▶ ‫عايزه أعيش بينكم- يوسف شاهين و يسرا‬‎

"هي البت بتاعت الكُشك؟
بيني و بينَك .. تستاهل
هيّ حلوة ... 

الراجل بيحب، و بنته بتحب، و أنا طالعة أدبّ و نازلة أدبّ " ..

هوا عن هوا يفرق .. اضحك الصورة تطلع حلوة

شيل الخوف من جواك .... علشان يبان الوش التانى 

الوش التانى - مشهد من فيلم ملك و كتابه

ـــ هو اللى قاعد برة مع خالتك ده هو العريس ؟
 اه هو -
ــ عندها حق يا نجوى , الراجل مافيهوش عيب
 حتى لو ..أتجوز واحد عشان بس مافيهوش عيب ؟- 
 لأ طبعا .. عشان حاجات كتير - 
 زى إيه ؟ - 
ــ عشان تاخدى اللقب يعنى , و تبقى مدام مش مودمازيل 
وعشان تخلفيلك عيلين يطلعوا عينيكى 
ــ وعشان تلاقى حد تدفسى فى حضنه لما الدنيا ترصرص 
 طب و الحب ؟ -  
ــ الحب حاجة و الجواز حاجة تانية , و بعدين الحب بعد الجواز بيبقى جواز .. يعنى كله محصل بعضه
وبعدين يا نجوى إنتى نظريا طول عمرك بتحبىّ على روحك .. عملياً عُمرنا  ..ماشوفناكى مع راجل
إيه ؟؟ ناوية تقضّيها نظرى كدة  ؟!!!
حتى أحلام أبلة تهانى اللى كنا بنصدّقها زمان .. كبرنا عليها وماعدتش لايقة علينا خلاص ...

‫#‏فى_شقة_مصر_الجديدة‬


الحب حاجة والجواز حاجة تانية

طفلة: الساعة.. الساعة، انت اللي كسرت الساعة، الساعة
علي: مين، أنا؟
المجموعة: أه انت، أيوه انت، انت اللي كسرت الساعة
شخص: ساعة البيه المحترمة تقطمها بكل شناعة
شخص: تقطمها بكل شناعة
علي: أنا ما عملتش حاجة لحد أنا على القد وماشي على القد، أنا جاي أبكي عليكوا وعليا، وعلى عصفورة كانت في إيديا
المجموعة: الساعة تمنها بعمرك كله، اركع للبيه واتذلله.. اركع، قوله يا بيه وديني الشرطة، أنا مجرم وحوسط أهله
المجموعة: الساعة انت اللي كسرت الساعة، الساعة
علي: أنا.. أبدا، أنا كنت ببص لغصن الشجرة وعدتهم عصافير كانوا عشرة، وعصفورتي نقزت من كفي رميتها كأنها حتة حجرة، لأ ما رمتيهاش، خرمت إيدي وطارت م الناحية التانية
المجموعة: ها ها ها.. المجنون أهه
شخص: الأشكال دي احنا عارفينها عاقلينها على مجانينها
شخص: مجنون وحرامي يا سلام، وبتاع حركات مش عايزنها
المجموعة: الساعة انت اللي كسرت الساعة، الساعة
علي: لا، أنا كنت ببص على ألأزهار وعدتهم وكانوا كتار وشبابي كان زهرة ما بينهم مكسورة في لهيب النار
المجموعة: كسر رقبتك، تكسر ساعته، عايز تسرق من دلوقتي، تاخد زمنك وزمن غيرك وتبعزقه زي ما بعزقته


معادلة الزمن والطريق كما رأها صلاح جاهين في مونلوج الساعة .. من فيلم عودة الابن الضال

تحية وطارق - مسلسل افراح القبة

مسلسل أهو ده اللي صار..حكاية يوسف بك نوار

فات الهوى
فات الهوى سلم علي
بات السهر ساكن عنيه
عاد الهوى بين يوم وليله
وإحنا سوا يا نور عنيه

فات الهوى
آه يا أسمراني
لحظه ما فات لحظك ناداني
عاد الهوى قام التقاني..ياروحى
زى الهوى قلبي ف إيديا

فات الهوى
يا واد يا خمري
سلم وأنا سلمت أمري
عاد الهوى بالشوق يا عُمري
يملا السهر والنوم عليّ

فات الهوى آه يا ابن خالي
ساب البلد كلك وجالي
ولما الاطبا شافو حالي
سبّوا الهوا واحتاروا فيا

فات الهوى آه يا ابن عمي
ده الهوا شعلل في دمي
ولما شكيت الواد لأمي
ضحكت وباستني في عينيّ

كلمات: أحمد فؤاد نجم
ألحان: الشيخ إمام
تسجيلات: عصمت النمر

فات الهوى - كلمات أ. ف. نجم

فات الهوى - الشيخ إمام

أنا مش طالب غير إنسانيتي..
مش عايز أتهان

الإرهاب والكباب - مطالب مواطن

ماعرفتش أكتب أي حاجة امبارح عن العظيم وحيد حامد، كل اللي خطر على بالي ماما وأنا صغيرة، وبترشحلي أفلامه أتفرج عليها وبتقوللي اتفرجي على السينما اللي بجد وحلاوتها. رشحلتي "طيور الظلام"، "أنا وأنت وساعات السفر"، "الغول"، "ملف في الآداب".. وغيرهم
كانت تتابع معايا أنا اتفرجت ولا لأ؟ وتناقشني بعد كل فيلم. 
كبرت وأنا بتفرج على الأفلام دي، وحبيتها وحبيت وحيد حامد وحبيت السينما اللي قدمهالنا بكل إخلاص وحُب
ماقدرتش أكتب حاجة توفيه حقه ولا توصف مدى حزني إننا فقدناه، فجمعت أكتر مشاهد أثرت فيا وده جزء من أعماله اللي بحبها
ألف رحمة ونور يا عظيم

"وحيد حامد.. الصورة دايمًا حلوة"

فتحي نوفل: برضه مع بعض‮ ‬يا علي‮!
على الزناتي:‮ على فكرة.. ‬احنا في‮ ‬مركب واحد‮ ‬يا فتحي‮‬
فتحي نوفل: أنا هنا حبس احتياطي.. رهن التحقيق
على الزناتي: وأنا كمان رهن التحقيق.. أنت تهمتك إيه؟
فتحي نوفل: أكيد لسه بيدورولي على تهمة.. بس أنا زي الفل
على الزناتي: أنت خايف يا فتحي؟
فتحي نوفل: أنا مابخافش يا علي
على الزناتي: بس أنا خارج يا فتحي
فتحي نوفل: وأنا خارج قبليك

من فيلم: طيور الظلام
تأليف: وحيد حامد
إخراج: شريف عرفة

برضه مع بعض‮ ‬يا علي! (مشهد من واقع 2013) ــ طيور الظلام

والكوكب لا يستحق أكثر من كوباية شاي بالنعناع فى البلكونة
وصوت أم كلثوم في الخلفيّة

برضه مع بعض‮ ‬يا علي! (مشهد من واقع 2013) ــ طيور الظلام

Ahmad Megahed Elazab

Recent comments

Karim Maher 2

Maii Saleh

WaLaa Ibrahim

M.El-GoHarY

Related tracks