ياما قلنا .. ياما حكينا ــ
 نص : خالد الحمروني (أبو شادي) والطيب بوعلاق 
ــــــــــــــــــــــــــــــــــــــــــــــــــــــــ
ياما ڨلنا .. ياما حكينا
ياما طْرَزْنا في لْيالينا
لا الطّرز تْهرَّى لا بادْ
لا باد الضَّـيْ بْعينينـا
***
ياما ڨلنا فُكُّوا الڨمرة
من جَرح اللّيل وْخَبّوها
عالنّاس إلِّي ما يْحِبّوها ،
وْياما ڨُلنا خبُّوا الجَمْرة
طَيِّ الغُنَّايَة وْغَنُّوها
يْجِي نْهار وْلازم تلڨُوها ،
تلڨُوهـــا في ڨلب الميناء
وِالملح مْعَرّڨْ في سْفينة
تلڨُوهـــا في الحقل الغافي
في هَبِّةْ فلّاحُه الحافي
في مَنْجَمْ .. مَصْنَعْ بَاكْتَافِي
وَاكْتاف أسْلافي بانِينَــــه
وْياما ڨُلنا .. ياما حْكينا
***
ياما ڨُلنا فُكُّوا الحِلْمَة
من كلمة وْسَمُّوها بْلادْ
وَامْلُوها بْضحكِةْ لُولادْ
ياما ڨُلنا حُطُّوا النَّجْمَة
حِذْوِ النَّجْمَة وْعَدُّوا الوادْ
للخَضْرا غَضِّةْ الَأنْهادْ
مازالتْ تُمْشُطْ في فكرة
تنسج وِتْفَتّڨْ في ذكرى
مازالت تزرع في نخلة
في الْبَرّ وْتِحلِفْ ما يَخْلَى
تحلم بالشَّمس وْلا أحْلَى
مِنْ شَمْسَة في ڨَبْضْ يْدِينا
وْياما ڨُلنا .. ياما حْكِينا
***
وْيا طَرْزِ الكلمة وِالمَعْنَى
يا فكر وْساعِدْ عَرَّاڨْ
ما تْخاف اللّيل الوَهّاڨْ
وْحتَّى لُو الْوَحْشَة تُوجَعْنا
وْجايَعْنا منبع دَفّاڨْ
بالوَعْيْ الهادر ، وِرْفاڨْ
تْحِلِّ العُڨدة .. تْمِد شْراعْ
وِتْجيب الحق إلّي ضاعْ
تْمِدِّ الخَطوة .. تْفِيضْ خْضارْ
وِتْجيب مْنِ اللّيل نْهارْ
تِحْمِلْ ، تِتْحَمِّلْ لَوْزارْ
ولا تْڨُول تعبنا وْلا عْيِينا
وْيا خضرا
لا طَرْزِكْ بادْ
وْلا باد الضَّيْ بْعِينينا
وْياما ڨلنا ... ياما ڨلنا

ياما ڨلنا ياما حكينا ـ نص للطيب بوعلاق وخالد الحمروني أبو شادي

وائل_جسار_طربيات_ساعة_من_الطرب(128k).m4a

حصرى - ديويتو شيرين و ويجز 2022 _ Duet Shirine Ft Wegz (192 kbps).mp3

فتح بابه ونداني 2023 عبدالله الصافي باحساس عالي2023

فارس في ناس بتكون.mp3

Quédate! No Dejes Que Me Desvanezca! Historia de AMOR! No SK VIII Música Española

 de Ali OKUR MEDYA KONYA PR MUSIC 15 11 2025 (008) 4.16

Quédate! No Dejes Que Me Desvanezca! Historia de AMOR! No SK VIII Música Española (008) 4.16

مهرجان الدنيا ملهاش عازا - غناء كريم شيندى - راسم - توزيع عمرو اركديا
الموضوع دا جامد

حصرى - ديويتو شيرين و ويجز 2022 _ Duet Shirine Ft Wegz (192 kbps).mp3

Abo Darsh

Related tracks