لسان الحارة
إنتاج موسيقي: الشلش
 2018 كلمات وأداء: ابن حواري
تسجيل: استوديو وكر الثعلب | لوند، السويد
2021
العمل الفني
3D modeling: معاذ الشلش
فكرة وإخراج : سليم جويّد

الكلمات:
 معبى فضاوة
أهدى شقاوة
أطرى قساوة
أقوى ضعف
أعطل صلح بين جلد الذات وتطنيش اللذات
بالذات
هاد درس للسين بالذال
للزيق واللحيس
لطياز
للسميع والحفيظ للغاب
عت درس التعريف
للعريّف
    السليّب عالناس
الكذاب
للحبيب المحروق
عالنار تبع الشوق
للورد تبع الشوك
للسرد تبع القصة الباردة
بنص الشوب
لأحلى هدف بالحياة بنص الشوط
ملعب ب دف الشوك
دموع الضحك بنص الشو
عمى بنص الشوف
وبشوف ضروري الشور أوقات
شو يلي ناقص قوت أو قات
اللي قاتل السفينة جروح موجات
لك ليش السما فوقي وتحتي شوو شو الحل
لك شو شو الحال
شايف الطبيعة جنون شلحت
محبوس بظنون مدلل جنود جلعاد
كل عام وهالسجون توسع
لحتى يصير الكوكب سجن والحروب مفتاح
نقتل بعض كلنا ونخلص من حدود الناس
تصير الأرض كلها جرود عرسال

عرس هاد؟ وطني
والعرسان؟ تصور نمطي
ع راس لسان الحارة واقف سندي
 فاهم نمطي
وعبطي
عالبطيء
عم بطير
عم بطير
عم بطير

على ريح راكب
على ريق ناشف
وقفت الكلمة
عالستيج حاجز
حاجة
عندك للحجة حاجة
عندي بالقجة حاشر
مهارات وعارف
مهما زادوا ناسك
موسيقتي أساسك
المهارات وعندي
الكلمة
من كل بيت
بالحارة
منكمل
منكم اجيت
الطاقة
لسنا بجيش
بل حارة
لبسنا ايدين
من نارة
حرقنا الليل
حقنا الليل
صبحك زيف
عتمتنا
نوارة
رمادا
منتشارط
عالمال
منتشارك أحزان
منتشارع والناس
تتسابق والنار
تتسارع جوانا
والراح منتناسى
منتماسك بالجاي
بالعاد
منتقاسم الفراح
منتقارب
شو بعاد..
عرس هاد؟
..
.

لسان الحارة | ابن حواري والشلش

لبسيني اسمك هو أول تراك من كلمات وأداء ابن حواري
إنتاج ودعم فريق لتلتة بأعضاءه الثلاثة سابقاً
الإنتاج الموسيقي: وتر جندي مجهول
مكسنغ وماسترنغ: بو كلثوم
تم التسجيل في بوكلثوم هوم ستوديو ـ دمشق ـ 2013
العمل الفني: بو كلثوم

الكلمات: 
أنا درويش متل محمود مو متل سادي على حاجز
خليفة متل مارسيل مو متل أسامة بن لادن
أنا نصر متل مي أبدا مو متل تشرين
أنا جبران خواطر مش خواطر جبران خليل
ساكن بحي الضمير بشارع الموت العتيق
مقابل فرن الخبز الي خبزو زين الطريق
عم ساوم عالمزيد من التضامن
في شي رغيف عندك بيسع الوجع لو حتى بالآجار
من جوعي عم بنهش حيطان الأزمة
لا تحاسبني ع آخر كلمة الله يلعن المعلم
قلمي ما احتشم بس إذا إنت وطني احتشم
أما وطني بطلب منو يطلع عالفلا بالزلط
ماني ابن مخيم ولا دقت طعم المنفى
بس بعرف معنى الشتات و شو معنى إنك تلجأ
و شو معنى يكون عندك غرفة عدد شبابيكا أقل من عدد مرات حبسك وفيا تنشأ
البيوت باسم اليهود فاضية وإنت دايخ بالأجار
الشام القديمة عاطية اللاجئ بيت مع حق الانهيار
لا تسألني كيف ممكن تتراوح الأسعار
حق العودة بيشبه حق الكاس بالبيانو بار
و حقل الجزر فاضي المحصول عند الحكام
تمنيت ألمح صوت بدون أي نباح
بيتغنى بالمقاومة حسن نصر الله
وبعقيدتو المعروف إنو الغنا حرام
شام
عم بشربك متل ما بشرب من نهر ناشف
واقف عجبينك قمر بس ماني الضو شايف
وين الضو خافت
يعني السبب إنو العتمة العتمة فيا ضاقت قام النور ببلدي داقت
كيف علمي عايش فجأة صار وطني عانس
أنا قبلان بخبز يابس بدون خريطة مقطبة
بس إنتي ليش مو قبلانة تسكنيني
الناقص إنك تفيقي تحاسبيني ع ديني
ناقص تفيقي حاجة أميرة ونايمة
بعرف زعلانة بس مشتقلك اكتر من يوم القيامة
أبصر كم يوم زعلانة ما حدا أبصر مو نعسانة
تحت الإشارة منقوع مفكر تنزلي رمانة
شمستك عالية فستان عرسك ما نشف
محفوظ متل نجيب أو مبلول من وقت العرس
إيمتا بدنا نصمدك أو نصمد فيكي صواتنا
أو نصمد فيكي أو تصدمي صدماتنا
بنص العرس لازم كان برا الباب نشلح
من زمان الماغوط جرب يعمل منك مسرح
عندي القدرة من دمي ابني خشبة مسرح
طب خليني موت فيكي بركي بجرب افرح
لو دمي أبيض كنت عملت علم تالت
علم لبلد مافيو ولا زير سالم
بلد مافيو علم غير اسم شارع
الوجع بدو وطن يكون شوي واسع
وطن مافيو شعب ولا أمن ولا زنوبيا
لك روح يا .. تركني .. عم تلبسني سوريا
ما رح وطي صوتي ما عندي صوت فوبيا
معليش بعز الصيف بدي اعمل من صوتي صوبيا
خليني كون حارة في أو شي حيط مايل
أوصوت عود مسموع من الحارة التانية
شباك وصورة ياسمين على هيئة ملائكة
خلي البلد ينام ع تختي أنا رح نام بقبر عاتكة
إنت ديني شوارعك شرائعي
إشارات المرور فيكي أنبيائي
نهر بردى كتاب سماوي
أمي ماتت فيكي بس عاشت بأشلائي
أثناء خروجك عن طورك خرجتي من أنفاسي
اغتلتي جسدي رجعيني لنفسك باكي
حطيني زنار ع خصرك شامة ع خدك
زيني بياسمينة .. لبسيني اسمك ..
لبسيني اسمك ..

لبسيني اسمك | ابن حواري | إنتاج لتلتة 2013

أخدتييي
إنتاج موسيقي، ضبط وتحسين صوتي: ووردنكلف ٢٠٢٠
كلمات واداء: ابن حواري ٢٠٢٠
العمل الفني: آدم يونس

الكلمات:

٢٠١٧
أخدتي صورة عني بلا ما انتبه

٢٠٢٠
شوفي
فتحتلك قلبي صندوق
بتحبي تقلبي المكتوب
كم صفحة ومندوب
اتحدت الأمم، بعتوا الفرقة مندوب
وماضل فريق
ما بعبص بجروح
وانت اخدتي صورة عني
وفتحتي الجروح
قفلنا الصندوق
بتحبي نتمشى؟
دقيقة ورح روح
ضيقتلك خلقك
وستعيلي الحظوظ
وانت ..
 عم بمزح رح روح
قلتلك محظوظ
والطريق الطويل
بين ليلى والديب
هو نفسه الطريق
!المليان ورود

اه صورتي

يلا رح شوف

أخدتييييي صورة عني
بلا ما انتبه

أحمض ما عندك اطبعيه ههههه

أخدتييي | ابن حواري وووردنكلف

كلمات وأداء: ابن حواري
إنتاج موسيقي: قلق
ضبط وتحسين صوتي: الدرويش
عمل فني: مختبر تصميم سليم

الكلمات:
قالتلي 
لسا في وقت تكرر حالك أكتر
قفص وجناحات وحرية وسقوف
شبابيك وبيوت وبواب
مساجين وحبوس
قصص عم تكمل ثوارت
عم تنقص الحروف
 في وقت تكرر حالك أكتر
بواريد وحروب
بلاد بعيدة حدود وقلوب
باردة
وعيون فتحتها ع ناس
فتحتها ل ناس
لسا في وقت تكرر حالك أكتر
مراجيح وبحور
أسوار وحراس
أسوار ووو

او أقلك

مش تماما تكرار ثيم محدد
مش تماما تكرار ثيم محدد
مش تماما تكرار ثيم محدد
كأنو لساتك بنفس العيون بتشوف، وبتتجدد
كأنو لساتك عند نفس العيون واقف وواقف فيك الوقت عم تجرب ترمش، وبتتردد
كأنو لساتك بنفس العيون بتفصفص الكلمات حروف، بتركب الكلمات نفسها
كأنو لساتك عند نفس العيون واقف على مراية بنص العاصمة وعم تشوف نفس المشهد
كأنك لسا بنفس العيون عم تشرح شكل المدينة كل شباك تهمة وكل بستان مخفر
ونفسك تقطف الأمن ورود تحطن على توابيت خلقوها من سكوت اندفن فيها حدسك
بس اصحك تنسى
إنو النحنا عم تفوق
وإنو الحرية شلفة حجر بعيدة
وإنو هدول العيون
شافونا كلنا حروف وحقنا نحكي القصة
شافونا بكرة رح نرجع
يمكن بغير وراق
بس بنفس الجذور
يمكن بغير وراق
بس بنفس القلوب

03.03.2022

تكرار | ابن حواري وقلق

حرّيّة | حواري وآفان
٢٠٢٢

كلمات وأداء: حواري
إنتاج موسيقي: @avannava98
ضبط وتحسين صوتي: ريتا محمود
العمل الفنّي: مختبر تصميم سليم
تصوير: أُبيّ أبو اللّيل

الكلمات:
في برميل بأوضة القعدة
عليه كاسات الشاي
والقذيفة بصدر المطبخ
عملنا منها كبجاي
والرصاص منكتب فيه
كليشيهات رايحة جاي
متل هاي
نروض حروبنا بتمشاية


الطيارة الفوق المدينة
أكيد ورقية
واللي عم يطيروها
ولاد جيران الحرية
والدور على الخبز
هي أكيد اشتراكية
والوحدة وجوهنا بحزنها بسعدها ومين هية

شو الحرية البدنا ياها؟
قلي شو الحرية؟
شو الحرية البدنا ياها؟
قلي شو الحرية
شو الحرية البدنا ياها اليوم
قلي شو الحرية؟
حرية نُبعث من جديد
حرية

حرية من الزنازين
من نظم التعليم
من المناهج السيئة
حرية من التلقيم
حرية من الحفظ
حرية الفهم
حرية نتمسك فيها
وتمسكنا ببعض
حرية نختلف عليها
وحرية نتفق
حرية من الترتيب
حرية من الدولة
حرية التنظيم
نظام حر عادل
مع حرية التعديل
حرية من المصاري
وحرية من البنوك
حرية من المولات
حرية بقلب السوق
حرية من الشكات
حرية مليانة شكوك
تطلعنا من عنف
ونربح جواتنا حروب



حرية من الأبوية
حرية أبهاتنا
حرية تقاطعية
ما بتتجزأ مساحتنا
حرية من الاستعمار
اللسا عايش جواتنا
وحرية من الجهل
حرية تعلم عكتافنا
حرية تقيلة
من كلشي طبق عصدورنا
حرية بقفص ممنوع تفوته عصفورة
حرية التجربة
حرية الخيار
حرية بصناديق
حرية من وهم الاقتراع
حرية انتخاب حقيقي
حرية من الفساد
حرية فلسطين
من سلطة الموساد
حرية لاجئين
يشقوا أي حدود
يقاتلوا الناطور
وياكلوا عنب البلاد

Avan x حرية | حواري

زُقاق بمحاولة إنتاج ابن حواري
هندسة صوتية : وتر جندي مجهول 
Artwork سليم جويّد  
زُقاق : https://soundcloud.com/user-960791233

زُقاق - سياج - إنتاج ابن حواري

يُمّا
ابن حواري
إنتاج بوكلثوم
محمد سعودي آرتورك

النص :

متل ولد محتاج الأصابع ليمسك القلم
يكتب أول نص معك "خسرت بالحرب أطرافي"
الأربعة .
تجارة الوجع 
بحجارة الفزع عم ترجم الترحال
شوف و اجبر كم تم قال "ساقط" اسقط
خبز و زيت و سم و سمسم 
علقوا الموت بسنسال
بصدر الحارة مافي باب لاقوا حيط
حطوا فيه كلشي مكسر حطوا شخصي و كم تمثال
حطوا بأشلائي شوية تدمر بتلاقيني عم بنقال
هي غنية عن المتحف الشفتوا فيه جثتي مني عم تنشال
عمتي لسا عم تقلي حاج تغني ضد الدولة و انا عم بحلم إني بمشي لما بنام عالأصنام بقلب الدولة و قلب الدولة و رب الدولة كالأصنام 
أنا لسا بقدر ربي الدولة بالأرقام
أنا ابراهيم لكل صنم يما 
و قلب الدولة و رب الدولة كالأصنام يما 
كالأصنام يما
أنا بغني قبل ما نام و أمي بتسأل "هي جديدة؟"
كأنها ناطرة سب حدا و بتدايق من الشتيمة 
أي غنية عم تنسمع أمي سمعانتها و قديمة
 بتسمع نشيد الانتفاضة لما تكون حزينة 
لهيك لهي انتصارك 
بدمي فات قطارك 
حمزة كبدي الدولة هند 
بدو الدولة هند 
لو بدو الضو لهان الضو 
و جبتو الضو لعند 
جلدو 
 هيبة الدولة عند
صرماية ولد عم يحبي خسر بالحرب أطرافه 
أطرافه الأربعة
هي تجارة الوجع ف اشتري للفصائل مزرعة
و بحجارة الفزع جرب عمر مخدعك
عم تعمر مخدعك
و عمتي لسا عم تقلي هدي هدي هدي هدي
و انا عم بحلم إني بمشي لما بنام إني بطير برا القفص و برجلي معلق قفص 
إنو القلب عم ينقصف و حبل القصف قصير
ولا عالجرار
ولى ولى الزمن تبع يصلح العطار
حبل القصف قصير ولا عالجرار
تابع كتب
جثث جواتي لناس ما بعرفها



يُمّا - ابن حواري - إنتاج بوكلثوم | Ebn 7oari - Yomma - prod. by Bu Kolthoum



القبضاي بلش راب مو بباله يصفصف حكي
بل سعيا منه يعمل معجزة أو يقابل الوحي
فلا عمل استثناء ولا التقى بحدا 
حس حاله ناقصه شي فسمى حاله باسم نبي
يعقوب كبريتات بجيبتي بشعلهم سهل أطفيون
لو تركاتك ولادك ما بشوف ولا يوسف فيون
أفكار سفن ع بحور الشعر فيون نازل
فبتحداك بسطري تفوش مع إنك ابن ساحل
كنت عم دور ع أبطال قلي القدر هي زبون
بطل أنت يوسف العظمة سميني ميسلون
بقرف أطلع عليك درج من سنة مو مشطوف
حاسس حالي أوتوستراد و أنت واحد مشطوب
لك أنت قائد بنص المعركة آخد إجازة 
فأر تجارب بحقلي بآخر دراسة
بيلبقلك دور كاظم , الساهر , بيدايق ؟
لك لو كنت قباني بموت و ما بعطيك القصايد
3 تركات الشام ما فهمت ترقص ولا ما ترقص؟
شو بدك ياخي ؟ صالون تجميل و ترمس
بفتحلك صالة أعراس ولا فول و فتة و حمص ؟
تسلى بشغلة تانية , قطة ! ناموسة ! خرمش ! اقرص !
ابن الساحل خايف يغرق , لو شافوا وجهه تنين
لك كنت بنص القشلة عالحفة غني يا حيف
و الحاجز مني قريب نتفة كأننا عينتين
و أنت لسا عم بتابع أصابع الرجلين
الشب داعم للثورات بس أي كي أي زعيم
لك لما الشارع كان مليان أمراض أنا أي كي أي سليم
بعد كل سطر عم حسك خالد ابن الوليد
إلا إنك مانك سيف , بس وين ممكن اجرح فيك ؟!
لسا
شهر لتكتب توقيت 
إذا رح يطلع منك أفكار ضدي بظنك رحت ع مشفى توليد
فتحولك مخك قصولك الشريط 
كشفوا بمخك في حواري ما عم تخليك تنام منيح 
فأنا برأيي إذا بتنام منيح 
يعقوب ابن الطرب الحواري براسك صريخ
قوم كامل أنت يأجوج و مأجوج 
برفعني بوجهك سور بدك إذن الله للظهور

كنت حابب أقلك حليق بس لما إجيت كان تنين
لعندي تقلي "جاهز تمسح فيني كوكبين ؟"
شايف ضوضاء وين ؟ براسك ضو ضويت
دورة دورتين حول النفس شايفك دودخت
بشوفك هاوي لو هويت هاوي لو هويت
حاوي لولبين بحلقك تا ما تولد لولبين
تا ما تولد كلمة منك زابطة تطلع لو نويت 
كلمة منك تطلع في ظابطة ضابطة بتقلع كلمة منك 
فكر كيفك كيف اليوم بحالك لو نئيت 
جمجمتك فاضية بال , طيب جرب لونها بيت
ما في ببيتك ولا لوحة , و أنا عندي كل لوحة بيت
صعب شيلك من أرضك حتى لو حبيت
كيف ليلتك رح تمرق كل سطوري حواجز
بالشام أنا كنت عداء و أنت مهتم بالحواجب
يا ترى رح بتنام ؟ و تسكر الباب و عتمة 
يعقوب باب يا ولاد , و أنا خلعت الباب برجلي


 
 


هاردلك

يقظة 
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
كم رغبنا أن نكون قصيدة عن كل من جاعوا و نحن مترفين
هل هنالك من فم لم يسرق الأحداث من صحن صغير
أو من تفاصيل صغيرة كأشلاء تمسك بعضها في ملعقة 
و كنا نحنا من كنا كما كنا , بعيدين
و كنا نحنا من كنا كما كنا 
ندور بها و هذي الأرض تتبعنا
تتعبنا
و نغرق نحن في الراحة
و يبقى الحي في يدنا , فقير
كم رغبنا أن نكون أغنية عن كم رغبنا أن نكون
كم كتبت جروحا لوثتها أصابعي
حاصروني رغم أني كنت أملك من دموعي مدينة كبرى
كيف سدوا كل منفذ
رغم اني كنت أملك من دموعي مدينة كبرى 
و هم لم يملكوا إلا الضجيج 
كنت أنوي ان أرتب من سكوتي باب
و ان أحمل على جلدي كل رسومي و 
أركض خلف ذئبي حتى آخر ناب
و كنت أنوي أن أصلي 
و ان أسمي باسم حب الله
لكنهم كانوا يجوبون الحلم 
موقنيني بأنني سأمر بالأحلام
كم حلمت بأننا لن نكتب الكلمات عن جائعينا مطلقا بعد الطعام
أو عن من تمسكوا بالبساطة و العراء و نحن نلبس أحجية
كم حلمت بأن لي أمي و أبتي و بيت الله أختي و أحمد خبزيَ
كم حلمت بأنني سأسير فوقك جثتي 
و أن قوتي أغنية

13. يقظة

يلا تفيق
كلمات و أداء : ابن حواري
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
مسكت البلد بسناني صرخت بوجكون السكان
أنا بإيدي ماسك مقبرة و مجزرة و سجان
أجل سيدي غايب محضرك مقفول و أنا المفتاح
و بإيدي ماسك خنجرك عم بطعن القداس
مسيحي ما قام حقا مسيحي ع جرحي نام
أنا أمام مئة مسجد وقعوا ورا الإمام
 خلف الكواليس في خبر عاجل جدا
و على الشاشة يا نصيب الشعب من الحكام
ورا الشاشة نمنا ضاعت الكلمة بتمنا ريق 
 المدفع عم ياكول من تخوتك حلم لنفيق
ح نملى الفراغ و نكتب الحرف عالسطر
و نحفظ الإملاء بدفاتر ندرس الشاعر و الأرض
و لما تيجي النصوص والبواريد على الريق 
و تيجي البواريد على الريق بورقة الفحص
توقف ع باب الفحص وتوابيت بلا الضيق 
شو ما تكون التواريخ 
أنا بحبك 
كيف ما بتيجي التمارين 
أنا بكتب أنا اسمك نقطتين على سطر بدل تراتيل 
الهدا هنيك 
و نحفظ الإملا بدفاتر ندرس الشاعر و الأرض
و لما تيجي النصوص والبواريد على ريق 
و تيجي البواريد على الريق بورقة الفحص
توقف ع باب الفحص وتوابيت بلا الضيق 
شو ما تكون التواريخ 
أنا بحبك 
كيف ما بتيجي التمارين 
أنا بكتب أنا اسمك نقطتين على سطر بدل تراتيل 
الهدا هنيك 

لما تيجي النصوص و البواريد على الريق
أنا بوعدك رح غيب
غنيلي يلا تفيق

انا بوعدك نصرخنا 
بوعدك أصرخنا

12. يلا تفيق | مع جندي مجهول

مراية بنص العاصمة
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
الوجوه ضيقة الملامح بتوسع
مرسوم بالقلوب كيف القلوب بتوقع
الأرض مفتوحة بواب العيون مسكرة  
البرد شبعان بالهوا في تفاصيل مجزرة
عالساكت منتعب إذا مرتاح القائد
حصالة الشعب و البلد إناء فارغ
ميت متل خشب كرسي فباقي أمل
خيط للملك للرئيس للزعيم كفن
حانة الأمل مليانة كاس الزعيم 
 بحارب بضمة بحارب العلة بتنوين
حارة المظاهرة أنا إذا أنت شارع حديث 
بحارة و سفينة نوح أنا و أنت بحر صغير
بكندرة البعث صواتون عالأرض داست 
مقبرة الحي مليانة , القبور عاشت
هالمدينة سجن ضيق فيقت فيني حريتي
قتيلك أنا العايش فيكي بتنفس تهديدي
  
.
 

11. مراية بنص العاصمة | مع مولانا

16/60/2014
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :

كل العيون كواكب , كل المسارات ارتجالات شفاه
لمَّ الفضاء قبلة , و انزاح
و ارتاح في حضن المجال
لم يعد لليل داع , لم تعد لليل نجمة
سرقوا له أثدائها 
انسكب فيه خيالها جرحا لطيف المنكبين
كل كتف ألف مطر من شهيتها إليه
مزقوا أسمائها و لم يزل صوت لها مرميعلى مسامع كل ما فيه من جسد
لم يمت أبدا كما فعل الأبد
ذئب روحه
فضة العينين تاهت
مرجح النفس آلهه و انتحل دورة القيامة و انتحب
مات فيها أم عليها , كل ما صارته من موت تماسك قبله
و انتمت للرقص فيه أم عليه
لم يكن يحصي الحديث أو القبل
كل احتمالات الحنين إلى التأني في الغزل
بات فيها كل شك بات فيها
كل ما في الأرض فيها 
كل ما فيه وطن

10. 16/06/2014

المشهد الثالث
كلمات و أداء : ابن حواري 2013
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
الشمس حدة 
شفتها إيدها عدت 
سكرت باب البرد 
و انمدت 
كانون ورا الباب متخبي
و مخبي الغيمة تحت طاولة المتة
لم الهوا بإيديه 
ريحة البيت خبى 
بجيبة قميصو 
استنى 
بين عيون الحارة الباب ما اتسكر 
ما اتذكر حدا يبكي 
عاش و كل الحارة ماتت 
راح يكبر 
الليل راح عم يشرد 
التخت مرجوحة أحلامي 
و أبعد من إنه يسند 
ضهري
عم بنادي رح يسمعني
بمكان الحيطان فيو غيوم 
أرضو سطح السما 
شباكو طيور 
السقف مطلي أمل 
و الحياة على أد المحبة 
لم حبة مطر و زرعها ع كتف الكون 
صرخ "حبني" 
قلتلو بحبك 
قلي "استنى ارجع ضمني" 
بكيت بكفي 
و لك أبكم أنا و أنت حرفي يابا ! 
"الفظني"

08. المشهد الثالث

نحنا !
كلمات و أداء : ابن حواري
إنتاج : مولانا و جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
عم نمشي عكس النور 
و بآخر الطابور في تحقيق 
في تدريب لغوي 
منضدة و ساطور 
حافظ النشيد 
من أول ترديد
رقيب أول ع صفي 
حتى نحافظ عالعتيد 
ف هاد ال بالمجزرة كتفك ولا كتفي ؟
وينو العريف ؟ 
عامل ضابط عالأسامي 
فاستشهد فلان 
طبشور و لواح 
أشلاء و أراضي
كنت عامل ضابط عالأسامي
فاستشهد فلان 
طبشور و لواح 
أشلاء و أراضي  

والباحة لسا عم تخلف ورانا الفراغ 
و نحنا ورانا السراط نحنا الروانا العطاش 
أحاديث نحنا و ما حدا روانا للصراع 
نحنا الصراع عالعطش و الفقه بخلع البلاط  
فلا تيجي بحارتنا تجرب تفتح بسطة فيجة 
عم تمتهن الموت و جاي تعلمنا عالعيشة
عم تمتهن الموت و جاي تعلمنا عالعيشة
 
نحنا حكاية ما بتمل منا 
طلقة ورا طلقة  
نحنا الولادة 
جبهة ورا جبهة

نحنا المتنفس سكوت
يلي ربينا عالخذلان 
نحنا غابة الذئاب لما بدنا والغزلان
نحنا ولاد القهر نحنا تواءم أرواح البلد يلي ربينا نفطر أمل نتعشى نسيان
  عم نمشي عكس النور بس عم نشلح الظلمات
لنلحق نخلق نور فينا و نشرح الخطوات
ما بتشبع الطرقات , كلها عم تضم بعضها
أنت و بالفرشة صار في أكتر من عصر نهضة
مو بس ثورة نحنا ولا أسد كرسي 
هون القصد مخصي 
مصر جابلها النوم سي سي 
بعد الوأد بمرسي
و هون القصد مخصي 
أنا و إنت منكمل لما منفهم نقصك نقصي
ليك بالمي العكرة رح صيد 
يلي معكرها 
بالصيت
هاد انسحاب لحظي 
من الفكرة 
ف منرجع 
نحنا كلشي امسيز ما غنت للبيبسي
ولا تمسحت بالكرسي
فشفلك بيناتنا مطرح
زرعنا بغيباتنا نطرة 
نحنا تسونامي بس بيشفق ع سومطرة
 فحوى القصيدة والقافية البآخر سطرها
نحنا كل الشتات بغرفة صغيرة طاير سطحها
لك غرفة صغيرة من طنجرتك 
منقدر نطعمي المدينة الغرقت بالمستنقع 
نحنا الخروج عن النص و النقطة ع السطر 
بخطابات الديكتاتور نحنا يلي منقطع السطر
نحنا الخروج عن النص و النقطة ع السطر 
بخطابات الديكتاتور نحنا يلي منقطع السطر
منخطف دموع الحكومة ع قبور الماتوا من الضحك
نحنا العتمة الما بتنجلي , و آخر لقمة بالصحن
نحنا العتمة الما بتنجلي , و آخر لقمة بالصحن
نحنا العتمة الما بتنجلي , و آخر لقمة بالصحن
و تدور في رؤوسنا الكوكب و الشمس و الحذر 
و إن يقطعوها يدور في قلوبنا الله و الغزل
نرى في وضوحنا ما خبئ القدر
و في عيوننا نخبئ الأوطان و المنفى و الأجل
نحن أسرى شمسنا والقيد كل حجر
تنام في عيوننا اللذات و النهم 
على سرير الرب لا تكبر الأحلام
ففي منزل الرب رأينا الله لا ينام
منشوف قصة الضب مو دليل نبوة 
نحنا منفرد الطاقات ولائم إنت هاوي ضب
منفتح الطاقات بحيث تلائم نبي هاوي بجب
لحتى يطلع منها مين يحارب نبي تاني ظن 
حالو نبي تالي مسيلمة الكذاب قاري 
برامج دين باستوديوهات روتانا تاري
الدين برامج اقلب المحطة انساني صفحة 
بعدت المحطة قطاري تأخر 

هاد انسحاب تاني من الفكرة 
فمنرجع 
نحنا العشنا بالمستنقع و ما غنينا بيوم ولا تغنينا بصرماية سيادة الضفدع
إناء خيو ؟ إنضح !
بما فيك 
في زيو بنطح ! بعاديك 
حط زيو أقبح 
كما ديك ! 
حط خيو صيح 
على هنيك ! 
في زبالة أنضف بلا العسكر 
الله أبيض الدولة سودا بلد ديب 
نحنا المسرح لما ليلى ما تتفق مع الديب 
 نحنا القصة لما نحنا نصير نصيد

09. نحنا | مع مولانا و جندي مجهول

أسلوب حواري
كلمات و أداء : ابن حواري
بمشاركة القاطع
إنتاج : أسلوب
ضبط صوتي : أسلوب
من آلبوم تراكم | خروج إلى الداخل
2017
الكلمات :
وجع بقلب الدول يا بلاد جابولك أجلك 
لدول وجعنا سفراء نوايا حسنة
ببيعونا دموع و بيقبضونا أشلاء
و بعدها بيجي أنزور بيعمل الكذب أفلام
عالشاشات دايما المعترين بكل لقطة
بقلوبنا شايلين المدينة والمدينة جلطة
 بعاد عن المشهد بس لناسنا أقرب
بالفعل مو بالصورة على عكس نانسي عجرم
كنا نلعب بالحارة حروب بين الدول
بتصير تصير حروب بحاراتنا بين الدول
أد ما تدور علينا ما بتلاقينا بين الصور
عالشاشات في برامج بتسوقلنا للوجع
بنص النشرة شهداء بيتساقط الشعب
بالفواصل تعلم علاج تساقط الشعر
بتلاحظ زمان ما حدا سقط عن العرش
إنو يا الشرع فاروق ؟ يا فاروق الشرع ؟

نحنا ضيق حارات الشرق ثورات عالحبس
ساروت بحمص هارون و موسى خايفنا فرعون الأمس
زاروب الشمس
طعنات بجسم جندي حط رصاصة بجسم القدس
ثورات للقدس ساروت بحمص
هارون و موسى خايفنا فرعون الأمس
ع جثة قاتلنا , دبك رقص 
طعنات بجسم جندي حط رصاصة بجسم القدس

بحس إن قلت "حرية" , بصراخي وصلت
بحس إن صرت مدفع رح أوصل لحلق الظلم
بحس إن درت ضهري للقتلني بحسني ضعت
بحس إن طلت عيونكم كلكم رح أخدها لتحت 
 ما في ولا كاميرا عند سقف الزينكو
الحارات واضحة شموس أسرار برا بيركم
بالحارات مندفن أسرار عن حريقكم
سلاطين كلكم بس حارتنا مش حريمكم
ورا مين أركض و انا بقيت روح ميت من الجوع
ورا أيا لقمة بيركض؟
بقلبي ناتع غضب من قلبي بشيل موت
بشيل حزن بشيل ألم بحط قلب جديد هون
فلسطيني سوري مش ناطر هوية عالدور
حتى لو بملف لجوءي عرفوني ساتسلوس
شعب شديد بأس طويل روح
حكام براسي طابور بي تسابقوا مين سُب 
فيا ظلام السجن خيم شفنا فينا جيل صُبح
ليس بعد الليل إلا , مية صُبح
يطلع من حارات الشرق 
و ثورات عالحبس
ساروت بحمص هارون و موسى خايفنا فرعون الأمس
زاروب الشمس
طعنات بجسم جندي حط رصاصة بجسم القدس
ثورات للقدس ساروت بحمص
هارون و موسى خايفنا فرعون الأمس
ع جثة قاتلنا , دبك رقص 
طعنات بجسم جندي حط رصاصة بجسم القدس

07. أسلوب حواري | مع أسلوب

المشهد الثاني
كلمات و أداء : ابن حواري
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :

الفجر شايب 
الدفا فيه غايب 
كنت حاسس انو اختفى و مو نايم
عيوني غمضتها 
ما نمت , بس غفيت 
ع رموشي اللحن طاغي 
يا بحبسو بشفافي يا بكيت 
انتهى 
نقطة 
صحيت الضو ع وجي دمعة 
مسحتها ب في السقف 
فتحت الباب فقدني الوعي 
شفت الدرج وشم 
ف سبني الوعي 
حملني الحكي ع ضهر الدار 
لفظت الدار بكوة 
فيها كلشي إلا دموعي 
فيها غطى شمس وجودك 
لمحتك عم تنادي 
طفوا ضو القمر 
عديت نجوم السما أقرب من دموعك 
ع كتفي 
و صورتك خيال عم يتمشى بحضن أمي 
صلي لرجوعه 
خلص الفجر 
فيك تغني

06. المشهد الثاني

لاجئ و يعيد
كلمات و أداء : ابن حواري
إنتاج : الراس
ضبط صوتي : الراس
من آلبوم تراكم | خروج إلى الداخل
2017
الكلمات :


شفتك مشيتي و قلبي لسا واقف شايفك
بقلبي رغيف خبز و شفافك لقمة بايتة
 مخبي نبضة بتطلع مع آخر برميل
كبتنا مكة خيتا حوتنا برلين 
بحسك نسيتي بإيديكي المجازر أساور
صرت أغير لهجاتي حتى الحواجز أناور
كنت أخاف أفقد ملامحي , و ما يعرفني أبوي
لما أطلع أشوف وجهه أرجع أموت
أيا تابوت بيسع حلمي بأني أصل لقبره   
أديش فيكي تكوني دافية وأديش فيني لسا أبرد 
كل الماتوا حلق بأدنيكي حطيون
كل يلي بقيوا بدم يلي ماتوا انقعيون  
نمتي منيح  فتحتي عيونك على جروحنا
فقنا ببلاد تانية فكرنا الهجر عالج روحنا
أنت كذبة كبيرة إلا لما تكوني نحنا
و نحنا منبقى نحنا وين ما رحنا
إلي فيكي أهل ما بدي منك زينة
و أول ما أرجع رح أحرق فيني الياسمينة
أنت الآس دينك صار الآس دينك 
بجرب لمك لقلبي بتخطفك إيدين القاسمينك
ضعت جواتك بحر و قلبي مرسى
كل مرة بلاقيكي فيني برجعي فيكي بغرق
بدور ع حالي وين 
بتطلع على أصابعي بلاحظ الشوارع عم ترتب حالها بيني و بين 
الحارات يلي عم تهدد حالها بإنو تبقى 
بلاقيني بحيطان هدت حالها حتى تبقى 
ليكي حتى لما عريتي ولبستيني انا نقصتك
يما حارتي هي مشاعر متل الكعبة انهدت
كل الحدود مبارح شفتها وقعت على شكلها
سياج عالي من الأضافر عم يحك بضهر الملجأ
و لسا ما نشفت ملامحك بس بكل أيلول بتضعف
روح أسأل خصر البلد ليش ع هزنا كتير استدمى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
بشيل عني همي على كتافي ناتع ولد
نادى أمه قلها بحبك قالتله حبك بلد
بكره الموت يلي حب خالد أكر
بس بتذكر أديش كنت حب أديش خالد قتل
بحب أسرق منك صورة ومن الحكومة كهربا
بحب وجوه الناس طقوس و زخة المطر بكرهها
رح شوفك بكرة ها ! جيبي معك مقروطة
بحب الحلو بس تضحكي و بكره يلي قتل الغوطة
بحب كيف كنا نخبي كل حديث بأضيق حارة 
و بكره كيف الزنازين ضيقة متل الحارة
أنا ماسك  قبلة خدين , بصلي عالقلب مرتين
كل ما يقولوا لك هرب , قولي صارت العودة حقين

05. لاجئ و يعيد | إنتاج الراس

المشهد الأول
كلمات و أداء : ابن حواري 2013
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
المسا مرتب 
شباك عم بلالي
البرادي نعسانين
العلم ع كتف الحفة 
و صوت الآذان قتيل
الغرفة صندوق
الصورة حيط
الكرسي مخلوع عم بصلي
بس يا ريت يطلع صوت غنية ويحكي
طفوا هالمسجلة 
بكرة بتخلص كل العتمة 
منتخبى ورا جدلة شعر أول نجمة 
بسما صافية نتفة 
و على الهاوية نكتب 
هون كان في حفة
انبلعت بالصدفة 
لما كان المضغ هادي 
و كان الموت مو عادة 
و كان أبي يركي راسو على مخدة 
مو ع رصيف بشارع تلاتين 
كان يتغطى بلحاف دافي 
مو برصاص البردانين

04. المشهد الأول

أرجوحة
كلمات و أداء : ابن حواري
إنتاج : شعراب
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
لا غمد لي في وجه آكل لقمتي ندبة 
أنا عنب في داريا في آخر موطني أذبح
فلسطيني في أسمي أروض ملمحي عمدا 
فيكبر في دمي اسمي و تكبر أرضي الثكلى
حريتي صوتي و تأخذ من دمي شكلا
أنا يا أبتي بئر , أتملك في غدي شك ؟ "لا"
يا أبتي بئر , فلا يوسف ولا إخوة
 يا أبتي شطر تهزه قافية رخوة
من أي ضوء تنجو حاصرتك الفوانيس
نام الكل قبل البدء فحاصرتني الكوابيس
في المعهد العالي تعلمت السقوط
من أي قافية سأنجو ؟ أمسكتني الكواليس
لماذا أملك في كفي زنزانة
و اترك فيها أشيائي و أملك فيها إنسانا
لماذا أملك النوم خذوا أحلامي قربانا
 يا أبتي طفل بعمر القلق الآن
  رتبت مذبحتي ف كيف سأنصف الآتي
جداري تاه في قلبي قليلا في احتمالاتي
 يا أبتي سجن كبير لانتصاراتي 
و كيس الخبز في قلبي يعلمني انكساراتي
 أصابعي خمسة كثر تتوه بها لقيماتي
أنا أبناء أمتعتي لصوص الحي من ذاتي
 صندوق ألعابي أنا مني استراحاتي 
أنا عكسي أنا ضدي أنا نفسي بمرآتي

أنا بالحارة هموم الحيطان و حظ النعوات
بلم سجون جوا صدري و بوزع للظلم بسمات
أنا الضعيف يلي وراي قوتي وراي قوتي
لقمة حرية بين سنان الجلاد 

أحاصرني بيني و بيني بندقية 
ف كيف سأحمل المشهد بيني و بيني مسرحية
سأكسر الجمهور خلف الاستراحة الأولى 
و آخذ مع بقاياهم مئتي ألف سورة 
و أهرب خلف الصور اسرافيل يا سندي
علمني الانتظار و ارمي الطاعة خلف غدي
ذاك المسرح العتيد علمني غزو التفاصيل
ترى قسوة حول قسوة ترى لين
ف حيثما أسندت رأسك ترى فيل 
ترى نبيا ترى عاما 
ترى موتا أبى فيك 
موتا جرى فيك على لحن جرى فيك
ترى شفعا ترى وترا 
ترى طيرا أبابيل
ترى تراتيل 
ترى طقسا 
ترى ذبحا 
ترى نارا ترانيم دارت حولها 
ترى ريح
دارت حول قرابين 
حوت قلبا رأى فيك
روت بئر اختلى فيك 
فامتلأ فيك  
ذاك المسرح الرقيب علمني هز التفاصيل
ف هذي الأرض أراجيح

03. أرجوحة | مع شعراب

كامل, أمين, ثابت
كلمات و أداء : ابن حواري
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :

كل ملك كل رئيس
كامل, أمين, ثابت
كل زعيم كل وزير
كامل, أمين, ثابت
فايت ك جيل شايف آية بترتيل تالت
قالب الرؤى من قالب ترتيب جاهز
لآلة ترويض غاية
قالت الأرض شبعانة دم و عضام 
ليك
هاتله سرفيس
سيادتو متضايق , حاسس حيطان القصر ضاقت عليه 
ما بقى تكفيه 
الشبابيك سنان هجمت عليه
عندك شباك ف متهم بالخروج عن سلطة العتمة و عليه
ف منهدا علينا و عليه
سيادتك مليت ؟ طب حاج تهز البحر حاسك الموجة عليت
أنا آسف أنا حاسس أنا أطرش بزفة لهيك
خادم للبلاط و بالصلاة بنزل بدل إيديك
ف كيف لو الصلاة عليك

سيادتك ضجران ؟ بتحب نحط الحبس بالجيران
و ننصب على حدود القصر مصيدة فيران 
و نسرق سلوى يا سلوى و باح يا باح و هالصيصيان
سيادتك فهمان , داحش بالبلد إيران

منعملك تمثال منتغزل فيك 
سيادتك ممكن تمثالك من صابون ف منتغسل فيك
منعملك تمثال منتغزل فيك 
سيادتك ممكن تمثالك من صابون ف منتغسل فيك

فوتنا البحر عالعاصمة , سفينتك ناطرة
المدام طابخة هدوء بنص العاصفة , شاطرة
إذا بتحب تمص العاصفة لأن البيوت هارة
ولا ننادي سليمان العيسى تكفو دق الباصرة؟
سيادتك , عالباب صار في ناس ع باب القصر صار في تار ع باب القصر ما صدنا فيران ع باب القصر ع بال القصر صار خاطر ع بال القصر يغرق ع باب القصر حاسس الخدم صيصان ع باب القصر طلعت إيران من باب القصر و الشباك ما في شباك تهمة حتى بالقصر حدك بالأصل تهمة حدك عالعصر تهمة دبت عالأرض ع باب القصر سيادتك دكتور عيون تفرج , 
خلصت ؟!

سيادتك مليت ؟ تفرج من الشباك
الشعب عم يطالب يفتح بصدرك شباك
سيادك ضجران ؟ تفرج من الشباك
الشعب عم يطالب يفتح بصدرك شباك

سيادتك مليت ؟ رح نفتح بجمجمتك بيت

نخبي فيو الحرب و الجسور الكتبتها باسمك
نبني بيوت بلا جلدك

ابني يروح ع مدرستو مو مدرستك
ابني يروح ابني يرجع
كلشي سجون نحطها فيك 
جوا عيونك كل حريق
جوا صدرك كل غريق
 كلشي سجون نحطها فيك
سيادتك قضبان
كلشي سجون بحطها فيك
سيادتك
قضبان كلشي سجون 
بحطها فيك

02. كامل، أمين، ثابت | إنتاج جندي مجهول

إنتوا | بلا راء
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :


لكل حي مخبى بقلبي كدمة 
لكل حي خبى بقلبو هتاف و غضب لقلبي 

لكل شباك تهمة 
لكل مين ما عم بزاول الألم ك مهنة 
يزول الألم ع كفنا خيا 
حتى لو اعتكفنا خيا
بزنزانة أمم متحدة

لكل حي خانق الحكومة لو بكلمة 
لو بحيط خانق الحكومة لو بكلمة
لكل شعب أصم بوقت الخطاب 
لكل شعب بازق المجلس قبل و بعد الكلمة

للحدود جوا البلد 
و ولاد البلد ال عالحدود
و للبلد بعد الحدود  الع وجوهنا متقسمة

لكل محاولة نجاة 
و لكل شاهدة بلا صليب أو مطمئنة
لكل ضمة وقعت منا
فوق حاء بحبك

لكل حب فوق المسافات كمل
بسمة بسمة

لإلنا نحنا الناس
ل يلي لموا عن وجوهنا التعب و الآس
ل يلي انتبهوا للسواد تحت عيوننا
يلي بيوسع مع الضحكة

للصبح الجاي عالبلاد فينا
لمعنى أسامينا

للحق للخوف للغضب 
للكلمة

01. إنتوا | بلا راء

تغريب خارج السرب
كلمات و أداء : ابن حواري
إنتاج : ووردنكلف
آرتوورك : حواري
2017

الكلمات :
المفروض نصير نعيد العيد بمرجوحة بواريد
يرمونا بعيد نصير نطير و نتمسك بالريح
المطلوب نصير بإيد السارق أكلي و شربي نبيذ
المرفوض نعيش و نتمسك بالحق و الأرض سرير
و الشرط نموت سموا السجن اوسع حدود
مرت حمامة بيضا قوصها لتقول كلام و قصة عن شو
بتشوف
"طمشوه"   
و ننام كيف مان صاحيين ؟ مية باب خالعين 
جيب ناس تانيين , قلوبنا بيوت 
عبوا سجونكم ناس 
مية باب خالعين
و ننام كيف مان صاحيين ؟
مية باب خالعين 
منشوفهم كلهم عسس 

 دحض بنص طفرة نظم       
أنا عصف بعب رقصة ندم
أنا عقد المشتري مع زحل         
أنا و موت بشتري نص اجل 
أنا روما ف نيرون انقتل        
 و بقيت
هي لون الغزل         
شو نسيت
عيبوا عالأزل           
بشو بديت
مجنون الخلق         
نص دين
صلوا للوجع         
بباريس
لك أنا حقي الوجع بخوف بسجع بباريك
عالحق بشجع بباريك
لك مين باريك
و تاريك 
شبح العفة ملاحقك 
هاريك
ع نفس النسق "العيب" مطاردك
عنف و المسد محاصرك
هاريك
لك مصحف انا قاريك 
و الأجل ملاحقك 
ف خرزة زرقة و ياسين 
تحرس مداخلك
ف
عمم عمم اشبع
هي الغنية بشعة 
تربطنا تسعة
بغرفة بتسع واحد أصلا
ربينا عالخوف صدفة ؟
حط أصبعك ع بريق الشاي جهنم متلو سخنة
و يلي بيكذب 
 بياخدوا ع النار مو هيك ؟
لولا الكذب ما كنت بتشوفني قاعدلون بالسويد
قاعد خجلان بالقطار العيون عليك ؟
شو همون ؟ لونك ؟ عملوك كلبشة بإيديك !
بفضلوك متعلم هون  بتعرف الأصنصير
و في مشاكل بين الكنيسة والدولة على الصيد
مشاكلك كلها بتخلص بشرب المي
هي بلاد ما بتفهم كيف رواح بتروح بشربة مي
عندك ببلادك شرطة   فَيْ
أول ما تلامس عينك الشمس اعتبرها شردت 
ني    لحم البشر بيتاكل بالأقبية
سجون تحت الأرض و قبور فوقها شرحت شوي
شو معنى نتنفس لحظة بحضن شقفة ضي
شنتة عي ع كتافك ناتع 
و المدينة تبتسملك ؟ لسا عم تحاول
مو ملاقي حالك فيك ! كيف تلاقي حالك فيها؟! 
وجوه الناس صعبة ! المدينة ما بتحليها !

هنيك الرحيل انتصر 
شوف هون السقيع انزرع فيك
عالسريع انتقل 
قلبك كالجميع الخجل عمر فيه 
أسابيع و أجل
لحتى صفيت 
تعيش
كالشهيد البطل
تموت
كالشهيد البطل

تغريب خارج السرب | مع ووردِنكلِفّ

و الحديث يطول
من الآلبوم القصير "كليم"
كلمات و أداء : ابن حواري
إنتاج : ووردنكلف
@wardenclyph

لأحمد و علي و آخرين
الكلمات :
كل البواب أسامي ناس بوجي تركوا بعض
حبوا بعضون يمكن , بس حبيت بملمحهم القلق
استنيت حالي بحالي لحتى صار الوقت غُرَف
و صرت ع شاطئ اللقيا أحب ألملم صُدَف
هاد الوج مألوف بس الشارع غريب
ع رصيفه بسطة حروب عم تبيع الطريق
بطريقة هادية هون ما فيك تاخود موقف عنيف
لأنو ما بتسعفك الحروف وقت توقع جريح 
تخليت عن موقف ؟ لأ بس خسرت إيد
سندت قلبي لما يجرب يوقف احتراما للنشيد
و أخد معي الموضوع وقت اكتر من كافي
لحتى لاحظ إنو الناس الجنبي غير العلى كتافي
و إنو الحارة الما عم تسعني نفسها العطتني نفس
و الجنازة الما مرقت من جنبي أبي فيها اندفن
تمسكت أكتر بالترك و انو لازم ما أتعود 
قام صار الوقت يدوب و ما ألحق أحمل همك
و بروسنا انا و علي بتذكر حررنا قلوب
من ظلم و فقر و تعب و بتذكر حررنا بيوت
من فقر و ظلم و تعب و بتذكر كسرنا حدود
و آخر مرة أنا وعلي بتذكر حللنا نروح
و صارت الوجوه حدود كل ما شوفها أتجنبها
و الحارة كانت تساعد بكل دخلة عم بدخلها
و الوقت ضل يدوب و الجنة عم برسمها 
دقايق مع قلوب الناس يلي لسا عم دق إلها


ألو , ما في حرارة 
و الصوت البين الصحرا و البحر تركني و سافر
ألو ,
الشبكة ضعيفة  
و قلبي بحر علقان برتم موجة خفيفة
ألو , قلتلك ما بدي أحكي معو , صدمة 
 و حديث قصير عن اديش فينا نكمل
ألو
 و الحديث يطول 
عن اطول صمت بيقدر يعمله هالتلفون

And it goes on | والحديث يطول

شال
التراك رقم ٥
من آلبوم كليم
إنتاج ووردنكلف

Scarf | شال

Wake up! | !اصحى

See you tomorrow  | بشوفك بكرة

We know each other | منعرف بعض

Ebn H'oari Feat Zoqaq - Meen?
Produced by Heny Maatar aka Fusam
Mixed by Fusam at Bassmint Studio (وكر الثعلب) Lund, Sweden
Mastered by Marius Krämer aka Bassinfected, Berlin, Germany
Artwork by Ahmad Makhlouf and Heny Maatar

@fusam @zoqaq @bass-infected @khanelrouh

*Many Thanks to Obay Al-Shaarani aka Khan El Rouh

lyrics:

مين يلي سمى الأرض وخبى القمر تحتها؟
صرنا والقمر جيران بس ما في باب ندقه يفتح 
تاري عار الشمس إنها:
عارت الأمل للريح يلي عار الأمل بنتها
دمعة بالسقف مسحتها 
دار الزمن فيني دختها 
ما ضل وسع كل أنيني عم ينفيني 
الضحكة شلحتها 
وزعوا أسماء السجن عالمدينة 
ما ضل رحلة إلا ورحتها 
ماطل
محنة يلا بتخلص
شعبة روح تجند
شعبة صف ورتلاً ترادف 
متتك، براءة! 
سجنك ع كتفي قرصنة بدولة تراءت 
زي فرض العولمة بدولة العراضة 
فيها عولبة فرحة بحارة 
فمين الشرحلك إنو الحضارة يابان وروبوتات؟ سويد وهدوءها ورؤاها؟ 
الحضارة: نكسر حبوس صدورنا بنفسنا المحبوس بصدورنا 
نحنا بسجون منخلق، منربى ومنموت
كيف بدك ياني اطلع عالهوا وهو بصدري محبوس
أنا ورا بالكالوس بالعتمة بغوص
فقلي
 
مين غنى الدفى عإيقاع تك سنوننا 
مين رقص معنا وقت تمايلنا من جوعنا 
ونحنا المحبوسين بمعدة فاضي تلوكنا 
مين ضحك معنا ونحنا المهضومة حقوقنا

مرحبا مرحبا
أسألتي كهربا
بدها ناقل سلك نحاس حتى تجاوبا
فتتجاهل أسألتي بخشبية أجوبتك؟! 
أسألتي كهربا! 
أي نار منقلبا! 
أسألتي سكين
غمدها خاصرتك
كل ما أجوبتك
تتجاهل أسألتي فبسأل فبسأل!
مين شاف الكلمة لكمة؟
أما الكل مطمش شاف الكلمة عتمة! 
أدنى كلمة ظلمة
لأ شمس ساطعة صدق 
هالبلاد فتيل بآخره هربونا ع غير بلاد 
فراكض هرباً من حريق مو لأحرق السعرات 
قلي قلبي هات
لسا أنبض إذاً أكتب 
ولو بقلي عقلي رضاخ ريتني جن وافتقده 
مين قال الغربة حبس؟ 
بنصوصنا منطير 
منطير منطير 
بنصوصنا منحلق 
بنصوصنا منتلاقى
أفكارنا بتجمعنا 
فقالولنا يلا هس رفيقي بدن يانا نسكت
نستعيض عن الغضب بس بكز السنان 
ولو خدنا شفاف لحبسونا بتهمة التمرد 
طب نحنا مين نحنا جيل خلق للتعتير 
منخلق ممنوعات حتى من بعد التفتيش 
فهاتله سرفيس 
عزة علم كرامات 
لما تكون الرحلة فينا أنت فقط كراجات 
فلا تنام بلا كلاب أشرس بلا دناب 
فرد ناب على ناس على نار شعب 
شعل برد عبد علاقات علاقات على قاع 
ضلو على راس حكم تبن هدم على ناس 
ما تفكر إنك باقي لسا المدينة وسخة 
جنابك لوح صابون لما ننضف ما رح تبقى

مين غنى الدفى عإيقاع تك سنوننا 
مين رقص معنا وقت تمايلنا من جوعنا 
ونحنا المحبوسين بمعدة فاضي تلوكنا 
مين ضحك معنا ونحنا المهضومة حقوقنا



© DON DADA 2019
www.fusam.net

مين | ابن حواري وزُقاق | إنتاج فُصام

Ebn H'oari - o'usi w dwalib
Produced by Heny Maatar aka Fusam
Mixed by Fusam at Bassmint Studio (وكر الثعلب) Lund, Sweden
Mastered by Marius Krämer aka Bassinfected, Berlin, Germany
Mhd Saudi Artwork

@fusam @bass-infected

lyrics 2018:
ليك هاد آخر نفس
والأحلى إنو عم يطلع لبرا القفص
عشو نبقى ونحنا الخسرانين نشقى
؟نبيع سندويش بالملجأ ونفرح بالشاورما
ًوين الحارة؟ والعشقانين حصرا
الأكلين سطولة مي من الشبابيك، تحتها
عنا الحارة حلوة بتشلح كل شتوية بيت
بتزعل
بتميل بيوتها ع بعضها
فولاد الجيران انو يحبوا بعضون سهلة
ساكنين بأعتم دخلة 
الدولة قطعت كهربتها
أما هون تعا أغسل
 بالدور زبط موعد دكتور
يشربك مي يضل يقلك أركد أحسن
مكتب العمل بيبعتك دورات هدفه منها بس يعلمك كيف بتنبعت دورات
تسقتل وبلا مساعدات؟ سهل تزبطها 
دور على مطعم هون يمص دمك نقطة نقطة


وعشو أبقى ونحنا الملحوشين نتعب
في زنازين على كتافنا ناطرتنا نسأل
ليش الله عمل هيك؟ او ليش الحكومة؟
!تخبي بصدري تابوتك وأنا الرافض ارحل
وين الناس الكانت بين عيونها تخبي الناس
بعد كل مظاهرة طيارة تنفتح البواب
رشوا الحزن ع شفافنا، قمت ضحكت
كسروا أصابع فرزات أبقى ليش؟ الحلم؟
صار حلمي اني احكي جملتي للناس
بلا ما انحط بالحبس 
وشير لهاني عباس
فكيف عم تجرأ تقارن شقاك بحبسي
بعرف كل الدنيا حبوس, بس في سجن العيشة أسهل فيه
في سجون ما بياكلك البرد فيها
ولا الخوف جارك بعد ما رحل خيك
القصة مانها قصة و مين بقلبه أكتر تعب
مشتاق لم غراضك تعا نموت سوا
هون تعلمنا العصي الاكلناها ندحشا بدواليب الباطل
و إنو مو غلط تحقد ع قاتل
و الحب و السلام ثانويات و ندالة
لما الحب والسلام يلتقوا بلا عدالة

عُصي ودواليب | ابن حواري | إنتاج فُصام

عن الوقت والشك وشكله

شكل الوقت
كلمات وأداء: ابن حواري ويوزرسيف
إنتاج: ووردنكلف 2020

@big-yun-music @wardenclyph

الكلمات: 

ماشي أني حربي بصدري
عم تعملني
تعي ننقلني لمطارح حبها وتخذلني
عيشها وتقتلني
تقلي كل ما تسكت
تغني كل ما نام
ونعلي
أوقع تتجلي بكسري
اتسلى بخصرك
تتسلي بضيقي
أوسع وتضيقي
تفيقي
تصيري رفيقي
تديريلي ضهرك وبسيفك ع غيري تغيري
اغلط وتصيبي
تصيدي فريسة بقلبي شردت

تحطي الوقت
نحدد شكل الوقت
تخلي البحر يشتت شكل المد
خبي الشك
بحضنك شكك
حط بحضنك شكي ومد
رد
حط الوقت
حدد شكل الوقت
خلي البحر يشتت شكل المد
خبى الشك
بحضنك شكك
حط بحضنك شكي
ومد

حاسس بالسؤال فيني اخلع بواب
ما معي مفتاحها ولا معي جواب
وحاسس بالتشكيك في فرصة ألاقي
طريق جديد للشك أحلى من يلي بخيالي
ولسا في مطارح للفلسفة بالحواري
ندهن الحيطان شكوك وتسبقني حيطاني
ولسا في مطارح بالبيوت للحب وصدق
..لسا في وقت لحتى روح ولحق

حط الوقت
حدد شكل الوقت
خلي البحر يشتت شكل المد
خبي الشك
بحضنك شكك
حط بحضنك شكي
ومد
رد
حط الوقت
حدد شكل الوقت
خلى البحر يشتت شكل المد
خبى الشك
بحضنك شكك حط

بتخيلك غرفة، حيطانها سنين شهور وأصبعي
فبحاول أفتح بيبان الوقت بأضفري
وكل حرف بيطلع مني عدي إله ثانية
فبكبرلك انا وعم بحكي وانت عم تسمعي
وإذا لمست وعيك بصرخة ونام باللاشعور
مفتاحك أخد شكل شكي
وأنا مسروق مني ذاكرتي
بعيرك انتباهي إذا احترتي
اطوي شكي بيقينك وانسي شو مكتوب

حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد
حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد

وبتخيل حالي غرفة معدودة لحظاتها
محدودة أطرافها محفوفة أصابعها
بحدة الشك
وبتخيلها أصغر من إنو تكون لحظية
فبيطلع الصوت قبل ما انطق
بشك بالوقت
وشكل الفرق أكبر من إدراكنا
لأنو الوعي شباك أضيق من إنصافنا
وكل ما يوسع نتفة، بداية جديدة للشك
بتغازل حاسة من حواسنا
وإذا حاسة بسؤالنا..

حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد
حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد

Ebn Hoari | ابن حواري

Popular tracks