اتمني اعضاء التيك توك مايوصلوش ل هنا

ربنا يحفظه ويجعله اندرريتد دايما

ونبي حد يشيل فيرس عبسكيات و الواد التاني التراك لوحده ب مارو حلو فشخ

زعل الولد مش زي ما تزعل بنت

لو مشافش الوسخ مش هيعرف النضيف

Marwan Moussa - Maba2tsh Bahtm [Orignal Version] _ مروان موسي - مبقتش بهتم [النسخة الاصلية]

Intro track for “North Shore Stories” detailing my battle with trying to get big

North Shore Stories(Prod.1080Pale)

Cover Art: Shahd Tarek (Instagram: @shahd_t9)

-Abbasquiat

صباح الخير دا مش راديو الإذاعة 
أنا المستر الجديد ومش بارجو الاستماع 
أدي الدرس في السريع واكت في تلت ساعة 
السرعة تغلب القوة والحكمة تغلب الشجاعة

مع الأسود علموني أبقى ملك
وفي قعدة الأفاعي علموني أحترس 
صقر في الصخور وقاعد مندمج 
الغابة ليا نادي وأنا عضو مشترك

باتطمن على مخي لقيته رايح راجع 
ضيق واسع، عاقل لاسع، سخن ساقع 
قايم واقع، فرق شاسع 
متناقض، فقلبي أسود فاقع

الغريبة إن دي لحظات التفكير 
أعيد وأزيد في اللقطات والتحليل 
حوار مع النفس زي شخصين مختلفين 
وفي آخر الموضوع يطلعوا الاتنين مستفيدين

مواقفي ثابتة فمش بتهز 
أعيش في أحلامي وماعيش في الوهم 
فاضل لي شرطة، ومش باقطع شحن 
أطلع الماظات تحت الضغط زي الفحم

إبعد عني، يبعد عنك الأذى يا ابني 
جواك معبي زبالة زي المكنسة يا ابني 
الإجابة عندي ما ليش في الفلسفة يا ابني 
في الفكرة بابني جوا دماغي، دي هندسة يا ابني

قلبت الدنيا فبامشي ع السقف 
ورايا مسؤولية فهامشي على السبت 
كلامي سكاكين عشان أقطع الشك 
ورابط ساعتي بالجنزير ما باضيعش وقت

(Hook)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

-Marwan

عارف لما تفضفض فتحس انك بتمثل؟
في الآخر تختار السكوت بقى وتستسهل 
باحكي مع شخص واحد باكون درسته 
مع العلم إنه صعب يحس اللي انا كنت حاسه

هاقول لك ليه فعلاً فيه فرق شاسع بينا 
مخك ما ودّاكش في حتة إن الناس تحترمك 
لو كفاءة ازاي قدرت تقول لي: جبت آخرك؟ 
صاحبك بجد يعلمك تحب نفسك

فبطلت أعاملك حلو، دايماً مستني لي الغلطة 
مش عايز أعرفك، إنت عمر ما تداريني ستارتك 
حبيبك مش مستني كل يوم دليل شطارتك 
و تحسه دايماً معاك، كأن بترميه في الشنطة

دست "ستارت" شفت اخواتي، بوست الأرض 
سبتها بشياكة، شفت البوست وانبهرت 
بتقول: بصوا! أنا انقهرت
من يوميها أنا اتعلمت
زعل الولد مش زي اما تزعل بنت

مخنوق بس أكيد مش هافتح الموضوع 
ديتي في يوم أبقى قاعد جنبك في المتحف ملطوع 
ما بنتحركش، بس باصين لبعض 
عينك بتقول انك أخيراً اقتنعت

لو شلته على راسك مش هايعرق في الطريق
بس لو ما شافش الوسخ مش هايعرف النضيف 
لو شلته على راسك مش هايعرق في الطريق
بس لو ما شافش الوسخ مش هيعرف النضيف

(Hook)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

-Nazim

فوق السحاب فوق السحاب 
ملعون الاكتئاب، طاير وما طايق الفات 
من غير أسباب، هاجرت الارتباك
أمشي كلم عمك انهزام أنا ما عندي أخلاق

فوق السحاب فوق السحاب 
مربوط بكلمات معكوسة من تخيلات 
منكوسة ... بالعظمة وجنونا
لو فكرت في المعلومة وين الفهم في مفهومك؟

وين الفهم في مفهومك، غرورك جرثومة
مرورك بمراحل عاكسة الصورة كإسطورة
رجوعك إلى ساحل الطفولة المسحورة
بعينك وإنت جاهل عن دروبك في الفزورة

ياخي ما أنا عارف وشايف الحاصل بين البابين
طول ما أنا واقف علي خط الفاصل بين الذاتين 
أيوا أنا زائد أنا، يبقى اتنين 
كل اللي اتبنى حيتهد ... وشوف حازرع فين

فوق السحاب
أنسى اللي فات - من تهيؤات قديمة 
سيب المركب خد سفينة 
طافي على السطح وأنا طافي المخ 
دقيقة
أوعى تعدي الخط ياخي النص بالنص
في الميناء 
الغامي عالسطر ياخ نط ونط 
حريقة 
باتمان تحت القهر 
ماسك خط الفقر
"حلو-مر" عند الطلب ياخي صب و صب 
دقيقة .....

سبتها ليكم، سبتها ليكم 
صاحبت النجوم ، ماشي بايت في بيتهم 
سبتها ليكم، سبتها ليكم
صاحبت النجوم، وانتو أعملو العليكم

(Hook X2)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

El Ghaba - ABBASQUIAT X MARWAN MOUSSA X NAZIM(Prod. ABBASQUIAT)الغابة - عباسكيات و مروان موسى و ناظم

ڤيرس 1 

التاريخ في عربيتي 2001 🚘
عايش حياتي كإني 2000 واحد 
لعّيب في الماتش عشان في التمرين جاحد 
عايز مكان بيبيع منافسين، عارفين واحد؟ 

17 سنة في الضباب لبست 
4 سنين في ايطاليا هرشت السيست 
خلاص خلصت، راجع سليم فبوست الدبلة 
اهدا وعلى مهلك
خليك فريش، احنا في رحلة 

في اسماعيلية باكل سوبيا عند الرودي 🦑 
سايق في المارادونا كأني بدوي 
ما اقدرش اغيب، ماحدش يعمل شغلي بدلي
واللي يطلّع لي مطوة انا اطلع له نووي

وليه لما باسأل 
عينك بتسرح 👀
على فين؟ انا هتقل 
واسيبك بتشرح 

معظم كلامك فَتي ملفوف في قماش 
كيانك مبني غلط من الأساس، مش مكسوف من الناس؟
علي ما تسيب لي كومنت اكون نمت 😴

اوعى بس تكون ندمت يا برنس، ما تدوس سيند 

..صحيت الساعة 5 الفجر 
قال لي: حياتك اقلبها 
مشيت في نصف الشارع، نهجت 
ما نمتش تاني من ساعتها 👁👁

طب عيش في الوهم عشان تنجز الفشل 
طب حط الواد في الرز يمكن يشتغل 
طب باصطاد عشان أنقذ السمك 🎣
ما بتسمعش بجد وعايز حد يفهمك؟

صحوني قالوا لي: فوق بقى، وقوم من الكابوس دا
من زمان ما شفتش النجوم بالوضوح دا 
مروان موسى، حاطط على النار فلوسك 🔥💸
حافظ النظام، أنا ضامن دمار سوقك 

دخلت اعدادي وصحيت، بدأت اصطاد 
بس في حياتي حبيت تلات مرات 
مرتين في الجون، والتالت هوّش ما لبسش 
شديت فرامل اليد، شاط الكاوتش 

وامبارح شفت حادثة رهيبة على الطريق 
خلتني أسرح في العيشة ومشيت بطئ 
نزلت من قطر الحياة، المشي أوفر 🚂
مش فارقة معايا إني اتأخر، انا عايز اوصل 

عمر قال لي: ركز بس في واحدة من الاتنين 
طبعا عمر عارف كويس هو بيتكلم في ايه 
لو انا جالي هارت عالانستا؟
يبقى انا كده اتشهرت ولا لسه؟ 

تيجي! 
تيجي!
تيجي زي ما تيجي

الموضوع لو بإيدي 
تيجي زي ما تيجي، بس تيجي


ڤيرس 2 

بدلة سودا، 
شنطة خضرا 
غيرت لونك 
ضحكة صفرا 

يسري فودة 
آخر كلام
أجري ليه؟
ما سمعتي سابقاك🏃

جو النفسنة مش ستايلي 
صحيت بـ "فويس نوت" على موبايلي
رديت،عشان مخي غايب، قال لي: ثانية واجي
فاكر أيام تانية اعدادي

ماشي محسسنا انك ملو القميص، سبناك عادي من غير ما نزعل
بِعت اللي يسوى واللي ما يسوى، والكلام ده في 2009
أولي ابتدائي كانت جنة
بمعني ان الطالب لو غلط، الميس بتلبّ التلامذة 
دلوقتي احنا في سن المجاملة 

لما نصحتكِ اندهشتي
فاكراني مأفور عشان مش فاهماها قدي
صدى صوت صدعني، كله عامل ناقد 
فودني الشمال اتصابت 👂🔊
 
باستعد للمرحلة الرابعة 
برودكشن علي اللاب، والليريكس علي الآلة الطابعة 
كلامي بخفة ودلع فوق سطح المحيط 🌊
تاني أحسن رابر في مصر أكيد 

ما سمعتش تراكك الجديد لا يئذي سمعي
كل اللي انت شايفه قدامك هيبقى تبعي
علي فكرة ما حدش فاهمِك قدي
علي فكرة الحكم دا متغدي ⚽
  
علي فكرة مش لازم نبقى اصحاب، ولا المضاد
كل ذكرى تبقى تراب، نبقى ساعتها.. أغراب 
وجالي هارت في الإنستا 
يبقى أنا كدا اتشهرت، بس لسه

marwan moussa - 2001 (prod. marwan moussa) أغنية "2001" لمروان موسى

مش انا اللي هانفعك ولسه بتصدقي
‎مش باعرف ألعب في الدماغ، لأنه مش مركزي 
‎بياع مشاعري غاب وهيرجع في ساعة كدا
‎الأيتم اللي حضرتك طالباه، مش بيتباع عندنا   

‎نقلنا من عِش اليمام لبيت غراب  
‎كرهت المية.. من كتر ما اتسقيت سراب 
‎مش باعاتب، اسمي الصمت افندي
‎طول عمري متبرمج بالكود، ألاقي الغلطة عندي 

‎نجومي نسيوا النور والضلمة لأن مش نايمين  
‎شمسي تعبانة، ومش هتيجي الكام يوم الجايين 
الكنز كيس مش فاضل فيه غير الوقت
‎مش عارف هاطلع ايه، طولت في أسانسير الشك

بخاف اعبّر، والحوار بيحيرك
بعد الدَرْبكة، الأدوار اتغيرت
بقيتي انتي بتطارديني
فبتتضايقي، بس بتنسي وتصارحيني
باتكلم صيني وتردي في اللاسيلكي بالأرميني

ــــــــــــــــــ
‎كل خطوة بحساب 
‎كل حد له باب 
‎كل حاجة ليها حل 
‎ولكل مايسترو أستاذ

‎لسه شايفك قدامي 
‎عيد اللحظة من تاني
‎كنت لسه هابدأ اجري 
‎الدنيا شدت لجامي

وفي علم النفس كلنا متساويين 
عشان في الواقع كلنا متزاولين
الساعة ساحت، وسخت بدلة الشغل
إبليس بيقول امسحها فيا وبطل بخل
ــــــــــــــــــ
عروقي تشر هوا، اوعى تقولي لماذا 
مع حبايبي حلاق، مقصر في كل حاجة
في المخ غابة، وفي الغابات ضباب
المكالمات إرهاق... بعد إذنك الباب وراك 

باتواصل بإهمال زي ما باسوق بالظبط
يا ريت تسيبوا لي تعليقاتكو في صندوق النقد 
الدم الفاير وقت الشدة يقوم بالشيل 
الأمل موّت ناموسة قربت للنور بليل

غيطان بتبور دايما
نبات بدون مية 
وكتر العطش ممكن يقوي الجذور شوية
بس انتي برضو زرعة
وثباتك بيخدعك
لازم بحكم الطبيعة تتهرسي تحت درسي

لو اقدر اعمل النجوم اللي في السما چاكيت 
هاقول اللي اعرفه النهاردا لنفسي من سنة فاتت
الاهتمام لو قل تطلع اللهفة للسقف 
بارفع يفطة "ممنوع دخول" قدام مدخل الكهف
ــــــــــــــــــ
‎كل خطوة بحساب 
‎كل حد له باب 
‎كل حاجة ليها حل 
‎ولكل مايسترو أستاذ

‎لسه شايفك قدامي 
‎عيد اللحظة من تاني
‎كنت لسه هابدأ اجري 
‎الدنيا شدت لجامي

وفي علم النفس كلنا متساويين 
عشان في الواقع كلنا متزاولين
الساعة ساحت، وسخت بدلة الشغل
إبليس بيقول امسحها فيا، وبطل

sa3a sa7et🕟ساعة ساحت

Marwan Mousa Ft. Dawsha - 365 ¦ دوشة - مروان موسى

شبابيك 🏜

(verse1)
اتكعبلت ووقعت
تعبت من اللعب
هربت ورجعت
اكتب لي سعر

للوقت اللي انا مش لاقيه
الوقت اللي انا مش لاقيه

قلوب وبتنط
بتقولي انه حب
ببرودي باصد
أسلوبي بيخض

انتي فاكرة اني هاقدر اسيب
وجودي بدونك مستحيل

سكتك كلها مطبات
باغير رأيي في اللحظات
مش عايز أكمل خلاص

ما تستاهلينيش
ما بتسمعيش
بنقفل وبنفتح وبرضو حنعيش
هنلتّ وهنعيد
خلاص ع الحديد
مين مستفيد؟
محتاج شبابيك

إفتح! مخنوق
بافتح واشوط
لأ، مش مخضوض
كله مردود
كله مردود
ماكانش المفروض
أديكي فرصة كمان
مع الوقت كله هيبان

(المقطع الثاني)
أزرق ع الجلد
حب إلا تلت
عزّلت عزّلت
في الآخر زعلت

ع الوقت اللي انا مش لاقيه
الوقت اللي انا مش لاقيه

من قلبي باصُب، طوّلت في الغُطس
بامنتج واقص، طب ليه ما بتظبطش؟
مالِك م الصبح؟
مش حابب أشك واتعامل بخُبث

هو انتي فعلا فاكراني هاسيب؟
ما استوعبتيش الموقف أكيد
وان انا عنيد
دا مش جديد
غلطانة انك ما ركزتيش ع الطريق، وما لا حظتيش

سكتي كلها مطبات
غيّرتي رأيِك خلال لحظات
مش عايزة تكملي خلاص

ما استاهلكيش
ما باسمعكيش
بنقفل وبنفتح، ولأ مش حنعيش
بنلتّ وبنعيد
مين مستفيد؟ 
محتاجين شبابيك
افتح! مخنوق
نفتح ونشوط
لأ، مش مخضوض
كله مردود
ما كانش المفروض تديني فرصة كمان
مع الوقت كل دا بان

marwan moussa - shababeek مروان موسى - شبابيك

تراك شمس نظر من تراكات ألبوم "بروباجاندا" اللي مانزلتش

مروان موسى - شمس نظر | Marwan Moussa- Shams Nazar

فرقه اتصابت 
الحكم مش قابض 
انا عالطاره مش بمشى بجوار الحائط 
انا مش ناقد
انت هابط
لو كده نتراهن 
لو كده مش ضامن 

اعدى بالمكنه على بيتها
وانت لسه واقف من ساعتها 
معايا مش بتزهق
وهى معاك مش بتبطل بص فشاشتها
حلو البادى اوه 
عايزك تربربى اوه 
هاخدك ابو ظبى اوه
لفه على الباجى اوه 
طالع من الفرن اوه 
عرقى بيشر اوه 

شكل وانا اجر 
ياخى مانا حر 
شاك شاك شيك شوك 
هاتى سكرين شوت 
مروان 
مطلعتش برج السرطان
بغنى مع الكروان 
طلعت حفلة طرازان 

فرقه اتصابت 
الحكم مش قابض 
انا عالطاره مش بمشى بجوار الحائط 
انا مش ناقد
انت هابط
لو كده نتراهن 
لو كده مش ضامن

شايفك مبوز
دى عايزه تتجوز 
عيدهالى من الاول
بقولك عيدهالى من الاول 
انا مجنون ، انا مجنون 
تراباتيه تراباتو 
من الباقيين انا مصدوم
يسطا الدورى كده محسوم

من عطارد لحد موسكو 
بيسمونى دكتور 
أديكو شوفتوا 
البيه مش شايف شغله 
فالودن مارو بيخنق 
مكمل ولا تُصدُق
على الفلاشه بلاوى 
بلاش اسيح
يا باشا ريح 
بستدرجك انا دى مش طيبه
دى مصيبه 
خد دى فطيره 

فرقه اتصابت 
الحكم مش قابض 
انا عالطاره مش بمشى بجوار الحائط 
انا مش ناقد
انت هابط
لو كده نتراهن 
لو كده مش ضامن

Marwan Moussa | Keda Mesh Damen | مروان موسى | كده مش ضامن

الطقوس مروان موسى

Marwan Moussa - Ashba7 (Official Audio) مروان موسى - أشباح

Cairo, Egypt.
Rome, Italy.
Montreal, Canada.

El Ghaba - ABBASQUIAT X MARWAN MOUSSA X NAZIM(Prod. ABBASQUIAT)الغابة - عباسكيات و مروان موسى و ناظم

ABBASQUIAT

Recent comments

Meowmeow17__

raya

¥e

محمود لاشين

Related tracks