وفي الدموع أنا منديلها ❤️

😔 عشر تلاف مليون بوسة مابوسناهمش لبعضينا

كدة كدة مش جاية ف ادينا بنواسي روحنا .. يلا ماجاتش هي الخسرانة دة انا كنت قصدي اريحها اصلا

عشر تلاف مليون بوسه مبوسنهمش لبعضينا

جت جت .. ماجتش إن شا الله ما جت
مطرح ما ترسي هدقّ لها
أنا بعتلها الدعوة
جت جت .. ماجتش مليش دعوة
ما جتش هيّ الخسرانة
أنا كنت قصدي أريّحها
أبقى هوا لو حرّانة
في البرد أنا البالطو بتاعها
و في الدموع أنا منديلها
جت جت .. ماجتش إن شا الله ما جت
مطرح ما ترسي هدقّ لها
لو جت هغني و هلاغيها
مجتش دغري راح ألغيها
لو جت هجيب البلادوسة
عشان تنوّر ليالينا
عشرة الاف مليون بوسة
مبوسناهمش لبعضينا
ما جتش برضه يحقّ لها
جت جت .. ماجتش إن شا الله ما جت
مطرح ما ترسي هدقّ لها
أنا هنا ساكن أوضتي
بسمع طلب و الهلالية
لو جت جسّت على أورتي
و حققت جوا عينيّ
راح أخدها ويايا بشويش
ناكل بطاطا
و نخبز عيش
نقطف جوافة في أوائلها
جت جت .. ماجتش إن شا الله ما جت
مطرح ما ترسي هدقّ لها
هدقّ خيمتي قدامها
و هدقّ ع العود أنغامها
و أدقّ وشمها على صدري
و مش هدقّ على كلامها
و الدقّة هفرشها ف حجري
و سميطة و جنينة و نجري
و أقعد في حجرها و أحكيلها
جت جت .. ماجتش إن شا الله ما جت
مطرح ما ترسي هدقّ لها
و يوم ما جت .. جت ملقتنيش
لقت دموع الناس بتجيش
صوت همهمة و رادّين الشيش
لسّه النهاردة يا ولداه
فتحنا شبابيكنا و لقيناه
في الجو طاير من غير ريش
سافر و خد غنوته ويّاه
كان نفسه تيجي و هوّ يعيش
______________________
قصيدة : الدقة
شعر : أمين حداد
غناء وتلحين : حازم شاهين

جت جت مجتش حازم شاهين-اسكندريلا

الارواح بتتلاقي في المزيكا ،، 

Comments

berry

Menna

Menna

Asmaa Abdelmoneim

فاطمة وخلاص

berry

luca

Ahmed Zaghloul

إسرَاء.

حسناء العقبي