....4aعbe

ابراهيم ميخفش الا من الغشيم

مزيج | حيف

عندما بدأت في المزيج لازمتني فكرة أن الإحساس بالخوف دائماً ما يكون مُصاحباً لنا.
نحن نخاف أن تنتهي اللحظة السعيدة وأن تدوم الفترة السيئة،
أن تفوتنا الحياة، ألا نحقق أحلامنا، أن نتذكر الماضي. 
نخاف من ضياع الحاضر ونخاف أن يكون المستقبل غير مُشرقاً. 
نخاف من تذكر الأحبة الراحلين ونخاف فقدان الآخرين،
نخاف من الخوض في علاقات جديدة ونخاف أن نعلق في علاقات، 
نخاف من الوحدة ومن الرفقة، نخاف من التساؤلات ومن الإجابات، 
نخاف من الحياة ومن الموت. 
نحن كتلة من الخوف.
ينهشها الخوف.
تتآكل من الخوف.
عندما لازمتني هذه الفكرة، شعرت بالخوف.. كثيراً.
*******
الاستاذ نجيب سرور كان بيقول: "إن الخوف قواد، قول لمن تريد ما تريد كيفما تريد متى ما تريد.. لو بعدها الطوفان قولها في الوجوه بلا وجل."
********
المزيج إهداء إلى صديقتي العزيزة (لولو) صاحبة فكرة المزيج والتي شاركتني الكثير من الأغاني المتواجدة فيه. مُمتن لوجودك.

ما يصنعه الخوف بعقولنا

طلع الصباح - الشيخ امام

احمد شيبه انا مش هفيه 2014

احمد شيبه انا مش هفيه

الدنيا معانده معايا دي جي مادو غناء مهند

جو غفّار مباشرة من تليفونه المحمول بغني  موّال كلما كنت بقربي 

Madina Official Page : https://www.facebook.com/MadinaOfficalPage1



موال كلما كنت لقربي - جو غفّار  من فريق مدينة

Asmrany el lon-Roman Bunka & Roland Schaffer- music Only

كل الحاجات بتفيض
لما تزيد
هَمشّيلي حالة رعشة الإيد
وأنا هبقى شاكر
بس مش سعيد..
والشكر فعل
والسعادة نية
والوسيلة مش بنت الغية
زي لما طحتي بشفايفك فيا
كانت سخونة لحظة
ولا كانت آذية؟

تسعة..
الأرض ع الاتنين كانت واسعة
ثم ناس تصبح وتسعى
قبل فلتاني
وحنانك
كان لسانك
أقدم وسيلة لكشف الكدب
وأوسخ من البِشعة
انا كنت صادق معاكي
ولساني أهو طيلاه لسعة..

تمانية..
امشي بإيقاع الثانية
وألتزمي بنذور الوقت
في الكوكب ع النحية التانية
فيه ناس بتعد معانا دلوقت..

سابعة..
لو متابعة..
رشحيلي فريق
عيني بتعكس كلامي
"بتعكس" م النفي مش التصديق..
عيني مش بتصدق على كلامي
عيني مش بتصدق أي وعود
عيني مش بتصدّق بالبسمة
عيني ما بتصدق إنها هتعود..

ستة..
نص دستة باقيه م البالتة
أنا إبن ناس على فكرة مش برمي جتة
غيرش الزمن، وعوامل التعرية
والإيمان بالحق
وصدقي أو لأ
فيه قلب هنا تحت الچاكيتا..

خمسة..
بداية اللمسة
ونهاية الماسكة
نُص سكة.. 
أقل م الصحيح
وأكتر من الفكة
نص الفرص
والقصص
والإلتحام في العبث
والقعدة ع الدكة..

أربعة..
السجن بمعناه الدارج
وأنا بكره كل المعاني الدارجه..
ماعدا إنك حلوة وعجباني
وبيني وبين شفايفك أربع ثواني
ودي لحظة موترة وحرجة..

تلاتة..
جربت أخدها ببساطة
وجربت أخدها بجد
وفشلت في الحالتين.. 

أتنين..
الشك
واليقين
الحد الأدنى لأي قصة
ولو مش فاهمه
أكيد حاسه..
كل الحاجات اللي اتخلقت لجل الوصل
في الأصل كانت للفصل
كل الحاجات اتخلقت عشان نندم
من أول الأرض
وحتى للكاندوم..

واحد
.
.
ليه بصادفك ديمًا في الزحمة
بوسة دي ولا رصاصة رحمة؟
أنتِ ديمًا تقتلي بشويش
سيبتي إيه فيا عشان مامشيش
جَنبي خوفك وعاطفتك
وقوليلي إيه في الدنيا دي بيعيش؟
انتي مش سعيدة
دا بس سيرتونين..
وأنا مش خايف
دا بس آدرنالين..
وإحنا اتلاقينا في مفترق طريقين..
منكرش إني مضايق.. 
وأكدب عليكي لو قلت أنا فايق
وأكدب عليكي لو قلت أنا سكران
أنا بس كل الحاجات باظت مرة واحدة
ولسه خارج م الضمان..
عندي إستعداد دلوقت أقص
من غير ما أقص
هي ديتها إزازة على نص
وهتلاقيني بَرُص
من أول بارونتي لما حد يسألني عندك كام سنة؟
وبفكر Net ولا Gross
أنا من نوع الموظفين
اللي ديمًا بتنام في الكوستر
ومباخدش بالباقي أسبرين
باخد بالباقي بلاستر
تحسبًا للتعويرات الجاية..
ضحكت جدًا مره وأنا بشمر كمي
للدكتور اللي شك إني عندي ميول انتحارية
أعتقد اني عقلاني حتى في اللي بيئذيني
ولو قررت أعملها
ف مش هقطع شراييني...
الأمر فيه مجاذفة
ومش حاسم
غير اني أجبن م اللازم..
أعرف حد عملها وما انتهاش
والموضوع انتهى نهاية مأساوية
وعاش..
بيستخبى من نبش نظرات الناس في إيديه..
أنا نفسي مرة ضايقته لما كنت بتجنب ما أبصش غير في عينيه
ف على إيه؟ 
هقولك حاجه فيا
وحاولي تصدقيها
انا سهل جدًا افرح.. 
ودي جملة تقريرية
بس أنا بعنيها..

ديمًا أنا معايا سجاير ومش معايا ولاعة، يمكن لأن دا إعتراف ضمني مني اني مدخن شره ودي حقيقة أنا بحاول أهرب منها، ملهاش أي معنى غير اني بحبها ومدمنها!

ولا كنت بتحنجل في الطرقة
أو مشبّك
ولا سايب مقص مفتوح
أو كان فيه شبشب مقلوب
ولا قطة سودة على العتبة
ولا نخزة جتلي قبل ما أنام
كان يوم عادي جدًا زي بقيت الأيام..

واللي يعرفني 
يعرف إني اتغيرت
من ٣ سنين مكنتش كده
كنت مستريح
ومن سنة كنت كده
بس مكنتش بصرح.. 

روحي اللي كانت حاضرة وبتبهت
دلوقت اهي بتبهت..
قلبي اللي كانت زهرته تلفت
دلوقت زهرته تلفت..
ضحكي اللي كان عادي وبيشبه
دلوقت عادي وبيشبه..

أنا غضبان.. 
مش بالشكل الكافي اللي يخلي عندي طاقة تدميرية
أنا غضبان ومفيش حاجة بإديا
ومش غضبان عشان مفيش حاجة بإديا
دي مش معضلة هتلر..
أنا غضبان
بس
مش أكتر..

تداعي - حازم عمر

تراك بانو على اصلكو غناء حسن شاكوش توزيع موكشا العجيب

الله حي
الله حي
وسع سكه يمر الضي
شيخنا العاشق
جي وراشق
سهمه وماشي حدي بدي
يا سيد يا بدوي
يا سيدنا الحسين
مدد يا أم هاشم
يا كحل العينين
مولانا الرفاعي
يا طب الأفاعي
يا سيدي ابراهيم الدسوقي
إنت فين
با نادي عليكو
يا أهل الطريقه
وجوايا شوق
للغزل والحقيقه
وبرايا عالم
مشعلل حريقه
فزعني ولسعني
وكوى قلبي كي
الله حي الله حي
**
أنا عشقت سلمى
وغانم غواها
وانا لما باعشق
ما برجعش اتوب
تاخدنى المعاصى
آدم جدي عاصى
وأنا راضع معاصى
وشبعان ذنوب
ولو قالوا
عشق المحاسن خطيه
ألم الخطايا
وأفوز بالعطية
وأسافر بحلمى
سعيد المطيه
عزيز الخطاوي ما يلويني شي
وغانم يا سلمى
يحب السلامه
ولجل المغانم
يبيع العمامه
ويبعد ويقرب
ويعشق لمأرب
وفى الجد يهرب
ليوم القيامه
وأنا اللي فى هواكي
سبقت المعاد
يا سلمى
يا عشق البنات والولاد
وطلعت صورتك
فى كل البلاد
وكبرت فيها الأمل
فى اللي جي
الله حي
ياسيدنا الأمام
يا حسين يا شهيد
وهلبت عالم
ورأيك سديد
لمين ود سلمى
فى شرع الطريق
ومين القريب ومين البعيد
ومين اللى باقي
ومين اللى زايل
ومين اللي شايل
ومين اللي طايل
ومين إللي يثبت
فى وقت الهوايل
ومين فينا ميت
ومين فينا حي
الله حي
غانم رايح عاشق جي
شيخنا الشايب
ماشي وسايب
كلمة بسيطه لأهل الحي
كل ماتمشى قدم ع السكه
كل السكه ما تشبع ضي
الله حي الله حي
فوت فى السكه
تشوف الضي

الله حى (حلقة ذكر )الشيخ امام

محمد الريفي _ هيجنيني

حبة وجع - مصطفي رزق

‫مهرجان - العب العب - غناء -- نبوى - حتحوت و8% اوكا واورتيجا وشحته كاريكا‬ - YouTube.MKV

مقدمة مسلسل أخو البنات.mp3

تسجيل نادر لأغنية أتوه في الشوارع لمحمد منير من جلسة مع الملحن محمد الشيخ سنة 1987 وفي بعض الروايات 1975

ابراهيم ميخفش الا من الغشيم

Ahmed Hamed ♪

Related tracks