عبد الرحمن محمد

شــــد الحــزام على وسطك غيره ما يفيدك
لابـــــد عن يــــوم برضــو ويعـــدلها ســــــيدك
إن كان شيل الحمول على ضهرك يكيدك
أهــــــون عليــــك يا حـــــر من مــدة إيـــــــدك
ما تيالله بيـــنا انت ويـــــــاه
ونســــتعان ع الشـــــــــقى بالله
واهو اللى فيه القسمة نلقاه
واللى مايجيش ان شالله ما جاه
ما دام بتلقى عيش وغمـوس يهمـــك ايـــه تفضل موحــوس
ماتحـط راســـك بين الروس لا تقوللى لا خيــار ولا فاقـوس
ح اقـــولك ايه واعيـــد لك ايه كله له آخــر
دى خبطة جامدة وجت على عينك ياتاجر
يا وكســتك دلـــوقت لا وارد ولا صــــــادر
يحلـــــــها ألفيـــــن حـــلاّل ربـك قـــــــــادر
قرب شيــّـلنى شيّـــل عمر الشـدة ما تطـــوّل
لا تقوللى كتير وقليل بكرة نهيص زى الأول
هيلا هيلا هيلة هــيلة هيلا هيلا هيلة هـــــيلة

أغنية للسيد درويش
ألحان : سيد درويش
كلمات : بديع خيرى

Hamza Namira - Shed Elhezam | حمزة نمرة - شد الحزام

لو انتا هايص - أحمد زكي (من فيلم البيضة و الحجر)

سيد درويش اهو ده اللي صار

وبعدين عاوز أقولك على حاجه ياامى فى موضوع الجواز دهووون انا شخصيا ليا فلسفه و مقتنع بيها بصراحه
الجواز عباره عن فرح شهر ودق ضهر .... وغرم مهر
وبعدين انا يوم مااجوز بصراحه مش هاجوز غير الوحشه .... المعفنه
قوليلى ليه
_ ليه ؟
قوليلى ليه
_ ليييييييه ؟!!!
الحلوة مابيجيش من وراها غير المشاكل ... وتمل بسرعه وتهجر الراجل
_ ياسلاااام ومين قالك ان الوحشه مش هتهجر وتسيبك وتمشى ؟!
يبقى فى ستين داهية... تغور فى داهيه ماهى وحشه دانا هابقى الكسبان

فلسفه رمضان مبروك ابو العلمين حمودة عن الزواج

كلمات الشاعر احمد فؤاد نجم 

شيد قصورك
شيد قصورك ع المزارع ... من كدنا وعمل إدينا

والخمارات جنب المصانع ... والسجن مطرح الجنينه

واطلق كلابك في الشوارع ... واقفل زنازينك علينا

و يقل نومنا في المضاجع ... ادي احنا نمنا ما اشتهينا

واتقل علينا بالمواجع ... احنا اتوجعنا واكتفينا

وعرفنا مين سبب جراحنا ... وعرفنا روحنا والتقينا

عمال وفلاحين وطلبه ... دقت ساعتنا وابتداينا

نسلك طريق ما لهش راجع ... والنصر قرب من عنيناا

صوفية صادق- شيد قصورك ع المزارع

أغار عليها من فمي المتكلمي..

"" الصحبجية ""

كلمات : نور الدين محمد
ألحان : مصطفى العسال
توزيع : محمد العشي

يلا عادي .. مش حكايه 
يعني مش طالبه الدراما 
مش هتفرق شىء معايا
حتي مش هتسيب علامه
اما اعراض انسحابك من حياتي مش قضيه
مش هلومك مش هعيش جوا شخصية ضحيه

يلا عادي هي جت علي جرح يعني
مالجراح بالكوم فقلبي عادي يعني
بس كان فيه شبر فاضي ..حط جرحك فيه وزود
"أسم جوه الخانه "ماضي"....وجرح في خانة "التعود

وفي خانات الذكريات
حط اسمك في "المواجع" تحت خانة "الملحوظات"  اكتب ان الجرح واجع
اما في الخانه "هنرجع"...اكتب انه معدش نافع

انت حاجه من الحاجات اللي في حياتي كتيرة 
لو بترتيب الخانات انت فالخانه الاخيره
انت جاهل فالمشاعر ..والكلام وياك خساره
في امتحان الغدر قادر ..تبقي اول وبجداره

وفي خانات الذكريات
حط اسمك في "المواجع" تحت خانة "الملحوظات"  اكتب ان الجرح واجع
اما في الخانه "هنرجع"...اكتب انه معدش نافع

Follow Us At:
http://www.facebook.com/AssalaOfficial
http://www.twitter.com/AssalaOfficial
http://www.youtube.com/AssalaOfficial
http://www.Instagram.com/Assala_Official
@AssalaOfficial

Watch on youtube

Assala - Khanat El Zekrayat | أصالة - خانات الذكريات

كلمات : نادر عبدالله
ألحان : نادر عبدالله
توزيع : أحمد إبراهيم

بحب .. أحس .. بجد  .. انه وانا جنبه دايما مستعد
يستغني بيا عن الدنيا باللي فيها
بحب .. أحس .. بجد .. لو قال كلمه حلوه لآي حد 
الكلمه ديا يبقي قاصدني بيها
بحب .. أحس .. إنه وانا في غيبتي عامل ليا خاطر 
وإنه عشاني بحياته وعمره خاطر
وماشفهوش مرة قادر إن انا ابقي في يوم بعيدة
وأما يفتح دفاتره .. عشان يكتب خواطره
بحب أحس أني بس ملهمته الوحيدة

بحب .. أحس .. بجد .. اني مفيش قبلي ومفيش بعدي بعد
واني انا اللي رايحة واللي جاية
والارض بحالها يفرشهالي ورد
وقد حب كل الناس لبعض 
يحب فيا أو اكتر شويه

Follow Us At:
http://www.facebook.com/AssalaOfficial
http://www.twitter.com/AssalaOfficial
http://www.youtube.com/AssalaOfficial
http://www.Instagram.com/Assala_Official
@AssalaOfficial

Assala - Molhemto El Wahida / اصاله - ملهمته الوحيدة

مصر يامه يا سفينة - محمد سعد من فيلم طريق إلى إيلات - .mp4

كلمات: عبد الرحمن الابنودي.
ألحان: عمار الشريعي.
..


الدم - فيلم البريء

قوم يا مصرى - سيد درويش

لحن  : الشيخ إمام
كلمات : أحمد فؤاد نجم
مقام : حجاز
ــــــــــــــــــــــــــــــــ
يسبق كلامنا سلامنا 
يطوف ع السامعين معنا
عصفور محندق يزقزق 
كلام موزون وله معنى
عن أرض سمرا وقمرا 
وضفة ونهر ومراكب
ورفاق مسيرة عسيرة 
وصورة حشد ومواكب
فى عيون صبية بهية 
عليها الكلمة والمعنى
***
مصر ياما يا بهيه
يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا
وابتسامتك هيا هيا
تضحكي للصبح يصبح
بعد ليله ومغربيه
تطلع الشمس تلاقيكي
معجبانيه وصبية       
يا بهيه
***
الليل جزاير جزاير 
يمد البحر يفنيها
والفجر شعلة هتعلى 
وعمر الموج ما يطويها
والشط باين مداين 
عليها الشمس طوافة
ايدك فى ايدنا ساعدنا 
دى مهما الموجة تتعافى
بالعزم ساعة جماعة
وبالاصرار نخطيها
***
مصر ياما يا سفينه
مهما كان البحر عاتي
فلاحينك ملاحينك
يزعأو للريح يواتي
 اللي ع الدفه
 صنايعي
واللي ع المجداف
 زناتي
واللي فوق الصاري كاشف
كل ماضي وكل اتى
عقدتين والتالته تابته
تركبي الموجه العفيه
توصلي بره السلامه
معجبانيه وصبيه          
يا بهيه
***
ويعود كلامنا بسلامنا 
يطوف عالصحبة حلوانى
عصفور محنى يغنى 
على الافراح ومن تانى
يرمى الغناوى تقاوى 
تبوس الارض الارض تتحنى
تفرح وتسرح وتطرح 
وترجع تانى تتغنى
اللى بنى مصر 
كان فى الاصل حلوانى
***
مصر ياما يا بهيه
يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا
وابتسامتك هيا هيا
تضحكي للصبح يصبح
بعد ليله ومغربيه
تطلع الشمس تلاقيكي
معجبانيه وصبية       
يا بهيه


"" الصحبجية ""

Abdelrahman Assem 1

Recent comments

Samah Abdel-Rahman

shahoda

Tota Osman

ياسمينه

Related tracks