Egyptian Project - Soufi

يحكى أن - فرقة إسكندريلا - ثورات تونس ليبيا سوريا مصر

ظَبَطتني بَتجسّس على عنيها..
فدارت وشها بدون ابتسامه
فابتسمت 
لإنها
ظبطتني بتجسس على عنيها !

وكان القطر ابطأ من سحابه بتجري على خد القمر

والبياعين.. نادوا
ولموا المنتجات..
والكمسري ما طَرَفِتش عينه وهوَّ بيشوف التذاكر..
كل شيء عادي..
وأبرد من حجر!

زي النقاب.. كانت كمامتِك:
حاجْبه حُسن الوش..
كاشفه عيون
كما نجوم الليالي لشخص عاشق للسهر...

...نسرح في ليل القاهرة
وبرد الشوارع - لما إيدي تكون ف إيدك -
يبقى أدفى من دموع الشمس على كتف الشجر..
ماشيين
ومش خايفين عيون الناس
بنحسب عمرنا على كل خطوات رجلنا
بنبص في الڤتارين..
وبنعدي الطريق زي البجع
من غير ما نِدّي لأي عربيه وكلاكساتها اهتمام..
وتضيع ريحتنا ف الزحام
ف السينما
ف المترو
ف ورق المكتبات..
أخطف من العالم بجُرأه.. بوسه هاديه من شفايفك
أنتصر
أخسر
وما احسبهاش..
واقول لعنيكي: يا كل اللي ماتوا ف عينها.. أنا بس اللي منكم عاش..
نتوه في موالد الصالحين
نزور القلعة
وتعاتبيني ع "الغيره" امّا تمدحي في صلاح الدين..
وَ ارُدّ بكل عصبيه: أنا.. أشجع!!        (بعَفَويّه)
تفضّي ضحك عمرك كله في دقيقتين
ونحلم
زي أي اتنين
نكمل حبنا شمس ومطر
... من غير ضجر

نتمشى على نور المحلات اللي فاتحه..
ونجري فجأه.
كإننا
عايزين ندوّخ ضلنا!
عايزين بكل ما فينا من طيش الشباب
نحفر ف أسفلت الشوارع 
كل خطوه 
وكل وقفه
وكل شمس شافتنا
كل حواجز الدولة اللي وقفت ضدنا..
أسمع كلامك عن مصير الأُنثى ف بلدنا.. وأطنّش
تسمعيني باعِدّ أحلامي بغرور
فا تقولي: مغرور
نختلف... على كل حاجه
ونتفق على حبنا..

والقاهره بلون الرماد والفجر..
بتفَتّح.. كَورده "جوريّه" ف مواسم ربيعنا..
بتبتسم.. للأغبيا..والحالِمين
وتبُص عماراتها الطويله بطرف عينها
على اللي ماشيين ف الشوارع
من رصيف
لـ رصيف
وإشارات المرور (الصفرا طول الوقت)
وسؤال الغريب لـ غريب: أروح ازاي....
...وكنا بنفتح الباب اللي قافلاه الحكومه
بكل ترابيسها
...وكنا بننشُر العِلم اللي مانعاه الحكومه
ف كل مدارسها
وكنا القاهرة: ناسها.. وأحلامها.. وكوابيسها
وفرشه بكام كتاب ومجله على شارع شريف...
نسرَح ف ليلها - وهيَّ نص جمالها ف الضلمه -
نسِبّ لكل صوره وكل يافطه
وإيدي غصبٍ عني تخرج عن شعورها 
ف وش "واحد"
- أبتسم من رد فعلِك -
بس إيدي غصب عنها وعن شوارع مصر تخرج 
مره تانيه وتالته.... مليون
عن شعورها
ف وش "واحد" !
*حلوه مصر؟...
مش هارد ب آه و لأ
هاقول: مانيش عارف.. لَكِنّي بحبّها
علشانها شبهِك..
*خدت إيه من مصر؟..
إسمي...
كفايه إسمي
وأرض ما زرعهاش أبويا
بناها بالطوب..
والقمر على سطح جامع
وانتي طبعاً...

(كنت بكدِب)...
كنت عايز اقول: ماخدتش مِنْها غيرِك
بس فلسِفت الإجابه
عشان أبان " راسي و تقيل"....

ظبطتني باتجسّس على عنيها..
فدارِت وشّها
وسابتني أحلم
حلم عدّي قصاد خيالي بسرعه 
لكن..
كان جميل.
.

**تصوير : نرمين الطنطاوي

لون الرماد والفجر - خالد سليم

عنبر
كله يسمع
شخشت بالزهر مانصفنيش ولا مره
وراهنت بالمهر والبقشيش على مره
والسجن للحر وإن كان مر ولا مره
فكرني بالتوبه من دي النوبه ولا مره
**
الأوله للنبي
والتانيه أيوب
والتالته غربتي
والرابعه المكتوب
والخامسه اللى افترى
حتما يبات مغلوب

العنبره - أحمد فؤاد نجم

( اتجمعوا العشاق ( الشيخ امام

Angels(mx)

الليله ثوره وبكره ثوره

اسكيندريلا   بشويش

يا برج عالي - عرق البلح

Alaa Wardi-Ya 7weneh

غالية بن علي - لا ليس لي قمرٌ
---
لا ليس لي قمر
من خلفه قمر
و لم أغنِّ
فصوتي الريح و الحجر
ولا هبطت لكف الطين يجبلني
ولا صعدت بنور الله انصهر
و ما أزال وخيلي دون نخوتها
ارجو بلادًا سقى أثوابها الكِبَرُ
و ما أزال و عمري ألف سوسنة
في عوسج الظن
أحيا
ثم..
أنتحرُ
و ليس لي قمرٌ من خلفه قمرُ
---
كلمات: هاني النديم


اسكيندريلا بشويش

يعقوب

Recent comments

Moha Cat

Related tracks