البلبل غنى وغنى علي ورق الفلة  محمود عبد العزيز

هوانم جاردن سيتى تتر النهاية

كلمات الشاعر عبد الرحيم منصور
الحان يحى خليل
بحلم وفى الحلم راحة
بحلم فى عالم غريب
بحلم ومش لاقى راحة
لا من القريب ولا من الغريب

على كل لون الحياة
على كل لون يا بشر
بشر بتخلق حياة
وبشر بتقتل بشر

Bahlam Fe Alam Gharib

الضباب كان بات ليلتها ع القزاز
كانت القرية اللي مات فيها الخواجة لامبو
نايمة ع الجليد..
في الصباح
اتحركت جوه المطابخ الصحون والخدامات
وابتدا الدق ف محلات الحديد ..
والمكاكية ف حظاير الدواجن 
لبست الاطفال في ايد الامهات في غير عناد ..
«النهار ده العيد يا كاسبر
لما سمعت ندهة الديك من بعيد ..
ضحكت البنت اللي واقفة تشد في حبال الجرس جوه الكنيسة..
طالع القسيس سعيد..
وبإيدو بينفض عبايتو م الجليد
كل اسبانيا بتصحى
عيد ... وعادي .. والجديد
الخواجة لامبو .. مات
كانت القرية الي دايسه عليها اسبانيا .. ضلام من غير عيون..
فلاحين فقرا .. بلا غيط .. او كانون ..
اسبانيين بس في شهادة الميلاد ..
يندغوا الاحزان مع كاس النبيت ..
انما ..
كان فيه كمان ناس اغنيا ..
ليهم بيوت ..ليها سقوف طايلة السما..
ممتلية باللي اسبانيا فراغ منو .. ولامبو
لامبو .. كان شاعر مغني
يمشى والجيتار عشيقته
يلمسه ..
يملا ليل اسبانيا بفصوص الاماني والاغاني البرتقاني ...
عمو لامبو قضى عمرو في الحارات والخمارات ..
كان يغني للعيال المقروضين ..
كان يغني للارامل ..
والغلابا ...
والسكارى ..
السكارى اللي يعودوا من جحيم الحر .. في المنجم
السكارى اللي المحاجر حولتهم زيها
أزمة وحجارة ..
الجيتار يعشق زحام الاسطوات ..
والاغاني بتتولد في الغلبانين والغلبانات ..
عمو لامبو
قضي عمرو في الحارات والخمارات ..
كان يحب الشمس ..
والناس ..
والغيطان ..
والجيتار ..
وقطتو ..
أول الناس اللي تحفظ غنوتو ..
كان يغني بألف صوت ...
يا قمر .. يا رغيف بعيد ...
النهارده الحد .. عيد ..
الفقير ليه مش سعيد ..
والغناي ليه مبسوطين؟
يا قمر يابو عمر لسه
العباد ع الحانة كابسة..
عاوزه تنسي ..عاوزه تنسي ...
والغناي لو يسكروا
يبقى لجل يفكروا..
يسرقوا م المسروقين ؟؟...
وجيتارو .. كان عجوز زيو تمام..
انما .. لُه في الكلام ..
لامبو ما كان لوش سكن..
الحياة في قريتو مالهاش تمن..
قلب اسبانيا برونز..
قلب اسبانيا صفيح..
قلب اسبانيا عطن..
برد اسبانيا مراكب اترمت فيها القلوع..
واقفة في شطوط الزمن..
كل أطفال البلد كانت تحبو
كلهم كانوا في يوم كورس للامبو
فوق جبينو...
قريتو كانت بترمي ضل اسبانيا الغميق..
وشو كان وش البلد
تبتسم .. يضحكلها...
تزعل القرية ..اساه يصبغ خضار ورق الشجر
وكان له قطة يعزها
واما كان البرد مرة يغزها ..
لامبو يضحك لما يرفعها ف ايديه .. ويهزها ..
«ايه يا قطة ؟
يعني عيطنا أهه ..
انزلي ..
اجرى ..
حلاوتك ..يلا بينا ع العمل ..»
الخواجه لامبو ماشي ..
دخل الخماره .. حيوه السكارى ..
تاره بالضحكه .. وبالفزيتا تاره ..
غنى لامبو وبرد أسبانيا مزنهر مناخيرو
«ياغلابا ...
سيروا في الارض العريضة ....
والسعوا النسمة بطواحين الهوا ...
فيه في قلب الظلم حتة نجمة بيضا ..
العمل مش حاجة ضايعة في الهوا..
برد اسبانيا استوى ...»
لامبو كان نشوان وكل ما فيه مغني..
وجيتارو بين ايديه..
والعباد.. منتورة زي الفحم لاسمر حواليه
الشاويش دخل عليه..
(ايه يا اسبانيا يا بطن مافيهش عيش)
هس.. بس...
الضلام اللي في اسبانيا ظهر..
برم شنابات الشاويش
الشاويش صرخ في لامبو
لامبو خبى غنوتو اياها في عبو..
بس ما رضيش يجي جنبو
والفانوس اللي في سقف الحانة متعلق رعَش
الشاويش صرخ بقلبو
قلبو شايل كل دوسيهات الحكومة
لامبو ممنوع من اغاني الفقرا
غنى غير ده..
الحكومة مش حمارة
لامبو بص علي السكاري.
البرودة اللي في إيديهم جمدت كاس النبيت
لامبو دمَّع
الحياة .. عايزة جسارة..
والخلايق عاوزة ابطالها يكون فيها جدارة..
عايزه ابطالها في عز البرد مشحونة حرارة
الجيتارة.. واخده ع اللحن النضيف
الجيتارة..
برضو بتنام ع الرصيف
برضو بتموت زيي علشان الرغيف
بس ليل اسبانيا في الزنزانة له شكلو المخيف..
والبلاط.. والسقعة.. والعود النحيف..
لا ما غنيش للفقير .. والسجن لا..
لا أغني..
لأ ما غنيش..
بس انا راجل شريف
(ايه يا اسبانيا يا سجن في كأس نبيت...)
آه.. وآه...
لامبو من يومها وقولة آه .. غناه
قريتو لمتها آه..
آه.. وآه.. والناس ترد الآهة آه..
الكفاح الحي اصبح آه..
و آه ع الكفاح لو يتقلب علي شكل آه..
والنهارد ده لامبو مات..
قتلو ليل اسبانيا في الليل ع الرصيف
قلبو كان لابس خفيف
قتلتو الآه..
قتلتو في الحانة شنبات الشاويش..
قتلتو الناس اللي غرقانة بهمومها في النبيت..
قتلتو الدوسيهات في دواليب الحكومة..
قتلو الطفل اللي مش لاقي الفطار
طلعت الناس النهار ده للكنيسة
لقوه جنب الجدار..
قطتو جنب الجيتار.
قاعدة مش شايفة النهار..
في انتظار الليل... واسبانيا.. وشنابات الشاويش
(لامبو مات..)
لامبو؟؟ يا عيني.. وتبكي الطفلتين
يمسحوا دموعهم في ايد الامهات
في المناديل الجديدة
(آخرة الرحلة تموت يا لامبو على طرف الرصيف.
وانت لو جالك فقير..
كنت تشوي قلبك الطيب تحطولو في رغيف؟؟!)
قطتو توطي
عشان دمعتها ما تعملش ع الاسفلت صوت..
لامبو مات
توصل الناس في الشوارع..
يا سلام .. ده أنا سايبو وهو راجع
يدمعوا..
يرسموا فوق الصدور علامات صليب
والجرس يتلوى في حبال الكنيسة
كان حزين .. حزين .. حزين
قتلو الحزن
يفرشو فوقو الجرايد
يركعوا الاطفال يرصو حوالين جسمو الورود
والدموع .. غيمة على عيون الوجود
«يا حبيبي يا عمو لامبو..»
روحي يا ماما الكنيسة وسيبيني قاعدة جنبو
يا حبيبي يا عم لامبو
امها تبكي وتاخذها من ايديها
مات شهيد
مات شهيد الليل في اسبانيا السجينة
مات .. وكان عاوز يعيش
غيرشي بس الظلم برَّم لو شنابات الشاويش
الوداع يا عم لامبو
"الوداع يا عم لامبو "
الوداع يا قطتو المرمية جنبو
"الوداع يا قطتو المرمية جنبو "
الوداع
عربية الاغراب شالوه زي الهوا
الوداع .. دق الجرس فوق الكنيسة
غنت الناس غنوتو
الضباب عمال يضيع
لجل يدي فرصة للشمس اللي حتزور الربيع


الخواجة لامبو مات  العجوز مات في اسبانيا -عبد الرحمن الابنودي

 غريب الدار ... عبده السروجي
 كلمات علي الشيرازي 
الحان محمد قاسم 
غريب الدار عليا جار زمانى اسى وظلمنى 
مشيت سواح مسا وصباح ادور عالى راح منى
 غريب الدار انا اللى الدهر عادانى وباعنى واشترى فيا 
وخد احبابى وادانى بدالهم فكر واسية
 ومين شاف اللى انا شفته ومين اسى اللى اسيته
 وفيت بالعهد وحفظته وغيرى خان وحبته
 سافرت بلاد وطفت بلاد ومين عالشوق يصبرنى
 غريب الدار ما خانش الود يا حبايب هيظلم حبكم حالى
 وكان عشمى وانا غايب تصونوا عهدنا الغالى 
مليت بالدمع كاساتى رويت منها زهور حبى
 وغنى الطير بأهاتى وردد لحنها قلبى
سهرت الليل وشفت الويل ومين يا ناس يطمنى غريب الدار


غريب الدار.. عبده السروجى

زواج اليمام/البوم اسفار

زواج اليمام-الثلاثي جبران

كلمات/مجدي نجيب
الحان/احمد منيب
توزيع/الجيتس

طلب القهوة ومشربهاش جبنا القهوة وهو مجاش
حط ثمنها على الترابيزة قرشين فكة ونص بريزة
واللى طلبها ليه ما شربها؟ جبنا القهوة وهو مجاش

كان قاعد سارح بيفكر طلب القهوة وقالى بسكر
قولت عينيا بعد شوية جبت القهوة وقالى بلاش
قولت ضرورى وراه مواعيد ولا يجوز مشواره بعيد
طلب القهوة ومشربهاش جبنا القهوة وهو مجاش

كان قاعد ساكت ومكشر طلب القهوة من غير سكر
قولت عينيا واجب عليا جبت وقالى بلاش
قالى ضرورى وبالتأكيد هو معايا وعقله بعيد
طلب القهوة ومشربهاش جبنا القهوة وهو مجاش



Talab El Qahwa

Hakawy El Ahawy

فنان فقير
غناء /محمود الجندي
كلمات فؤاد حداد
الحان محمد الشيخ

فنان فقير على باب الله
والجيب ما فيهشي ولا سحتوت
والعمر فايت بيقول آه
والقطر فايت بيقول توت
صحتني ليه يا شاويش يا شاويش
دنا كنت سارح في الملكوت
لمّا بنام بحلم وبعيش
واما بفوق ما بفوقشي بموت
وتقول عليّ كبير السن
وانا فى قلبي ولد كتكوت
وتشوفني ببكي وبنعي وائن
والدنيا لسه بنت بنوت
اشمعنى قلبي ضناه الشيب؟
من الشقا مَهْري ومنكوت
قال اللي قال العيب فى الجيب
والجيب ما فيهشي ولا سحتوت
صحتني ليه يا شاويش يا شاويش
دنا كنت سارح في الملكوت
والعمر فايت بيقول آه
والقطر فايت بيقول توت
على المحطة يا ولداه
حتى المحطة كمان هتفوت

صحتني ليه يا شاويش يا شاويش

دنا كنت سارح في الملكوت





Abd Allah Ammar

Popular tracks