اللي ملحنها حد اسمه عبد السلام تقريبا 😹

https://youtu.be/FYpVmpg3AVs   لينك الفيديو دا هو الوحيد اللي شوفت فيه المزيكا دي

معلق روحه عـ الشماعه جنب الباب .. 
وسايب باب ماضيه المُر متوارب
كعبه اللى دار فـ الدنيا لف وداب .. 
ساب للحياه الحبل عـ الغارب !
ساند على حيطة أمل مايله 
ماسك فـ إيدى من زمان كلمة " ياريت "
معجون بمية صبّها العفاريت 
مجنون انا عايش بلا ليلى
عقرب فـ ساعة حيطه لدغ الوقت 
لا عرفت انا إمتى وفين ..
وإزاى انا إتعلقت 
بس المهم الحبل كان دايب
بلعب فـ دور الكل فيه عواجيز 
الدنيا كازينو كبير ملوهش عزيز
كوتشينه كل ورقها كان " شايب "

Zahra Hetet Amal زهره حيطه أمـــل

تدور و ترجع وجع و اعتكاف..و تطبع عليك السنين العجاف

وجع و اعتكاف - دينا الوديدي

على الهلباوى | مرسال لحبيبتى | البرنامج

“.حَبِيبْتِي
..شَرْطَه مَايْلَه
..فَرَاغْ
وهَاكْتُبْ لِيهْ حُرُوفْ إِسْمِكْ؟
مَا هُو انْتِي فْ قَلْبِي سَاكْنَه الْقَلْب
عَارْفَه بْقِصِّتِي وْحَالِي
ومِينْ غِيرِكْ فِي قَلْبِي اكْتُبْ لُه مِرْسَالِي؟
..و...... أَمَّا بَعْد
مَانِيشْ عَارِفْ جَوَابِي دَا جَوَابِي الكَّامْ
مَا عُدتِشْ بَاحْسِب الصّفْحَاتْ
مَا عُدتِشْ بَاحْسِب الاّقْلاَمْ
مَا عُدتِشْ بَاحْسِب اللّي ضَاعْ مِن الأَحْلاَمْ
..كِفَايَه انِّي بَاحِبِّكْ بس
..وقَلْبِكْ لَوْ بِقَلْبِي حسّ

أَوْ شَافْ حَالُه فِي بْعَادِكْ
!لَصَلَّى لْرَبُّه واسْتَغْفَرْ لِذَنْبُه...وْصَامْ
قُولِي لِي ازّايْ أَحِبِّكْ حُبّ يِرْضِيكِي؟
أَنَا تَايِهْ... وِنِفْسِي اوْصَلْ أَرَاضِيكِي
دَا لَوْ كَان الْهَوَا بِالسُّهْد
..انَا سِيدُهْ
ولَوْ قُلْتِي انّ حُبِّكْ صُوم
..أَنَا عِيدُهْ
ولَوْ حُبِّك فِدَاهْ قَلْبِي
أَقَطَّعْ قَلْبِي مِيتْ مَرَّهْ
..وَاقَدِّمْ لِكْ عَنَاقِيدُهْ
!وِبِتْقُولِي بَاحِبِّكْ لِيهْ؟
وهُوَّ الْقَلْب مِتْعَذِّبْ كِدَه بْإِيدُهْ؟
بَاحِبِّكْ... حَتَّى لَوْ بِاب الْقُبُول اتْسَدّ
وهَاتْخَيِّلْ صَدَى صُوتِي بِيَاخُدْ كِلْمِتِي وْيِرْجَعْ مَعَاه الرَّدّ
:ولَوْ قُلْتِي لِي مِيتْ مَرَّهْ
.."أَنَا عُمْرِي مَا حَبِّيتْ حَدّ"
هَازيد الْكِلْمَه مِيتْ مَرَّهْ
دِي نُقْطِةْ مَيَّه مِ الْمَطَرَهْ إِذَا فَاضِتْ
..تِهِدّ السَّدّ
وحَتَّى لَوْ فَارِقْتِينِي
..هَاحِبِّكْ فِي الْفُرَاقْ بَرْضُهْ
هَوَاكِي فْ قَلْبِي لَوْ شُفْتِيهْ
..نَوَافْلُه وْسُنِّتُه وْفَرْضُهْ
وحُبِّكْ أَرْضُه
لَوْ تِنْسِيهْ... هَيِنْسَى ازّايْ حَنِينْ أَرْضُهْ؟
ويَامَا فْ نِفْسِي
يَامَا فْ نِفْسِي
تِيجِي لْقَلْبِي وِتْحِنِّي
..ولاَزِمْ تِعْرَفِي إِنِّي
..لاَ انَا عَفْرِيتْ وَلاَ جِنِّي
..بَاحِبِّكْ... بَسّ إِيدِي اقْصَرْ كِتِيرْ مِنِّي
فَمِشْ هَاْقدَرْ
أَجِيبْ لِكْ مِ الدَّهَبْ كَفَّهْ
وَاجِيبْ لِكْ مِ اليَاقُوتْ كَفَّهْ
ومِشْ هَاْقدَرْ
أِجِيب الْوَالِي فِي الزَّفَّهْ
ومِشْ هَاْقدَرْ
أَجِيبْ لِكْ بِيتْ
يِمُوت الْقَطْر لَوْ لَفّ فْ حِمَاه لَفَّهْ
كِفَايَه انِّي بَاحِبِّكْ مُوتْ
وحُبّ النَّاسْ نَدَامَه وْعَارْ
وحُبِّي عَكْسهُمْ عِفَّهْ
ولَوْ تِرْضِي فَعَنْدِي شْرُوطْ
أَنَا طَبْعاً بَاحِبِّكْ مُوتْ
ولَكِنْ بَرْضُه لِيَّه شْرُوطْ
أَنَا عَايْزِكْ تِكُونِي فِي الْوَرِيدْ دَمُّهْ
وِتِبْقِي فْ عَقْلِي انَا هَمُّهْ
وِتِبْقِي وَرْد جُوَّا الْقَلْب
غِيرِي يْشُوفُه يِتْحَسَّرْ... وَلاَ يْشِمُّهْ
وعايزك تفهميني لو كلامي طلّ من رمشي
وعَايِزْ رِمْشِك الْجَارِحْ
صِرَاطْ يِجْرَحْ فُؤَادْ غِيرِي مَايِرْحَمْشِي
وَانَااجِيلِك
أَعَدِّي فُوقْ صِرَاطْ رِمْشِكْ... وَلاَ اخَافْشِي
وحَتَّى لَوْ وِقِعْت فْ يُومْ مِن الْخَضَّهْ
أَقَعْ فِي عْينِيكِي وَاتْوَضَّا
وَاصَلِّي رَكْعِتِينْ لله
وَابُوسْ نِنّ الْعِينِينْ
..وَامْشِي
لاَ انَا طَمَّاعْ
وَلاَ فْ طَبْعِي الأَنَانِيَّهْ
بَاحِبِّكْ
وانْتِي انَا طَبْعاً
ومَا اسْمَحْشِي لِحَدّ يْكُونْ شِرِيكْ فِيَّهْ
وقَبْل مَا يِخْلَص الْمِرْسَالْ
:بَاعِتْ لِكْ مِنْ عِينَيَّه سُؤَالْ
وهُوَّ الْحُبّ كَانْ عِيبَهْ؟
ولَوْ مَرَّهْ حِلِمْت بْضِحْكِتِكْ فِي النُّومْ
عَلَيَّهْ تِتْحَسَبْ غِيبَهْ؟
وفِي الآَخِرْ
بَاعِتْ لِكْ وَيَّا مِرْسَالِي الْجِدِيدْ أَحْلاَمْ
بَلاَشْ تِرْمِيهَا كَالْعَادَه مِنَ اعْلَى الْبُرْجْ
وِخَايِفْ يِبْقَى مِرْسَالِي نِهَايْتُهْ زَيّ أَجْدَادُهْ
!فِي قَلْب الدُّرْجْ
جَنَايِنْ قَلْبِي رَاحْ تِفْضَلْ ولَوْ طَال الْبِعَادْ فَاتْحَهْ
بَاحِبـِّــكْ
قُلْتهَا بِالْكَسْرَهْ
!!!نِفْسِي اسْمَعْهَا بِالْفَتْحَهْ” — 195 likes
“..كان زمان
..الحِلم كان واحد في قلبي
..إني احبِّكْ
..وامّا حبِّيتِك
..بقى الحِلم اللّي عندي ازّاي احبِّكْ
..داب خلاص الحبّ فينا
..وابتدِينا.. يبقى لِينا
..فوق بحور الشوق سفينه
..بس لازم لجْل ما نكمِّل طريقنا تبقِي عارفـَه
..إن نار الحبّ دايماً عايشَه خايفـَه
واللّي هيخلّيها تطّمّن وتكبرْ
..لو ترقِّي
..وْتعرفي حقِّك... وحقِّي
تعرفي إيه يبقى حقِّك؟
..حقّك انيِّ ابقى لعيونِك ألف حارسْ
وابقى وقت الحب عاشق
..وابقى وقت الشدَّه فارسْ
..واعملِك جدول مُذاكرَه زيّ أطفال المدارسْ
وانّي احسّ القلب فاضي
..مهما شال من شوق وجابْ لِكْ
واجري والأشواق بتسبقني
..عشان اوصَل بسرعه.. بسرعه قبلِكْ
..حقِّك انِّ الدمع يفرَحْ
..ينتشِي
..يسكَر
..يدوخْ
..ينزِل بسُرعَه لمّا اقابلِك
..حقّك اني انطق: "باحبّك" كلّ ثانيه
..وارسمِك في القلب دُنيا... دنيا تانيه
..أبقى انا بالحبّ سُورْها
..وانتي تبقِي هناك قَمَرْها
وانتي نورها
..وانتي نارها
..والنجوم سابحه فْ مَدَارها
..وانتي أحلامها وجَمالها
..وانتي وِدْيانها وجبالها
..والكُبار فيها وْعِيالها
دنيا فيها تكوني وحدِك... يبقَى مَالهْا؟
..حقّك اني اكتب في رمش العين قصايدْ
..وفْ سواد العين قصايدْ
..وفْ جمال الروح قصايدْ
حقّك اني اقرا فْ ملامحِك كلّ يوم
..زيّ الجرايدْ
حقّك اني استنىَّ قلبِك
يوم
يومين
شهرين
سنه
للعمر كلـُّه
واني اشِيل مِن شوقنا شوكنا
..وْتاخْدي بسّ الشوق وفُلـُّه
حقّك انّ القلب ينطق
!أحلى شيء في الحبّ ذُلُّه
..حقّك اني ابقَى لِك البحر الحنَيِّنْ
وابقَى لو شدّيتي هادي
..وابقَى لو هدّيتي ليّنْ
..حتى لو مرَّه اتعاتبِنْا
..في العتاب تلِْقيني هيّنْ
..وادفِن الجرح فْ كياني
..مهما كان في عْينَيَّه بيِّنْ
حقّك اني اعمِل لِك انتي كُرسي فوق الشمس
..واعمل بينكو طاقَه
لمّا نور الشمس يضعف
..نورك انتي يْجيب لُه طاقَه
حقّك اني اقفل بيبانِك عن قلوب الخلق
..وادخُل لك بقلبي يكون بِطَاقَه
..حقّك انّي اسمع واسامِحْ
..حقّك انّي ازعَل واصالِحْ
وان قلبي يكون ديوان مُلْكِكْ
ما يدخلهوش في مرّه... وبْأوامرِكْ
..إلاّ أصحاب المصالحْ
..حقّك انيّ اهزمْ ظروفِكْ
..حقّك انىّ امنع خسوفِكْ
..وانيّ اشيل بالحب خوفِكْ

..أمَّا حقِّي يا حبيبتي
...حَقِّي إنـِّي
!!!إنـِّي اشوفـِكْ..كان زمان
..الحِلم كان واحد في قلبي
..إني احبِّكْ
..وامّا حبِّيتِك
..بقى الحِلم اللّي عندي ازّاي احبِّكْ
..داب خلاص الحبّ فينا
..وابتدِينا.. يبقى لِينا
..فوق بحور الشوق سفينه
..بس لازم لجْل ما نكمِّل طريقنا تبقِي عارفـَه
..إن نار الحبّ دايماً عايشَه خايفـَه
واللّي هيخلّيها تطّمّن وتكبرْ
..لو ترقِّي


مرسال لحبيبتي

اسلام علي - قهوة بلدي

حبيبتي.. شرطة مايلة.. فراغ
وهكتب لية حروف إسمك؟
ما هو انتي ف قلبي ساكنة القلب عارفة بقصتي وحالي
ومين غيرك في قلبي اكتبله مرسالي؟
وأما بعد..
مانيش عارف جوابي دا جوابي الكام
ما عدتش بحسب الصفحات
ما عدتش بحسب الاقلام
ما عدتش بحسب اللي ضاع من الأحلام
كفاية اني بحبك بس
وقلبك لو بقلبي حس
أو شاف حاله في بعادك
لصلى لربة واستغفر لذنبه وصام
قوليلي ازاي أحبك حب يرضيكي؟
أنا تايه.. ونفسي اوصل أراضيكي
دا لو كان الهوا بالسهد.. انا سيده
ولو قلتي ان حبك صوم.. أنا عيده
ولو حبك فداه قلبي
أقطع قلبي ميت مرة واقدملك عناقيده
وبتقولي بحبك ليه؟
وهو القلب متعذب كدة بإيده؟
بحبك.. حتى لو باب القبول اتسد
وهاتخيل صدى صوتي بياخد كلمتي ويرجع معاه الرد
ولو قلتيلي ميت مرة.. “أنا عمري ما حبيت حد”
هزيد الكلمة ميت مرة
دي نقطة مية م المطرة إذا فاضت تهد السد
وحتى لو فارقتيني هاحبك في الفراق برضه
هواكي ف قلبي لو شفتية نوافله وسنته وفرضه
وحبك أرضة لو تنسيه.. هينسى ازاي حنين أرضه؟
وياما ف نفسي ياما ف نفسي تيجي لقلبي وتحني
ولازم تعرفي إني.. لا انا عفريت ولا جني.. بحبك
بس إيدي اقصر كتير مني
فمش هاقدر أجيب لك م الدهب كفة
واجيب لك م الياقوت كفة
ومش هاقدر أجيب الوالي في الزفة
ومش هاقدر أجيب لك بيت يموت القطر لو لف ف حماه لفة
كفاية إني بحبك موت
وحب الناس ندامة وعار
وحبي عكسهم عفة
ولو ترضي فعندي شروط
أنا طبعا بحبك موت ولكن برضه ليا شروط
أنا عايزك تكوني في الوريد دمه
وتبقي ف عقلي انا همه
وتبقي ورد جوه القلب غيري يشوفة يتحسر ولا يشمه
وعايزك تفهميني لو كلامي طل من رمشي
وعايز رمشك الجارح صراط يجرح فؤاد غيري مايرحمشي
وانا اجيلك أعدي فوق صراط رمشك ولا اخافشي
وحتى لو وقعت ف يوم من الخضة
أقع في عينيكي واتوضى
واصلي ركعتين لله وابوس نن العينين وامشي
لا انا طماع ولا ف طبعي الأنانية
بحبك وانتي انا طبعا وما اسمحشي لحد يكون شريك فيا
وقبل ما يخلص المرسال باعت لك من عينيا سؤال وهو الحب كان عيبه؟
ولو مرة حلمت بضحكتك في النوم عليا تتحسب غيبة؟
وفي الآخر باعتلك ويا مرسالي الجديد أحلام
بلاش ترميها كالعادة من أعلى البرج
وخايف يبقى مرسالي نهايتة زي أجداده في قلب الدرج
جناين قلبي راح تفضل ولو طال البعاد فاتحه
بحبك قلتها بالكسرة.. نفسي اسمعها بالفاتحة

مرسال لحببتي

 مسارح .. وسيما .. وسيرك وأفيش
وصورة المنيّل .. وكاب الشاويش
وكلب الحراسة .. وكرسى الرياسة
وحبة سياسة .. وطربة حشيش
................
تذاكر يا هانم .. تذاكر يا بيه
هاتدخل بعيل .. تحاسب عليه
جميع اللى ماتوا .. عيالى الصغار
تدخن يا باشا سجاير بلاش
وتنسى اللي ميت وتنسى اللي عاش 
وتقلع هدومك وتلبس همومك 
وتاكل سمومك بكل انتعاش 
تكية بهية وكشك السعادة 
و لمك يا حلوة يا سكر زيادة
وصرخة بناتك وشرخة بياتك
شهادة وفاتك في حالة عبادة
عَزيزي المواطن , عَزيزي الفَقير 
أمالَك في بُكرة بتنقَص كتير , 
بِتنقَص بلاَدك أراضي وبيوت ,
بتنقَص ولادك تَبوت فوق تَبوت ,
حَياتك يا فندي حياة متساويش
ف إيه اللي يجبر جَنابك تعيش ؟
دا بينك يا باشا وبين الحياة
حواجز وشيش خلف شيش خلف شيش 
ستالو العجايب عجيب العجاب
تموت البراءة وتحيا الكلاب
وتصنع مهازل وتهدم منازل 
وتعمل عوازل ما بين الصحاب
أتاري اللي ميت قتيل الغارم 
واتاري البلد دي بتهوي الكلام 
وتهوى البنادق وتهوى الخنادق 
وتهوى اللي صادق في صورة عضام
تذاكر يا هانم تذاكر يا بيه



مسارح وسيما ... عمدان النور

مرسال لحبيبتي ♡ مسار اجباري

موسيقى مش عارف إسمها بس عاجباني فشخ .. ف اللي يعرفها يقول بتاع إيه الله يباركلكواا

Mohamed Mounir - Mahmoum | 2019 | محمد منير - مهموم

Lyrics :
على قد الحب بيبقى اللوم
وأنا باقي عليكوا إنما مهموم
والغربة في حضنكوا طعمها خوف
ما هو أنتوا عيوني إنما مكتوف
إيه فايدة عين مبقتش تشوف

كل اللي هييجي في بال إنسان ليكوا عملته
قلبي المحني بحمل الأشواق تقلت شيلته
بتحبوني ولا ده كيفكوا تتحدوني
اللي ما بيننا بقى بالنسبة لي مهوش مفهوم

لو كان للصبر حبال هتدوب
وأنا عاشق جرح من المحبوب
كام مرة مشيت وواربت الباب
وعملت لحبكوا ألف حساب
أنا عاشق فعلا مش كداب

كل اللي هييجي في بال إنسان ليكوا عملته
قلبي المحني بحمل الأشواق تقلت شيلته
بتحبوني ولا ده كيفكوا تتحدوني
اللي ما بيننا بقى بالنسبة لي مهوش مفهوم

موسيقى مش عارف إسمها بس عاجباني فشخ .. ف اللي يعرفها يقول بتاع إيه الله يباركلكواا

Abdul-rahim Elshorbgy

Recent comments

mila 🌷

Moon Azzam

Related tracks