زياد

يا غزيلة يا امّ الصبا
طولتِ علينا الغيبة
وجك شو الصبح الضاوي
بسمة روحك طيبة

يا غزيّل محلا عيونك
مين الـ كحّل زيتونك
و الشمس تسمّر لونك
و بعزّك تدهبا
يا غزّيل يا بو الهيبة

بتحياني و بحيا همّك
دايب تمّي ع تمّك
و كل موسم خير بضمّك
بتهلّ الأرض خصيبة
يا غزيّل يا بو الهيبة 

يا جبال توعّي نهارا
يلاقي مطلع آذارا
و تلفّ الليل بنارا 
عباية و مقصّبة

يا غزيـّلة - نديم مُحسن

أبو علي - زياد الرحباني "حفلة دمشق 2008"

امريكا مين؟ | زياد، حازم شاهين

شو مخبرينكن؟

شو مخبرينكن؟
و شو خبروكن تا جيتوا و فتّوا؟!
بأي حقد عبوكن تا بلشتوا الحرب؟

ولا إنتوا "جيش" ما بتسألوا؟!
يا عسكر سوريا .. شو قالولكن قبل ما فتّوا؟

قالولكن شي ولا قالولكن مشّوا؟
وقت حملتوا هالسلاح كلو... وقت دوّرتوا الدبابات و زقيتوا الصواريخ بشو فكرتوا؟

ما في منكن حدا فكر عالقليلة؟!

مش "سأل"، لأنو يمكن ما فيكن تسألوا!
بس ما في حدا منكن فكر "شو"؟!
"وين رايح أنا"؟
ما في حدا منكن رايح عالجولان قبل بمرة و شايف الجولان؟
ما حدا منكن فكر "مين رايحين نقاتل"؟!
أو هيك إنتوا جايين تقاتلوا؟
ما حدا منكن تطلع مقابيلو مين في بالميلة التانية حامل سلاح؟
ما بين عليكن شي فلسطيني .. شي لبناني؟!
شو خبروكن.. شو فهموكن؟

ولا لا خبروكن و لا فهموكن؟!
قالولكن جايين تحمونا؟ جايين تدافعوا عن فلسطين و عن القضية؟
قالولكن "في متآمرين عالقضية موجودين بلبنان .. موجودين بالجبل" .. هيك معقول؟

معقول هلأد في "متآمرين" بلبنان؟
منين فاتوا عا لبنان؟ منين فاتوا كلهن؟ كيف صاروا كلهن بالجبل؟
منين جمّعوا بعضهن تا صاروا كل هلأد "متآمرين|؟
أو قالولكن "عم ينفذوا مؤامرة إسرائيلية إمبريالية"؟
طيب ما شفتوا شي آرمة إنتوا و فايتين؟ ما شفتوا شي آرمة زرقا مكتوب عليها "ترشيش" .. شي آرمة مكتوب عليها "بوارج" .. شي آرمة مكتوب عليها "قاع الريم"؟؟
طيب! .. هيدي الآرمات ما في منا بالجولان!.. هيدي الآرمات بلبنان!
أو إنو هيك بس بدكن تقاتلوا و تربحوا مين ما كان يكون؟!
عم بيقولوا بإذاعة سوريا –و أكيد اهلكن عم يسمعوا إذاعة سوريا- عم بيقولوا غير شي بالمرة : عم بيقولوا "مطرح ما إنتو موجودين في أمن و الحالة هادية و الناس رجعت عا أشغالا"

و إنتو موجودين و بتعرفوا.. بتعرفوا الحقيقة!
بتعرفوا إنكن عم بتقاتلوا و عمن بيقاتلوكن .. و مطرح ما إنتو في حرب
عم تسمعوا إذاعة سوريا؟ ولا ما فيكن تسمعوها؟
طيب، عم تسمعونا إلنا؟ ولا كمان ما فيكن تسمعونا؟
مش عم تسمعوا شي يعني!
مسكرين عليكن الدني و عم بتحاربوا؟!.. هيك عم بتحاربوا؟!!
طيب و اللي عم بيموتوا منكن شو هاو؟ و ليش عم بيموتوا؟
عم بيموتوا لأنن مسكرين عليهن كل شي.. و لا إلهن حق يسألوا و لا إلهن حق يعرفوا.. بس إلهن حق يموتوا؟!
وين العروبة و القومية؟ و الحرية و الوحدة و الإشتراكية؟ و العدو الغابر؟ و العدو الغاشم؟ و الأرض المغتصبة و التحرير و العدو المشترك؟ كلن هاو راحوا بقذيفة عا "بحمدون"؟!

إنو فكركن عم تنتصروا ولا رح تنتصروا؟

ما سمعتوا شي إذاعة.. شي موجة مشوشة واصلة بالغلط .. شي واحد عم بيصرّخ عن الغزو السوري؟
إنو ما سألتوا ليش هلأد هالزلمة عم بيصرّخ؟ أو قالولكن عنو "هيدا أخوت"؟
طيب اللي قاوموكن بصيدا هلأد .. و ما خلوكن تفوتوا عا صيدا.. هودي كلن شو؟ مين؟ ما سألتوا حالكن مينن هودي اللي هلأد كتار و مسلحين ومعهن آليات و دبابات و مدفعية؟ أو قالولكن هودي عصابات؟ معقولة يكونوا عصابات؟ بس عصابات؟!

طيب ما سألتوا ليش اللي هربوا من بيناتكن و التحقوا باللي عم بتقاتلوهن : ليش هربوا؟ ليش تمردوا؟


مش حاسين في بلبلة حواليكن؟
هلأ نحنا عم نحكيكن و إنتو يمكن مش عم تسمعوا!
بس نحنا عم نحكي بركي شي واحد منكن أو اتنين بيسمعوا
يا عمي ما فكرتوا ليش صرلن كل هلأد ما عطيوكن مأذونية؟

ولا قالولكن: "حالة حرب"؟
طيب إذا بكرا شي نهار عطيوكن مأذونية من هالمؤامرة و رجعتوا عا سوريا و سألوكن الولاد بالضيع : "شو كنتوا عم تعملوا؟" شو بدكن تقولولهن؟ "كنا عم نقاتل"؟ "عم نقوّص"؟ هيك : "كنا عم نقوّص"؟!

إنتو عارفين أديش مكذبين عليكن حكامكن؟ يا ريت فيكن تعرفوا!

معقول كل هالكذب الرسمي العلني؟

معقول الكذبة كل هلأد بتطوّل و كل هلأد بتدوم؟
معقول كل هالإيام مرقت و بعدها ما انفضحت الكذبة؟
طيب ما حدا منكن سأل: ليش وصلوكن عا "عيون السيمان" و وقفوكن و قالولكن "من هون اتركوا الطريق مفتوحة و خلوا العالم تمرق"؟
معقولة منطقة كلها أوادم .. و منطقة كلها متآمرين؟
بالجبل اليوم عم بيقاتلوكن... عم بيقاتلوكن يعني: ما بدن ياكن تفوتوا !
و كونوا أكيدين إذا جربتوا تفوتوا بعد "عيون السيمان" كمان..كمان رح يقاتلوكن!
طيب ليش؟ اسألوا ليش! ولك اسألوا شي مرة!!! 

عالوجع - زياد رحباني

O Grande Amor : Composed by : Antonio Carlos Jobim
Composed by : بعدك على بالي : تلحين : الأخوين الرحباني 

Ziad Rahbani O Grande Amor +  زياد الرحباني بعدك على بالي  (September 1993 Solo Piano)

بنت عم تدق بيانو - زياد الرحباني

مقطوعة المعمل لزياد الرحباني
من ألبوم "شريط غير حدودي" 1984

زياد رحباني: المعمل

شو بحبَّك- زياد الرحباني

طللي ضحكيلو- جوزيف صقر / زياد الرحباني

خيّ الناقص - زياد الرحباني

Salma Mousfi - w btmoot سلمى مٌصفي -موندوز -وبتموت

بيانو | زياد الرحباني

R A S M A L A T زياد رحباني سوء تفاهم بعد الزواج

وقفنا الشعور - زياد الرحباني

بكل العالم و التاريخ القديم و المعاصر كان في شي اسمه الانصار
انصار الجيش ربما الجيش الحاكم الجيش الثوري انصار البيئة انصار الثورة
يعني انصار من جميعه هدوله بيجهم وقت بيعبروا عن دعمهم و بيستلموا كل واحد بارودة
بارودة بارودة على الماشي
هلئ كل بارودة الها رقم هلئ بس يخلص الجيش او تخلص الثورة او البيئة
بيجوا يا خيي ورا بعض بيوقفوا يالي بقيوا منن, بيوقفوا و بيردوا هي البواريد
شو عاد بدهم فيها شو بدهم يروحوا على الصيد؟ هي مش بواريد صيد
هون بالعشرة الاف و اربعمية و تنين و خمسين بعد ما حدا رد شي
و ايا عم يخبوا شو حاجتهن فيهم بالله انو الثورة ما خلصت
ما هي مش ثورة

أنصار للجيش؟
مش هيك بيكون الجيش و العالم ناطرة الجيش يا ولد
شو حاجتكم بكل هي البواريد بالله
شو حاجتكم بهي البواريد غير الاشيا يالي ما حدا بحاجة الها
حماية ذاتية ؟
من شو؟ من مين ؟
ما صايرة الحماية من الناس متل حكايتكم ما ردوا بورايد استلموها
من بعد ما خلصت القضية
انت خايف ترد بارودة لانه يالي بوشك بعد ما ردها
ماهيك؟ طيب يا خيي ما هو خايف لانه انت بعد ما رديت
خود بئى تعى قيمني هلئ
ايه يلعن فخامتك بعزى فخامته
كل هالسلاح مش زينة و لا رجال
و لا مراجل شو هو لكان؟
هايدا خوف قال
ايه هي تسطيلة مش تسطيلة الحشيش تسطيلة

زياد الرحباني - العقل زينة - الأنصار

لطيفة و زياد رحبانى - معلومات اكيدة

“Some people have lives some people have music.”      John Green

AbdalRahman ElGendy Space

بيانو | زياد الرحباني

Eleutheria ἐλευθερία Gendy

Recent comments

Inas Abassi

Khaoula

Mariam

khaled

Related tracks