حازم شاهين

بين القمر والشمس ألف ميعاد / ولو في يوم اتقابلوا راح اصدق 
و بيني وما بين الجميلة بلاد / وميعاد غرامنا عمره ما أتحقق 
بغني قرب الفجر للملكوت / وبستهجى عطرك الغايب 
بدوقه وانا بين الحياة والموت / واغرق ياخدني شعرك السايب 
شوفتك في شارع م الشتاء مغسول / شفتك كمان في البحر جنية 
ولو سمحلي قلبك المقفول / أكن فيه لحد الحياة الجاية 
عشفت بنوته من الأساطير / من حسنها مقدرش أقول حلوة 
حلمت يوم إني لزمانها أطير / وتوتة توتة خلصت الغنوة

بين القمر و الشمس - حازم شاهين  اسكندريلا

الاصوات حقيقية من احداث محمد محمود واحداث 28 يناير وميادين مصر
________________________
اغانى : يا طيور-اسمهان / مصر تتحدث-ام كلثوم / النور مكانه فى القلوب-مدحت صالح / ادين بدين الجدعنة-دينا الوديدى / أيها الراقدون تحت التراب-عبد الوهاب
________________________
أفلام : أغنية على الممر / الكيت كات / ضد الحكومة /البرئ
مسلسل : باب الخلق / موجة حارة
________________________
قصائد : ملعون ابوها الحمامة ام غصن زيتون / احنا ولاد الكلب الشعب لعبد الرحمن الابنودى
موسيقى : فيلم الارهابى للموسيقار عمر خيرت
 Sad violin music Moonlight by Miika Mettiainen 
رحال للمبدع أندرو عاطف https://soundcloud.com/andrew-atef-mories
موسيقى فيلم المواطن مصرى للموسيقار ياسر عبد الرحمن
موسيقى فيلم حسن ومرقص
________________________

شكراً لأصحاب الاعمال الأصلية :)

مزيج __ عَبَثْ

جيفارا مات - اسكندريلا حازم شاهين - من حفل تأبين الشاعر الكبير أحمد فؤاد نجم الفاجومي دار الاوبرا المصريه

جيفارا مات - اسكندريلا  حازم شاهين - حفل تأبين الفاجومي دار الاوبرا

يا مصر قومي

 كلمات: نجيب شهاب الدين
ألحان: الشيخ إمام عيسى

يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي

رافعين جباه حُره شريفة
باسطين أيادي تأدي الفرض
ناقصين مؤذن وخليفة
ونور ما بين السما والأرض

يا مصر عودي زي زمان
ندهه من الجامعة وحلوان
يا مصر عودي زي زمان
تعصي العدوين وتعاندي
آمان آمان بيرم أفندي

يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي

الدم يجري في ماء النيل
والنيل بيفتح على سجني
والسجن يطرح غلة وتيل
نجوع ونتعرى ونبني

يا مصر لسه عددنا كتير
لا تجزعي من بأس الغير
يا مصر ملو قلوبنا الخير
وحلمنا ورد مندي
آمان آمان بيرم أفندي

يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي

يسعد صباحك يا جنينة
يسعد صباح اللي رواكي
يا خضره من زرع إيدينا
شربت من بحر هواكي

شربت من كاس محبوبي
وعشقت نيل أسمر نوبي
وغسلت فيه بدني وتوبي
وكتبت اسمه على زندي
آمان آمان بيرم أفندي

يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي

يا مصر قومي وشدي الحيل - تقسيم عود وغناء حازم شاهين

على جبل الشوق - اسكندريلا

كلمات وأداء : مايكل عادل
ألحان وتوزيع : شادي مؤنس
غناء : دياب أبو زياد وشادي مؤنس

العازفين
احمد عبد الستار - كمان
جون - ناي
ايمن صدقي - ايقاعات
حسام ناهد - تشيللو
شادي مؤنس - عود

الكلمات

قبل الكلام ما بيتكتب وبيتشطب
قبل اختراعهم للدقيقة بكام دقيقة
قبل اختراع الكدب والسكك الغلط
قبل أمّا أصلا نكتشف إيه الحقيقة
قبل اكتشاف ان الحنان شبه العَبَط
وان الطريق المستقيم بين نقطتين أصعب طريق
كان اللي باقي في الحياه أبسط كتير
من إن ضحكة تتسرق تصبح مفيش
أو إن غيرك يقتلك علشان يعيش
علشان نعيش..
لازم نكون وقت اللقا
فاكرين معاد الافتراق
لازم تراعي فـ وحدتك أمَل اللقاء
لازم تراعي في الزحام
عدم الدوام
واعرف بإن الاشتياق قد لا يدوم
وانك في اخر التجربة
لازم تقوم..
علشان تعيش..

.. علشان تعيش
بطّل تفكّر في الخلود
أعصر في أوقات الفَرَح
والابتسام وقت الأمَل
فكّر في إن اللي بيمشي
لن يعود
أعصر في أوقات الحنين قبل اللقا
فكّر في إن أكيد فيه ناس متشوّقة..
علشان تعيش..

علشان تعيش..
قابل جنونك بابتسام
قابل معاركك في الحياة من غير سلام
علشان تعيش..
اعرف بإن قضيتك ليها تمن
وهاتدفعه
مهما يطول بيك الزمن
علشان تعيش..

علشان تعيش..
إنزل على الأسفلت وامسح دمعتك
والمس دماء سالت عشان حريّتك
واحجز مكانك في الصفوف
حدد ملامس كف إيدك في الكفوف
يحرم عليك تلمس كفوف الخائنين
حافظ على الفكرة اللي عاشت من سنين
حافظ وعدّي الاختبار
علشان تعيش..
علشان الدنيا بتقلب فجأة بدون إنذار..

"علشان الدنيا بتقلب فجأة بدون إنذار
وعشان الناس علشان الجنة
جابولنا النار
ولأن العالم فجأة بيفضى وتبقى وحيد
وعشان الضلمة وشيل الهم
ولإنك لو هتروح للشارع
تغرق دم
والزحمة هتخلص من حواليك
من غير أعذار
والناس لو شايفينك طيّب
هايقولوا حمار
ولعدة أسباب اتقالت..
هتروح لبعيد
بالتالي هتبدأ م الأول..
فأكيد مشوارك هايطوّل..
وحنينك لحمارك ياخدك
على هَمّ جديد..


علشان تعيش - مايكل عادل وشادي مؤنس

انتاج مركز الفيلم التجريبي بالقاهرة ١٩٧٠
جائزة مهرجان فينيسيا الكبرى ١٩٧٠
سيناريو و إخراج: شادي عبد السلام
"إن جوفي يضيقُ بما فيه .. 
وإنّ قلبيَ مُثقل .. 
هناكَ صدعٌ في السد .. 
والمياهُ تندفع فيه .. 
لذلكَ أفتحُ فمي لأتكلّم .. 
ان الذين نُصّبوا لكى يدَرؤوا السوء ..
أصبحوا ملجأً للعابثين ..
أقم العدل من اجل الإله ..
الذى أصبح عدلُه قانونًا للعدل ..
فالعدلُ للخلود ..
وهو يهبطُ مع صاحبه إلى القبر ..
حينما يُلف فى كفنه ويوضعُ فى التراب .
فلا يُمحى اسمهُ من الأرض ..
بل يُذكر لأنه أقامَ العدل ..
ذلكَ هو شرع الإله ..
انَك لم تكافئني على هذه الكلمة الطيبة ..
قُل الحق ..
افعل الحق ..
لأنه عظيم ..
لأنه هو الباقى ..
وسوف ينالكَ الثواب ..
ويتبعك خلال عمرك المديد ..
أما من يتغاضى عن الخديعة ..
فلن تكُن له ذرية ..
ولا وارثونَ على الأرض ..
ذلك الذى يُبحر ومعه الخديعة ..
لن تصلَ سفينته الى مرفأها ..
ليس هناك أمس لمن لا يبالي ..
وليس هناك صديق ..
لمن ُصمّت أذنه عن العدل ..
وليس هناك يومٌ هنيئ للجشع ..
إنى أشكو إليك ..
ولكنك لا تسمع شكواي .. "

إن جوفي يضيقُ بما فيه - فيلم شكاوي الفلاح الفصيح

أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
وف دور المدرسه في التطعيم
وفي وقت السين
أنا آخر جيم
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مِلّه ودين
ولحد ماتميت ست سنين
أنا كنت بحب البني آدمين
وكرهت الناس من بعديها
علشان نسّوني أنا أصلاً مين 
مش فاكر إمتى حقيقي بدأت
إنما فيه فتره فاكرها طشاش
كان فنجان قهوتي مابيفضاش
وبكلم ربنا طول الوقت
عمري ماصدقت بنات غير ريم
ويمكن دلوقتي ما اصدقهاش
آخر مره
شفتها فيها
كانت تقريبا بتعزل
و كان فيه سواق تاكسي منزل
ف شنط ناس حتحل مكانها
ووشوش بني آدمين معرفهاش
أنا ريم يمكن كانت قدي
أيامها... لكن دلوقتي أصغر
عارفه إن أنا يوميا بكبر ؟
وبعجز إكمني مابنساش
أنا فاكر أيام بالميللي
أنا فاكر أيام بالتفصيل
أنا فاكر يوم دفنة أختي
حتصدقي..؟ أكتر مافاكرها
وساعات بنسي ف ليله كبيرها
أنا فاكر شقة قصرالنيل
ومش فاكر حد من السكان
من صغري وعمري مابنسي مكان
أنا أصلاً فاكر بيت شادي
مع إني مازورتوش غير مره
بأمارة فيه برواز بره
كان جواه صورته ف إعدادي
كان لسه ساعتها طالعله شنب
ونا حاسس إني طلعلي أتب
من تقل الشيله و م التفكير
معلش أنا آسف برغي كتير
وبسف ف وقتك وف وقتي
أنا حاسس بدماغي بتتقل
أنا نفسي أنام
أنا عاوز أروّح دلوقتي
متشكر جداً ع الجلسه
حنكمل إمتى علاج طيب ؟
لازم حنشوف بعض قريب
أنا ماشي... 
سلام”

قصيدة تفرانيل 50 - مصطفى إبراهيم

سرحت عشان أعرف أعيش

أفتح عينيا بشفطة بن , وأقفلها بالشفطة التانية 
مين الى عدت من ثانية ؟ على رجلى داست معتذرتش 
مديت لها الرجل التانية ! ألاقيش معاك فكة أوجاع ؟


شفطة بُن - مصطفى رزق

موظف عادى فى هيئة حكومية
إجمالى ما يحصل عليه
ألف وتُلتميت وحاجة جنيه
لا يعول، وغير مسئول إلا عن نفسه
لا يبوح للأصدقاء العابرين عن أمله أو يأسه
كان عادى جداً مضمون وشكل
مش شرير ومش طيب
مش موهوب ومش غبي
مش مجذوب ومش نبي
ولا حتى عاش قصة كفاح ع اللقمة فى بلد أجنبي
تلهم بتوع السيما يحولوها لفيلم
أو حتى يوحش حد ساعة الأكل
النوع اللى تستغرب لو جه لحد ف المنام
بس النهاردة فى المنام جالى
واقف على الشعرة اللى بين الوجود والعدم
فاتح عينيه.. ماشى فى شارعهم المليان تراب
خطاويه مبتعملش وراه
وكأنه من غير قدم ع الأرض
وكأنه كان ماشى بس الزمن هو اللى مبيمشيش
كان ماشى وإحنا متسمّرين حواليه
لحد ما بلغ الضباب بشويش
يشبه بطل أسطورى وخيالى
معملش حاجة تستحق الذكر
غير إنه واقف لسة على رجليه.

معملش حاجه تستحق الذِكر – حازم شاهين

إسكندرية - حازم شاهين و إسكندريلا

بورتريه . أحمد حداد و حازم شاهين

أغنية الكُتره .. من كلمات بديع خيري ،ولحن سيد درويش

اسكندريلا- الكُتره

إخشوشنوا علشان ...
المعركة خشنة !

سدوا الفٌرَج بينكوا....
حاذوا القدم و الكتف ..
ضموا عشان نعمل..
من وسطنا جيشنا...

تار الشهيد ناخده....
قبل أما دمه يجف

ما تدّخلوش بينّا 
 خاين عشان نكتر

اللى هرب منّا
من غيره نبقى اكتر

ماتسلّموش ضهركوا
غير للى كان جنبكوا
مش للى باع عرضكوا
بالكرسى للعسكر

يا شهدا ماعرفهمش
لاكن بقوا إصحابى
من كتر ما بشوفهم
ف النشرة و الجرانين

يا وشوش ما بقابلهمش
غير بس ف الميادين

مين فيكوا يعرف مين؟


معرفش أساميكوا
ياللى على الجبهة

 ولا مين رمى القنبلة
ولا مين جرى وسابها

ولا نمرة أم الواد
اللى انضرب بالنار

ولا إسم شيخنا عماد
إلا أما بقى له تار

ولا كشف معتقلين
إتاخدوا من بينّا

ولا مين رسم ع الحيط
غير إنه واد منّا

معرفش غير دربكم
و المشى فى رَكبُكُم
و أعيش و اموت وسطكم

يا دولة الثوار

مصطفى إبراهيم - دولة الثوار

أشعار : أحمد حداد
ألحان : حازم شاهين
توزيع : أحمد الموجى 
غناء : حازم شاهين و اسكندريلا

سولو أوكورديون : وائل السيد
سولو إيقاع : أمير عزت

من فيلم اسكندرية 

إنتاج أحمد حداد 
2012

منتج مشارك : ontv
صوت : عمرو هريدى
موسيقى : حازم شاهين
مونتاج : دعاء فتحى
تصوير : تامر نادى
تأليف و إخراج : أحمد حداد

ميعاد غرامنا . حازم شاهين و إسكندريلا

*يقول أفلاطون : من حزن فليستمع للاصوات الطيبة فان النفس اذا حزنت خمد منها نورها فاذا سمعت ما يطربها اشتعل منها ما خمد

*يقول الفيلسوف الألماني نيتثه "الموسيقى كفن بين الفنون يمثل كل الفن وهي الفن المزدهر خارج الزمن تبقى هي المنقذ"

*يقول شبنهاور "الموسيقى حديث الملائكة "

*يقول شكسبير "الموسيقى خمرة الحب"

*يقول الكاتب الألماني الكبير غوت "كل الفنون تسعى لكي تكون" موسيقى
و قال لودفيك فان بيتهوفن : " الموسيقى وَحْيٌ يعلو على كل الحِكم و الفلسفات"

بورتريه . أحمد حداد و حازم شاهين

Boodi ✪

Recent comments

GamalEldin Soliman

Badr

Rana Abdel Nasser

Muhammed Ibrahim

Related tracks