مِتضادّين و حبّيتها                                        كتيبة : سيف الزين   إلقاء : عبير حمدي

تعرفها ..تعرف شواطنها تعرف الغربان السود الي تتحط على اكتافها كي تثقل سوايع الليل 
تعرف الكسر الي على جناحها و خيوطو والزروقيه على حروفو ..تعرف ضحكة عينيها كي تلغلغ مالحسره ..تعرف تتليفة شفايفها كي تبلع كلام شايح و تشرق بالمعنى ..تعرف مخدتها و كيفاش تكبش فيها و تراس صوابعها و لهفة دمعتها تعرف لون حيوطها و كيفا تتلف على بدنها تتلحف بغصتها و ترقد ملفوفة في كفنها ..
تعرف تهلويسها كوابيسها كي تصيح بين لغطا باش صوتها ما يطلعش و ما يسمع حد خوفها و حسها تعرف الي يستناوها في الليل على فرش كي القبر مسودين ملودين يديهم رزان و عينيهم محوقين يشدوها من شعرها يرقدوها بالغصب و يكبسو على خنقتها يخبشولها عينيها يسيل ماهم على جفنها يحرقها بدنها يقصولها شفايفها يجبدو شوافرها ينفخو الرعب في سحنتها يكتبو اساميهم بالخمسة والملح على جرحها و هي تتبسم و صوتها مكسر و صوتها ما يوصلش 
و غدوة تفيق يكبشو في حوايجها سيبوني خرجوني بعدوني حد ما يسمعها يكملو لعبتهم بدمها بسمهم يجري على حلقها تعرفهم كي ياقفو يمشطو خسايلهم الظلام على كتافها و عينيهم حمر و جلدهم احرش ووجوهم تخوفها ترعبها تشوشها و صياحهم ما ياقفش ..
تعرف عركها مرجها والي مخبي وراه و تعرف قوتها كي تشق على قلبها و تبكيك رهافتها نوار روحها والخريف على جلدها و شتاها الي ما تقراهش الارواح الي سقاتها بمعزتها ..
انت تعرفها تعرف شمسها تعرف صباحها ..اما ليلها ليها ليلها ليها وحدها 
ليلها بنجومو بكلامو بسكاتو بحكاياتو المطوية المخبيه في حكايات ما تغهمها كان هي 
Une pensée aux depressifs /ves , aux solitaires , aux phobiques , aux victimes d'hallucination , d'illusions , d'anxiété , une pensée aux anorexiques , aux sociopathes et la liste et longue ..
للي ما فهمكم حد و ضحكو عليكم 
للي قالولكم تمثلو علينا و لا زادو عليكم 
ما تخافوش ما تتهدوش ما تسمعو كلام حد و حاربو شواطنكم وحدكم ..بالجهد الي عندكم بالروح الي ماليتكم .. ما تخافوش ما ماكمش وحدكم ..ديما فما تركينة دفا تساعكم ..
<3 

حثلة شواطن (Maladies mentales et souffrance )


عجاج ..
تراتيل بالعبرية..
صوتي طافي كي رغوة قهوة بردت ، والليل سخون و الريح خطاوي خطاوي مزروبه ..خطاوي تشق ثنايا مكتوبه و غبره معبية بفتارش الارض ..ريحة التراب تبغبش الروح قبل العين ..المطر ندوة والليل صحوة ..في راسي تزنزين ..حس ..حس ..الريتم قوي الريتم كفر تقول روتين ..تقول سكينه تشق جبين ..
ريح لسانو طويل ..ريح يدوح تخميره سابل شعرو راشق قدو مسطر قوامو تسطيره حره ..معلق على جناحو جره فيها من كيسان لقلوب المغمومه ..و الكبده لمشومه والخنقه في القرجومه ..
قلبت الموزيكا القناة إلي كان فيها تراتيل ولات فيها ناي و غنايه بلغه غريبه عالارجح فارسيه أما شجن يحير الميت مالكفن ..نحب نعنق روحي في هالليل نغطيني ..
يا ريح دوي دوي شغشبني عذبني ما نحبش نخمم ..وجاعة الرأس ولا دا النفوس ....

عجاج..

! حلمت بك
هل تكفي هذه الكلمة هدية بمناسبة السّنة الجديدة...
حلمت بك..
كعادتك صامتا، لا تقول شيئا..وحدها خطاك في المكان تجلس حيث لا أناي، و أقف حيث لا أناك...
حتّى في الحلم لا تحدث الرؤية و لا يسعنا المكان..
أنا نصف السّعة و أنت اللّتر الفائض في الغياب لا تلقفك يدي و لا يجفّفك طرف فستاني المبلول..
اللغة في الحلم بيضاء جدا..لا نقاط و لا استفهام و لا بشائر معنى
شبه منحرفة نحو الكتمان! أكان من اللازم أن يموت الصوت أيضا و أن يتخلخل الأمان..
حلمت بك..
زائرا تعود نفسك و تترك مرضي وحيدا على سرير بأرجل ثلاث..
غطاء ممزّق تدلّى دفؤه 
تآكلت حباله..
على طاولة قريبة جدا...نرد حزين بنقطة واااحدة يلفظ فرصته الأخيرة بين يدي حلم عابث.
حلمت بك..
ظل وجهك المرسوم على الجدار... لا يأتي بملامحك أبدا..
هذا الظل.. شجرة مقتولة عصروا فاكهتها في الظلام..
"صلصلوا" أغصانها
باعوها لأصابعي العشرة تعجنها أعشاشا لملامحك التي طارت
طارت
و لم تحطّ أبدا 
كلمات : منيه فرجاني

حُلُم ~عبير~

أنت أيضاً تُباع وتشترى كعدو في صندوق الأديان والمذاهب ..
وكذلك في صندوق البشرة ، وصندوق اللغة ، وصندوق العشيرة ، وصندوق الاهتمامات ، وحتى في صندوق الهرمونات أنت عدو

صندقة / أغلب المرات التي تصبح فيها عدواً هي ليست من خيارك ولا بمعرفتك-بقلم ميثم راضي

أن تفقد أحداً .. يعني انه كتب عليك وللأبد أن تتحمل طعم شجرة الصبار والتي تنبت على شفتيك وأن تكحل عينيك بـالملح كل صباح .. وأن تحمل الشتاء في داخلك في عز الصيف !
أن تفقد أحداً .. معناه أن تقوم بإعادة طباعة الحروف التي سقطت من كتاب الأجل ......
وأن تحاول التكيف مع وضع قلبك الجديد الذي أصبح مربع الشكل..!
أن تفقد أحداً .. معناه أن الحزن قد قام بسرقة ثلاثة أرباع روحك ..
وأن غصن الشجرة التي ترتاح عندها من عناء رحلة التحليق قد كسر ..
وأن الظمأ استعبدك وأنت في وسط نبع ماء ..
وأن تقتنع أخيرا بأن الليل لا لون له!
أن تفقد أحداً .. يعني أنك أضعت الدرب الذي يؤدي إلى طرق نفس الباب ...
وأن أجمل كتاب لديك لن تستطيع قراءته مرة أخرى !
أن تفقد أحداً .. معناه ان تنام كل ليله على نصل الذكرى ... المزروع في يمين خاصرتك ...
ومعناه أن تشرب اللامعنى حتى الثمالة .. ومعناه أن تستسلم وسط الحروب الدائرة بين الوقت والساعة !!!!
أن تفقد أحداً .. معناه أن فصل الربيع قد ترك الزهور لفصل الخريف .. ويأتي فصل الخريف ليحتل قلبك وبقية حياتك ..
أن تفقد أحداً .. معناه ان تكون العين بلا فائدة ... حين تستيقظ ولا ترى من تحب أمامك.
لمــــــــاذا لا نعرف قيمة من نحبّ إلا حين يغادرون؟
ولماذا نتعلق بأي شيء منهم ......... بعد رحيلهم 
منقول.

Clochette

Popular tracks