اسكندرية عملتلها شاعر _Alex made poet 
3aleha El 3een _عليها العين
عبدالرحمن علاء Abdelrahman Alaa 
شعر poetry 

عليها العين عبدالرحمن علاء_Abdelrahman Alaa 3aleha El 3een

"من إحدىٰ مسارح الدَّولة" لـ نور صبري

Ahmed Attia on facebook: https://www.facebook.com/PoetAhmedAttia




ابراهيم

خلاص مش راضية تضحكلك
أيوة كئيبة ومتعبة.
مين اللي بيقول غير كده؟
مين اللي بيقول إنه قادر، منها يسرق فرحته ؟!
.
نفس السؤال بيدور فـ بالي،
كم باب فيومي بيتقفل؟
ماتقولش بكرة هاتتعدل،
بكرة حكاياته كلها، الموت كاتبها فـ قسمته
.
حتى الأمل من حالي مل،
وسابلي يأسي يهدني.
وكل ماحلم باللي جاي،
الخوف لتحت يشدني.
حتي حكاياتي اللي ابتدت حلوة،
مش باقي منها غير كلام.
وكل مابدأ سكتي بفكرة،
خط النهاية يترسم قبل الأوان

احمد

ممكن تكون فـ الصف واقف،
واللي ابتدي بعدك وصل.
ممكن تكون مش راضية تضحك،
بس أنت جربت تبتسم
خلي البداية تبقي ضحكة،
ملامحها سابقة خطوتك.
دور فـ نفسك ها تلاقيك،
عنوان بيوصف سكتك.
مهما يكون صعب الطريق،
ماتقولش كلمة للأسف.
كمل جنون يمكن تكون،
قرب توصل للهدف.
سر السعادة كلمتين،
موجود مابين صبر و رضا.
لسه ماجاش اليوم صحيح،
بس البداية مُبشرة

A Promising Beginning

That’s it--it’s unwilling to laugh for you
Yes--it’s depressing and exhausting
Who says otherwise?
Who says that he’s capable of stealing his happiness from it?

The same question runs through my mind
How many doors shut for me in a day?
Don’t say tomorrow will be better
All the stories of tomorrow--death is written in his destiny

Even hope gave up on me
And left me in my desperation to consume me
And every time I dream of what’s to come
Fear pulls me down
Even my stories that started out beautiful
Are nothing but words left behind
Every time I start following a new path
The finish line is drawn prematurely


You could be standing in line
And the person behind you arrives first
She could be unwilling to laugh for you
But you tried to smile
Let it start with a giggle
Its characteristics will precede your next steps
Search inside yourself and you’ll find
A map that describes your path
No matter how difficult your journey
Don’t say sorry
Continue the insanity
You may come close to reaching your goal 
The secret of happiness exists between two words
Patience and satisfaction
The right time has yet to come
But it’s a promising beginning


Ahmed Attia X Ibrahim Farouk - Bedaya Mobashera | احمد عطية و ابراهيم فاروق - بداية مبشًرة

Cairo Voice - Yaret Tfo2  ياريت تفوق / محمد هشام رجب - ادهم السعيد - شمس الدين

فرقة ليل وعين - الحب ليك

جارنا العجوز
كسر الـ ٨٠ من يومين
ولحد ده قادر يحبّ
يمكن إذا مات يندهوها فيبتسم
يطلعله قلب جديد ويرجع للحياة
ندهتله تاه
وجسمه كان عمّال بيعرق زيّ عيل
كان ساعتها الوقت ليّل
والسّما بتودّع الشّمس اللي ضحكت للغلابة
وهوا كان عمّال بيشرح وقتها
إنها جيش مـ الورود احتلّ غابة
صوته وحدُه كان مُحفّز للكتابة
كان بيتكلّم عليها بـ صوت موسيقي
كان حقيقي بسيط ومبيحسبش حبّه
كُنت حاسس قلبه بيعيّط ويضحك
لخبطة أول ميعاد كان ظاهرة فيها
لمسة الإيد صدفة واللمعة فـ عينيه
رعشة إيديه قدّامها لو بصّت عليه
كل ده بان وقتها فـ كلامه عنها
كُنت واقف وقتها بينه وبينها
عـ الأقل فـ نظرُه
كان باين شايفها
فجأة بان فـ عيونه خوفها
وقالي إن حروفها كانت غير حروفنا
وإن مهما خدعنا شوفنا
مش هنلمح غير جمالها
كان سؤالها حين ما يرجع إيه ؟ وحشتَك ؟
قاللي أنا آسف دوشتَك
خد دموع الفرحة على وشه فـ إيديه وكان ناوي يمشي
بس أنا حالف منامشي قبل ما أعرف نهايته
ابتدى يكمّل حكايتُه
ابتدى بهدوء يقولي عن جمالها وهيّا طفلة
طفلة فـ الـ ٧٠ بترقص أو تغنّي
وابتدى يشرحلي أهدى
ازّاي بتكسر أي حاجز سنّ أو شيخوخة
وبتحلوّ
بيمد إيدُه عصفورين فـ الجوّ وبيرقص معاها
فجأة تتشكّل سماها فوقه وتضلل عليهم
حين ببص لـ عينه صُدفة بشوفها فيهم
رقصها شلال جمال يجبرني أرقص
وابتسامها كان بينقص جسمي ينقص
فيقولها :
شكلِك بيبقى أرق فـ الفساتين
تتكسف
تصغر زيادة
تبقى ٦ سنين
يضحكلها ويعملّها ضفيرتين
ويقولّها : شكلِك كده أحلى
الحب إنك تكمّل فعلا الرحلة
مع شخص مختارك تكونله ضلّ و4 حيطان
الحب جارنا العجوز وإيديه بترعش خوف
لكن بيضحكلها ويحميها مـ الأحزان
بيشدّها للأمان حتى فـ حين يضعف
وحين تطوله الهزيمة بينتصر علشان
لو انهزم هتبان كل الخساير فيه
وهيا كانت بتبكي حين ما خوفه يبان
بيفتكر أغنيّة كات بتحبّها
مع إنّها مش فاكرة يمكن اسمها
أو اسمه عارض للزهايمر
هوا بيغنيلها لكن هيا ناسية
هوا بيغنيها لكن هيا ناسية
تضربه على خده علشان بيعاكسها فـ سهرة صافية
تحكي ليه عن شاب كان بيحبّها من وقت فات
تحكي ليه عن نفسه فـ بيضحك بشدة
وينصهر مـ الانبساط
جارنا كان قادر يحب حياته لكن
لما ماتت صار وحيد وبحزن داكن
وامّا كان بيدور عليها فـ الأماكن
ملقاهاش فجأة انطفى وقالولنا مات .

جارنا العجوز - محمد مغاوري

متحبش ..الشاعر احمد اسامه...اداء حسام امين

الليله
هكتب عشان الوجع
خلّى لساني تقيل
الليله هلجأ للقلم
الليله من فرط الألم
جايز دموعكو تسيل
بقالي كتير
بلملم ف الكلام واكتب
بدون إحساس
هجرت الناس
كرهت القعده آخر الليل
علي القهوه
كرهت أهوى وأقول مشتاق
بشوف الشارع الواسع
ف عيني زُقاق
وكل اللي بحنّ له
لقيته بينتهي بفراق
بقيت برسم بدمعي الموت
وبقعد أعاتبه طول الليل
طالما أخدت كل الحلو ف الدنيا
سايبني لمين !
مليش ف البُنّ والنيكوتين
عشان أهرب لهم ف الجرح
وانا والله مش طمّاع
ونفسي بس ف زياره
لحضن أبويا زي زمان
يجوز ف الوقت ده هقدر 
أشوف الدنيا من تاني
كبرت ف مجتمع شرقي
أناني لذاته وطباعه
بيستعيب دموع الواد 
تفارقه ف وقت أوجاعه
كأني لو بكيت مثلا
هكون خارج عن الأديان
وخاين كل أعرافهم 
إلي كل اللي عرفوني وأعرفهم
إلي البنت اللي سابت جوه مني شروخ
سابتني أدوخ
ف موجة بحرها الهايج
حسبت ف ايدها طوق ونجاه
جريت والشوق مغمّيني
واتاريني بروح لـ غريق
ملوش آخر
وفكرك يعني حد ف بؤسي هيعافر!
دي فرصه وجتلي ع الطبطاب
ف سبت ايديّا واستمتعت بالمشهد
وانا بضحك، مابتألمش
ولما لقيتها واقفالي
جريت ناحيتها من تاني
مابتعلّمش
ف أرجوكم
بلاش من أسئلة مالك
لحد بيبكي وجعه كلام
سيبوني لوحدي 
هبقى تمام ...

بلاش من اسئلة مالك | حسام امين

قعدة مزيكا  فرقة قرار إزالة - أنـا الـكافـر

تبادلنا الموسيقى..  ثم كل شي

بعيد عنك بحاول أقوم ..
و أكون أحسن ..
ويستحسن ..
تكوني بعيد ..
بعيد عنك في يوم ما ..
أكيد هنساكي وأبقى سعيد .

-أحمد منصور

Cairo Voice - Yaret Tfo2 ياريت تفوق / محمد هشام رجب - ادهم السعيد - شمس الدين

Ahmed Zala7

Related tracks