يا وحشاني ..
وقلبي فـ بعدك  ..
مهوش عايش  ~ وبيعاني ..
يا بنت القلب يا ساكنة ..
في روح روحي ~ وجواني

يا وحشاني ..
وشايفك بين حروف اسمي ..
بتترسمي خيال موجود في جدراني ..

يا وحشاني ..

يا أقرب ليا من نفسي ..
انا نفسي ما  يبعد بينا يوم تاني ..

يا وحشاني ..
يا أكتر حد حبيتة ..
وحسيته .. 
في توب لابسه علي جسمي مدفيني ..
فـ لمسه بالحنان فايته علي جبيني ..
فـ صورة حضن بيعيشلي ..
فـ يوم ما اعطش أمان ألقاه ..
من روحه يسقيني ..
فـ ركعة وقت فجرية بتحييني ..

يا وحشاني ..
و مين غير قلبي يبقالك .. !
و إيه غير حضني أبقالك .. !

يا وحشاني ..
دا بعدك زاد فـ حرماني ..
و مين غيرك هيفضلي ..
ياساكنه وريدي و ضلوعي ..
وعايشه فـ روحي و فـ ضِلي  ..

يا وحشاني ..
دا كل ما رمشي بيشوفك ..
فلازم أصلي وأسمي ..
.. { يا أطهر دعوة من أمي } ..

#محمد_عزام

يا وحشانى ‏ - Mohamed Azzam

 .. يعـز عليا قولة آه 
 .. فـ يوم لما تكون منك 
 .. ساعتها الآهه تقتلنى
.. عشان مقدرش أحوش عنك
 .. يا بويا يا أعز من عينى 
.. فداك كل اللي يحلالى
 .. منين الراحه هتجينى
 .. لو انت مش هنا قبالى
 ..يا سندى وضهرى ..من غيرك هعيش ازاى
 .. منين الراحه هتجيني فـ عمري الجاى
 .. ومين غيرك هيحمينى
 .. وينصحني ويهدينى
 .. خلاص لحن السنين بعدك بصوت الناى
.. ملامحك باقيه فى ملامحى
 .. وصوتك سامعه جوايا 
 .. ولونك شبهى لون قمحى
 .. وروحك طايره فـ سمايا 
 .. أنا فاكر فـ يوم موتك
 .. مسبتش لحظة كف إديك
 .. وسامعك قلبى فـ سكوتك
 .. وشايف نفسى جوه عنيك
 .. فضلت مدارى ومخبى 
 .. وكاتم فـ الضلوع ألمك
 .. تقولى قوم يا واد جمبى
 .. وتضحك ضحكه مليانه بلون الموت
.. حضنتك حضن بضلوعى
.. وغرقت عينى بدموعى
 .. ساعتها سمعت منك صوت
 .. يا واحد فرد مالى سواة
 .. يا مالك السما والأرض
 .. بحق المصطفى طة 
 .. تصونى بين تراب الأرض
 .. وفجآة عيونك اتقفلت
 .. وبسمه ف وشك اترسمت
 .. وأنا مذهول
.. وبدء الفكر بيا يدور
خلاص .. 
 .. خلاص أرضي اللى جوايا بقت بتبور
 .. بقيت عايش بروح مقتول
 .. ومين ارمى الحمول وياة
.. فيجري عليا ويشيلها
 .. ولما ازعل فـ لحظة القاة
 .. محلي الدنيا دي بحالها
 .. برغم الموت وفقدانك 
 .. انا شايفك بتندهلي
. .ياناسي وعزوتي وأهلى
 .. وراحتي اللى خلاص راحت
 .. وآهي ارتاحت
 .. وطلعت للي خالقها
 .. وسابت روح مفيش راحة تخَطيلها
 .. تملي الحزن سابقها
.. وعايشة بدمعة عـ الذكرى 
.. ورامية قلوب بتخطيلها
.. وناسية الخلق حواليها ومفتكره
 .. زمان كان بيداريها التوب
 .. وآهو المكتوب 
 .. ومهما قلوبنا تتألم
 .. فلازم نرضي ونسلم
 .. أكيد هنلاقي رب كريم بيسمعنا
 .. وقادر وحدة ع التخفيف لأوجاعنا
 .. وقادر يلهم الصابرين
 ..وأنا صابر عـ الفرقة
 ..ساعات الذكري مـ الحرقة 
 .. تبكى العين
 .. لكن بإيمانا جوانا أكيد عارفين  
 .. بإن الباقى هو الله 
ولة راجعين ّ

#محمد_عزام

~ّأعــز من عـينـى ّ~_ Mohamed Azzam

أمى التى فى خاطرى

معاه كشكوله من صغره
بيكتب كـل اسراره
صغير واتقـسم ضـهره
بحكم مهنـتـه وكـاره
ملوش عيله ولا أصحـاب 
يبان شايب لكنه شباب
يسيب الحزن كل الناس
ويمسك فيه ويختاره

#محمد_عزام

Mohamed Azzam

Popular tracks