Name: انا كويس by Hazim Yusif
Duration: 9 min 7 s
Description: لو كلمة انا كويس بتريّح.. ف انا كويس، بس مش عارف أعيش.

الShuffle جابني هنا، لقيت طيري بيشرب من قنا غيري..

ميدلي احمد الطحان

لو كلمة انا كويس بتريّح.. ف انا كويس، بس مش عارف أعيش.

انا كويس

دى هموم على شكل مزيكا ف هاند فرى بايظه

ادينى حشيش وخُد علاقات الجزء الثاني

شكر خاص للصوت الجميل فرح طارق ♥

.........................
for contact
........................
https://www.facebook.com/LTechnoo/
www.instagram.com/ahmed_khaled_techno/
---------------------------------------------------
فى حاجات متعانه جوانا 

وحاجات متعاذه مش جايه

في بدايه لنهاية ونهاية لـ أذيه

وقت الوداع مفروض

والقصه دراميه

اتنين قلوب بتفوت

ذكري واغنيه

شوارعنا واقفه شهود 

على عكس ما مشهود

ان النهايه مش لايقه وان الغلط "فيا

واني الشيطان ف القصه

وان الملاك هي

ف بدون قسم بشهد 

ان الأذي مني 

مكنش شئ مقصود 

دى بس عاده قديمه ممكن تكون غيه 
..............................................................

Ahmed Khaled "ضل"

"ادينى حشيش وخد علاقات 2 || احمد خالد "ضِل

لغمَك دفين وانفجر فجأة
مين إللي خطى عليه
مين إتنسف
ماقتلش غيرك، للأسف
ودي المفجأة

كنت صاعق في العَلَن
لكن..
شوفت حنّيتك بلون داكن
وانت بتعتذر، وتقوللي مش قاصدك
وكبرنا للجايّات، وقولنا عدّىٰ وفات
وانا كنت سايبك حُر، مش راصدك
وخفيف عشان.. بنقدِّس المسافات

أوقات كتير عارفك، فقيد النور
وتغيب وسايب فتحة جوة السور
تقعد تحاول انت والنوتة
وعشان تقول مابتقفش ف دور
شطرة سنينك لايقة ع الموتة
وبيوت كلامك صخر مش رملة

زعلان انا
زعلان ومتضايق
إكمنّ خَبرَك جالي وانا فايق
وكأني لما اتوحِل في الأرض زي الجحش
تبقى الحياة سهلة ومانقابلش الوحش
واما انوي اتغير في الدنيا دي م الأذى
اصحى أشوف مصطفى شيَّر ميعاد العزا

طحَّان يمكن عشان...
بتطحن مين؟؟
طاحن في نفسك، ولا بني أدمين..!

هات قلم نرسم سوا شكل المُفارقة..
الدنيا عادي ساعات كدا صلوات، وفركة
هات ألم على عيني ما تخليني أشوف
هاسمحلك بإللي مافيش بَشر يتخيلوه
وابني بكرة هيفهمك، ماهو زي أبوه
لا الناس تقول مش شاعري ومنين جابوه؟

هات قلم نرسم سوا شكل المُفارقة..
كنت جامح عن كدا زي الأفارقة
جرالك ايه؟
كبد دُهني وسِمنة زايدة؟
ولا زايدة؟
ولا يعني بلاش مزايدة
كنت أبيض..
قولتلي حبيت حسام.. عاجبك كلامه
وانك مش شايل خلاص لـ عصام وعادل
واننا بنحب فعلًا بعد شَدّة
كنت باسمع نَبرتك شلَّال.. مَودة
كنت نادِل باسمعك وأرمي التِرِيه
قولتلي ف اول ديوان.. قبضت كام
قولتلي ما تبص عندي
مش باعيد نفس الكلام
كنت أصفىٰ من الحليب
وانت أصلب م الرُخام
ياللي جمّعت الرُكام وعملت كُرسي
ياللي رصّيت الكراسي، عملت ناس
كنت أصلي وف الأساس، والباقي فوقك
كنت تقدر تهدم الأشياء، بشوقك
بس ناسك، ماسك بإيديك الفؤاد
كنت محتاج مطرقة بس انت مش حدَّاد
سامحني لو تسمح في اخر فصل مني
اقسم بإني ندمت فعلًا وانت عارف
مش سهل اكتب وقت ما انت تغيب
وانت سِيِد من يرثي أي حبيب
بس انت ادرى بحالي دلوقتي
وقتك اذَن يا احمد
وانا امتى جاي وقتي
علشان هاكون زيك
مرمي ف حياة مش قادرة تستوعب
واما يحين أجلي تزعل وتستعحب
ويقولوا كنا نحبُه
غلبان وكان مُنطوي
طيب ومش مُلتوي
وساعتها، يمكن احِس..
وساعتها..
هازعل أوي.

انا كويس

Hazim Yusif

Recent comments

Asma

Related tracks