تغافلت عيناى

حياتى باختصار,,,
 انا ساقية,, مربوط بحبل دايب مستعد,,, للانهيار
 ومفيش حد ساندى الا العلى الجبار
 وجنبى زرعه جَمِيلَة اسمها الصبار
 والناس شيفانى بطريقتها ,,, وياحسرتها 
اللى شايفنى صاحب كاس وغدار 
اللى شايفنى فلاتى وعايش حياتى
 اللى شايفنى كأيب , وبكره الصاحب حتى الغريب
 اللى شايفنى بحور واللى شايفنى بكبر
 اللى شايفنى شكاك خاين وبتغير
 اللى شايف فكرى مريض وقديم ولازمنى اللبس توب جديد يليق بالحاضرين 
ممكن اكون كل دول بس انا مش عايش بين الاولياء الصالحين
 انا ،،، ثم اما بعد.. 
انا مجرد ملامح بتعافر بتكابر لاجل الوصل مايفارقنى ويغادر 
انا هوا مليان غباااااااااااار الهم بس ساعات بنسى الغم
 انا دموع ويا جروح بس صابر ومش بنوح 
انا عند فى لحظه غضب وضعف فى لحظه عتب 
انا كيان ملوش مكان بس ليا قلمى الونسان 
انا آخر نقطه فى السطر وآخر خط فى الحبر لكن انسان
 انا اغنية حزينه جوه شريط مكسور
 انا الغريب فى بلد غريب عايش وحيد لكن مؤمن بربى قريب
 ليا صاحب بس مليش حبيب انسى معاه روحى ويكون لى طبيب مفيش حد بيبقى كله عايش عالوحدة
 ياما ناس كتيرعهدة ولا وفت ..... 
لا وفت...	
 وفت بوجع مؤلم حزين سكن جوه قلبى وحلف ما يغادر لسنين
 وفت بكسرة نفس كانت بتتمنى سماع صوتك وقت سوكاتك

 وفت بأهتمام الغير منا كنت زمان غير وسبتيه علشانى يبقى العيب مش فيكى العيب فى اللى اهتم بيكى وضيع ووقته وسخر روحه ليكى
اياكى كنتى فاكره هسبلك قلبى يضيع فى حبك الغريب
 اصلك غريب طبعك غريب كلك على بعضك غريب ازاى اسبلك روحى واكون لكى حبيب
 ولا عايزنى اشربك كاس من دم عشان تحسى وتهتم منا كنت دايما جنبك وناسى همى لاجل انسيكى همك 
واكون ونسك 
منا كنت ليكى قريب وصاحب وقت الضيق
 لا فى يوم شكيت ولا مليت وطول الوقت بهتم بيكى
 كانت نيتى صافية لاكن طلعتى مش صافية
 كنتى شايفه نفسك وعايزة كل الناس تبوس نعلك وتركعلك مش غريب عليكى قله اصلك ماهو من طبعك 
خسارة على مشاعرى اللى خرجتلك فى لحظه
 كنتى محتاجه فيها الامان يأويكى ويداويكى
 مش ذى اللى لعبو بيكى 
ما كنتى بين ايدى كان من السهل اللعب بيكى
 بس انا غير لانى حسيت بيكى 
ولا فكرت فى ماضيكى
 شفتك حلم بس يا خسارة وكمان خسارة فيكى كلمه خسارة عشان طلعتى وهم
 ذى الكمان بلا وتر
 عديمة الاحساس والنية بدون مزاق ولا مزيه
 من الاول شكلك مش طبيعية متلونه بمليون لون
 بتتصنعى ليه وعلى مين
 ما تقولى من الاول انا جايه اعيش معاك يومين 
سبتك اليومين 
بس انا سم عقارب على تعابين وانا حظرتك
 
اقولك حاجه من القلب والاحساس انتى اخرك كاس
 وهزه وسط وسط الناس مهو اللى زيك مداس
وبتقولى جواز
 روحى يا اللى كنت بناديكى روحى
 روحى لوحد شبهك يسمعلك وتخلقيلو حكايه جديده من وجعك
 ينسيكى ويسقيكى كاس العذاب 
مرارة اكتر من اللى فات 
ولا ليكى عازه وتكدبى وتقولى بعانى 
انتى اللى زيك يعانى من ريحه عفن جوه بدن عشق الخيانه 
مهو كله واقف على بابك مستنى دوره
 مهو دفع التمن
 انتى مشفتش معايا غير الطيبه والحنية
 والدلع والمشاعر باخلاص وصدق نيه واحترمتك كانسانه يا عديمة الانسانية 
روحى اللى شبهك فيكو من بعض كتير
 اما انا مشبهش غير نفسى كفايه عندى ضمير 
ومتحاوليش تحننى قلبى من تانى
 وتحسسينى انك انسانه   
 بتقدم الولاء والتمانى 
ومش قادره تنسينى وانك هتموتى من بعٌدى 
اسمعينى
 انا لو بايدى لاحفر قبر واسميه باسمك اللى كرهته لانه اسمك
 وادفن اليوم اللى جسمى فيه لمس جسمك
 وادفن نفسك ووصفك وقربك
 كل كلامك وايامك حتى سلامك 
كل حاجه حلوة فيها ريحتك وكيانك
وكرهت صورتى جنب صورتك متحددة بلون اسود ذى قلبك 

وانا قلبى مش محطه تغيرى فيها ماضيكى ووجع الاونطه 

ولا مفكره انى هصدقك وهنسيكى بجد
 انتى اصلا مش حد
 ومهما عملتى انتى اخرك قبر ووجبه لشويه دود تحت الارض 

قبل ما تمحى الذكريات 
وتقولى انا ضحية شويه كلاب
 اسالى نفسك كام واحد عدى عليكى وفات
 العيب مش فيهم 
العيب فى رخص نفسه ليهم 
لا انا شاعر ولا كاتب
 انا بكتب خواطر لاجل خاطرى اللى اتوجع لما لاقيكى
 وصدق روحه لما اواكى وخلى ليكى كيان 

كنت دايما ضهرك 
كنت قلقك وخوفك 
كنت دموع ويا دموعك 
كنت مزيكا ويا صوتك
 كنت امان ليكى وضميتك 
كنت سمعك ويا صوت نفسك 
عمرى ما استغليت ضعفك 
كنت ليكى عيون ما تنام
 كنت ليكى منبة رنان
 ياااااااوجع فوق جبينى اتكتب يوم ما حسيتك 
كانت عيونى عميت ولا رايتك 
ما كنت انا عايش مع غربتى ووحدتى وكنت حامد ربى على نعمتى
 انت ملكش وصف انت قلبك صدى من كتر الرخص 
رخص كلامك ومشاعرك
 حتى اخر مرة وانا بمسح دمعك 
محستكش كنت بارد
 مستغربش من الوصف انت عمرك ما هتحس
 وانا بحمد ربى انه قلبى مستسلمش.

حياتى باختصار

فى حضرة جمالها ...
انتى الجمال اتخلق منك
 ولو نساء الدنيا التفو من حولك لغارو من ضيك
يا سلام لما كانت ست الحسن تتجمل وانا اتامل واتغزل 
فى حضرة جمالها كنت اقدر انطق
 كنت يادوب اتبسم 
اضم اديها فى عشق ايدى ذى الدم فى وريدى 
 اغير عليها من حرير لمسها
 ومن سواد ليل زين رموشها 
حتى من ذات نفسى اللى كانت تحرسها 
يااااا دى حكايه ... 
لما بنتواعد من كتر فرحتى اكنى عريس
 فى يوم فرحى هتجوز بنت معالى الرئيس
وبشد ترحالى وبروح لبعيد وبعلن عزلتى وبكون ليها وحيد 
لاكون حاضر لحضرتها ..... لاجل خاطرها ما يحس انى بعيد
يا جمال الدنيا لما كانت عينى تلمحها كانها نور لامع ويا خطوتها 
 اول ما اشوفها يتلخبط كيانى ويذيد حبى لرويتها
 واخاف من جنانى لايالمها منا عاشق لكيانها 
بريق عيونها غاب عنه الوصف
 اقل احساس منى القيها تحس
 وتضم ايدى بلطف 
وتقولى بعيونها انت ماليك وصف

مناااااا  اللى تايه فى وصفك
رديت عليها بكل قوتى قولتها اسمعى 
انتى انثى بكامل اوصافك وصفاتك ومن بريق لمعانك دوبت انا حتى فى فنجانك 
اقسم بربى واللى خلقنى بقيت اعشق حتى ضعفى اللى انحنالك 
احلى وقتى ويا صوتك ويا عقلى المشغول بيكى ويا قهوتى ودخان سيجاتى


انا مضاااااايق بس اسمعى قلبى اللى ندالك يمكن اعرف اوصف ابياتك
	
سيدة قلبى والهوا انتى
طويتى صفحاتى وبروحى اضئتى 
جعلت اسمكى بنت قلبى 
وتعلمت من وفائكى حسن نيتى 
واقتبست من اخلاقكى انسانيتى 
وصنعت منكى ضياء محبتى 
ولمست منكى معنى حياء الانثتى 

لهذا فاسمحى لى 
ساروراقصكى حتى الصباح
وساوداعبوكى حتى المساء
وسااعلو بكى حتى السماء
ساخلوا بكى حتى العناء
ساضحكوكى حتى البكاء
ساعتنى بكى حتى الشقاء
وساثق بيكى حتى النقاء 
وساغار عليكى حتى الانحناء
وساعشقكى حتى الفناء

فان لم تقبلى... عذرا

ساسكوطنكى
رغما عنك لانك انسجامى 
فلا احد غيركى يحمى قلبى ويرعانى 
لانى بالمختصر سيده النسائى

 وفى مرة لا كتير بصراحه
شميت نفسها حسيت بصدرى انشرح كانه بستان ورد وطرح
وضحكنا وفرحت ويا سعادتها ومالت عليا خطفتها بين ايدى 
وحضنتها بعيونى .. دموع ضحكتها..... كحل لعيونى 
وبكون ليها روح وانصت واتوه لكلامها المعشوق بين القلب والروح 
 دايما شايفها خيال مش عارف اوصفها بكلام نفسى يكون فيا من كل حاجه  اتنين على الاقل قلبين وروحين عشان تصدقها مش قصدى بكذبها 

احساس الخيال 
حرارة صيف وبرد الشتاء فى ذات الان
صوت دافى من كتر الحنان
عشق من القلب صافى 
احساس يخطف يخلى العين تغافى
ياه لما الجمال يقول كلام من الروح وقلبى يبوح 
ويقول اسرار كاتمها لوقتها المسموح
وكاننا بنتسابق مين فينا اللى عشق الروح 
والدموع زغللت عيونا فرحه ماليها ميعاد 
باب اتفتح ... فى لحظه اتفقنا نكون فيها احباب 
 حب وشويه غيرة وعتاب على الغياب
 وعمرنا ما فكرنا فى البعاد

بصراحه القلب هواه والجسد ادمن قربه ولقاه 
حتى الليل وظلامه ادمنو سهرة وجنانه
ولازلت لم ادرك حتى الان من تكون سيدة الجمال صاحبة الابيات 
سيظل الخيال يحقق الامان اكثر من الانسان

فى حضرة جمالها

انا المتهم 
انا المجنى عليه انا الجانى انا الضحيه 
انا المالك الوحيد لكل ملفات القضيه 
انا اللى رضيت بالحكم اللى نفذ عليه
انا اللى اتكلبشت فى صمت انا اللى اتصدمت
انا اللى اتسجنت
انا اللى اتسحلت واشتكى ضعفى حتى بكى وجعى واتوجعت
انا اللى انهرت ودموع عينى علمت فى الارض
انا اللى اتعذبت واخرتها كان حكم بموبد وصبرت
انا اللى اتذليت وكتبت على جدران سجنى انا انتهيت 
انا التايه جوه متاهه الوهله انا عايش ميت اصلا من الوحده ومليت
يا قاضى احكم عليا باعدام لو حتى بالتلكيك ووصيتى ليك
اقبض روحى وبقوه وما تسبنى اصعب عليك 
اذا كان عليه فانا ميت بلاش توضيح
والعمر بيفنى وبيروح
ومفيش سعادة طالما القلب مجروح
كنت عملت حساب اللى راح
انا اصلا يتيم ومكسور الجناح
كان فين داء رحمتك وشكوتى وحكيتى مع كل واحد جرحى راح 
انا هروح لاغلى الناس وانام جنبهم لاجل كل شىء فيا يهدا ويرتاح
وانا مسامح فى حقى بمجرد ما يقف نبضى
 ويوجهونى لقبله ربى فانا مسامح بقلبى
وفوضت امرى بالى عالم بالجناه 
انا المهتم انا الجانى
انا الضحيه فى كل قضيه
وشكرا لكل واحد نفيذ فيا عمليه

انا المتهم

ماتت ضحكتك 
اللى ماليها ميعاد
ايامنا على فراقك هتفضل فى حداد
صورتك يا غالى هفضل فى القلب
 حزن باقى من الغياب
كنت راجل جدع
والله 
من خبر وفاتك 
القلب اتوجع
كده فجئه سبتنا ورحت يا جدع
يا حسرة قلبى على اللى راح 
 وذكريتنا الحلوه مع بعض
 اللى كانت بداوح الجراح
عشت وحيد لكن بكرمك كنت قريب 
عمرى ما شفت منك تكبر ولا تعالى 
ياالحبيب الغالى
كنت اخ كبير وصاحب 
 بس النصيب 
ربك اختارك تكون عنده
 فى الحظه دى قريب
مكتوب على جبنا نشيلك على اكتفنا
 ونودعك بدموع سلام  وداعك ودوعانا
سلام يا صاحب الطله الحلوه اللى زرعتها جوانا
بس دلوقتى 
بنفتكرها وجعانا
وامانه بلغ سلامى لاحمد ابويا 
 وقوله وحشنى 
ووحشتنى منه كلمه
 يابنى
والدنيا من بعده يتيمه
واولاده بخير بس الهم مالينا 
 يا بختكم رحتو للاحباب وسبتونا بلاكم اغراب
سلام الله عليكم
 ايها الراقدون
 ايها النور داخل القبور

ماتت ضحكتك

سامحنى يا قلبى
ان خليتك تعشق ناس ماتستهلكش
وجعك آلمنى 
جويا ومموتى 
دايما صابر وماصنتكش
كرمك هناك وسط الحوريات فى نعم الجنه
فطمن ومتزعلش 
يا قلبى  
يا قلبى اللى ما قدرك لعه خير من ربك 
انه محسكش
يمكن حافظك خير فى قرب حبيب
يخليك من الفرحه متصدقش 
انت اغلى ما فيا كفايه صدق النيه ده
اللى ظلمك خسرك مكسبكش
انت عارف كل واحد عاش فى حبك
كان سعيد بقربك   فميهمكش
انت الكريم 
انت الكريم انت المضحى انت العظيم بلاها من وجع 
مفسدين مفهمكش
سامح واغفر بس حقك راجع
من كل واحد كان مخادع ومحترمكش
دى الدنيا دواره وكرم سكاتك مش خسارة متستعجلش
تعبت معاهم  لقيت  لقاهم اساسه هش 
وانت صريح ملكش فى الغش
طبطب ياربى على القلب اللى خلقته
وطمنه ان الفرحه من بعدها لسه مجتش

سامحنى يا قلبى

وما الحبُ الا اهتمام  , بروح روحىِ , تسكنُ جسدى
تنبض لاجلى تتنفس عشقى تحيا بلقائى 
تقبض روح وجعى , تتالم لصمتى , تتعجل سعادتى
ترقض خلف شباك يتخلله ضوء قمرِِ , تتاملنى 
تصبر لغيابى وتنتظر اعناقى كى
تتانسى مرقدها بين زراعيا واضلعى 
ويستريح باكملها وتغمض عينها فى حياء
واحتضان كفينا بكل صور الاشتياقى
تداعبنى بشفاه متعدده الالوانى 
بعطرها الذى اصبح ادمانى
كبراءه راحئه ريحان الاطفالى
ايا امراءتى ها هنا مكانى
 تزوقينى فى صمت وانعشى الاهاتى 
لندرك فى الصباح انك امراتى وانا حبيبكى
ولا يباحو ما فينا الا الينا فبهذا نحيى بصفاء الاروحى
فهل لجمال الروح اوصافُ
 أم العشاق من انصافى
ايا امراتى انا لكى وانتى لى

روح روحى

حياتى بإختصار-الجزء الاول

الى امى
اللى نورها شمس
 علمت فى اكتافى
قمر ليل جوه حضنها الدافى
عيون سهرانه تخاف تغافى
يا اطيب ام  مش بس دم 
انتى روحى وانفاسى
 يا اكتر وحده حبتنى 
يا اكتر وحده سمعتى 
يا اكتر وحده  دوتنى
يا اكتر بنت حضنتى 
وحشتينى
وحشنى ضحكك واكلك وطبطبة كفك 
ومد ايدكى فى ضمه حضنك 
وحشتينى
سامحينى على بعادى عنك 
انا عارف ان الضنى غالى بس انتى حاسه بيا ودعيالى
والله قلقى عليكى مش مفارق نومى وخيالى 
الى امى اللى تراب رجليها اشتكى من الشقى
والسقيع البرد اللى دوب اطارفها فى الشتا 
مهما عملت مش هقدر اوفيكى
يكفينى منك ما يرضيكى
ولو بايدى يا امى ما كانت تغلا عليكى شرينينى 
لاجل ما اشوفك بتتالمى مره وتوجعينى
يا تارج راسى اؤمرينى 
وانتى تشوفينى خدام  قدمك ومداسك يا نور عينى
يارب خدى منى وخليها 
يارب اشفى كل داء فيها وداويها 
يارب احميها ونورلها الدنيا بما فيها
يارب اجعل كل دعاء منها إليها
دى الجنه تحت رجليها
يا سيد الخلق والانام اجعل لها فى كل خطوة سلام
يا صبر ايوب ابعد عنها كل شرمكتوب
دى القعده متحلاش الا بيكى فى اللمه
انتى الجمع والمجموع 
ودعائكى فى صلاة الجمعه 
شىء وفى ميتردش ولا حتى فدموع
انتى الحب اللى مفهوش ابدا رجوع
انتى جوه القلب وحمياكى الضلوع
من يوم ما عينى فتحت نطقت امى
ولما كبرت بناديكى يامى
ولاخر نفس فيا انتى امى  
كل سنه وانتى طيبه يا أمى

أُمى

قلبك 
مش كشك سجاير
ولا استراحه لكل عابر
قد تعطى راحه 
لشخص فى صورة دخول نيكوتين الى رئتين 
تشبه راحه قلب تاب بعد معاصى ذنوب سنين 
وقد يحمل لك سهم قاتل هيصيبك من اتجاهين
سوف ياتى لك على هيئه كائن بيضحك بغمزتين
او ملاك طاهر وفجئه بيتحول الى كائن بوشين 
قوة قلب اتجمعت فى شرايين مهيئه للعشق من سنين
عشق بيتنفس اكسجين 
قلب اتجاه لله انين بيحوله لحنين 
عقل اتشتت زمن اتحول فى لحظه اللى زمانين
عيون بتحلم ببكرة وطاهرة فكر انجبت جنين 
وقهوه سادة ورعشه ايد من كتر النيكوتين 
حب دخان احتضن رئتين
صدقين اتحولو لحبيبين
حب فى سلام ايدين 
كلمه بتلخص الحياة فى ثانيتين
وروح بتخرج فى صمت وسط ملايين فى طرف العين 
ركعتين لله ودعاء من كلمتين
 هم زاحه ابتسامه خدين 
 ونشاذ قهقهه ولعبه صراحه كشفت وشين
وصراحه وجع عهد فى الجنه مكملين
وحب كان اخرته ورقه فى نصها متفارقين
وصبر حب فى سماع كلمه من حرفين
وخوف اب على زوجه وضنى طفلين
وفرحه بنت عندها حبيب فى اب بدل الضهر ضهرين
وناس عندها وفاء الحيوان بالف ضهر
وحياة مكتوب يكملها الدهر
قدر بيلعب دور الحكمه ما بين اتنين 
قلب اكتمل من نصفين
فرحه اتقسمت لقلبين
صرخه بفرحة ام انجبت تؤامين
 صفة اتجمعت فى روحين
ولد وبنت بكر رسمو صوره بنتهم بضفرتين
وشاعر وصف معانى كتير فى شطرين
وحلاوة لحن من وترن حرك الجوف وترك القلب ينضح حزن وشوق ولوعة فى صبر ووحيدا بلا واحده  وذهد 
والشطر الاخر تركه لها فى وهنن 
 ووهن فى تتر موسيقى بيصف حاله شخصين
صوت فى مزيكا وضوء من شمعتين 
رقصه سلو
مشهد مستحيل يتكرر مرتين
فيلم من تاليف واقع نقى اخرجوه بطلين 
فهل يستوي الضمير بالضمرين؟
قلبك مش كشك سجاير
ولا دخان طاير
قلبك انتيكة لانسان نادر

Abdelazim suliman

Popular tracks