 تميم البرغوثي/ "حل" الدولتين

مع تميم | "حل" الدولتين

عبد الرحمن يوسف - الشهيــد

موسى عليه السلام من الكهف

آسفة، ولا بأس :"))  ضي رحمي

أربع هزايم م الطبيعي يعيّطوك..
هى
وجيشك
والغُنا
وغُربة ابوك
هى عشان..سابت ف روحك طُهر
جيشك عشان..سلبَك إرادة وضهر
والغنوة لما بالدّلع هزَّت معالم وِسطها
الطبلة والرِّق اغتالوك!!
غُربة ابوك اكمنّها
غُربة ابوك!!!
#علاء_أشرف

أربع هزايم .!

انتم فروضي ونفلي

يا خَير مَن جَاءَ الوجُودَ تَحية. . بصوت رائِع يٌظهر فِيها مهاراته في اداءِ المقَامَات .

قصيدة الشاعر تميم البرغوثي 
قالولي بتحب مصر
____________________________________________

قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور

وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي

وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد

كان الجواب ان واحد سافر اسرائيل
وانا أبويا قالوله يللا ع الترحيل

دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني

قالولي بتحب مصر فقلت مش عارف

بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

قالولي بتحب مصر فقلت مش عارف

قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور

عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور

قالوا لي بتحب مصر - تميم البرغوثي

إني جعلتك في الفؤاد محدثي
وأبحت جسمي من أراد جلوسي

فالجسم مني للجليس مؤانس
وحبيب قلبي في الفؤاد أنيسي


راحتي يا إخوتي في خلوتي
وحبيبي دائما في حضرتي

لم أجد عن هواه عوضا
وهواه في البرايا محنتي

حيثما كنت أشاهد حسنه
فهو محرابي إليه قبلتي

يا حبيب القلب يا كل المنى
جد بوصل منك يشفي مهجتي

يا سرورى و حياتى دائما
نشأتى منك و ايضا نشوتى

قد هجرت الخلق جمعا أرتجي
منك وصلا فهو اقصي منيتي

انى جعلتك فى الفؤاد  مُحدثى و ابحت جسمى لـمن اراد جلوسى

البعض نحبهم ولگن?? فلسفة خليل جبران

كنا للعلم منارة 
وبنينا المجد بجدارة
فلك طب و عمارة
علوم فن وادارة
كنا للناس قدوة
وصنعنا في الارض حضارة
وبدأنا اول خطوة
ورفعنا للعلم شعار
ونسينا اننا قوم وصلنا كل الاقطار
اصبحنا اوهن امة
و أضعنا مجداً وصدارة
ندمٌ حسرة وخسارة
حالنا يبكي بمرارة
ام فاتنا الاوان فى غفله الزمان 
بالعلم والاحسان .. نضيء الكون كما كان
خواطر في قلبي تقول ..ضيعنا نهج الرسول
لبد لنا من تأثير .. فالكل شريك في التغيير 
لبد لنا من تأثير .. فالكل شريك في التغيير 


Abdulrahman Mohammed ( Khawater 6)

Ahmed El Masry

Related tracks