KV Ft. 3afreet - Ana Fekra | انا فكرة

محمد اسامه - انسان بدائي | Mody Rap - ensan beda2y

My Acc : https://www.facebook.com/OnlyForZamalek1

ورقة و قلم - محمد أسامة

UnderZero - ارمي اللي باقي من الوجع

contacts
https://www.facebook.com/MAD.Zedan
https://www.youtube.com/madzedan


MAD / ليالي الشتا البارده - ماد


قافل علي نفسه بابه قاعد لوحده حزين 
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا  وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الابيض فجأة اهو شاب
 لو كانت الدنيا عذاب في عذاب يبقي انا من ضمن الميتين


الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوص انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلدي والبلدي محبتنيش
والحاجه اللي بتسيبني بسيبها متلزمنيش


كنت شخص مبتسم لإني جاهل باللي جي 
بدون ما توقع إن القمر ممكن ينطفي له ضي 
كنت بسقي زرعي وردي في البلكونة كل يوم 
كنت بأذاكر و اجتهد و بصحى بدري من النوم 
كان تفاؤل اللي حواليا شيء ايجابي 
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ 
تعرف إن أملك في الوطن بقى شيء مستفز 
اليأس مش خيانة اليأس ضعف محترم 
حقيقة مؤلمة إني أشوف تضخم الورم 
استمر في المكان ده يعني أفرط في انسانيتي
 هافتقد صحابي أهلي ناسي كل ركن في بيتي 
مفيش وطن .. مش عايز غير إني اكون إنسان 
يوم ما أحس إني و الجماد سيان هاسيب المكان 
الحقيقة كالكابوس .. السعادة في الفلوس 
الشر منبعه البشر منبعه النفوس 
سايبهالكو مخضرة لإني شخص واقعي 
فقدت كل عاطفة زالت ما بين أصابعي 
حتى الحب طار لانعدام وجود المادة 
و الحرية انتهت بفضل الثورة المضادة
الوطن بيجبرك تدريجيا تبقى فاسد 
ع الأقل لو شريف هتبقى حاقد تبقى  حاسد 
الوطن بدل ما يدي ناسه  طلع حرامي 
سرق عمري و عمر جيلي و مش هزود بعد رامي 
أنا لازم الحق نفسي اشوف وطن بيحترمني 
أي مكان ماليش كرامة فيه يبقى مش لازمني 
مكان خطر على حياتي الخلفة فيه جريمة 
مجتمع خطر على دماغي بافكاره القديمة 
الهروب ضرورة للتخلص من كل الشرور 
كل معاني الانتماء ربطتوهالي بالباسبور 
يا كل دولة حرة أتمنى يكون زعيقي واصل 
لاجيء بلا وطن رافض حدود أو فواصل 


30 سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفول للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه 
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ،  ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق 
فقتلولك القلب اليافع 

اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كالنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش 
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك كنت في غيبوبه والنهايه من البدايه للاسف كانت مكتوبة


عالم تالت

عالم تالت @ محمد أسامه - رامي دنجوان

على لوكا
ـــــــــــــــــــــــــــــــــ
كام مره سألتك ؟
وكنت بتهرب م الاجابه ؟
لامتي هتفضل عايش ساكت
ارنب صيد وسط الديابه
خوفك وضعفك بذر جوه منك
وبتسقيهم
ديما خير الناس مش ليك 
وخيرك انت رايح ليهم
كام مره جم عليك 
طب ليه مجتش في يوم عليهم ؟!
" لسه سايب نفسك ليهم شايف ان الوضع عادي 
وقت ماكنت لكله شايل كله ليك مكانش فاضي "
ف انت بقيت متقبل فكره 
مين هيبيعك المره دي ؟!
نفسك نفسها يطول نفسك
بعد ما اتقطعت انفاسك كم بني ادم انت ساعدته ؟
رجع من تاني برجله داسك 
بيفسرها منك جوه حاجه اي ضد احساسك 
كل حاجه عكسك حتي غلطك من راسك لساسك 
عامل مش واخد بالك من صوت جواك قالهالك !
انك ع الهامش ديما فين كرامتك بالنسبالك 
يرجع سؤال مين الغلطان ما انت اللي عارفه
صغيه السؤال بتضايقك ؟ 
طب خلاص اللي انت شايفه
ـــــــــــــــــــــــــــــــــــــــــــــــــ
داليا عمر
ــــــــــــــــــــــــــــــــــــــــــــــ
وشك في وش الذكريات
تايه غريب عن كل شئ
فيك نص حب الناس ف مات ..
ونص عايش كله ضيق ..
وكسبت ناس
وخسرت ناس وندمت فجأه عشان لقيت..
انك كتير فكرت فيهم بس
بسهوله اتنسيت
ـــــــــــــــــــــــــــــــــــــــــــــــــ
العفريت 
ــــــــــــــــــــــــــــــــ
بتحاول وبتفشل
تتمني وبتيأس
مش عارف اللي بيحصل ف بتقلد اللي بينجح 
خبراتك ف علاقاتك اعتذرت شافوك ضعيف
قولت ع اللي ف قلبك لجبريل 
قلب ابليس 
انت ضعيف 
يا تري ايه اللي فيك ؟
مختلف
عنهم
زيك زيهم
يمكن غلطك اكبر من غلطهم 
استسلمت !!!
ياريتك استحملت 
كدا مبسوط ؟
مش عارف ترفع عينك في عينهم 
فيك ايه بيفيدهم ؟
عشان يفيدوك ؟
لو كانوا علوك
هتدور الدنيا ويوقعوك
سمعت كلام الناس 
طب ادي كلام الناس اذاك 
طول ما انت محتاج هتفضل عبد للي معاك
انت كداب وانت عارف انك كداب 
اللي فيك دا طبع ومتقوليش غلاب
انت شايف انت في عينك انت 
الاتنين = بيتساوا 
وانت عارف انت طيب وهو اللي تحتاجه 
ــــــــــــــــــــــــــ
مزاجنجى
ــــــــــــــــــــــــــــــــــــــــ
اديت كتير لكتير مخدتش
فا الحياه خدتك ولا يوم كسبتك
خسرتك لهمومك سابتك
وددتك .. جابتك 
حطتك .. شالتك
وفي ازمتك ..
الناس اللي صدقت معاهم وقت الحاجه
كدبتك.. يمكن انت مكنتش فاهم 
او مستوعبتش حقيقة ان خيرأ تعمل .. شرأ تلقي
وتتعامل بطريقه " المعامله بالمثل"
قيمتك بتقل لما تعدي وتقول عادي
والإهانه تتقبل
وفين راح إعتبارك
فـــيــن
" قولي فين " 
بيعاملوك بـ وش تجاهل
علشان انت مش محتاج 
وشين وتسم نفسك بإسم
لآ
طبعا مش قصدهم
فتغمي عينيك الاتنين 
عن غدر وخيانه في دمهم 
ما انت بتحبهم 
ف بتختار تنسى 
في امل لسه ؟!
ده كمان انساه !
ده كلام مش مفهوم لحد غيرك ايه معناه
ان انت انا 
اللي انا اخترت اهرب من المواجهه معاه.
Official Video : www.youtube.com/watch?v=euuzZlCzKaw

Hip Hop Project - B Sohola Etnaset | مشروع هيب هوب - بسهولة اتنسيت

جواز_صالونات.mp3

RAMY ESSAM - MESAHSAHATY رامى عصام - مصحصحاتى

لو عجبك التراك دة شير لكل اصحابك 

شمس الدين / لسه / اغنية جديدة 2016 
تسجيل و ميكس و ماستر / شمس الدين 
توزيع / Sadik Beatz / free beat 

اتمنى الاغنية تكون عجباكم و تعملو شير لكل الناس 

لســــه بضحك رغم كل صعب و كل جرح 
لســــه شايف دنيتى مليانه فرح 
لســـــه واقف فى المكان مستنى دور 
عـــــارف ان بعد كل ضلمة نور 

لســـه فاكر الكلام ومش ناسيه 
بس اللى بعنى لما بعنى بعنى ليه ؟ 
لســـــه بفتح الجواب دة مش راميه 
اول حبيب ده صعب انى اكون ناسيه  

لس،،،،ه فاكر الصحاب وقت العتاب 
عمرى ما يوم قفلت فى وش حد باب 
لســــه خايف بس حافظ الكتاب 
عندى امتحان لكنى فاشل فى الحساب 

لســــه عاشق للسفر فى اى وقت 
لو خوفت اكون لوحدى مش هلاقى حد 
الدنيا فى عز ضحك مش باخدها جد 
لســـــه راضى لو قابلت 1000 سد 
___________________
لســـه فى و لسه عندى ياما 
لســـه دى تساوى 100 علامة 
لســـه لكن هنعمل اية 
لسه عندك لو فهمت قصدى اية   
__________________

لســه عندى صبر لسه فى ايمان 
لو حزنك فى السواد فاحزنى فى الالوان 
لســـه شايف النجاح ومش بخاف 
لســـه حابب انى اشخبط على الغلاف 

لســـه غاوى دندنة فى وقت الغروب 
لســـة بغلط لسه برجع تانى اتوب 
لســه عاشق للمطر فى عز ليل 
لســـه عندى حلم و المشوار طويل

لســه برسم الامل على الجدار 
واثق من النجاح فى لحظة انهيار 
لســه زى شمس بتدفى النهار 
ازاى تعيش لو غيرك خدلك القرار 

لســـه فيا حب رغم كل كره 
لســـه فيا سلم رغم كل عنف 
لســــه عايز السلام فى كل شبر 
لســـه فى و لسه جوة منى سر 
___________________
لســـه فى و لسه عندى ياما 
لســـه دى تساوى 100 علامة 
لسه لكن هنعمل اية 
لسه عندك لو فهمت قصدى اية   
__________________


محمد اسامه - انسان بدائي | Mody Rap - ensan beda2y

a7med_capitano

Recent comments

Jailan

Ahmed Nagdy

الجوتشيBesheer.mc3

Rere Ham

Related tracks