و اللى بنى مصر كان فى الأصل حلوانى
و عشان كده مصر يا ولاد حلوة الحلوات
وادى و بوادى و بحور و كفور و موانى
توحيد و فكر و صلاة
تراتيل , غنا و ابتهالات
و كل ده فى مصر يا ولاد حلوة الحلوات
اللى بنى مصر كان حلوانى يا ولداه حلوانى
اسمه على بوابتها لا زال و لا زايل
ساعة الهوايل يقوم قايل
يابلداه
و ييجى شايل
هيلا هوب شايل .. حمولها و يعدل المايل
و عشان كده مصر يا ولاد حلوة الحلوات
بحلم يا صاحبى
و أنا لسه بأحبى
بدنيا تانية و مصر جنة يا صاحبى
و آجى أحقق الحلم
ألقى الموج عالى عالى طاح بى
و نعود سوا نطوى الأنين بالحنين
و عشان كده مصر يا ولاد حلوة الحلوات

( على الحجار - بوابه الحلوانى (اللى بنى مصر

فدائي - عبد الحليم حافظ

كان معروفاً عن الملحن الكبير كمال الطويل إمتناعه عن تلحين أى كلمات  لأغانى وطنية تستهدف زعيماً معينا ولو بالتلميح، ولهذا لم تسقط أغانيه بسقوط الزعماء كأغنيات كثيرة أخرى!
وواحدة من تلك الأغانى أغنية "مصر هى أمى" التى رفضها عبد الحليم حافظ،  فغناها بشكل كوميدى الأستاذ فؤاد المهندس، ثم غنتها كأغنية وطنية المطربة عفاف راضى ولهذا قصة تذكرها عفاف نفسها فى إحدى حوارتها مع صحيفة "المصرى اليوم":

"كنت قد اتفقت فى البداية مع الملحن كمال الطويل على عمل أغنية عنوانها «حبك أصيل»، وبعدما بدأنا التحضير لها استعدادا لتسجيلها، ابلغنى كمال الطويل أنه قام بتلحين أغنية كوميدية للفنان الراحل فؤاد المهندس ضمن فيلم «فيفا زلاطا»، ويريد أن يعيد تقديم اللحن نفسه ولكن مع أغنية وطنية يكتب كلماتها عبد الوهاب محمد والحقيقة أننى ترددت فى البداية لأننى لم أكن من هواة إعادة تقديم الألحان وكنت أفضل تقديم لحن جديد لم يسبق تقديمه، لكن مع إصرار الطويل على عمل ذلك وافقت، وبعدما سجلناها أعجبتنى جداً."

أما عن أسباب رفض عبد الحليم حافظ للأغنية فكان بسبب الملحن كمال الطويل، الذى رفض تلحين أغنية "عاش اللى قال" التى كانت لشخص السادات وهو ما رفضه كمال الطويل بتاتاً، فرفض عبد الحليم "مصر هى أمى" كرد لموقف الطويل.

مصر هى أمى - غناء: عفاف راضى
كلمات: عبد الوهاب محمد | ألحان : كمال الطويل



مصر هى امى

مصر هى امى

نيلها هو دمى

شمسها فى سمارى

شكلها فى ملامحى

حتى لونى قمحى

لون نيلك يا مصر

مصر ... مصر

ماتلاقيش مثالها

ست كل عصر

ضله جنب نيلها

تسوى الف قصر

ولا ورده بلدى فيها

عطر مصر ولا جو مصر

ولا سحر مصر

مصر ... مصر

يا ارض المحبه

يا غاليه يا مصر

روحنا ونور عيونا

فى حياتك يا مصر

لولا كان ميلادى

فى حسنك يا مصر

لا اتمنيت يا بلدى تبقى

امى مصر

مصر...مصر

فاتك نص عمرك

ياللى ماشفت مصر

السماحه روحها

والشهامه مصر

والكرامه هى

والتاريخ فى مصر

والهرم فى مصر

والكرم فى مصر

مصر... مصر

مصر هى امى

نيلهاهو دمى

شمسها فى سمارى

شكلها فى ملامحى

حتى لونى قمحى

لون نيلك يا مصر

مصر هى مصر

مصر هى أمى - عفاف راضى ..... راجع المعلومات عن الأغنيه فهي مفيدة للغاية

أغنية الأطفال يا طيور النورس لمحمد ثروت
أغاني أطفال
أغاني للأطفال
أغاني أطفال قديمة

يا طيور النورس - محمد ثروت

فات الكتير يا بلدنا - محمد منير

قول معايا يا شعب  ... تحيا مصر

MP3 جدو يا طيب ** احمد منيب

A7med Beshara

Recent comments

Amira Hassan

Tony atiif

Ahmed Salem

Eman_Gamal

Related tracks