سبحانك الله اللهم جل علاك
لطفاً بعبدك خالقي رحماك
يا كاشف البلوى أتيتك راجياً
أرجوا رضاك فليس لي إلاك
..
إن كان حظي في الحياة قليلها
فالصبر يا مولايا فيه? رضاك
..
ما حيلتي والعجز غاية قوتي
فإذا قضيت فمن يرد قضاك
..
وجهت وجهي نحو بيتك داعياً
يامن تجيب العبد إذ ناداك
..
بك أستجير و من يُجير سواك
إرحم ضعيف يحتمى فى حماك
ياااارب قد أذنبت فأغفر ذلتى
إنت المجيب لكل من ناداك

إبتهال
للشيخ وحيد ابو الحسن الشرقاوي

إبتهال للشيخ وحيد ابو الحسن الشرقاوي..سبحانك الله

انا راضي.. ماببصش عالنص الفاضي.. ولا عالنص المليان
انا مش لاقي الكوباية.. ومشيت في الف حكاية.. عشمان



انا مش لاقي الكوباية

مش واقعية.. ممكن أشك إنك جنية
عايز قلبي.. ماعرفش ازاي خطفتيه
جننتيتي بتلهميني.. وبقول كلام
انا كنت ناوي أخبيه

ممكن أشك إنك جنية

واقف على خط النار 
بقاتل باستمرار 
مابسيبش الدنيا تختارلي
انا صاحب القرار

دا مش سهل نهائي
بتطير ف الريح أشلاءي 
وبقابل ناس شمتانة 
وصراعات ضد أخلاقي

يامه استقبلت هزايم 
عقلي صاحي مش نايم
فعرفت إن الحياة
دايما حالها مش دايم

عديت علي قلبي لاقيته
واقع ف غرام شديته
مليش ف الكلام دا 
زمن الاخلاص finito


Lyrics: Abdullah Lotfy
Mic: Me7a
Beat: you don't know me

بقاتل باستمرار

أجمّع الأغاني واتفرج على إعلانات
اظبط بورتفليو واوزعه ع الشركات
 يستمر كيفي في تكسير التابولهات
طيفي يبقى سيرة ناجحة فالحكايات

انتي قمر صناعي لاقط حواليه شنبات
عايزه كل يوم تزيد اكتر المعاكسات
عايزاني اخد دور في طابور الحجوزات
انا الكل في الكل ياما أبو عشم مات 

كنت هبقى معاكي في الجد والتسلية
 كنت هكتبلك غنوة لما تغيبي عن عينيا
مش فشار يا حلوة انا العصا السحرية
ننهي العلاقة فوراً لما تكون مؤذية

ملقتش نفسي فيكي استحملي العقوبات
شبحي هيظهر ليكي ف الكلام والسكات
مابتقارنش بحد هتشوفيني ف المرآيات
كفاية وقت فات.. ضيعته ف التفاهات 

كنت هبقى معاكي في الجد والتسلية 
كنت هكتبلك غنوة لما تغيبي عن عينيا
مش فشار يا حلوة انا العصا السحرية
ننهي العلاقة فوراً لما تكون مؤذية

ننهي العلاقة فوراً

اتغطى ونام

تراك جديد "أميجو" 

معلش بكنسل.. جتلي فكرة وبكتبها
ودني بتزمر.. بكلم بنات سابت حبيبها
واعي.. مصلح اجتماعي.. ودكتور ف النفسية
سادي.. بحبها تقولي دادي.. وليا في الحنية
بعد ١٢ في أوضتي.. بعمل دماغ رباني
بسطاني.. تعالي بكرة تاني.. نضحك شوية 
بصحى الصبح بالعافية وبطني وجعاني
حاطط الهاندفري من غير ما اشغل الأغاني
لولا الذكريات.. كنت هجيب سيرة ناس قلة
انتو شخاليل.. وانا ثابت على المبدأ مانديلا 

قبطان وماسك الدفة.. 
بتسخن دماغي بدفى 
أنتو بتروحو وبتيجو..
 راحت عليكوا أميجو
خفيف دا لأني مابشيلش منكو
صامت ودماغي بترقص فلامنكو
فترة غيابي دي فترة كلامكوا
ليا أسلوبي ومكسل اعلمكوا
قبطان وماسك الدفة.. 
بتسخن دماغي بدفى 
أنتو بتروحو وبتيجو..
 راحت عليكوا أميجو

اسم على مسمى..
بتسحري كل اللي يشوفك
قلبي بيقف لما.. 
يبان في الضحك كسوفك
معايا في أمان.. 
احكيلي كل ظروفك 
جنبك مهما كان..
 انا جاي اطمن خوفك
وحيد مش برتاح 
ف علاقة عابرة
انتي وانا اتجمعنا 
هنا اكيد لعبرة
معنديش وعود 
اقدر اقدمهالك 
بس ع الأقل 
هتلاقيني سالك

قبطان وماسك الدفة.. 
بتسخن دماغي بدفى 
أنتو بتروحو وبتيجو..
 راحت عليكوا أميجو

أميجو

تراك "عصام الحضري" 

بيتفقعوا لما بغني راب.. ف هغني
كاتب أغاني لعمرو دياب.. دا تمني
بتضحك بس من جواك.. بتغل مني
فاقسك وهسيبك بعماك.. مش هاممني
قاعد في الحظر.. هستغل الإجازة
هقتل كام فيرس من غير جنازة
خيال مأته ملهوش إي إضافة
هفتح قلبي اديلوه وش نضافة
شايفك طري شاورلي ع العمق
لو بينا مسابقة هكسب ك سمك
غلبان انتا مش هتفهم معنى
دمك واقف مفيش مكان يجمعنا
معنديش للنظر وجة أسلُكها
كل سكة سابت فيا شوكها
بطارية حلمي قطعت سلوكها
مابقتش تفرق ديا من دوكها

الكورة في رجلي بشوطها بجريكوا
لما بنافس بختار أحرف واحد فيكوا
مفيش سلام بالإيد ودا مش خوف كورونا
بنضف قلبي كل يوم وأنتا أفكارك ملعونة
حبيبي مالك لسه عندك أم العادة الوسخة
بتقلل من الناس عشان تعلى.. لأ انسى
ماتجيش تنصحني وتعمل خايف عليا
لما سألوا عني.. أول واحد عيبت فيا
شافني بنجح اتحرق.. سيبته والع
بتنكر ليه يا حبيبي في فرق شاسع
النية سالكة فبدوس على نواياهم الشمال
في مجالي لما بنزل بفرض حظر تجوال
انا الحقيقية.. وانتو السلع الوهمية
البيع فيكوا.. مكسب عائد ليا
عصام الحضري في الشغل ماعرفش أبويا
تحتاجني هتلاقيني بساعدك أخويا

عصام الحضري

التراك ال١٦
"مقدر صراحتك" 

بشد ومفيش حد يشدني 
مابحبش، بحب اللي بيحبني
مش هتنسى لو بس عرفتني
هتكسبني لو بس فهمتني
دايما بختار أصحابي بعناية 
ننفع نكون لبعض مرآيه 
صفة الصراحة لوحدها كفاية 
بفتح قلبي اتفضل معايا 

تجارب كتيرة حكتيلي عنها
حسيت بيها كنت في مكانها
ناس تستغل وتقلب من بنها
وناس الكدب لبانة ف لسانها
بجد في حياتي مبسوط إنك جيتي
من غير معافرة لدماغي عديتي 
دا قلبك نضيف زي الأكل البيتي 
مقدر صراحتك ف نظري احلوتي

غيرك بيخبي وينكر تاريخه 
محدش غيره بيسمع صريخه 
بيحبس ف نفسه وصمته أوجاع
بيعذب روحه بكدب وخداع
ورغم الكسور بيعمل مثالي 
مش فاهم حاله فبيغلط توالي
ويكره حياته وبين نفسه ذاته
بيلعن وجودها وكل اللي فاتو
مفيش مفر انه يطلع بعبرة
فبيفضل ساذج مفيش أي خبرة

هرجع وأقولك لعلمك أنتي حالة 
نادر وجودك بطيبتك دي استحالة
بجد في حياتي مبسوط إنك جيتي
مقدر صراحتك ف نظري احلوتي



احلوتي

تراك جديد
"فاكر زمان" 

قالوا الحياة دي قطر.. وكل فترة محطة
قالوا الأحلام دي عالية.. عايزه منك نطة
حاجات كتير لما.. وصلتلها أونطة 
 عايز ارجع طفل على ضهره شنطة

فاكر زمان فاكر.. حتى لو ناسي الأحداث 
كان كل شئ طبيعي.. كان حلو الاحساس 
كانت النفوس سالكة.. والناس بتحب الناس
لمة الصحاب في اجازة كانت الخلاص

فاكر زمان فاكر الضحك من القلب 
فاكر عيونها الحلوة وأول قصة حب
فاكر صحاب الدسك فاكر صحاب الكورة 
كلها ذكريات.. جوا قلبي محفورة 

فاكر زمان فاكر كل تفصيلة بسيطة 
أقصى حلمي فسحة وخوفي اتزنب عالحيطة
فاكر كل بيت دخلته فاكر راحة البال
كانت الحياة جميلة لما كنا عيال

دلوقتي كل سكة بحاول اجيب اخرها 
سنين كتيرة عديت ومفيش حاجة افتكرها
وكل شئ بحساب والمصلحة بتسود
فاكر زمان ياريت يوم واحد يعود  

كل كلمة حلوة جت بتديلي دفعة 
كوني جامد دي لوحدها مش نافعة 
رأس مالي دماغي وياريتها شافعة
عايز ضمان على نفسي مابطلش أسعى



فاكر زمان

داخل داخلة
 اللي يروح مايرجعش
ابراهيم الابيض
حضرولي النعش

بسجل التراك
 مفيش مستمعين
بنهي كل يوم علاقة
مزاجي مش سليم

بولع صلب الموضوع
في الشغل تنين 
مش عايز أثبت حاجة
دا تجديد للروتين

عندي برد في المشاعر 
ماتقربوش. هعديكوا
لما كنتوا فوق سقفت
بتجذوا ليه لما بعديكوا

مش بجري.. في مكاني
انتوا اللي بتجروا لورا
عينيكوا بتفضحكوا
هلعب فيكوا بالمسطرة 

بعتوا يكلموني 
بتغني راب غلط
مافكروش يساعدوني
شطار في رمي الزلط

مش عايزيني ابقى أحسن
الغل جواهم 
بيهمدوني 
فانا هعند معاهم

خدوا.. خدوا بالكوا 
هديكوا.. هديكوا مشمشاية 
انا بابا.. بابا لعيالكوا 
انتو فاضيين.. كوباية 

مش متاح قافل 
 مفيش مفتاح
عرض كان حافل
في انتظار الافتتاح 

الناس كتب متحركة
 وانا شاطر ف القراية 
البنت دي مدملكة 
شغلها في الدعاية 

انا باجي بعمل موجة
بحر تيجي أغرقك
اتسلى بيك نوجا
من أوهامك أفوقك 

مفيش حد ف البيت 
تعالي نقرأ كتاب هاه
نص مؤدب نص سافل
بس مش كداب ياه

عادي مش بعيب الحظر
بسوق العالم من أوضتي 
تليفوني مكتبي قلمي 
تكييفي لابي بين سبورتي

بلعب بالكلام فاندام
 اسمي هيبقى ماركة
بيحاولوا يوصلولي 
مصاحب بنت حِركة

مش هحزق عشان اكتب
لو مفيش كلام اقوله
لو الحياة مملة 
عادي هعيشها solo



إبراهيم الأبيض

تراك محلي

شفاف شفاف 
تراك محلي مش متشاف 
بسجل بريكورد التليفون 
وانا نايم على سرير 
أنت عشان تعمل حاجة
محتاج تفرك كتير 
قلب أبيض
 أنتو مش جواه.. 
كبار لكن
 لسه هواه.. 
الشو سايبه
عشان يجيلي 
انت قديم
 وانا احسن واحد في جيلي

اتعلمت اخسر واكسب
خلاص مفيش مستحيل
عشان تكمل معايا
لازم جواك يكون جميل
السحابة لما تغيم
مش نهاية دي دليل
استراحة المحارب
لسه في طريق طويل
تصور تصور الفرق بينا 
لو غمضت عينك عني
 هتلاقيني بتطور
لو غمضت عيني عنك 
هتبدأ تحور

انا الكمال.. والمستحيل الممكن
انا المُحال وأقل من ما يمكن
انا الحقيقة.. وأبعد حدود الزيف
ألف حال.. أشبه بكوني خريف
انا العازف.. ألحان مش مسموعة
انا الصورة.. والقصة مش مطبوعة
انا الرئيسي.. في أدوار مش فارقة
انا الألوان.. الحلوة الغامقة


تراك محلي

 تراك جديد لقصة قديمة
"مها"

رجعت بالزمن افتكرت اللي فات 
ناس سابتني بس سايبة ليا ذكريات
ومهما عديت السنين.. هحكي عن مها 
محظوظ في يوم لأني.. حسيت حبها
بعد أيامي الأولى.. في شغلي الجديد
 وسط كل شلة.. انا كنت قاعد وحيد
لمحتها بصالي.. وبدون أسباب
حسيت مستحلفالي.. مش بصة انجذاب 

فجاة جت قعدت قدامي عقلي بدأ يرسمها 
نظرة عيونها ساحره  انا فكيت طلاسمها
سألتني مابتسمعنيش معاك ليه 
سكت شوية وروحت مديها الهاند فري
وفضلنا فترة نسمع ف الاغاني
ماعرفش عنها حاجة ولا هي عرفاني 
بس عيني عليها .. ماقفلش رمشي
وهي قاعدة جنبي .. مش عايزة تمشي

معقولة قلبي لسة .. بيدق ويميل 
قدر يرجع شباب .. ويجري زي خيل 
بستغرب نفسي لما اكتب كلمتين رومانسي 
قصتنا كانت هي نفس قصة فيلم المنسي 
الحلوة جت بعينها تاية تطلب الحماية 
قلبي كان معاها .. بس مين لسة معايا
في حيرة كل يوم .. وعقلي بيقولي لمتى؟
بنحس بمتعة اه لكن .. عارفينها مؤقتة

بعد ما سافرت ماكملتش قصيدة لآخرها
ماعرفتش اكتب شعر لواحدة غيرها
براب عشان أعوض أيام الفضفضة
عيشت معاها في شائعات مغرضة
حبها فيا.. حببني في نفسي اكتر
وانا وياها.. حسيت اني اقدر
محتاج اعيش فترة تكون نفس أيامها
اكون فيها البطل وتشوفني رسامها

كانت في صفي لما ضهري اتقسم 
مسكت إيديا.. رفضت إني اتهزم
هي القلب البرئ اللي زعلي بيتعبها
معايا في الطريق من غير ما تحسبها
رغم استحالة العلاقة 
كان فيها شئ فكاهي
كانت لعينيها نظرة
 بتشتت انتباهي


مها


"بتاع إعلانات وأغاني"

بعرفك بنفسي انا خدمة أوبر.. أتوبيس
بوّصل كل واحدة لمحطة العريس
ماعرفش عنهم حاجة ولا انا شايل
اكيد استفادوا معايا.. وعدوا الجمايل
قابلتهم من كل سن وكل حالة اجتماعية 
هحوّل كل قصة فيلم.. 
لا ينصح بالمشاهدة العائلية 
بس اطمنوا مفيش أسامي ع التتر
عارف بتابعوني.. بتقروا لآخر سطر 

عدد لا نهائي سفاحين وضحايا 
انا السر وأنتو إحسان في الخطايا 
بحب نفسي وأنتم مش خادم فلبيني
ماتشلوش ذنبي الوقوع بيعليني
في حياتي الف قصة ممكن ابقى احكي عنها
من غير نهاية كل حاجة مش ثابتة ف مكانها
سجلت أغلب المواقف ف قصايد وإعلانات
لو حابه تعرفي عني اكتر.. إساليني برد شات

مابحكيش عن نفسي.. اقري أشعاري
ماتحكميش بالشعبية.. انا ليا مساري 
مش اجتماعي.. مابستريحش بسهولة
دايرة معارفي.. أغلب الوقت مقفولة 
مابشغلش بالي.. بيتقال أيه عني 
بشوف أراء الناس.. أوهام وتمني
سكتي سالكة.. عدو الكدب والتضليل
بنسحب م المكان.. لو حسيت اني تقيل
ساعات اهزر.. وساعات ببان إنطوائي 
لو ليكي ف الأبراج.. اعتبري برجي هوائي 
مابحبش افكر.. ف مكان خروج أو أكل 
انا زي القمر.. استني مش قصدي الشكل
بظهر بليل.. وبالنهار هتلاقيني بنام
وغصب عني.. مفيش طاقة للكلام
مش باراشوت.. ولا بوزع بونبوني
بس كتير.. قربوا مني وحبوني

بتاع إعلانات وأغاني
تعرفني هتيجي تاني 
لأ مش ممكن تنساني
لأ مش هتبطل ادماني


تعارف "بتاع إعلانات وأغاني"

تراك اليوم ورقم ٢٠
استنى هسقفلك 

تراك محلي "اسم تراك سابق" 
 شكله كان حراق
دا جه ع جرح ناس
 على رأسهم بطحة

تيران هايجة 
بتمثل الاشتياق 
لسان بيطول 
عايز يديني نطحة

كنت ساكت بس 
قابلت ناس مش سالكة 
على وشوشهم ضحكة
جوه قلوبهم عاركة

طب خد تعالى.. 
هستفزك تاني 
من غير ما اكلم..
 هسجل الأغاني

عمال تطنط.. 
استنى هسقفلك 
مداري ف هزارك.. 
بس انا قافشك

مابزعلش منك.. 
مش شايفك بعينيا
فرق السرعات.. 
كتير مش شوية

بستوعب الغيران والنفوس السودة
بجيبلك الحرقان..
 اسف مش مقصودة

هطبطب عليك.. 
لحد ما تكره نفسك
أوهام الحرمان.. 
لما تشوفني بنافسك

سواد جوه قلبهم عمال بيكبر 
مستنيني أقع بس دا مش هيحصل
هفضل استفزك بكل نجاح تشوفه
وهتفضل جبان زي المحبوس بخوفه

بأمانة بأمانة 
الناس دي دماغها تعبانة
النقص فيهم 
وعيونهم مش مليانة
بأمانة بأمانة 
الناس دي دماغها تعبانة
النقص فيهم
 وعيونهم مش مليانة

استنى هسقفلك


بعد غياب فترة لازم نعود
نكتب تاني فترة لازم نسود
مفيش جمهور مفيش عادي
بكرة المصالح تسقف الأيادي
أمتنعت عن الرد.. ومشيت لا أبالي
أعداءي حائط صد.. بتدمره أفعالي 
النار بتاكلهم.. اتحولوا رماد حواليا 
بيحكوا عن لساني قصص عاشتها عينيا
انا لا أؤمن بالأبدية.. امشوا بلا رجعة
انا صاحب الوحي.. وأنتم مجرد بدعة
خسرت فيكم وقت.. ينفع أفلام قصيرة
كنتوا يدوب حمولة.. بتعطل المسيرة 

حاجة بسيطة تعمل قفلة لكني بنزل ع الفاضي
نومي متقطع وصداعي شادد كرسي قصادي
دماغي عاملة حفلة وعازمة تشوهات الماضي
أجازة عديت زي الماشي في جنازة
أشباح معايا ع التربيزة نسخ كتيرة مني 
بسمع أصوات لناس بتخوض لسيرتي كارهني
براويز عالحيطان صور لكهل في سني
أجازة سقيت ورد صناعي في فازة

دقات قلبي في ماراثون سباق السرعة
قاعد بنهج مش قادر اديني الجرعة
عروقي بارزة.. ورجليا فالأرض غارزة
عايز اكتب.. ناوليني القلم بسرعة
علاجي حروف زي بيكاسو برسمها 
ترزي بشكّل جمل وبإيديا أوزنها
مهم فالأهم.. لوحدي مش مهتم
قمة النشوة لما أبدأ قصيدة أقفلها

القطر فات لكني متعود 
ماركبش حاجة الكل بيركبها 
وزني خفيف والقدر بيزود
فعملت فورمة محدش يفهمها
بارانويا وخجل خليط متعدد
انا السهل البسيط والصعب المتشدد
محترم في التعامل وتفكيري متعكر
معنديش مشاعر وساعات قلبي بيتهكر 
انجذابي للبشر بيقل تدريجيا 
ببعد كتير ف لنفسي بقرب نسبيا 
مزاجي متكدر ولا فايق 
لحظة واحدة بتغير حقايق 
في نهاية كل رحلة بيفضل سؤال
انا مجرد راكب ولا سايق؟

في نهاية كل رحلة

طموحي هو داءي 
مش راضي عن أداءي
مريض بحب
 كل شئ إستثناءي

بتعالج بالكتابة..
من عشرة ناس كدابة
بخرج كل شحنة
من مشاعري متسابة

يالا العرض انتهى  
احزموا الأمتعة 
عارف بالنسبالكم فترة
بتمنى مشاهدة ممتعة

اتحولنا غابة...
بنسعى للسيطرة
أشباه بني أدميين
بتعشق المنظرة

كنا أبيض وأسود
والآن كل الألوان
حسب نوع المصلحة
بنظهر ونبان

ممكن أهزر من ضيقي
ممكن اسكت في فرحي
ماتعملش فيها صديقي
وأنت مش حاسس جرحي

انا قصة كفاح
وحكايات مسلية
بنام ضميري مرتاح
مابرضاش بالأذية

بكتب تراكات عالمية
المشكلة عندك 
مش ف الجودة
في النفسية 

شايف شفايف بتبرطم
شايف عيون بتزوم
فى طالعله ديييل
وفى جوه الهدوم

هفضل اتعشم عادي
وأقابل ناس مش شبهي
عمري ما هيكبر قلبي
مهما الدنيا تيجي ضدي

طموحي هو داءي 
مش راضي عن أداءي
مريض بحب
 كل شئ إستثناءي

بتعالج بالكتابة..
من عشرة ناس كدابة
بخرج كل شحنة
من مشاعري متسابة

بتعالج بالكتابة

بتاع إعلانات وأغاني وراب

Abdullah Lotfy (Rap)

Popular tracks