هو انت بتغني في حمام و لا ايه 

حلاوتها انها مفيهاش موسيقي ,, ووتك حلو ,, بس فى كلام متغير :\ ,, :D

بيحب كل الفصول .. 
صيف او شتاء ..
في المنطق المعقول .. 
ايامه متثبه ..

معزول عن العالم .. 
وعن نفسه ..
بيَنتصر لـ رمل الطريق .. 
وبينافسه ..

علي مين الدنيا هتطيره .. 
اسرع ..
علي مين الدوسه هتخليه .. 
افظع ..

علي مين مساحته اصغر .. 
ومتداري ..
علي مين بياخد كل يوم .. 
شكل انهياري ..

وبينكمش وبيحتمي ..
وبينتمي .. 
لـ رمل الطريق .. اكتر من التاني ..

رمل الطريق - احمد ضيف

جيبت ليه صاحب وحبيته

زقنى فى المترو زقيته

واما مات فيا ومت انا فيه

روحتله بيته وعزيته

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

**

حبنى الشارع وحبيته

عض قلبى الليل وعضيته

خضنى الأنسان وخضيته

لما بان من وشه عفاريته

**

عدى فيا القمح سمرنى

عدى فيا الفجر صبرنى

عدى فيا الحزن غيرنى

عدى فيا العمر كبرنى

**

خدنى م اللفة لمريلتى

خدنى م التسنين لحصلتى

خدنى من مدرستى ع الجامعة

خدنى م الترعة على الاسفلت

**

خدت م الاتوبيس مراياته

خدت م السواق حكاياته

خدت م الركاب تذاكر موت

***

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

**

ياللى وحشانى متوحشنيش

ضحكك السكر محلانيش

خوفت م المطرة قفلت الشيش

ليه فضل اسمك على الشباك

**

كنت جايب دبلة وغويشة

كنت شارب حاجه مغشوشة

شفت شبهك قاعدة فى الكوشة

**

قلت هى لا مش هى

فتشتنى الدمعة عن ميا

كنت أنشف من حطب محروق

**

حزن يا محول خطوط سيرى

حزن يا عطار فى باب اللوق

شوفلى تحويجة لتفسيرى

حط ريحة بن لضميرى

شوفلى عود أصلب من المغشوش

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

**

ردنى عالباب عطب روحى

جابلى ناى وزتونة مطروحى

**

جيبت ليه صاحب وحبيته

زقنى فى المنترو زقيته

واما مات فيا ومت انا فيه

روحتله بيته وعزيته

**

ردنى عالباب عطب روحى

جابلى ناى وزتونة مطروحى

**

مر انا يا صاحبى لو دوقتنى

جيت اقول الأه ما صدقتنى

يطرح ايه الملح غير مالح

يطلع ايه م الجرح غير مجروح

**

ليه ما تصفاشى لغير صافى

ليه فى عز الحوجة بتجافى

شوفتنى غاطس ولا طافى

كنت بندهلك حلاوة روح

**

حزن يا بقال ورا الجامع هات بنص ريال عسل فى الكوز

**

خد سنين الجرى وسنينى

هاتلى سن غزال دهب عينى

قطع الاسفلت شرايينى

هات بياض القطن شاش اللوز

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز


Gazaga Band  Seeret El Aragoz  |  سيره الاراجوز  فرقة عمدان النور

Ahmed Attia on facebook: https://www.facebook.com/PoetAhmedAttia




ابراهيم

خلاص مش راضية تضحكلك
أيوة كئيبة ومتعبة.
مين اللي بيقول غير كده؟
مين اللي بيقول إنه قادر، منها يسرق فرحته ؟!
.
نفس السؤال بيدور فـ بالي،
كم باب فيومي بيتقفل؟
ماتقولش بكرة هاتتعدل،
بكرة حكاياته كلها، الموت كاتبها فـ قسمته
.
حتى الأمل من حالي مل،
وسابلي يأسي يهدني.
وكل ماحلم باللي جاي،
الخوف لتحت يشدني.
حتي حكاياتي اللي ابتدت حلوة،
مش باقي منها غير كلام.
وكل مابدأ سكتي بفكرة،
خط النهاية يترسم قبل الأوان

احمد

ممكن تكون فـ الصف واقف،
واللي ابتدي بعدك وصل.
ممكن تكون مش راضية تضحك،
بس أنت جربت تبتسم
خلي البداية تبقي ضحكة،
ملامحها سابقة خطوتك.
دور فـ نفسك ها تلاقيك،
عنوان بيوصف سكتك.
مهما يكون صعب الطريق،
ماتقولش كلمة للأسف.
كمل جنون يمكن تكون،
قرب توصل للهدف.
سر السعادة كلمتين،
موجود مابين صبر و رضا.
لسه ماجاش اليوم صحيح،
بس البداية مُبشرة

A Promising Beginning

That’s it--it’s unwilling to laugh for you
Yes--it’s depressing and exhausting
Who says otherwise?
Who says that he’s capable of stealing his happiness from it?

The same question runs through my mind
How many doors shut for me in a day?
Don’t say tomorrow will be better
All the stories of tomorrow--death is written in his destiny

Even hope gave up on me
And left me in my desperation to consume me
And every time I dream of what’s to come
Fear pulls me down
Even my stories that started out beautiful
Are nothing but words left behind
Every time I start following a new path
The finish line is drawn prematurely


You could be standing in line
And the person behind you arrives first
She could be unwilling to laugh for you
But you tried to smile
Let it start with a giggle
Its characteristics will precede your next steps
Search inside yourself and you’ll find
A map that describes your path
No matter how difficult your journey
Don’t say sorry
Continue the insanity
You may come close to reaching your goal 
The secret of happiness exists between two words
Patience and satisfaction
The right time has yet to come
But it’s a promising beginning


Ahmed Attia X Ibrahim Farouk - Bedaya Mobashera | احمد عطية و ابراهيم فاروق - بداية مبشًرة

Lyrics:

حدود الفكر والتفكير في الحقيقة ملكي
بس ملكي مش مساعد إن حدودي تكفي
تسند ضعف عزمي ولأصل حلمي تحمي
ففضلت أعافر في صمتي أبني في حيطان مدينتي
بس يأسي من عالمكم خنجر كان في صدري
جرح بكره المضمون من ساعات اليأس
خلى أملي في الحياة طاقة كانت بالعكس
تكشف كل سلب وتسلب كل حق
تعفي نفسي من النضال والصراخ بلأ
إختياري لإختياركوا وعد وإتفاق
إني أمضي على الضمانة وأحلف بالولاء
آسف مش هساعد، أكون لحلمي باعد
أقتل كل شاهد، كان للثورة واعد
الخروج عن المضمون فكرة مش مألوفة
والمألوف للعقول فكرة كانت موصوفة
تحجم كل جامح، تربط كل حي
تمحي من قاموس حياتك إن بكره جاي
جاي غصب عني لو هتكون معايا
كذبة واضحة من البداية وعايشة للنهاية
إنت عكس فعلي
إنت كل ماضي
إنت راضي الحقوق تضيع وتبقى عادي
فرق العمر والتفكير بين الجيل الحر
زي حبك للحياة وإختيار المر
إحنا جيل يحاول، إحنا جيل يغير
وإنتوا جيل في الحرية عمره كان قصير
سرق الأمل منا واللي بيشكي يموت
كده أو كده ميت فاصرخ بعلو الصوت
كل الشوارع لينا والثورة للثوار
والحر لو يسكت يبقى ملاه العار
طال الفرق بينا إحنا بينا شق
جيل بيرفض السكوت الخلاصة لأ
لأ لكل صمت
لأ لكل خوف
لأ بتلعن إختياركوا وتنكر الظروف
لأ تصبر اللي خايف حتى إن صبره طال
لأ تكسر الحصون حتى لو جبال
ساقط رغم حجمك مهما إنك تكون
إحنا نور الحقيقة في عتمة الظنون
إحنا نور الحقيقة في عتمة الظنون

زاب ثروت - احنا جيل وانتو جيل | Zap Tharwat - E7na Gel W Nto Gel

كلمات : حازم جمال . 
ألحان : إسلام حفني .
من حفله 

دوخني - أسامه عطيه _ dwa'7ony - usama atiaa

حبيبتي اطلبي أيها شيد

هذه الاغنية نتاج لورشة الراب التي نظمها مشروع التحرير لاونج جوته في شهر سبتمبر ٢٠١٤ مع فريق اسفلت ابراهيم وجاد

Asfalt & Tahrir Lounge - E7na Roo7

هي الأيام لمّا بتخلص
بتروح على فين ؟ ..
مقصُدش نموت
أنا أقصد لمّا اليوم يعني
بيخْلَصْ و يفوت
و تعدِّي وراه أيام تانيين ..
و أما الأسبوع بيعَدّي أوام
و يقَفِّل سِت ايام بالطول
مع يوم بالعرض
بيروح على فين و يسيب الأرض ؟
طب فين المخزن و التخزين ؟ ..
معقوله تكون أيامنا هناك
مرصوصة فـ حبة كراتين ؟ ..
مليانة بـ إمبارِح و بـ أوِّل
و بـ أول أول و أنا راجع
لمّا أوصل سِن السَنَتين ؟ ..
طب هقدر أطَلّع م المخزن
إحساسي بنفسي و بالناس
و خناقي إمبارح في الزحمة
و أصالِح سواق الباص ؟
هل ممكن أزوِّد إخلاص
لعلاقتي بكُل إللي أعرفهُم
لسنين و سنين ؟
هل ممكن أدَوّر على فترة
ضاعت من سن العشرين ؟
هل ينفع أسجّل رغباتي
و أختار أما أكبر و أستكبر
أنا هطلع مين ؟
هل يمكن لو ....
أو هل جايز ...
بل لا يُمكن ..
إننا نعرف
إزاي الأيام دي بتنقَص
و أما بتخلص
بتروح على فين ...

على فين لـ نبيل عبدالحميد

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. كان من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كلمات : احمد النجار
عناء والحان : يحيي نديم 

~~

https://www.facebook.com/hamdy.alghetany

عمدان نور - Gazaga - نص ونص

An-Unknown Voice - صوت مجهول
Esmaani - اسمعني
Rhodium #3

An-unknown Voice page : www.facebook.com/AN.UNKNOWNVOICE

Lyrics : @mohammed-hesham-ragab & Mohamed Nour
Rap : Mohamed Nour & Ya-cr Mouner
Vocal : Shehab El-bialy
Compose : Ahmed Radwan 
Keyboard : Sohieb El-Naggar 
Sax : Sohieb El-Naggar 
Oriental rhythms and Darabouka : Saleh Hosny
Electric Guitar : Omar Kayal
Music producer : Youssef Al Adl & Unknown Voice Band
Art Work : Omarr Ayman
Record @ Hona Al Qahira Studio
Mixing And Digital Mastering : @youssef-al-adl-originals
Special Thanks To : @ramyblazin

lyrics :
أنا كل كلمة وكل رأي وكل معنى
أنا الصوت اللي قال الرأي فـ اسمعني
بحاول أبقى لك بكره
أنا العقل اللي قال فكره
انا مش ماضي ولا ذكرى .. هتسمعني
هتسمعني...
هتسمعني... هتسمعني !
يا رد الفعل قول للفعل فهمني
هـ نتكلم ونتناقش و نبقى أصحاب
وهديك فرصة اتعلم كمان منك
متقفلش في وش كلامي يوم الباب
هتسمعني...
هتسمعني...
هتسمعني ! 

انا القلم اللى انفجر
من كتر الكبت
انا صوت مجهول الهويه
فـ ودن اى حد
انا اللى زى زيكم 
صوتى مش مسموع
صوت وسط الجموع
مش لاقى حد يسمعه
ايه يمنعه؟
اننا بنقاطع بعض من غير كسوف
والرأى اللى يعارضنا احنا مبنقبلوش
ويعلى صوتنا فى النقاش على فشوش
ضيعنا حقنا 
بأيدينا محينا ودنا
موتنا صوتنا ورأينا
وحام فوقيه الهاموش
اختلافنا فـ الاراء كان لايفسد القضايا
لكنه فرقنا وصل قصتنا للنهايه 
والحكايه بدأت لما اتعودت ان امنعك
من الكلام فيكون ردك عليا مش هسمعك
شوفنا نفسنا الاصح 
نسينا اننا مش كاملين
والتميز فـ اختلافنا
نبقى احسن لو فاهمين
صوتنا يعلى يمحى الفكره
ادينى فرصه عشان تفهمني
اسمع صوتك تسمع صوتى
فـ اكملك و تكملنى


أنا كل كلمة وكل رأي وكل معنى
أنا الصوت اللي قال الرأي فـ اسمعني
بحاول أبقى لك بكره
أنا العقل اللي قال فكره
انا مش ماضي ولا ذكرى .. هتسمعني
هتسمعني...
هتسمعني... هتسمعني !

IF u Like it >> LIKE & REPOST :)


An - UnknownVoice - Esma3ni | صوت مجهول - اسمعني

Audio & voice systems by Ahmed El Khwaga
Singer : Ahmed El Khwaga 
Lyrics by : Abd El Aziz Adel 
Solo : Mohamed Monno 
Facebook : Ahmed El khwaga
Whatsapp : 01203094770
For Info : 01203075375
قصيدة الشعر شئ زيك للكاتب العظيم عبد العزيز عادل

حبيبتي اطلبي أيها شيد

Abdelrahman Tharwat 2

Recent comments

Adham Mano

آلاء سمير

Related tracks