لك ليش السما فوقي وتحتي

لسان الحارة
إنتاج موسيقي: الشلش
 2018 كلمات وأداء: ابن حواري
تسجيل: استوديو وكر الثعلب | لوند، السويد
2021
العمل الفني
3D modeling: معاذ الشلش
فكرة وإخراج : سليم جويّد

الكلمات:
 معبى فضاوة
أهدى شقاوة
أطرى قساوة
أقوى ضعف
أعطل صلح بين جلد الذات وتطنيش اللذات
بالذات
هاد درس للسين بالذال
للزيق واللحيس
لطياز
للسميع والحفيظ للغاب
عت درس التعريف
للعريّف
    السليّب عالناس
الكذاب
للحبيب المحروق
عالنار تبع الشوق
للورد تبع الشوك
للسرد تبع القصة الباردة
بنص الشوب
لأحلى هدف بالحياة بنص الشوط
ملعب ب دف الشوك
دموع الضحك بنص الشو
عمى بنص الشوف
وبشوف ضروري الشور أوقات
شو يلي ناقص قوت أو قات
اللي قاتل السفينة جروح موجات
لك ليش السما فوقي وتحتي شوو شو الحل
لك شو شو الحال
شايف الطبيعة جنون شلحت
محبوس بظنون مدلل جنود جلعاد
كل عام وهالسجون توسع
لحتى يصير الكوكب سجن والحروب مفتاح
نقتل بعض كلنا ونخلص من حدود الناس
تصير الأرض كلها جرود عرسال

عرس هاد؟ وطني
والعرسان؟ تصور نمطي
ع راس لسان الحارة واقف سندي
 فاهم نمطي
وعبطي
عالبطيء
عم بطير
عم بطير
عم بطير

على ريح راكب
على ريق ناشف
وقفت الكلمة
عالستيج حاجز
حاجة
عندك للحجة حاجة
عندي بالقجة حاشر
مهارات وعارف
مهما زادوا ناسك
موسيقتي أساسك
المهارات وعندي
الكلمة
من كل بيت
بالحارة
منكمل
منكم اجيت
الطاقة
لسنا بجيش
بل حارة
لبسنا ايدين
من نارة
حرقنا الليل
حقنا الليل
صبحك زيف
عتمتنا
نوارة
رمادا
منتشارط
عالمال
منتشارك أحزان
منتشارع والناس
تتسابق والنار
تتسارع جوانا
والراح منتناسى
منتماسك بالجاي
بالعاد
منتقاسم الفراح
منتقارب
شو بعاد..
عرس هاد؟
..
.

Comments

نبوءة آلياسمين ♪

Sawan | صوّان

husen__daher

beej4y

HassN N.m

Doread

Sultan Sooud Al-Qassemi

Munzer منذر

Hamady Aloush

Hamady Aloush