*التعامُل مع المواد على أرض الواقع أفضل بكثير من التعامُل مع الأشخاص في عالم وهمي*
بمعنى... لو رجعت لكام سنة ورا قبل الفيس بوك والواتساب ومواقع التواصُل الإجتماعي، كانت الحياة أحلى من دلوقتي، كانت لذيذة عن كده، مكنتش مُملة بالطريقة دي
كُنت بتلجأ للخروج عن إنك تُقعد لوحدك في البيت
كُنت بتروح النادي، تخرج مع صحابك تتمشوا، أو تخرج إنت وعيلتك، أو حتى تنزل تتمشى لوحدك
لكن دلوقتي بقيت بتفضّل تُقعد في البيت عن إنك تخرج وتشوف الدُنيا
فٙ لو مالكش تعامُل مع ناس كتير أو معندكش أصحاب يخرجوا معاك أو محدش فاضي عندك في البيت، التعامُل مع المواد زي الشُغل مثلاً أو إنك تعمل حاجة بتحبها "ترسم، تكتب، تغني، ترقص، تتمشى، تلعب رياضة، تعمل أكلة بتحبها، تتعلم حاجة جديدة" هيكون أحسن بكتير من إنك تِشغل نفسك ووقتك بناس في عالم وهمي، عالم بتصنع لنفسك فيه شخصية غير شخصيتك بتلعب فيها دور المثالي وبتتعامل مع ناس بشخصيات مصطنعة، علاقات مهما كانت حلوة فٙ هى بتبعدك عن متعة الحياة والإستمتاع بكُل شيء جميل على أرض الواقع
اللي إنت من مكانك ومن أوضتك شايفها غير كده، شايفها من منظور غلط، وطول مٙ إنت حابس نفسك في أوضتك مع الموبايل والكمبيوتر عُمرك مٙ هتشوفها حلوة
أه الإنترنت بشكل عام مفيد لو هتستخدمه صح، لكن لو هتقضي أغلب وقتك عليه وتربط حياتك به فٙ في الأخر محدش هيتأذي غيرك
إفصل شوية من كُل ده وإطلع شوف الحياة على طبيعتها، بعيداً عن العالم الوهمي المُزيف، إختلط بالناس ولو إنت مش شخصية إجتماعية إشتغل، إتعلم حاجة جديدة، إسمع مزيكا وإتمشى وإجري حتى لو لوحدك، المهم متقعدش لوحدك
🔹عِش حياتك كما يجب أن تُعاش🔹
دي مجرد حاجة بس شاغلة تفكيري بكتبها أو يمكن بنصح نفسي بيها .

Abanoub asham

Popular tracks