sound

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

Facebook : فيس بوك 
https://www.facebook.com/diab.live



Mixed By : Me

. بيدج مزيكاتي  .. شرفونا هتنبسطوا

www.facebook.com/Mazzikaty2




Add Me on Facebook :  فيسبوك بتاعى


https://www.facebook.com/diab.live



. بيدج مزيكاتي ع الفيس بوك .. شرفونا هتنبسطوا 

https://www.facebook.com/Mazzikaty2



Enjoy ..

Egyptian_Project _ مزج صوفي

أفتح عينيا بشفطة بن , وأقفلها بالشفطة التانية 
مين الى عدت من ثانية ؟ على رجلى داست معتذرتش 
مديت لها الرجل التانية ! ألاقيش معاك فكة أوجاع ؟


شفطة بُن - مصطفى رزق

يبكي ويضحك - الشيخ زين محمود

يا مالكاً قدري - الشيخ ايهاب يونــس

يا مالكاً قدري

http://www.cairosteps.com/

https://www.facebook.com/cairosteps/

https://www.youtube.com/channel/UCfxW1hlKvEdrB0A2CDOyLUQ

Cairo Steps Ft. Sheikh Ehab Yonis In Gnossienne كايرو ستيبس - الشيخ ايهاب يونس في جنوسيين

رسيني - جمالات شيحة - فتحي سلامة - شرقيات

أحمد التوني - فلامنكو صوفي

ووالله ماطلعت شمس ولا غربت ** إلا وذكرك مقرون بأنفاسي 
ولا شربت لذيذ الماء عن ظمأ ** إلا ووجدت خيالا منك في كأسي 
ولا جلست الى قوم أحدثهم ** إلا وكنت حديثي بين جلاسي 
----------------------------------------­----- 
الله الله الله .. الله يا مولانا ..... الله الله الله .. لا اله الا الله

وَأَحْسَنُ أَحْوالي وُثوقي بِفَضْلِكُـمْ ** وَأَني على أبوابِكُم أَتملــَّـــقُ 
فواللهِ ما أحْلىَ السُؤالَ لِفاضـِـلِ ِ** عظيمِ النَّذا منهُ العَطاءُ مُحَقَّـــقُ 
فلا عَفْوُهُ عنْ زَلَّـةِ مُتَقَاصِـرُ ** ولا فَضْلُهُ عن فُسْحَةِ القَصْدِ ضَيِّقُ 
لهُ خُلُقُ أنْ لا يُخَيِّبَ سائــلا ** وَجُـودُ بـِهِ كُـلُّ العَـوالمِ يَغْــرَقُ 
فو اللهِ ما جودُُ يكـونُ سَجِيـَّةَ َ** ومِنْ ذي غِنىَ يَحْلو إليهِ التَـصَـدُّقُ 
كجُودِ الذي يُعْطي القليلَ تَكَلُّفَا ** مِنَ البُخْلِ إلا أنهُ يَتَخَلـَّــــقُ 

فَلُذْ بالذي يبغي الُملِحَّ لِفَضْلـِهِ ** ويَغْضَبُ إِنْ عنه العُفاتُ تفرَّقـُـوا 
وَعُذْ بالذي يَسْتَحْقِرُ الكَـوْنَ كُلَّهُ ** عَـطاءَ َ إذا القُصَّادُ بالبابِ حَلَّقُـوا 
وكُنْ سَاكِنا ياصاحِ إنْ كُنْتَ كَيِّساَ** إليْـهِ وَدَعْ مَنْ بِالسِّوى يَتَعَلـَّـقُ 

فَذُو فَــاقـَةِ واللهِ لَيـــْسَ بـِنـافـِـع ** لـِذِي فاقةِ إذْ فَقـْـرُهُ بهِ مُحـْدِقُ 
ودَاومْ على ذِكرِ الغَــنيِّ حَـقـيـقـةَ ** تَكُنْ ذا غِنىَ فالطَّبْعُ للطَّبْعِ يَسْـرِقُ 
ولا تَعْدُ عَنْهُ في أُمُورِكَ كُلِّـهَا ** فَمَنْ يَعْدُ عَنْهُ فَهْـوَ واللهِ أَحْمَــقُ 

لأَنَّ ذِكْرَهُ كَمْ أثمَْرَتْ نَخْلاتُـهُ **مِنَ الخَيْرِ حتى صَارَ لِلْحُجْبِ يَمْحَقُ 
فأَضْحَتْ بِهِ عَيْنُ العَبيدِ قَريـرَةَ **بِقُرْبِ ِ لَهُ كُلُّ الخَليقَةِ يَعْشَـــقُ 
ونالَ الذي يهْوى ومـا ثمَّ غَيْرُه ** رَقيبُ ُ وَبَابُ البَيْنِ بالفَضْلِ مُغْلَـقُ
----------------------------------------­-------
جمالكم نصب عيني ** إليه وجهت كلي 
و سركم في خاطري ** والقلب طور التجلي 
----------------------------------------­-------
من يطق إن تجلى ** نور وجه الحبيب 
إلا قلب تدلى ** للقريب المجيب 
ما الهوى إلا ذلا ** داوني ياطبيبي 
و شفائي وصالي ** والوصال منو ليا ( منه إلي)
وعذابي أجري ** ويح نفسي السجية 

فما نظر الراؤون ** مثل جماله 
ولا سمعت أذن ** كذكر محمد 
ولا وطئت أرض ** بمثل نعاله 
ولا وضعت أنثى ** كشبه محمد 
***********************
والصلاة و السلام عليك ** دايما يارسول الله 
والصلاة و السلام عليك ** شافعنا يا رسول الله

الله يا مولانا - رشيد غلام

Egyptian Project - rou7yبعت روحى لروح روحى

track 01 - intro - عمار الشريعي - نصف ربيع الاخر

عمار الشريعي .. العود والاوركيسترا ..Orchestra and oud

متي يشتفي منك الفؤاد؟؟  - زين محمود

تسجيل ساحر لموسيقار الاجيال يغنى على عوده لحن " لولا الملامه " بمنتهى العذوبه والابداع , بمصاحبة ورده , فى احدى البروفات بينهم
, والاغنيه من كلمات مرسى جميل عزيز

محمد عبدالوهاب - لولا الملامه

والكوكب لا يستحق أكثر من كوباية شاي بالنعناع فى البلكونة
وصوت أم كلثوم في الخلفيّة

أحمد التوني - فلامنكو صوفي

Ahmad Megahed Elazab

Recent comments

Møhãñãď Ëłšmäň

Mustafa ali

احمد الدميري

احمد الدميري

Related tracks