جانا الهوى جانا ورمانا الهوى رمانا
ورمش الأسمراني شبكنا بالهوى
آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي

يا راميني بسحر عنيك الاتنين
ما تقوللي واخدني ورايح فين 
على جرح جديد والا التنهيد
والا على الفرح موديني 
أنا باسأل ليه واحتار كده ليه
بكرة الأيام حتوريني 
خلينا كده على طول ماشيين

آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي

عدينا يا شوق عدينا
على بر الهوى رسينا 
دنا عمري معاك وهوايا هواك

زوق يا نسيم خطاوينا
ويا نجوم السما ضمينا 
وخدينا بعيد وحدينا
وخلينا كده علي طول ماشين

آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي

طوحنا يا هوى يا هوى طوحنا
وأمانة ما يوم يا هوى تجرحنا
وتقربنا ما تبعدنا وتفرحنا بحبايبنا
وإن خدنا الشوق ريحنا 
خلينا كده على طول ماشين

آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي


جانا الهوا

جـبار
جبار فى رقته جبارفي قسوته جبـار
خدعتني ضحكتـه وخانتني دمعتـه
وماكنتش اعرف قبــل النـهارده
إن العيون دي تعرف تخون بالشكـل ده
ولا كنت اصدق قبل النهارده
إن الحنان يقدر يكون بالشكل ده
عرفته قد ما عرفته ولا عـرفتوش
وشفته قد ما شفته ولا فهمتوش
كان بيقول لي باحبك أيوه كان بيقول
وانا من لهفة قلبي صدقته علـى طول
كنت اشوف واسمع واحس بقلبه هو
كنت عايش مش عشاني عشانه هــــــو
وماكنتش اعرف قبـل النـهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
يا معلمني الحب يا ريتني ياريتني
ما تعلمته معاك ولا شفته
ليه تخدعني ليه خليتني
أنسى الدنيا واعيـش بحلاوته
دا مكانش فيه اتنين زينا
شافـوا اللى شوفناه ف حبنا
الحلم كنـا بنحلمه ونكمله من بعضنا
ليه تصحـيني ف وسط الجنة بنار ودموع
كنت ارحمني وسيبني شوية أعيش مخدوع
جبــار ...جبـار ....جبار

عبد الحليم حافظ

Popular tracks