choir project

من ورشة الإعلانات
إيقاعات: مو الأركان

The Ads workshop
Percussions: Mo Al-Arkan

A7eih  أحيه

London Workshop
ورشة لندن

بيقولوا فيه ثورة
فيه ضرب و دم و نار
بيقولوا فيه ثورة 
و ميدان مليان أحرار

بيقولوا فيه ثورة 
فيه وقفة و صوت و هتاف
بيقولوا فيه ثورة 
الناس ما بقيتش تخاف

غضب أمل خوف قلق
شوق فرحة ذنب عياط حرية

أنا متلخبط شوية
إيه الدور اللي علي
و لو بعيد عن بلدي 
إيه الدور اللي علي

بيقولوا فيه ثورة
لحظات حلوة بتتعاش
بيقولوا فيه ثورة
أرواح ماراحتش بلاش

بيقولوا فيه ثورة

Revolution .. Revolution
They're talking about a revolution 
People are revolting
Gunfires, violence and blood 
Free-people that are now filling the squares
A gathering, shouts and chants 
People are no longer afraid

They're Taking About A Revolution بيقولوا فيه ثورة

ورشة الجمالية

يا بتنجان
يا فول يا قوطة
يا قلقاس يا ملوخية
يا خضار
يا خضار بغلاك قهرتنا
و مش عارفين نعيش على قدنا
يا بتنجان يا رخيص على قدنا
و مغذيلنا دايماً جسمنا
يا فول يا مانع الحسد عننا
و مطفش العوازل من هنا
يا قوطة مجنونة
طبق السلطة بالهنا
ادلّع يا قلقاس يا مجنّن كل الناس
ادلّعي يا ملوخية
على طشّة التقلية
و انت كمان يا لوبية 
في أيامك الكوبية
ولّعي يا كوسة
في أيامنا المنحوسة
و مش عارفين نعيش على قدنا

Vetetables Song نشيد الخضار

ورشة اليوم الواحد بمشاركة ١٠٠ شخص -إيه العبارة

حزر فزر من غير وزن
خايف النكتة تتوه في الحزن
عندي سؤال حيفرتك مخي 
لو انا كتمته و ما سألتوش

إيه هي الثورة
مين اللي عملها
فين اللي حماها
مين اللي سرقها
مين ماسك إعلامها

مين اللي حاكمنا محاكمة عسكرية
مين اللي بيوصفنا ان احنا بلطجية

فين الدبابة
مين اللي سايقها 
مين اللي دهسنا
إيه العبارة

مين اللي واكسنا
مين اللي مجوعنا
مين قاتل فرحتنا
إيه العبارة

مين اللي مخونا
مين اللي مفرقنا
مين اللي كابتنا
إيه العبارة
؟؟؟؟
Riddle me this, riddle me that
I'm afraid the joke
might be swallowed by the sorrow
I have a question
If I don't voice it, if I suppress it
my head will explode
What's going on?
What is the revolution?
Who created it?
Who protected it?
Who stole it?
Who controls its media?
Who is trying us in military courts?
Who is describing us as thugs?
Where is the tank?
Who's driving it?
Who crushed us under his wheels?
What's going on?
Who's setting us back?
Who's starving us?
Who's destroying our joy?
Who's calling us traitors?
Who is dividing us?
Who is repressing us?
What's going on?

What's going on? إيه العبارة

من ورشة اسكندرية


أيها المواطنون
في ظل هذه الظروف العصيبة
قرر الرئيس تمسكه بمنصب الرئيس 
وئلك حفاظاً على الأمن والأمان
والله الموفق والمستعان 

الريّس مش ماشي
يا خراشي
بيقولوا الريّس قاعد
بيقولوا الريّس قاعد على قلبنا قاعد
والكرسي بتاعه شاهد


هتافاتكوا خلاص خلصت
ثورتكوا خلاص فشلت
تحريركوا خلاص لغيناه
وهانبني سجون في الصحرا
ونلم شباب الثورة
ونبهدلهم جواه ..ونعذبهم جواه
وهاننفخهم جواه

يا حلاوة على جواه يا جماله يا جواه يا صغنن يا جواه

ونشيدكوا الوطني يذيع
عاش الرئيس عاش الرئيس
عاش الرئيس وبيحميه البوليس
عاش الرئيس عاش الرئيس
عاش الرئيس والشعب راح فطيس
عاش الرئيس عاش الرئيس
والاعلام بتاعنا يمجد في الرئيس
عاش الرئيس عاش الرئيس
والقنوات الفضائية بتقول للظلم 
peace

مافيش عاش الرئيس .. ومش هانروح فطيس
احنا الشباب السيس

من أسوان لاسكندرية
إحنا الثورة المصرية
مش بنتاجر بالمصري
ولا بايعين القضية

الثورة لسة عايشة هافضل أعيد وازيد
والعيد لما ييجي مش هالبس جديد
الثورة لسة عايشة
عايزين حق الشهيد
الثورة لسة عايشة
مانستش خالد سعيد

Revolution Fantasy فنتازيا الثورة

جابوا أوروبا 2000- بعقدة الخواجة ..
جه الخبير الأجنبي	-و زبلّوها زيادة (2)
تفتح القناة تلاقي شيخ-  (صولو)
موزون موزون (الكلّ)
يقولّك حرام	- (صولو)
التيليفزيون (الكلّ)
تقلب القناة تلاقي عمرو -(صولو)
 أديب أديب (الكلّ)
يديّك في  مواعظ 	-	 (صوصو)
وهو نفسه عجيب (الكلّ)
سماح تحل مشاكل	 (بنات)	
مسلسلات تركية (شباب)
عالراديو ويأسامة 	(بنات)
كل السلع صينية (شباب)
سماح تحل مشاكل	 (بنات)	
مسلسلات تركية (شباب)
عالراديو ويأسامة 	(بنات)
كل السلع صينية (شباب)
العمال مش مسموعة -   حتى المصنع بايعينه
القمح أمريكاني	-	والغاز مصدّرينه (2)
(صولو)
إوعى تقول على غازنا طبيعي 
ليقولوا عليك مبتفهمش.
غازنا بقى غاز تطبيعي 
بيع بخسارة ولا تندمش
(الكل)
أنا غريب في بلدي -	وحقي شايفه ضايع
بنوك بدل المباني 	-	وليه العدل مايع (2)
(آهات - البنات )(2)
(آهات - الكل) (2)


Estranged In My Own Land غريب في بلدي

يا لهوي يا لهوي يا لهوي يا حمادة
يا لهوي يا لهوي يا لهوي يا خرابي
اصحى اصحى اصحى اصحى فوق (4)
يا لهوي يا لهوي يا لهوي يا خرابي
السباكين النجارين القهوجية الحدادين (2)
الاسطرجية - الخراتية -  المكوجية -  الصحافيين
السباكين النجارين القهوجية الحدادين (2)
ممثلين - الطيارين - الدكاترة - المهندسين
محدّش شايف شغله من كل العاملين (بنات)
محدّش شايف شغله من كل العاملين (شباب)
اصحى اصحى اصحى اصحى فوق (4)
يا لهوي يا لهوي يا لهوي يا خرابي
اصحى اصحى اصحى اصحى فوق
(صولو) عزيزي المشاهد - عزيزي المستمع
              أنت على موعد مع - أين تذهب هذا المساء
              ملحوظة مهمة جداً - ملحوظة مهمة جداً
(الكلّ) إوعا تروح في حتة (4)
الدنيا زحمة خالص - و المترو مهوّاش ناقص (بنات)
الدنيا زحمة خالص - و المترو مهوّاش ناقص (شباب)
وبيعطل في الطريق (الكلّ)
اصحى اصحى اصحى اصحى فوق (4)
يا لهوي يا لهوي يا لهوي يا خرابي
أمين الشرطة (بنات) - ياله (شباب)
بيوقف في الكمين (بنات)
أمين الشرطة (شباب) - ياله (بنات)
بيوقف في الكمين (شباب)
و الشاب ياعيني عليه - بيلف شمال و يمين (بنات)
و الشاب ياعيني عليه - بيلف شمال و يمين (شباب)
واللي ملوش ظهر - له قفا - بيركن على اليمين
واللي ملوش ظهر - له قفا -
هيلبس في الكمين (4)
آهات البنات (2) - آهات الكل (2)

Oh Shit! يا لهوي

عايز تمشي يابن الناس - متزعقش وامشي خلاص (2)
بالعربية يزف عروسة - سد الشارع يادي الحوسة (2) 
تحت الكوبري بقى مراحيض - اتبول في البيت يا بعيد (2)
بيب بيب بيب (4)
ياللي بتنفض فوقيا - ترابك نازل عليا (2)
ماتتفش ماتتفش - حاقفش (حاقفش) (4)
بقالي مستني سنتين (صولو)
سنتين (بنات)
سنتين (شباب)
(صولو) موظف يمضيلي ورقتين 
              فلوسي قليل، طلباتي كتير - 
(الكلّ) همي بقى دفع الفواتير
 (صولو) بقالي كثير عندي البواسير - 
(الكلّ) الشعب المصري جعان وفقير
بيب بيب بيب (4)
قالك إيه قالك آه	- (2 - شباب)
(البنات) سودة بس حلوة
               طخينة بدم خفيف
               مسيحي بس طيب
               بنت بس جدعة
              البنت قلب من غير عقل
بيب بيب بيب (4)
علشان مطول شعري - يندهلي يا واد يا بت (صولو -أ-)
تاكسي العداد بيسأل - هتدفع كام دلوقت (صولو-ب-)
يا لهوي الحقني يا طارق-دول مدوا قانون الطوارئ (صولو -ت-)
بيب بيب بيب (4)
بيب (صولو)
أعوعا (الكلّ)

Beeb بيب بيب

(بنات)
عندنا دوشة للبيع.. و رصيف مليان بلاليع-
 و كلاكس للعربية .. بيزمّر صوته مريع
عندنا بياع روبابيكيا .. بصوت جاهوري فظيع-
 و ميكروفون بيوشّ .. بنشاز عمال بيزيع
(شباب)
عندنا دوشة للبيع .. و رصيف مليان بلاليع-
 و كلاكس للعربية .. بيزمّر صوته مريع
عندنا بياع روبابيكيا ..بصوت جاهوري فظيع-
 و ميكروفون بيوشّ .. بنشاز عمال بيزيع
(بنات)
عندنا إيد السواق و تكاتك الوراق  (1)
و ميكروباصات في سباق بتنادي بولاق جلاء (2)
(صولو)
عندنا إيد السواق و تكاتك الوراق  (2)
و ميكروباصات في سباق (موّال)
 بتنادي بولاق جلاء
(الكلّ)
بتنادي بولاق جلاء - بتنادي فيصل ورّاق
بتنادي الحي السابع .. 
التامن.. التاسع..العاشر.. احداشر.. اتناشر
عندنا عيّل بيزيّط - و البتّ اخته بتعيّط
و امّه واقفة بتشلّأ - علشان مش عارفة تحلّق
لو ماشي في وسط الزيطة حبعتلك جملة بسيطة
لو كل دا حواليك الجملة دي حتلهيك - (2)
 انا مش سامع حاجة أنا جوة التلاجة (صولو)
الشباب: أنا مش سامع حاجة
البنات: أنا جوّة التلاجة
(دوشة)
موّال أنا مش سامع حاجة - أنا جوّة التلاجة



In The Fridge دوشة للبيع

exeeding limits الشيء ان زاد عن حده

يا فرعون إيه فرعنك؟ (2)
مالقيتش حدّ يلمّني (4)
إن كنت حرامي .. حرامي ..إتّقي الله
في صنعتك (4)
و ايش يعمل الترقيع .. 
في التوب البالي (1 -صولو)
و ايش يعمل الترقيع .. 
في التوب البالي  (2)
دوسنا الأرض اللي ماتنداس ..
بوسنا اليدّ اللي ماتنباس (2 شباب)
دوسنا الأرض اللي ماتنداس ..
بوسنا اليدّ اللي ماتنباس (2 بنات)
و لا نابنا دهب.. و لا نحاس (1 صولو)
و لا نابنا دهب.. و لا نحاس (2)
ما اللي أكله مش من فاسه.. 
يبقى رأيه مش من راسه (2)
آدي البضاعة.. الناس جواعى
و الضرب في الميّت حرام (2)
 الضرب في الميّت حرام  (4)
(موسيقى)
ما اللي اضّرب بالكفّ.. 
يستحمل ميّة و ألف (2 بنات)
و اللي مالوش شغلة تشغله ..
يفتح الباب و يقفله (2 شباب)
جاي عليك الطوفان (صولو - المجموعة ترد)
جاي عليك الطوفان (المجموعة -الصولو يرد)
ان جه عليك النيل طوفان.. 
حطّ ابنك تحت رجلك يا إنسان (1 صولو)
ان جه عليك النيل طوفان.. 
حطّ ابنك تحت رجلك يا إنسان (2)
دا طوفان جانا (صولو)
أهلاً يا طوفان (المجموعة)
قولوا معانا  (صولو)
حنروح شخّة ف حمّام (المجموعة)
حمّام بلدي  (صولو) 
و افرنجي كمان (المجموعة) 
حمّام بلدي  (صولو) 
و افرنجي (المجموعة)
كمان  (صولو)
(موسيقى)
ضربوا الأعور على عينه.. 
قال ماهي خسرانة خسرانة (2 بنات)
نحدف طينة ع الحيطة
إن ما لزقتش تعلّم (2 شباب)
(4 الجملتين مع بعض)
ضربوا الأعور على عينه / نحدف طينة ع الحيطة
(الجميع) إن ما لزقتش تعلّم



Pharoe فرعون

(2 موسيقى)
صحي م النوم فرحان مبسوط .. 
فتح شبّاكه و بوزه مفرود (2)
الشمس طالعة و الهوا النضيف ملو البيوت..
ندهت عليه مدينته و الأمل مالهوش حدود (2)
--- (2)
يا صباح جميل و جماله باين على كلّ الوشوش ..
مزيّناها ضحكة حتى للّي ما نعرفوش (2)
وعيال بتبوس الجايّ و تحضن اللّي راح ..
و الناس غناها مِدّي للشارع براح (2 صولو)
(موسيقى 1)
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع عند إشارات المرور (الكلّ) -(2)
--الذوق منوّر فترينات ..و نكت بدال الإعلانات (صولو 2) 
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع عند إشارات المرور (الكلّ)
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع (الكلّ)
عند إشارات المرور (صولو)
(م،سيقى)
الخوف مافيش  .. مافيش شاويش ..
مافيش خالص كلمة مافيش (2)
دمك نضيف مش بس خفيف (بنات)
و مافيش طابور علشان رغيف (شباب)
دمك نضيف مش بس خفيف (بنات)
و مافيش طابور علشان رغيف (شباب)
(موسيقى)
النيل فايض فراولة ومانجة و برتقان (صولو)
النيل فايض فراولة ومانجة و برتقان (الكلّ))
النيل فايض فراولة ومانجة و برتقان (صولو)
يطرح جرجير و مشمش  (3)
وكمان قمح ورمّان

Egyptian Utopia يوتوبيا مصرية

أنتج مشروع كورال هذه الأغنية ضمن أوبريت المواطن في بيروت بديسمبر ٢٠١١
العرض كاملاً متوفر بهذا الرابط:
http://www.youtube.com/watch?v=8Yk3C5RMOsA


choir project

abdalla.rabea