ادائك رائع بجد واذا كنت ا ابوويا بغيب ياما فتملي انا بقرالك الفتحة :(

الكلمات رائعة جداااااااااااا

تابعوا برنامجي "خمسة فلسفة" على صفحتي في ساوند كلاود

,,,,,,,,,,,1,,,,,,,,,,,,,,,
انا جاهز للموت دلوقتى
ومجهز كفنى والتربه
دايق مـ المر و مـ الغربه
وشبعان اوجاع
,,,,,,,,,2,,,,,,,,,,
انا جاهز اتغسل حالا
بعصارة احلام امبارح
واتوضى بأيامى الحلوه
وبدمع امل لما بكتنى
,,,,,,,,,,,3,,,,,,,,,,,
انا جاهز اتكفن فورا 
والناس من حواليا
واقفين عادى ومابيبكوش
والواد صاحبى ابو وش بشوش
ماهنش عليه يتعطل يوم
يمكن مش قادر على تقلى
رغم انى طول عمرى خفيف
والبنت حبيبتى الى انا لسه ماعرفهاش
ماستنتهاش
او يمكن مالحقتش اشوفها
,,,,,,,,,,,,,,,,4,,,,,,,,,,,,,,
انا جاهز يتصلى عليا
صفين فى يمينى يكفونى
مش شرط يكون جامع مليان
انا نفسى فى دعوه تكون ببلاش
,,,,,,,,,,,,,,,5,,,,,,,,,,,,,,,,
انا جاهز للتربه وللدفنه
مش فاضل غير عملى يونسنى
عارف مين ربى ورسولى
حافظ كام ايه يساندونى
ومتفائل خير
,,,,,,,,,,,,,,,6,,,,,,,,,,,,,,
انا عشت سنين بس ما عشتش
وصاحبت ساعات قلبى الشايب
وشفت كتير بس ما شوفتش
وكنت الموجود الغايب
,,,,,,,,,,,,,,7,,,,,,,,,,,,,,,
انا حاسس بدموعك على خدى
واديا البارده حاضنه اديكى ومرخيه
من تانى بتبكى على فراقى؟
انا عشت عشان ادى وبس
وما خدتش حاجه ماهيش ليا
,,,,,,,,,,,,,,8,,,,,,,,,,,,,,,,
خلصت كلامى لكن لسه
جوايا كتير قوى مااتقلش
فسامحنى عشان طولت عليك
وإذا كنت يا جدى بغيب ياما
فتملى انا بقرا لك الفاتحه
فأمانه تسلم على سيدنا
وأمانه تسلملى عليا

فلسفه شعريه شديدة الارتباط بالواقع ولا علاقة لها به

سعات الكتابه بتوصل حجات كتير
لكن الكلام بيوصل حجات اكتر
هنا محطة قطار لحجات كتير بنحس بيها وعايشه جوانا
يا رب كل واحد يلاقى كرسيه

Comments

راديو فلسفة

راديو فلسفة

راديو فلسفة

راديو فلسفة

SalOmAa Mohamed

Nourhan Galall♥

Abdul Mageed Al Oufi

Malak Adel 4

ʚïɞ ƦỘu Mâ ʚïɞ

EsRaa A. Rashed