اشهد اني عليل

⧼ انتهى حبك ولا تعود ⧽

خلك على هجرك وصـدك وفرقـاك النـاس واجـد والحبايـب كثيـره

مالله خلقني اتبع النـاس شـرواك راع الوفا والطيـب تابـع مسيـره

لاتحسب ان الليـل كلـه بطريـاك يالله عسى فرقاك والا مـر خيـره

ولاتحسب ان القلب بالحـب بـداك فرقاك ريح الـورد محـلا عبيـره

افرح لصدك والعـن الحـب ويـاك وفرح ليا شفتـك بحالـه خطيـره

وزعل ليا من جابو الناس ذكـراك ياغدر ياجرح السيـوف الشطيـره

كنت الغلا والحب والقلـب يفـداك واليوم عندي مثل حاجـه صغيـره

انت الغدر ولا الغدر تحـت ماطـاك ولا سفير الغـدر فـي كـل ديـره

في كفك اليمنى شرايبـك واشـواك وفي كفك اليسرى حكايـا قصيـره

عيبٍ على نفسي تحبـك وترضـاك لو انت ماغيرك بوسـط الجزيـره

الفين خشف وريم تسـوا مزايـاك ولا انت مثلـك يمكـن الله يجيـره

لارحم ابو ساعه في ذا العين شفناك ولارحم ابو ساعه عيوني سهيـره

مسكين ياللي شاف زولـك تمنـاك من زود حبه فيك حـب العشيـره

عسى الليالي السود والهـم يطـواك وش خانت امفتح يحـب الضريـره

رزقي على الله ماش رزقي بليـاك ياللي تخون الطيب تلعـن عشيـره

خلك على صدك وانا اللـي تحـداك اسبح بحور الصبر لو هي غزيـره

ماعندي فيها يوم شفنـا وعفنـاك لاماعليـك الدمـع حـرّق نظيـره

اعطيك بحر الشوق يامـا سقينـاك ولاحصل لي منـك غيـر المغيـره

انساك من قلبي وانا الحين ابنساك وكلٍ علـى كيفـه يحـدد مصيـره

Abdulmalik

Popular tracks