ماشاءالله تبارك الرحمن

سورة الملك

سورة آل عمران - الشيخ أحمد كاسب - بالقصر المنفصل - قيام رمضان 1444 هـ

أَفَلَا یَتَدَبَّرُونَ ٱلۡقُرۡءَانَ | د. أحمد العربي - من سورة النساء

سورة الطور مقام الكرد للشيخ_ أحمد بن طالب بن حميد.

إن مثل عيسى عند الله كمثل آدم | الشيخ عمرو الشرقاوي | من سورة آل عمران

وَقالُوا اتَّخَذَ الرَّحمنُ وَلَدًا 

 الدكتور أحمد العربي  روائع صلاة العشاء ❤️‍🩹

وَقَالُوا اتخذ الرحمن ولدًا|| الدكتور احمد العربي|| روائع صلاة العشاء

فجريه ليله ٢٧ رمضان ١٤٤٦

فقه التعامل مع الذنب -د. أحمد العربي

سورة الزخرف | م. باسل مؤنس رحمه الله

RIVERRRR - BBY R U HOME *WORLDWIDE EXCLUSIVE

المادة الصوتية ....مكتوبة
~~~
السلام عليكم و رحمة الله و بركاته

حبيت أشارككم طريقة هايلة أوووي في تثبيت و إتقان القرآن بحول الله ..علمنيها شيخي ..فضيلة الشيخ سيد هارون أبو الدهب ..حفظه الله و بارك لنا في عمره

بدايةً ..لازم تكون صاحب نية زوبعية ..صالحة خالصة 
لازمك بردو تتأكد من صدق حبك لكلام الله

تعرف طبعا أن ربنا نفخ من روحه فينا ...لما خلق سيدنا آدم عليه السلآم

عشان كدا لما بتقرأ القرآن بتستقى من المنبع ....بتحن لأصلك.. روحك بتنتعش

موش كدهوت و بيحصل موعاك ولا إيه :D


توووماااام تووماااااام

هات مصحف يا صاحبي

معاك مصحفك خلاص ...حلوو أوووي

بص بقى ...القرآن متجزأ 30 جزء ...كل جزء حزبين ...و كل حزب 4 ترباع

هتحفظ أزاي بقى

خلينا نبدأ من البقرة .....مشهورة بالمتشابهات هي و آل عمران ..و ليهم فضل خاص
قال صلّى الله عليه و سلّم فيهما كما في الصحيح:

تعلموا { البقرة } و { آل عمران } ، فإنهما الزهراوان ، يظلان صاحبهما يوم القيامة كأنهما غمامتان 


أتأكد من متابعة فضل حفظ و تلاوة القرآن عشان تستحث نفسك و تشعلل 


تومام أوي

نظام الحفظ هيكون بأنك تغوص في أعماق ذاكرتك ..و تبني أوتاد أساسات صعبة الزعزعة بحول الله

استعن بالمُعين

هتكرر الآية ثلاث مرات على الأقل ...و أنت باصص ف المصحف ....فاهم !! 
يعني متقولش لآ دا أنا حفظتها من تاني مرة أو كنت حافظها قبل كدا أو هي سهلة ....لازم تلتزم بالنظر و أنت بتكرر عشان عينيك تاخد لقطات للكلمات و تعتمدها ف ذاكرتك التصويرية
و كذلك لسانك ..لازم تحركه ...متعملش فيها أبو العوريف و تقول ما أنا بحفظ بالنظر بس !

آه عشان تآخد على لكنة الكلمات و لسانك يتعوّد ...

حفظت الآية ياعم ....أقفل المصحف و سمعها لنفسك...أول ما تحس أنك أرتبكت ..أفتح المصحف و كررها تاني

بعد كدا ..اعمل نفس القصة مع الآية اللي بعديها

حفظت دلوقت آيتين ...سمّعهم مع بعضيتهم لنفسك

و هكذا بقى لحد ما تخلّص الصفحة

طويب ...قابلتك آية طويلة..صعبة
جزّأها لمقاطع ..و احفظها مقطع مقطع بالطريقة اللي فاتت ..و ألحهمهم

فل أوي 

......خلصت الصفحة بفضل الله
احفظ بقى رؤوس الآيات اللي فيها ..بدايات الآيات يعني ..أول كلمتين تلاتة ليهم معنى

بس صحصح ...في بداية الربع الثاني ..إن الله لا يستحيي أن يضرب مثلا ...أوعى تقول إن بدايتها إن الله لا يستحيي بس...تبقى موصيبتك موصيبة !

عشان كدا أنتبه الله يكرمك

.
.
كمثال..
أفتح الصفحة رقم 3

أول آية ..إن الذين كفروا
و التانية ..ختم الله على قلوبهم
و اللي بعديها .. ومن الناس ....يخادعون الله و الذين آمنوا ...في قلوبهم مرض ..و إذا قيل لهم لا تفسدوا ..ألا إنهم هم المفسدون..و إذا قيل لهم آمنوا ..و إذا لقوا ..الله يستهزئ بهم .. أولائك الذين أشتروا الضلالة

حفظت رؤوس الآيات ...أطلب من حد يمتحنك فيهم ...سمّعهم من تحت لفوق ومن فوق لتحت 
خليه يسألك ..طب الآية الأولى ..الخامسة ...الأخيرة ...التالتة من تحت

و هكذا ....بعدين سمّع له الصفحة كاملة

بكدا إنت بحول الله ..طبعت الصفحة في عمق ذاكرتك 

طيب ..حفظت صفحة اتنين ..تلاتة
ربع ربعين ...حزب

آه ..تروح تحفظ رؤوس الصفحات ..و رؤوس الأرباع ..و تسمعهم 

بتسمع أنت عن أشخاص ..أو طفل معجزة
تقوله الآية ...يروح قايل لك مكانها و رقم صفحتها بالظبط و آخر آية فيها و بعديها بصفحتين الآية اللي ف نفس مكانها إيه ؟!

إيه ياعم .. الناس دي جاية منين :D

إذا عرف السبب بطل العجب 

الموضوع كله أنه حفظ كويس زي ما قلتلك .. بس ..معاه طريقة حسابية بسيطة

بص يا بطل

كل جزء فيه 20 صفحة بالضبط ...ما عدا الأول ..فيه 22

المعادلة بتقول ...رقم الجزء -1 *2 و الناتج نضيف له 2 يمينه

تجرّب ؟!

الجزء التاني ..-1 ..*2
نضيف 2 يمينه .............. يبقى ف الصفحة 22
بطبيعة الحال ...الجزء التالت هيكون ف الصفحة 42 ..لأننا أضفنا 20 صفحة

خلينا نجربها ..3-1*2..إضافة 2 يمينه ...تبقى 42

..... بما أنك حافظ كويس و عارف بداية كل جزء ..و بداية كل ربع و بداية كل صفحة....هتعرف ببساطة شديدة تجاوب على أي سؤال مشابه ^^



أفتكر أن الشيخ كان بيسمّع لنا رؤوس الآيات بالعكس .. من آخر الجزء حتى أوله...و اللي بيغلط كان بيدفع جنيه ههههههههه جزاه الله عنا خيرا


صدقني هتحس مش أنك بتحفظ القرآن ..العكس ..القرآن هو اللي بيحفظك

جرّب و شوف

ولو عندك أي أستفسار راسلني على صفحتي



المراجعة على ما سبق ...أهم من حفظ الجديد

قالها لنا فضيلة الشيخ سيد ذات مرة ..القرآن من عزته لا يبقى مع من يهمله


أتمنى تنشر المقطع ..جزاني الله و إياك كل خير

سورة الملك

عبدالله فرج

Recent comments

Yehiia Mohameed

Related tracks