برومو أبجدية

https://www.facebook.com/tomas.beshai

عشوائية لّم شعرك
خلتني احب اللغبطه
نص عشقك للمظاهر
ملامحك اللي مخاصمه كل مساحيق الجمال
الشبه بينك و بين صحابي الولاد
فـ الجدعنه و المشاكله و العناد
عنيكي اللي دايما باصه علي الجزء المبسوط من الدنيا
شمس بشفايف
قمر متكفهوش السما لو جئ عليه الليل
حكاويكي شبه ونس القهاوي
صوتك ده غنوه من غير ولا مزيكا
ايديكي ك نسمه هوا في يوم الشمس فيه زعلانه
حضنك بحبه مع اني مجربتوش
ك حب المهاجر ل فيزه مش وياه

أنتِ .. اول جزء .. توماس بشاي

خلاص عرفت
عملوا ثورة وشالوا زفت 
بس ما تقوليش خلاص مشوا حمارك !
أى واحد بعده هنخليه حمارنا ..
حتى لو ماكانش إسمه " .. حمارك " !

شعب مين يا جحش إنت ..
هيّ مصر إمتى حكمها شعب ..
مصر بتسلم ودانها لأى كلب ..
بس يتزوق شوية !
شرعية !
ديموقراطية
ليبرالية
عسكرية
أى كلمة فيها " إيّة "
أى كلمة تكون " طرية "

الشباب المصرى منظر ..
كله فاكر نفسه عنتر ..
إنفخوهم إنتوا بس وعظموهم !
فهموهم إن رأيه ده أمانة ..
و إن أى كلام يخالف رأيه أوبا .. يبقى بدأت الخيانة ..
وإفردوا إديكم شوية بالفلوس .. الناس جعانة .

فنانين ! .. فنانين و مثقفين دول عند خالتك ..
دول شحاتين !
يابنى كله قصاد فلوسك ..
راح يبوسك ..

فيه ولد شاعر كويس ..
شوفته مرة بيشتم الريّس ..
طلعوا الولد ده فى الاعلام كتير !
اشتروه حتى لو كان سعره غالى ..

هاتوا رجله واحدة واحدة و بالطريقة ..
و اكسروا عينه وودانه ..
بس إوعوا يحس بينا ..
إديه فلوس .. إدوه كتير !
واحدة واحدة هيبقى واحد م الحمير !

و الحمير واقفين طابور ..
و إحنا مالناش أى دور ..
إحنا بس يادوب بنديهم فلوس !
بس إحنا مش على المسرح يابابا ..
إحنا فين ؟ .. في الكالوس !

هما هيأدوا الوظيفة فرد فرد ..
إحنا هنجيب الديكور و نظبط إضاءة .. يبقى عرض .
هما ثورة و هما شعب .. ياكلوا بعض ..

أما إحنا ..
أحنا نسمة .. إحنا بلسم ..
وحلّنى على بال محد يفوق و يفهم ..

____

- ليه يا شيخنا ..
طب هنعمل إيه يا شيخنا ..
طول ماهو الإعلام فاشخنا .. ( سالخنا )
و إحنا برضو يعنى لسة مسيطرين !
طول ما الناس جعانة و مطحونين !

الجوع جهالة .. و الجهل جوع ..
و الجوامع تحت إيدنا فى البلاد و فى النجوع ..
هى الناس هتفهم " ليبرالية " و " مرقصية " ..
الناس هتفهم " إسلامية " ..

الغلابة فى القرى ما لهمش خلق للحوار ..
دول ناس غلابة !
يا إما " جنة " يا إما " نار " ..

و إحنا طبعاً طرح جنة ..
هى الناس هتاخد دينها عنهم ولا عنا ؟ ..
إحنا اللى بنقول الحرام و إحنا اللى بنقول الحلال !
إحنا اللى هنسوقهم يمين و إحنا اللى هنسوقهم شمال !

الفنانين ..
إن كان ممثل ولا مطرب ولا شاعر !
اللى يناصرنا هنمدحه بالخيرو نذكر اسمه ع المنابر !
و اللى يعادينا يكش ما يكون شيخ بعينا هنقول ده فاجر .. ولا كافر !

و الناس بتمشى ورا الخطب ..
و الجهل ناره قايدة قايدة !
إحنا بس يا دوب هنرميله الحطب ..

___________

- تمام يا فندم ..
كل متظبط و متشيك و متهندم يا فندم ..
هو بعد الناس ما شافت حد ليه وش يتكلم يا فندم ..

طبعا الإعلام بتاعنا وطنى حر ..
إحنا بس خايفين نفتح الخيط للعيال لا الخير يكر ..
دى سحابة صيف يا فندم هتاخد وقتها وعلى طول تمر ..

الرموز الإعلامية ..
الصراحة مية مية ..
و هى دى الديموقراطية ..
إحنا ما معناش مذيع يطلع على القنوات و ينقد ونشتم ..
أحنا بنقفل القنوات يا فندم

الشعب منحاز لينا طبعا ..
بالتمام ..
فنانين و ومثقفين و مطربين .. مفيش كلام ..
أيوة طبعا غنوا لينا !
أيوة غنوا لمصر طبعا يبقى طبعا غنوا لينا !

قالو إيه ؟ قالو :
" مصر يا أما يا سفينة ..
مصر عايشة فى بحر هايج و إحنا ربان السفينة ..
تسلم .. .. تسلم الإيد اللى ربت تسلم الكيكة العجينة "

إحنا مش فاضيين يا فندم للأغانى وللكلام ..
الكلاب هيّ اللى فاضية للنباح !
أما إحنا بتوع سلاح !
________

" الشعر مصلوبٌ على وتر الوريد ..
كفراشةٍ دامت بكل محاجر العهر استفاقت ..
نملة تشتم منسأةِ الرسولِ و ترفع الأحلام شعباً لا يريد ..
وجعٌ على الأباوب يكسر نابه ..
قل للسراب متى سيفتح بابه ..
ف أنا مللت من الحكايا كل ليلٍ دون أن يأتى جديد ..
النيل اّهاتٌ ورمزٌ للجياع ..
خذ كل ما يأتى لتهدأةِ الضباع ..
و أرقض على الأسفلت و أقطل طفلةً لا يعرف العشاق معنى عشقهم إلا بأوقات الوداع ..
الشعر مصلوبٌ على وتر الوريد ..
و أنا على المرسى الطويل ..
كماءِ بحر من حديد .. "

و أنا مياه من نيلك يا بلدى ..
و أنا مياه من طينك يا بلدى ..
أنا مش معهم كلهم !
ولانيش تبعهم كلهم !
لسانى فاكر مشية الكورنيش و إيدك ..
وحشنى رمضانك و الفطور على صوت ادان رفعت و عيدك ..

وسط البلد وحشتنى من غير الحواجز و الحجارة !
أنا كنت زمان بمشى ماكنتش أعرف إن في الشارع وزارة !
كنت بتحامى بعينيكى و بإيد حبيبتى و بالسيجارة !
كنت بدفى أما بركب ميكروباص ..
عملت كل حاجة تزعلك لكنى ما ضربتش رصاص ..

وسط البلد نسيت صوابعى اللى اتهروا ..
نسيت سجايرى الفرط و هدومى اللى دابوا واتبروا ..
يا عم يا بتاع الخطب يا عم يابتاع السلاح !
هو إحنا يعنى يا إما نبقى سداح بداح !
يا إما تضغوا وتفتروا ..
بزيادة لينا 3 سنين بتبيعوا فينا و تشتروا ..

إحنا البلد ..
إحنا السند و المستند ..
إحنا اللى قبل ما تبنى سدك كنا سند ..
و إحنا اللى علشان القنال كانت ضهورنا بتتجلد ..
إحنا البلد ..
ملعون أبو اللى ما ضاقش جوعى !
و إن كنت مش هصعب عليه و الله ما هوريه دموعى !

أنا أقوى منكم ..
أنا جدر ضارب فى البلد دى غصب عنكم ..
يا عم يابتاع السلاح . يا عم يا بتاع الخطب !
تركتوا أصلاً نخل شاخ ولا عاتش بينزل رطب !

أنا مش طرف في خناقة الحكم اللى قفلت قلبكم ..
أنا قلبى مؤمن إن ملك الله بيهبه لمن يهب !
بس إوعى تفتكر إنى هرضى بجوع عيالى ..
أو إنى أشوف بلدى قصادى بتتنهب !

و الله معمولك عمل ..
شعب اتنحس على نحس همى !
شعب اتوقف على حرق دمى !
أدب إيدى في غيط شعور ..
عشمان أنول بدر البدور ..
يطلعلى شال أمى !

لو حد زعلان إنى ثورت ..
أدينى غورت ..
بطلت ثورة و بطلت نيلة
و شلت على راسى التقيلة

ملناش يا عم نصيب نفرح بخلفتنا ..
ما يترضى بالمكتوب يا ترضى بالفتنة ..
يا دوب شافونى عريس
نصبوا الطريق متاريس
وحاصروا زفتنا ..

هندارى ليه و نلف و نداري فى الألاعيب ..
الاعتراف مش عيب ..
لو كنا شوفنا الغيب ..
لا كنا قندلنا ولا كنا زفتنا !

صعبان علية الحلم ..
شايفه بيتكسر ..
و عينيا طايلة المدى
بس الإيدين أقصر ..
أنا اللى عمره ما غاب
و عمره ما إتأخر ..
تطرح عينيكى عذاب
يزرع عينيه سكر ..
أنا اللى قال حاضر
لا شرط ولا إتأمر ..
ولا طمع ولا إتدانى
ولا بطش ولا إتجبر ..
أنا اللي كل ما أجوع
ببعينيكى بتصبّر ..
ما يغركيش العدد
و الله أنا أكتر ..

أنا اللى مش إخوان
و أنا اللى مش عسكر !


Hisham elgakh - Elmokalma _ هشام الجخ - المكالمه

إقـــرئـــيـــنـــي كــلــمـا فــتــشــت
فــي الــصــحــراء عــن قــطــرة مــاء
إقــرأيــنــي كـلــمــا ســدوا عــلــى
الــعـــشــــــاق أبـــــواب الـــــرجـــاء
أنــا لا أكــتــب حــزن امــرأة واحــدة
إنــنــي أكــتــب تـــاريــخ الــنـــسـاء

كلمات نزار قباني اجمل ما قال عن الحب

كلمات : توماس بشاى
غناء : محمود طارق
ألحان : أبانوب شوقى

وحب كتير ومتحبش

كلمات : نبيل عبد الحميد 
أداء صوتى :كريم قاسم سرور 
--------------------------
ساب المُنشار
دق المسمار
بَص على زبُونُه
متردد
ينطق أو يسكُت
محتار ..
- أؤمُر
- شُكراً
- ترابيزه / دولاب ؟
- لا أبداً .. أنا عايز باب ..
جربت كتير أبواب لكن
ولا واحد كان نافع بيننا ..
و إن جِه مظبوط لازم برضُه
في الآخر يطلع فيه سِنّه ..
لو كنا واربنا الباب يمكن
كان يفضل م الهوا سرسوب ..
كان ممكن أتوب ..
كان ممكن يبقى المكتوب
إن إحنا نحافظ على بابنا ..
كان ممكن نتعب
و نكمّل
و هنوصل
على أد تعبنا ..
سرسوب الهوا قَفَلُه و سابنا
إتنين و مابينهم
باب مقفول ..
أنا يعني بقول
لو ينفع أجرّب باب تاني
يفتح على كل اللي ما بيننا
لو حتى هيطلع فيه سِنّه
وانا هقفل و افتح بحساب ..
- كان نفسي أساعدك صدقني
أنا آسف
كان آخر باب ...

آخر باب

سراح ما بين خطوتك - محمد الحمامى - أداء مى سعيد

والله ما طلعت شمسٌ ولا غربت , إلا و حبّك مقرُونٌ بأنفاسي

#الكلمات

حظِك كده .. حظِك كده
مكتوب عليك تحبى واحد قلبه صدى
لا الفرحه تقدر تنعشه ولا حزن يقدر يرعشه
ولا نكته حتى تفرفشه ولا حتى خضه
مع ان قلبك من دهب مكتوب عليكى تحبى واحد قلبه فضه
حظك كده

كل البنات اللى فى حياتى قبلك أستنونى نمت وغدروا بي
عِدىَ جوابات الغرام اللى فى دولابى
شوفى كام مره اتغابيت وفتحت بابى
مره بيضه ومره سمره
دى الطويله ودى التخينه
وأردنيه ومغربيه وفى الروسيه
وفى العجوزة ..وفى الصبيه
وفى النهايه الكل بردك غدروا بيه
أحتمال العجز فيه

المهم انى خلاص ما بجتش قادر أحب تانى
جسمى نحس من السهر والانتظار ومن الاغانى.
انتى اجمل واحده حبتنى فى حياتى
رقه الكلمه فى شفايفك
الخيال اللى محاوطنى ومحصرنى وأنت غايبه
كأنى شايفك

العيون المعجزات اللى بخاف أرفع عينيه
يغضب المولى عليه
والله ما أنا عارفلى خوف
أنا ببقى خايف ربى ولا ببقى خايفك

أنتى بكر.............كل حاجه فيك بكر
الشوارع والمدرج والأمانى
جوه منك لسه بكر
أما أنا جيش من الحريم استهلكونى
يا ما رقدوا و يا ما لعبوا ويا ما سكنوا
فيه إيجار وفيه إللى ملك
وفيه خدتنى وضع يد
صبحت حكر
وأنت بكر
طب هاينفع؟
عارف أنها مش خطئتك
انى عيشتى معقده
بس اعمل ايه
حظك كدة

هشام الجخ_حظك كدة HQ

شايفك يا صاحبي رغم انك مش هنا

عموما كنتى قولى انِك هتمشي 
كنت حتى حاولت أشوف لمشاعري ديه 
هو يعنى الفرقة جايز تبقى صعبة 
واللى أصعب من الفراق هو القضية 
انى اشتاقلك وانا ممشيتش لسه 
وانى بعت الدنيا بس عشانها هى 
هى مش كانت مجرد بس فترة 
هى كانت دنيا متلقش الا بيا 
صدقينى اللى أصعب من فراقك 
انى اشوف الكون بحاله بعد منك تمثليه 
وانى اشوفك كون بداله !
واما بس المس خيالك القى روحى مرتحاله 
وابتسم واضحك قُباله
واما ارفض انى اعيش من بعد منك 
تضحك الأيام عليا وتتولد أيام زيادة 
علمونا زمان فى بتنا إن كُتر الفعل بِتحول لعادة 
وان لو بتحب تضحك ينكسر حزنك زيادة 
لو تحب القهوة مثلا حبها والطعم سادة 
وان كتر الشئ بيتحول لضده 
فاللى حبوا القهوة جداً قبل نومهم بستعدوا 
يقعدوا الساعات يشدوا فـ طرف نومهم 
واللى حبوا فى السجاره النفس بيزيد مرارة 
وكل يوم نفس المرارة وكل يوم عن يوم يشدوا 
ولسه بتشد فـ همومهم

وانتى زي كل دولا بل وأكتر
كل يوم كنت بصحى الصبح أسمع صوتك انتى 
نرغى يوميا ونطلع من حكاية لمية حكايه 
نيجى وقت النوم ليلاتى تقفلى الحكايات معايا 
فتزورينى فى عز نومى 
أصحى بدري ألقى ريحتك أهي فـ هدومى 
كنت بعشق كل حاجه حتى صوت أنفاس سكوتك
أصحى بدري أبدأ الأيام بصوتك
نرغى يوميا ونطلع من حكاية لمية حكايه
نيجى وقت النوم ليلاتى تقفلى الحكايات معايا
كل يوم والعشق يكبر فجأة تتحول لعادة
والحقيقة 
فيه حاجات تتحس أحسن ـ كل مرة ـ فى الإعادة 
في حقيقة انا نفسي أقولها كنتى تتحبي بزيادة 
واحنا قولنا ان كتر الشئ بيتحول لضده 
غلطتى لما عشقتك كنت بسمع صوت منادي 
كل يوم بنحب أكتر كان يزعق "إستعدوا " 
لموا خطواتكم ومدوا 
كنت بضحك كل ليله تمر بينا واحنا حاضنين بعضنا 
كنت اروح أرض المنادي واقوله ها هتحبنا ؟
لسه عاشقين بعضنا وكل يوم بنزيد مودة 
يضحك الراجل يقولى : 
"بص سيبك م اللى عدي "
استعدوا للى جاي 
ثم يمسك بين صوابعه بوصة تتحول لناي 
يعزف الحته الحزينه 
كنت ببكى ساعتها برضوا بس مش ببكى علينا 
كنت بستسلم لعايط جوه نايه 
كنت ببكى وكل حته فيه بتبكى 
مش عشاننا لأ عشانه 
وامشي أقول 
" هل هييجى يوم ونبعد بعد كل الحب ده ؟!"
وافضل ارسم فى السيناريو وشكلنا 
لما تيجى ساعة فراقنا هل هنحضن بعضنا؟
هل هنفقد حبنا 
وانتى دقة قلبى والروح والفدا 
ثم افتكر المنادي واقول لروحى "هو ليه بطل ندا ؟!"
واشوط برجلى فى الزلط والكون يضيق 
مين ساعتها غمى عينى عن الطريق
قلبي كان لساه بريئ 
كان بِشوف كل اللى يعرفهم "صديق "
يحكى ليهم ع اللى جواه باستفاضه 
كان بريئ بس بزيادة 
واحنا قولنا ان كتر الشئ بيتحول لضده 
لسه صوته وهو واقف بينا بيقول استعدوا 
جه ملاك الموت وزارها 
القدر كان له قراره بس كان عكس لقرارها 
هى كانت حابه تفضل جوه قلبي كالجناينى 
تزرع الورد بإيديها واما يزهر تقطفه 
كان عليها براءة تامة أي قلب بتخطفه 
ست شاطرة 
كات بسرعة تلم حزنى وتغسله 
وألقى وشي ده فى وجودها وروحى فجأة تبدلوا 
تفرش الساعات جرايد تمد إيدها لبق روحى تأكله 
وتقوم بسرعة 
هى كانت ضحكة زارعة فـ كل شئ وفكل شئ تلاقيها بارعة
هى كانت حابه تفضل والقدر كات ريحه قالعه
هى كانت فى الحقيقة بيت ومرسي 
صعب جداً إنى اعيش أيامى وانسي 
وانى اشوف الدنيا دونها وأي دون 
وانى اعيش من غير عينيها ...طب وعينها كانت عيون ؟!
عينها كانت بيت مفصل روحه ليا 
كات مهندس 
روحها مبتعرفش تهدم كات بتبني 
تبنى فى الروح القناعة 
وكات عنيها تملى حلوة وفيها لمعة 
زي عين أطفال مدارس فى الإذاعة 
مرة لو محتاج مشاعر تبقي شاعر 
تظبط القافيه بإيديها 
توزن الحرف بعنيها 
هى بسم الله عليها 
لو لقتنى حابب انى اسمع أغانى 
كات تقولى أنا كلى ملكك 
وام كلثوم أو حليم 
كات تملى فى كل حاجه حب بالشكل العظيم
صوتها كان أنغام موسيقى 
عزف بالشكل السليم
تلقى روحك جوه منك لما تعزف هى هادية 
روحها اصلا وردة نادية فرح مبيعرفش ضيم 
ضحكها كان سُكر بين 
خدها بالزهر بين صف لولى 
والعيون ياما قالولى حتى قبل ما ينطقوا 
كنت بسمع صوت عيونك لأ وعينى يصدقوا 
حضنهم كان حضن عين 
لما قال للحلوة موتى 
اللى بان للناس سكوتى وانكسر قلبي الحزين 
اتقلب فجأة اللى زايد واللى أزود م الزيادة 
والحياة مبقتش حلوة لأ سادة 
بس موتى 
صدقينى اللى ماتت روحى قبلك واللى حسيت بيه سكوتى 
غزة واترشقت فى ضلعى من يوميها ...
قلبي مبقاش حملة غزة 
والحياة والموت حاليا يحملوا نفس المعزة 
بس أضمن انى أجيلك واحضنك وارتاح شوية 
لما قال للحلوة موتى كنت انا لوحدي الضحية
#محمدكحيله

قصيدة كنتي قولي انك هاتمشي للشاعر محمد كحيله.mp3

كان طفل صغير لكن كنت تشوفه تقول

ليه سابق سنه وليه محتار البال على طول مشغول

كان نفسه حكاية في غنوة تخلي الحب يعود


 
خليكوا شهود هيعود لازم هيعود

وكبرت وشوفت خلاص احلامي مع الايام

مابقاش في الايام خوف بقى فيها خير وسلام يا سلام

HemaFTW

حمزه نمره حكايه طفل لكن كنت تشوفه 2019

تتذكر لما كنا أصحاب ؟ " الجزأ الثاني "

هشام الجخ - مفيش بين الأرانب والسباع أنساب ولو ع الحب ياما اتفرقت أحباب 

هشام الجخ - مفيش بين الأرانب والسباع أنساب ولو ع الحب ياما اتفرقت أحباب 💔 HishamElgakh

من سكون الليل و صورتك

  ان عشت عش حرا .. أو مت كالأشجار وقوفا  

Radio Station

و أما نصرةُ الحقّ و إعلاءُ مناره ، و طمسُ الباطلِ و خذلانُ آثاره ، فهو أمرٌ قد التزمناهُ فى كُلِّ فَنٍّ .

"ابن النفيس

سراح ما بين خطوتك - محمد الحمامى - أداء مى سعيد

Abgadyya

Related tracks