حرفيا المهرجان بوظ المزيج

رحمة الله عليك يا ابي ونسئلكم الدعاء 
النص ...
.......
بدفني فيك 
واحييك
تعيش فيا 
خبيت سواد الدنيا ف عنيا 
وفتحت نورك للمشاع تشرب 
مديت وكانت خطوتك اقرب 
مقدرتش اهرب م الجسد قبلك 
او حتى اقبلك قبل ما تسبني 
حتخوني كل حروفي مهما حكيت
لله غيابك عن ضلوع البيت 
لله وجودك ف الكلام عني 
" ابنك ميشبهلكش غير ف الشكل " 
كنت اختصاري لما اقول الاهل 
والسهل وقت ما كل شئ يصعب 
بهرب اليك مني ف وقت الخوف 
بهرب اليك من عجزي وقت الشوف
دلوقتي بهرب للحروف منا 
صوت دعوتك / بوابة الجنة 
والحنة تحت خطاك بتكسي الارض 
كانت صلاتي قصاد غيابك فرض 
وفشلت اكفي سُنتك بعدك 
لله خطوط الصبر فوق ساعدك 
ولا حد ساعدك ف الشقى غيرك 
مغزول يا نور ايامي من خيرك 
ورماني سيرك ف السكك وحدي 
لله شقوق الدمع فوق خدي 
وياريت بكتر الدمع راح اردك
عايش لوحدي وانت مش وحدك 
وياك سنين م الذكر والصلوات 
خطوات ف جوف الفجر للجامع 
راجع تحني الصبح بالدعوات 
كلمات تنور ضلمة الشارع 
رافع جبين العز ف الازمات 
حكايات ترد النبض للسامع 
ولهذا بحسب نفسي م الاموات 
واحسب غيابك رحلة الراجع 
واجع لساني حرف محكتلوش 
واجع عيوني دمع مبكتلوش 
جتلك لبيتك بلعن المسافات 
وعنيك قصاد عيني ومتقبلوش 
كانت ما بينا غربتي ف جسمي 
اسمي اللي لسه تحت حكم الطين 
وانت اللي حر ف رحلة السموات 
ولهذا بحسب نفسي م الاموات 
ملياش دليل ف التوهة غير ضلك 
ضليت وخبت وعمري ما بضلك 
طب ايه فضلك فيا من نفسي 
وانا حتى نفسي فيا من فضلك 
وفاضلي بعدك ايه سوا الاحزان 
انسان مفهوش ما يشبه الانسان 
ملياش مكان الا ف كلام عنك 
او صورة خبت  ضحكتك م الموت 
حتكونلي باقي وكل شئ حيفوت 
وحكون معاك مهما الزمن حيطول 
مستور ف ريحك من جفا الاوقات
ولهذا بحسب نفسي م الاموات 
مهما السنين ف ضلوعي كات حاية
حدفني فيك 
واحييك تعيش فيا 




نُص النهاية - محمود صابر

مزج - التعوُيذة

Khalas - خلاص

ليله من تلك الليالي التي تمر بدونك
صنعت عفن .....غثيان 
4:00 Am 
21/3/2017
التمزج 5 ......

الــتَــمَـــزُجٌ 5 - Nausea

المثلث الاول

المثلث الثاني

(Voice Record - TV Program) | بعض الدموع

(Voice Record - KitKat Moive)| ورحمه أبويا انتَ ظالمني

(رقصة الكلب - فؤاد حداد (إلقاء عصام شوقي

انا قلبى بايش
م الشتا والبحر
انا شعرى هايش
من هوا الكورنيش
انا لسه عايش
ع الغنا والشعر
انا لسه بحضن وحدتى بشويش
انا لسه فاكرك ياللى نستينى
انا لسه فاكر كل شىء بالظبط
اخر قصيده كتبتها فيكى
اخر كلام كان بينا ساعه البعد
كدابه جدا لما قولتيلى
ان انتى عادى هتتنسى بالوقت
او انى هعرف ميه بعديكى
او انى هغزل من عيونهم شعر
او انى هعرف بعد منك اعيش
مقدرتش انسى...بس يامه عرفت
ونسيت صورهم...بس منستكيش
***
ياللى انتى حرف ال رى
ف كمانجه متشائمه
انا لسه بسأل ليه ولساكى مش فاهمه
انا بس بستسمحك
لو يوم نخون بُعدنا
معرفش ايه يجرحك
ف وجودنا مع بعضنا
ياللى انتى مستسلمة
للفرقه دون داعى
تبّت فيكى برغم اوجاعى
ورسمت لينا طريق
ف مشيتى فيه وحدك
ولمحتى قلبى غريق
وممدتيش يدّك
مش بعرف ابقا جريئ
وبخاف وبتلجلج
مبقتش خام علشان ..
جوايا شىء انكسر
و ان كنت صلحته
لازم هيترك اثر
ف ان كنتى وحشانى
ف انا هعرف اتصبر
و ان كنت هنساكى
ف انا قلبى مش دفتر
و ان قلتى يوم نرجع
ف انا بابى مش مفتوح
جايز يكون الشعر
بيّنى ك المجروح
او بان بكا ودموع
او بان كما حشرجه
او صوت مهوش مسموع
منا يعنى طول عمرى
بكدب ف اشعارى
ف ان كنت بكتبلك
ف خلاص كفايه غرور
وان قلت عن حسنك
ف انا كنت شاهد زور
وان قلت حبيتك
ف انا ايوه حبيتك
لكنى مش بعرف
لو يوم ابات مكسور
***
كنتيلى شىء ناقص
وانا كنت تكملتك
كنتيلى شوق وحنين
وانا كنت تنهيدتك
كنتيلى فكره نص
وان جيت وألفتك
وكتبت ليكى وبس
ودى غلطه مش هتعود
ف ان كنت مش هعرف
اكتب سوا ليكى
اسف لمعاليكى
الشعر بطلته
والحب بطلته
قلبى الازاز حنلك
لكنى كسّرته
وجمعت منه فتات
ملكيش مكان جواه
ومسحت منه حجات
تافهه كانت جواه
منها كتير تواريخ
منها اغاني ولبس
وحجات كتير تانيه
وهحطه شهر ف جبس
وهيبقا عال العال
بس المصيبه بقا
ف الفحص والتشخيص
ان القلوب عامةً
ملهاش طرق تجبيس

انا قلبي بايش

لا تهجرني لا تنساني

الموسيقي تغنيك عن العالم و تُبعدك عن وحشتِة.

المثلث الثاني

Shreif El Sayed

Recent comments

Just a human ..

Dina Ali el-tal

Dina Ali el-tal

Related tracks