قصاقيص غنا ..مشروع تجارب موسيقيه بسيطه وصغيره ..رساله فى شكل اغنيه
--
وحشتينى
--
Music : all done in my New Home studio

Osama Elhady - Wahshteeny | قصاقيص غنا] - وحشتينى]


نعم لابد من حب .. لتملأ كوننا الأنوار
ليغمرنا عبير الود .. تبسم حولنا الأقدار

لنفتح صفحة كتبت .. بنور القلب والإيثار 
سنرسي منهجا يذكي .. انفتاحا بيننا وحوار 

أليس نبينا المختار .. حاور من تحداه
و بالإقناع أرشده .. بحب نحو مولاه

فلن ننساك قدوتنا .. ولا المنهاج ننساه
سنجعل هديك الراقي .. دليلا للعلا و شعار

نعم لابد من حب .. لتملأ كوننا الأنوار
ليغمرنا عبير الود .. تبسم حولنا الأقدار

أحاوره يحاورني .. وحتما يرتقي فينا
شعور أننا بشر .. ونور العقل يدنينا

فينبت ورد عاطفة .. وعطر الروح يحيينا
معا تحلو لنا الدنيا .. ويبقى الإنفتاح مسار

نعم لابد من حب .. لتملأ كوننا الأنوار
ليغمرنا عبير الود .. تبسم حولنا الأقدار

نعم لابد من حــب ♥ | حمود الخضــر

شرح الأبيات !!
وهي أن قيس ابن الملوح كان يريد أن يسافر فسألته ليلى الى أين انت ذاهب؟ فقال:اريد ان أسافر لأنشر شعري وأبحث عن رزق لي واعود . ثم سألته متى ستعود فأجابها بأنه لايدري.
ومرت السنون والاعوام ثم عاد ولما عاد وجد أطراف أصابع حبيبته ليلى أصبح لونها أحمر ..وكان في زمنهم ان من حنت(خضبت كفوفها) مخطوبه اي يفهم انها مخطوبه
فقال لها:هل خضبتي كفك ياليلى بعد فراقي وانخطبتي؟؟
قالت : لا ولكنني منذ رحيلك وانا ابكي حتى ابتل الثرى( الارض او التراب)
وكل يوم امسح دموعي﻿ بيدي حتى دمت (سال منها الدم) يداي


عبد الرحمن محمد و مهاب عمر - لما تلاقينا

ربما ما أشارككم إياه هنا هو أجمل ما قيل في الحب العفيف، وهو حوار مقتطع من مسلسل ربيع قرطبة.  بلغة أقل ما يمكن أن يقال فيها رائعة وبوصف جميل ورائحة من زمن نَحنُّ إليه حتى بدون معرفته ..

المقطوعة بالخلفية للموسيقار التركي الرائع عمر فاروق
Your Love Is My Cure - Omar Farouk

الحُب في قرطبَة - Love In Cordoba

 إنتى غيرهم .. لون عيونك غير عيونهم .. طعم ضحكك مختلف .. إنتى أصلاً أحلى منهم .. إنتى غير كل البنات .. إنتى أرق .. إنتى أحق بـ حبى ليكى .. إنتى لأ .. صعب أبعد عن عينيكى .. صعب أسيبك .. صعب ألفى حد غيرى .. يكون حبيبك .. صعب أنسى فـ يوم وجودك .. صوت سكوتك .. شكلى لما فـ يوم بـ أرسالك .. أو بشوفك .. صدقينى _ يا حبيبتى _ .. إنتى غيرهم .. إنتى أحلى إنتى أغلى .. لون عيونك بس يسوى .. ألف منهم ..  إنتى كفه و هم كفه .. إنتى دمك كله خفه .. تبقى حلوه و إنتى عاقله .. تبقى أحلى و إنتى طفله .. إنتى فرحه فـ وقت غمى .. إنتى ضحكه تداوى همى .. لمى خوفك عنك لمى .. دا إنتى حلمى اللى فاضلى .. إنتى روحى و نور عيونى .. سكه بسلكها فـ غيومى .. لما بـ تداوى فـ همومى .. ببقى حاسك زى أمى .. لمى خوفك عنى لمى .. طمنينى بـ حبى ليكى .. كل دقه فـ نبض دمى .. خارجه منى و بـ تناديكى .. لمى خوفك و إوعى تانى تتتينى .. لما أبص لـ لون عينيكى 
لــــ أحمد مطاوع
https://www.facebook.com/A.Motawe3

إنتى غيرهم

نص:هديل شرف
أداء صوتي:زينب فرحات
هندسة صوتية:عمرو شاهين
************
فيه ناس حبها زي شمس الصيف 
من بدري تطلع تنور الدنيا كلها 
لكن كمان تملاها بحرها ..
ناس من وضوحها تخاف تحبها 
و ناس منهم زي شمس اغسطس 
ما تقتدرش تفضل معاهم كتيير 
حرارتهم واصلة كل مكان 
لازم تهرب منهم للبحور والمراوح 
دايما بتطلب من حرارة حبهم راحة

و ناس زي شمس الشتا 
حبهم فرحة و دفا 
لكن الغيوم ما بترحمش 
دايما هاتخبي الشمس في عز البرد 
في عز حاجتك للدفا 
و تفضل دايما محتاجلهم 
و مفيش بينك و بينهم معاد 
الناس دي زي ما لقاهم جميل 
لازم قلبك يبقى جاهز للبعاد

… فيه ناس زي القمر 
بعادهم وحدة اكتر من كونه ضلمة 
ووجودهم انس و فرح 
وجودهم بيطمنك في سفرك في ليل 
الدنيا الطوييل ..
حبهم بالنسبة لك شيء جميل 
حتى و انت عارف انه شيء محال او خيالي 
بتحبهم و انت عارف انهم عمرهم ما هايبقوا ليك 
او على الاقل مش ليك لوحدك

و فيه ناس ابعد من القمر زي النجوم و الكواكب 
وجودهم شيء جميل بس مش دايما واضحين 
و في سماك ظهورهم وغيابهم امرين مش محسومين

اما المظلومين في الحب دول نوعين 
إما ناس زي كدا كشافات الطوارئ
نورهم يخلي الليل نهار .. 
بس دايما في حياتك على دكة الاحتياطي 
او ناس زي الشموع .. 
يدوّبوا ارواحهم عشانك 
و انت ها تجيب بدالهم 
كانو في حياتك مرحلة 
و انت كنت لهم عُمر
______________
http://hadeel-sharaf.tumblr.com/post/71298273857

https://www.facebook.com/pages/%D8%B2%D9%8A%D9%86%D8%A8-%D9%81%D8%B1%D8%AD%D8%A7%D8%AA/387965191336822

الناس والحب

https://soundcloud.com/gazagaband 
https://www.facebook.com/GazagaBand


نص الكلام - عمدان النور جزجا
كلمات أحمد النجار 
الحان يحيى نديم 
توزيع موسيقى لعمدان النور
بقيادة فنية لحماده نبيل

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. كان من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

نص و نص عمدان النور

ليه عينيكي؟

ليه عينيكي بتحلى أكتر
لما عنِّي بتبعدي
ليه فـ قُربك منِّي باقتل
كل حلم بيبتدي
ليه شفايفِك وانتي جنبي
بالدموع متلونين
هوَّ ذنبِك ولاّ ذنبي
نبقى دايماً مجروحين

ميت سؤال شايفُه فـ عينيكي
تبقي جنبي ومش لاقيكي
لو خلاص الخوف ماليكي
عرَّفيني وماتداريش
لو خلاص م الخوف تعبتي
ودَّعيني يا حبيبتي
مش هـ أقولك ليه فارقتي
مش هـ ألومك ماتخافيش

غصب عنِّك بتسيبيني
برضُه أحسن ماتخونيني
واللي كان بينِك وبيني
ويَّا غيري هـ تلاقيه
دوَّري على حلم تاني
تمحي بيه الأولاني
بكره طيفِك لو نداني
هـ ابتسم واعمل ناسيه
------------------------------
كلمات والحان : أنطونيوس نبيل
توزيع : محمد يسري

ليه عينيكي؟ - جوني

على خيوط الأمل

على خيوط الأمل فيكي
أنا اتشعلقت
لمحت الحب فـ عينيكي
أوام صدقت

حلمت تكون بيبان فرحي
فـ حُضنِك لسَّه فاكراني
حلمت تسيلي فوق جرحي
مطر يغسلني من تاني
مطر يمحي ما بينَّا فروق
ماكنش وجودها بإيديَّا
يفجَّر بين ضلوعي شروق
ينوَّر كل شيء فيَّا

أكون شايفِك وأكون سامعِك
وأكون وقت اللُّقا شوقِك
وأكون ساعةْ الألم دمعِك
وأحسّ بنبضي فـ عروقِك
أمدّْ إيديَّا الاقيكي
والاقي لغربتي نهاية
أنام ماحلمشي غير بيكي
شطوط ممدودة جوَّايا
-----------------------------
كلمات والحان : أنطونيوس نبيل
توزيع : وليد ميمني

على خيوط الأمل - جوني

https://www.youtube.com/watch?v=WPUCLEbeo9Y

هي- يقطع فلان على علان
دي الناس بقت مالهاش أمان
أصحاب الشوم.. وحبايب اللوم
مليون خناقة يا اخواتي فـ اليوم
ما حدّ يا اخواتي غلَّبني
على الشناكل لعَّبني
غير مضروب الدم داهوه
اللي ملقَّح هنا هوه
دايبة فـ هواه.. قال مش عاجباه
وحياة داهو لانا مورياه

هو- بالراحة عليّا.. يا حبيبتي شويَّة
والله عاجباني.. لكن أحزاني
على طول غالباني.. ومش بإيديا
بالراحة عليا.. يا حبيبتي شويَّة
مابلاش تهديد.. وزعيق ووعيد
دانا كنزي أكيد.. حُبِّك ليّا

دانا حتى بأقول للناس إنِّي
مش بس حبيبِك لأ طفلك
ومافيش فـ الكون حدّ لازمني
غيرِك وتمللي بألِّفلِك
فـ أغاني كتير وآدي أغنية
ييجي من إسبوع شغَّال فيها

هي- لأ مش معقول
هو- لأ جدّ بأقول
هي- ونا قال زعلانة عشان مشغول
هو- كان غرضي إني أفاجئك بيها
هي- دي مفاجأة خطيرة ما حصلتشي
وحياتَك عندي تغنِّيها
هو- بس الأغنية ما خلصتشي
هي- أرجوك يا حبيبي تغنِّيها
هو- مش حلوة ولسه ما كملتشي
هي- دي ضروري هـ تطلع وهمية
وكمان هـ تكون أحلى هدية
أرجوك أرجوك بقى غنِّيها
هو- أمرِك يا حبيبتي خلاص يمشي

هو- إتجرئي إتجرئي
إنهي الليالي وإبدئي
بُصي فـ عيوني ودققي
هـ تلاقي فيهم طفل خايف
هـ تلاقي طفل هزيل بريء
مفزوع ومش لاقي الطريق
هربان من الموت البطيء
مع نبض اسمِك ع الشفايف

خايف لا يصرخ
حدّ غيرِك يسمعُه
مابقاش بيرسم
غير وشوش بتودَّعُه

إتجرئي اتجرئي
وماتبعديش عن طفل تاه
بُصي فـ عيونُه ودققي
فـ عينيكي هـ يشوف الحياه
مافهاش حيطان مستنياه
مالهاش ضوافر توجعهُ
فـ عينيكي هـ يشوف الحياه
مالهاش ضوافر توجعهُ

هي- مع إني فرحانة بغُناك
خلّيت عيوني يدمَّعوا
إياك تخاف أنا هو معاك
هو- الخوف معاكي بأودَّعُه
 
هي- إياك تخاف أنا هو معاك
هو- الخوف معاكي بأودَّعُه
هي- إياك تخاف أنا هو معاك
هو وهي- مع بعضنا هـ نودَّعُه

..........................
كلمات وألحان: أنطونيوس نبيل
توزيع: وليد ميمني

الافتتاحية: 
جزء من مونولوج (يقطع فلان على علان)
كلمات: بديع خيري
ألحان: العظيم سيد درويش



خناقة رومانسية – جوني و ماريان

إلي البنت اللي سهرانة لهذا الوقت 
وبتفكر ف واحد كان زمان روحها - لكن مابقاش كده دلوقت
بقا ذكري مجرد جرح في جروحها 
وبترتب دولاب وحدتها بالواحدة 
وبتعد الصحاب يامه بقالها منهم واحده
الي البنت اللي لو تحكى 
بتحكي هموم بشر تانيين 
اللي البنت اللي في عيونها
دموع شايله وجع وحنين
إلي الصاحية على سريرها  
تعاتب أهلها النايمين 
" مساء الخير " على عيونك 
وطظ ف حد بيخونك عشان شافك يادوب شهوة 
ياخايفة من جميع الناس وثقتك بس ف القهوة 
أنا حبيت أقولك بس 
بإن المجتمع لو حسّ
هيضرب نفسه ميت مرة 
عشان بيبُص من بره 

اللي البنت السهرانه

عارف لما بـ نتمنى لو كانوا كِدبوا علينا .. بس استنوا؟
لو كانوا استمروا فى الكدب ... بس استنوا؟
لو كانوا اتكلموا فـ وشنا بـ حُبنا و من ورانا بإننا صعبانين عليهم .. بس استنوا؟!!
عارف إحساس الخوف من إنك ماتحبش تانى اللى بيخليك تفضل ماسك فى اللى واجعينك زى القط اللى ماسك فـ خنّاقُه فـ تفضل ماسك فيهم بـ رغم كل حاجة عشان يستنوا؟
عارف لما يصعب عليك الحلو فـ تنسى الوحش اللى خلى الروح جواك أرض شوك .. كل دا عشان يستنوا ؟
عارف ؟
لما تفضل مستنى إنك تعرف إنهم لسه هنا .. موجودين .. مستنيين ... هايفضلوا حتى لو بعيد بس هايفضلوا؟
عارف لما تتنازل عن كل الطلبات و الأحلام و الأمنيات و الذكريات الطبيعية معاهم عشان يفضلوا موجودين و عشان ماتزهقهمش و ماتزعلهمش من غير ماتقصد - كل دا عشان يفضلوا؟
عارف لما يبقى المكان اللى هما فيه جواك ماتقدرش تتخيله فاضى و من غيرهم .. تحس ساعتها إنك انت نفسك ماعادش فاضلَّك حاجة مِنَّك لأنك عبارة عنّهم فـ تبلع كل الإهانات و الزعل و الخناقات و تختصر كل المسافات اللى هُما بـ يزوّدوّها بس عشان يفضلوا؟
عارف كل دا؟
بافكر فيه يوميًا .. عشان كان نفسى إنت تستنى ..
عارفة انك مش هاتقرا .. بس انا مش قادرة ما أحسش بيك .. و عارفة انى مهما ندهت انت مش هاتسمعنى .. بس انا مش قادرة ما اندهش عليك ..
و عارف برضو؟
هادعيلك ..
ربنا مايكتب عليك تستنّى ..
ربنا يحبك و يكتبلك حتة من الجنّة ..
يارب كل خطوة تخطّيها و انت من غيرى .. تتهنّى

#مروه جمال الدين

عارف؟

كل الأشعار تناجيكـ...~

بلا ولا شى - زياد رحبانى - رشا رزق

نص: إسراء مقيدم
هندسة صوتية: شادي عبدالله
أداء:زينب فرحات
___________________________
وهتعمل ايه يابو قلب مصبوغ بالجَدَب
مع بنت تكوينها بيشبه للشتا؟
متلوّنة بريحة يناير
روحها عاشقة الكلفتة
واكمنها..مروّية فى القلب بتعب
كان فيها منه حجات كتير
يمكن دفاها..أو جفاها
أو شرودها عن دواها
أو هواها للسهر
وبرغم سقعة جوّها
تلقاها تقدر لو تعوز..تصبح غطا
البنت سكة للسفر
وانت المسافر فيها مهما كان قلبك عجوز
..لساك فتى
 كات جدتى بتحكى زمان
ان البنات..
تأويلها جوة الحلم دنيا
والحلم كان واجب نفاذه فـ خطوتين
"كام رقصة صولو من الوجع
على رتم أوتار الكمان"
وكأنه ديْن
وان الميزان..علشان يوازن كفتين
فـ البنت يلزمها تعيش كام ألف ضحكة
عشان يعادلوا حزنها
والحزن لو كان تُقل وزنه يسوى مَبْكى
بضحكة واحدة منّها.
يامفرّقين حبة دفا ع البردانين
قلب الشتا زى الرصيف
او زى شارع كان مداه ضلمة
ومخبّى وسط العتمة نور 
والبنت برضه قلبها شتوى
عكس الخريف
يسكنها حبة ضىّ رغم الليل
..كل البنات
تقرب لروح البرد فى البوح والسكات
زى الحكاوى الدبلانين
حدوتة كات متشتتّة
مكتوبة لكن ما اتحكتش
مش ميتّة..لكنها
تفاصيلها لسة ماتعاشتش
وعشان كدة
كل الصبايا فطبعهم..
بيكونوا أجمل فى الشتا
كل الصبايا فطبعهم
بيكونوا أجمل..
..
فى الشتا

بنت تقرب للشتا

الحـُـب موجود ♥ .. عمر طاهر

نامِت حاضنة الكتاب
والقلم سَـحَـب نفسه
بشويش من إيديها
تحلم زي البنات
بالرقص ع الطبلة وع النجيلة
تشتهي حد عارفة
انه عمره ما حيشتريها
تبكي ف أواخر
كلامه في المكالمة
وان سألها صوتها ماله؟
تقوله "عادي
انا عندي برد"..
ولأنه مكانش بيطَّمن بجد
ما يصدَّق يقفل
في الكلام
ويقول سلام
مش عارفة ليه
حست ساعتها بنغزة
وإنه مكانش ليها
تكتب في الأجندة
بختها المايل..
وكلام أغاني
بقلم ليه ذكريات
يفضَى القلم
يفضل ألم جواها قد الحياة
وتناجي من تحت سابع سما
"شاهد يا رب؟"
بتنام من غير ما تستنى الإجابة
بدمع الخد ناشف
لسا شايلة حلمها
بالأمومة ف ضم المخدة
حُضنها أدفى م الجنة
وطبعها زي العيال
تلعب معاها تحبها
حلمها مبقاش بجد
تلاتـ(30)ـين سنين العمر
وقعوا من إيديها
وعيون خالاتها وبناتهم
وأمها
مبيرحموش
"سيبوني لوحدي
شوية يمكن احبكوا
سيبوني ف حالى 
لحظة
عشان اعيش
-------------------------------------------------
قصيدة شاهد يا رب |  (من ديوان العشق السادي الصادر عن دار الكرمة) | شعر وقراءة أحمد العايدي
هندسة صوتية ومؤثرات | م.رفيق عدلي
تم التسجيل باستودو بداية
-------------------------------------------------
https://www.facebook.com/photo.php?fbid=232379213600438&set=pb.220708241434202.-2207520000.1389715017.&type=3&theater
-------------------------------------------------

شاهد يا رب؟ | شعر أحمد العايدي

مغرم -عبد الرحمن محمد

الحلقة التقديمية من سلسلة حواديت قبل النوم
"حكايات القلب الكريستال"

الحواديت دي هدية لكل الناس اللي مش لاقية حد يحكيلها حدوتة قبل النوم
هدية لكل الناس اللي مؤمنة بالخيال والاساطير وارض الجمال

لو عايزنا نكمل الحواديت ماتبخلش علينا بالشير واللايك

مهندس صوت: مصطفى عبده
موسيقى: armand Ammar
كتابة وآداء: محمد فاروق

-علشان الناس اللي مالهمش حد يحكيلهم الحدوتة، الحدوتة متاحة للداونلود .. حطوها عالموبايل واسمعوها وانتوا عالسرير-

Muhammad Farouk - Crystal Heart 01| محمد فاروق - القلب الكريستال الأولى

فجأة لقينا الليل بيشتي نهار

و الأرض بلبل و السما فرجة

و ان كان محدش سامعه بيغني

بين المراوح وقفت العربية

و الضي شعشع و الشجر سلويت

و أنا حبيبتي في قميص بأكمام

عينيها ترعش من جمال المنظر

بلعت ريقي ييجي ميت مرة

و كل مرة ينقطع صوتي

بذلت مجهود الجبابرة و أخيراً

قلتلها خليكي هنا ويايا

هتروحي في ويا الهوا وياه

 

قلتلها ياه

و قالت لي يايا و يايا

و أحنا بقينا في آخر الدنيايا

و الزنبلك داير على الفاضي

 

أتلفتت لي المستبدة اللطيفة

و خدها بينطر دموع مش نازلة

و الحب أرحم لما يبقي مغازلة

قالتلي عيب بدل الموتور و المحرك

يا عم يا شاعر تقولي زنبلك لك

و تنشغل باللفة و الأسلوب

و التعلب المكار أبو التعلوب

ولع سيجارة و لا مش هتولع

راجع لي بعد المدرسة تدّلع

دخانك أسود يبقى قلبك شايل

لكن هسيب حضني في حضنك مايل

إكمنش التفكير في حل المشاكل
هو هم طيب من هموم الحياة

 

قلت لها ياه

و قالت لي يايا و يايا

و احنا بقينا في آخر الدنيايا

و الزنبلك داير على الفاضي

 

رديت كأني من بعيد مش سامع

يا لابسة من تحت الودع تنورة

يا معسلة زي القمر في الشمس

يا أم الليالي الهاطلة المشمورة

يا ريتني أعمي أشربك باللمس

و لا أشمك في بيار الأمس

قالت هتقلب جد يا مسكين

قلتلها أستاهل حدود الموت

أنا الحرامي سارق السكين

سلمت نفسي أن هذا الصوت

بكّى شفايفي من شفايفكم

غاوي العطش أفضل أشم الليل

و لا أموت الضهر   شايفكم

قالتلي غني يا ولد شامي

و غني مصري يا ولد مصري

و ارفع لفوق البرج أعلامي

و تعالى بين الدفتين قصري

أتاريني جني و هي جنياه

 

قالت لي ياه

و انا قلت يايا و يايا

و احنا بقينا في آخر الدنيايا

و الزنبلك داير على الفاضي

 

قلت لها و النور اللي جوانا

ينهج في تقليد اللي بيشوفه

كتر الطاووس زي السمك في المرج

و رقصة الأسياف تنقط لولي

نورتي بيت الشعر يا أمورة

قالتلي دنتا اللي ولد أمور

يا طفل شايب في قماط دمور

خد المراية بص شوف الوسامة

رسمت كلامي ودنك الرسامة

و ادعوا لنا نوصل قصرنا بالسلامة

الجن و الناس اللي في الحلزونة

يسلم لي بقك دا اللي أنا سقياه

 

و ان قال لي ياه

أنا أقول له يايا و يايا

و احنا بقينا في آخر الدنيايا

و الزنبلك داير على الفاضي

فؤاد حداد - الحلزونة

الخيال وهم بنجب نعيش فى .. والواقع غريب عن الخيال .. لاننا نتخيال ما نحب و نستغرق فى الخيال الكثير وفيه 
الحب اطهر ما يوجد على سطح الارض 
والسعاده تكمن ب الرضا بالله والايمان بالقدر 


H

A ♥ H