ربنا يوفقك يا حبيب قلبي ❤ انتا حقيقي موهبة تستحق توصل لكل الناس علشان احنا محتاجين محتوي هادف ومحترم ف كل المجالات يردم ع العفن الي بقينا بنواجه كل يوم 

@marwa-khalef-605003281 شكرا جدا♥️

بسمعها كل يوم من عظمتها🧡🧡

حلوه اووي بجد انا عيطت من كتر ما هيأا جميله عااش بجد

عظمه بجد انا عيطت عاش اوي❤". 

عاااش جداااااا جدااا جدااا كمان ❤️❤️❤️💪🏽

جاااااااامددددد دائما ف تألق ي اخويا

فاكرة أما كنا بنتمشي في وسط البلد رغم كونك مبتحبيش المشي .
بس كنتي بتحبي تشاركيني الحاجات اللي بحبها .
كنت أخدك نتمشي ونفطر من جاد وكان دايما طبق البيض الاومليت هو المفضل ليكي من هناك .
كنتي تعانديني وترفضي اني اطلب طبق فول بالثوم .
وتقوليلي ريحة نفسك هتبقي وحشة بطل تحب حاجات غريبة زيك .
وتنبسطي اوي لما اقولك نحبس بأيس كريم من عند العبد .
وكنتي زي الطفسه بتطلبي اتنين بولة تشوكليت .
وانا علشان مبحبش الشيكولاته كنت بطلب بولا واحدة ڤانيليا .
وناخد الايس كريم ونتمشي في شارع قصر النيل .
ونكمل مشي لشارع شريف ومن شريف لهدي شعراوي لشامبليون ونركن هناك حبة في قهوتنا المفضلة.
نشرب شاي بالنعناع من هناك ونطلب من لولو القهوجي يجيب سكر برة علشان كنتي بتحبي السكر الزيادة.
بعدها تقوليلي نتغدي كنتي غريبه تشربي شايك الاول بعدها تأكلي .
.
كنا بنطلب احلي اكل بيتي من عند دهب وتقوليلها متكتريش ملح علي الاكل علشان انا مبحبش الملح 
تفاصيلي الصغيرة اللي كنتي عارفاها عني كانت بتفرحني وترضي عقلي.
رغم كوني كنت غريب زي ما دايما كنتي بتقوليلي بس دة كان مميزني .
,الليل كان يليل علينا فتحبي اوي نجيب لب سوري وحلبسة .
وتحت كوبري قصر النيل نقعد قصاد المايه وتطلعي تليفونك وتصوري المراكب اللي بتعدي .
وتشغلي البلاي ليست بتاعتنا اللي كانت بدايتها الشيخ امام لما يقول يا حبايبنا  ونهايتها رامي عصام لما يقول لسه بحنلها وانا فعلا لسه بحنلك . 
وطول ما المزيكا شغاله كنا نأكل اللب ونغني بصوت عالي وميفرقش معانا الناس.
بعدها اروحك ونقعد نرغي طول الليل ونحكي اليوم تاني من أوله من غير ملل ولا فتور كإننا بنعيشه من جديد ونفضل نتكلم لحد ما تنامي واطمن انك نمتي .
المميز في كل الميموريز دي أن انا وانتي كنا عايشينها سوي 
والمُحزن هو اني بعيش دة دلوقتي لوحدي بعد ما الموت قرر ياخدك مني .
كل ذكري عيشناها لسة بعيشها ومش قادر استوعب انك خلاص مبقتيش هنا .
انا بس جايلك انهارده وواقف علي قبرك بترجاكي تزوريني في منامي وتهوني عليا صدمة فراقك ..
الليل من غيرك برد وقسي وحيطان الاوضة بتطبق علي صدري.
 مانتي عارفة فوبيتي من الاماكن المقفوله مانتي اللي كنتي بتهوني عليا ده  كنتي ليا الونس .
بترجاكي متغبيش عليا زي مانا مبغيبش عليكي هديتك هتبقي زيارتك ليا وانا دايما بجيبلك الورد اللي بتحبيه وبسيبهولك هنا .
من الواضح ان الوقت اتاخر فمضطر امشي دلوقتي . بس هجيلك بكرة زي ما بجيلك كل يوم هتوحشيني .
(سلام الي روح غادرت الي الفردوس وتركتني ميتا بين الاحياء )


Tanheda-تنهيدة(عبدالرحمن مصطفي)

voiceover, writer,Guitarist, singer, songwriter
Whatsapp: "01146115262"
Facebook : https://www.facebook.com/podypodymax 
🌱

Comments

BoOoda 🕊🍃

Ahmed Tarek

Basmala Mohammed

Melad Popos Shokre

شُـروٌقُ هّشُـآمً".

Shad Ahmed

Nermeen Azer

ABDELRHMAN M.Fathy

Hossam Ebn Al Kayall

Nesma Alsayd