歌名：我毋但按呢爾 
演唱：沈育賢
作詞：張雅茜 李品怡 黃曼婷 沈育賢
作曲：沈育賢
編曲：江佳勳 沈育賢


(Intro)

佇異鄉的都市      
tī ī-hiong ê too-tshī    
攑頭看無星
gia̍h-thâu khuànn bô tshinn
想起故鄉的暗暝
siūnn-khí kòo-hiong ê àm-mî
有阿公阿媽           唱歌的聲音
ū a-kong a-má     tshiùnn-kua ê siann-im
佇身軀內底           上深的記持
tī sin-khu lāi-té      siōng tshim ê kì-tî


(Interlude)

(Verse)

逐工透早拚出門
ta̍k-kang thàu-tsá piànn tshut-mn̂g
忝甲欲來睏 就咧欲天光
thiám kah beh lâi khùn
tiō tit-beh thinn-kng
簡單的穿插 粗菜便飯
kan-tan ê tshīng-tshah
tsho-tshài piān-pn̄g
為著理想 愛吞忍
uī-tio̍h lí-sióng ài thun-lún

毋知天地幾兩重
m̄-tsai thinn-tē kuí niú tāng
做甲流汗 煞予人嫌甲流瀾
tsò kah lâu-kuānn suah hōo-lâng hiâm kah lâu-nuā
浮沉佇表面 看無社會現實
phû-tîm tī piáu-bīn
khuànn-bô siā-huē hiān-sı̍t
猶未成功敢講是 大隻雞慢啼
iáu-bē sîng-kong kám-kóng sī
tuā-tsiah-ke bān thî
欲佮人徛起
beh kap lâng khiā-khí

(Chorus)

春夏秋冬 是一工閣一工
tshun-hā-tshiu-tang sī tsı̍t kang koh tsı̍t kang
佇異鄉的日子 艱苦罪過
tī ī-hiong ê jı̍t-tsí kan-khóo-tsē-kuà
阿爸留予我的破gih-tah
a-pa lâu hōo guá ê phuà gih-tah
陪我 唱歌
puê guá tshiùnn-kua
吼甲歪膏揤斜
háu kah uai-ko-tshı̍h-tshua̍h
春夏秋冬 是一冬過一冬
tshun-hā-tshiu-tang sī tsı̍t tang kuè tsı̍t tang
人生的路途是 轉彎踅角
jîn-sing ê lōo-tôo sī tńg-uan-se̍h-kak
心肝頭 一葩火猶未化
sim-kuann-thâu tsı̍t pha hué iau-bē hua
莫講歹話
mài-kóng pháinn-uē
我敢是按呢爾
guá kám-sī án-ne niā

(Solo)

(Bridge)

啥物時陣                    去海墘仔泅水
siánn-mih sî-tsūn     khì hái-kînn-á siû-tsuí
轉去深山林內               鼻清芳ê空氣
tńg-khì tshim-suann-nâ-lāi
phīnn tshing-phang ê khong-khì
日子好䆀 攏是家己咧過
jı̍t-tsí hó-bái lóng-sī ka-kī teh kuè
做好選擇就莫後悔
tsò hó suán-tı̍k tiō mài hiō-hué

(Chorus2.3)

春夏秋冬 是一工閣一工
tshun-hā-tshiu-tang sī tsı̍t kang koh tsı̍t kang
佇異鄉的日子 艱苦罪過
tī ī-hiong ê jı̍t-tsí kan-khóo-tsē-kuà
阿爸留予我的破gih-tah
a-pa lâu hōo guá ê phuà gih-tah
陪我 唱歌
puê guá tshiùnn-kua
吼甲歪膏揤斜
háu kah uai-ko-tshı̍h-tshua̍h
春夏秋冬 是一冬過一冬
tshun-hā-tshiu-tang sī tsı̍t tang kuè tsı̍t tang
人生的路途是 轉彎踅角
jîn-sing ê lōo-tôo sī tńg-uan-se̍h-kak
心肝頭 一葩火猶未化
sim-kuann-thâu tsı̍t pha hué iau-bē hua
莫講歹話
mài-kóng pháinn-uē
我毋但按呢爾
guá m̄-nā án-ne niā

ShenMo?

Popular tracks