشكل متطور جداً
	أو متخلّف
أنا أصلى أصبحت مخرّف
باكتب برامج و بألِّف
و انا لازم اصحى أروح شغلى


(♫♫♪)

يابنى انت عايش جوّة دولة نَفْسك
صوتك بيخبط فى الحيطان ويعود
ندهت ياما وانقطع نَفَسَك
يابنى انت عايش .. بس مش موجود.

قصائد قصيرة - أمين حداد - حازم شاهين

اسكندريلا - أغنية لشهداء محمد محمود.mp3

صاحبى يا غريب فى الزمن

نجيب سرور - وصية شهدى

و عايزني أكسبها للعبقرى أحمد زكى و محمود المليجي

اسكيندريلا خليك فاكر مصر جميله

يعقوب

Recent comments

بيرم أفندي

Ahmed Mansour

Mohamed Khaled 93

EsRaa Ȝnany

Related tracks