طلقة سوت تو .. رائعة فرقة أسلاف.!

لم ولن نفقد الأمل ، نتمنى أن يعم السلام كل ربوع السودان قريبا.!

___
طلقه سوت تو ، جدي قال امرقو..
إيا (أمي) لينا قدام ، وانينا (ونحن) شلنا دربو..
هووووي ، من سنة حرابه ، دارفور تلت (بقت) خرابه..
شجر لعوت وجميز ، عشراي (العشرة) وأم ضرابه..
جوديه كان تدورو ، افرشو ضل هشابة..

طلقه سوت تو ، جدي قال امرقو..
إيا لينا قدام ، وانينا شلنا دربو..
هووووي ، درب دواس (مشاكل) جقلو (وعر) ، أخير طريقو خلو..
عيالي جيتو توا (أسي) ، سلام دا قيدو حلو..
نصيحة كان تدورو ، شوكاي (شوكة) تسلو بدربو..
___

'طلقة سوت تو' ، كلماتها ، لحنها ، وطريقة أداءها ، بتمثل المعنى الحقيقي للفن ، بطريقة وكلمات غاية في البساطة ، عميقة في المدلول .. الأغنية بتجسد واقع معاش وبتدعو للسلام والتسامح والتعايش السلمي ونبذ الحرب بطريقة فيها كتير من الإلفة والحميمية المتأصلة في المجتمع السوداني.

الأغنية من كلمات الأستاذ إسماعيل أبكر ، ألحان وأداء المبدع محمد آدم (فرقة أسلاف).

#لازم_تقيف
#السىودان


Abdalrhman AL-Fadil

Popular tracks