#دعوه_للتفاؤل

يا ساكن بيوت الحزن
اهجر ديارها
من امتى كان الدمع
بيهدي نارها
يا شايل فوق كتافك
هموم و ندم
يا رافض للفرحه لما
قلبك اتكتم
واتخرس صوته وعايش
بس للألم
من امتى كان الهم
باليأس يتعدم ؟!
من امتى كان الطريق
بالبكا يترسم ؟!
يا واهب نفسك للأحزان
والحزن تاعبك
جربت مره تبكي للرحمن
م اللي تاعبك
يا فارس النزال مين
اللي هزمك ..
غير شوية حزن زينوا
عدمك
يا عبد لله و القادر
هو اللي خلقك
اوعاكـ تبكي على حلم تاه
ربك هو اللي وهبك
وهو وحده العالم
باللي فيه حزنك ..
ف امسح دموعك
بكام ركعه وافرح
و ابكي ف ركوعك
وخلي القلب يفتح
دفاتر شعره المنسيه
وَ اكتُب فِيهَا لِـ ربِّك
رِسَالةً عَلنيَّه
" يــارب .. وحدَك اللي ليّا "

دعوة للتفاؤل

تأليف : عبدالله عبدالكريمـ
أداء و غناء : عمرو مندور
..............................
إلى زوجتي ..

علقيني ع الحيطه صوره
بروزيني فِـ لوح ازاز
ضحكته مكسوره
وبصي ليها كل يوم
ولما يجي وقت النوم
اكتبيها و اكتبيني

اكتبيني جمب إسمك
وانطقيني ويا همسك
وارسميني جوا منك
وخبيني وسط رسمك
شخبطيني ع الحيطان
واشطبيني م الأحزان
و لوِّنيني ريشه
ماسكاها عليها ألوان

اندهيلي لما أشوفك
واشتاقيلي في حروفك
واستني وانتي جمبي
وسيبي جوايا خوفك


وافتحي مصحفي
واقريني في كل آيه
وادعيلي بيها دعوه
واكتبي حروفي روايه

وامشيني جوا حضنك
وسمعيني صوتي منك
ويوم ما أنسى يوم ميلادي
فكريني إنه نفس سنك

وابقي زوريني في كل منام 
و دوّبيني فيكي فِـ بحور الكلام
و إن غبتي عني يومـ ..
متنسيش ترميلي السلامـ

بصي عليا ف السحابه
هتلاقيني ف دموع الغلابه
واحلميني عيل تايه
خايف بيجري م الديابه

دوبي روحي جوا كاسك
وزخرفي بيا تاجك
وإن سألوكي عني
قولي إني أهلك وناسك
جاي يطوفك
جاي يشوفك
وبقى أقرب حراسك

واحكيني حدوته للعيال
وقوليلهم إني عاشق
وقوليلهم إني ليكي
و عشان عنيكي
أموت
بس تدفِّيني
جوا وريد إيديكي
..................
نوّروني هنا ,,
https://www.facebook.com/fantastic.memories

أغنية : إلى زوجتي

" تأليف : المُبدِع " إسلامـ مُسعد 
" تلحين و غناء : المُتميّز " عمرو مندور 

أنشودة رمضان 2014

احضُن أمك قبل النوم 
بوس راسها و إيدها 
هزّر مع أبوك و اضحكلُه 
دا اللحظه ان فاتِت مانقدرش نعيدْها
..
سلِّم على صاحبك بـ ضميييير
و صارِح بنت ملهوفه لـ كلمه 
ماتشيلش فـ قلبك ، ربك كبير
كون أذكىَ و اتعامِل بـ حِكمه 
..
و حاسِب تكسر قلب 
أو تجرَح عين 
محدش عارف بكرا 
هنكون أموات ولا عايشين !!

https://www.facebook.com/DktwrAlshrAlrby?fref=nf

Abdullah Abdelkareem

Popular tracks