شايلك في مشوارى.mp3

خليط من الموسيقى التراثيه (الفلكلور الصعيدى المصرى) وبعض اعمال الفنان الرائع الموسيقار دكتور ياسر عبد الرحمن 

اتمنى تستمتعوا وتعجبكم :)

رووووووووعه Upper Egypt Pain_مزج صعيدي وياسر عبد الرحمن  الم

مشهد الام "هملت" من فيلم اسكندرية ليه ؟!! اداء محسن محي الدين

واحسرتى ضاع الزمان ولم افز
منكم اهيل مودتى بلقاء 
وكفى غرام ان ابيت متيم
شوقى امامى والقضاء وراء

واحسرتى ... ضاع الزمان ولم افز


أختى العزيزه اللى ماباعرفش اسمها
لكن باشوفها اليوم بحاله
قصادى ع السلم
بعد التحيه والسلام:
باكلمك من شقة احمد بيه عليش
فأنا باحبك ليه ؟ مانيش عارفه
يمكن عشان مانتى مكافحه وطيبه
أو أى شىء
وباحسدك
حقيقى والله باحسدك
يمكن فى دى ماتصدقيش
يمكن تقولى - عنى - يعنى ازاى كده
حالتى ( الماليه ) كويسه
وعيشتى عال
ان قلت آى
تلقى الجميع حواليا يجرى
وألف دكتور جاى حداى
وبانام على فراش وثير
بيغسلوا شعرى بكلونيا
كلونيا م المستورده
والبس فيونكات من حرير
ولا عمل ليا وأكلى
آخده ساعات ع السفره
وساعات فى السرير
عايشه ف نعيم لكنه سجن
وانتى حره وملك نفسك صدقينى
نعيمى سجن
لكن انتى منطلقه فى حياتك ياصديقتى الطيبه
صحيح يا أختى مظهرك مظهر فقير
وصحيح بتشقى لاجل عضمه
كتير باشوفك وانتى عايشه يوم مرير
أطفال تطاردك والخدم والبوابين
لكن باشوفك فى النهايه قطه حره
أنا ساعات وساعات كتير
بامرض لانى عاجزه امارس الخروج والجرى بره
لا معنى للقمه اذا ماكانتشى حلوه مره
مره مره
لا معنى للحياه اذا
ماكانتشى رحله جميله بين الحزن والمسره
أنا باحسدك على صحتك
فأنا تمللى فى مرض
لكن انتى دايما شابه وقويه وسعيده 
وفى النهايه
ربنا يديمها عليكى عيشه
وربنا يديمها عليكى صحه
اما أنا
فأدينى محبوسه هنا
وكأنه مكتوب لى أعيش
فى عياده أو مصحه
أختك 
القطه
اللى فى الشباك اللى قصادك



من قطة سلالم الخدم الى قطة الشقه

أكتب اليكى من هنا
يام الفيونكات والضفاير الشيك
من المطر والبرد والاهانه من هنا
انتى يابيضه ياطريه
وياللى طاله عليا من ورا الستاير
ياللى بتشربى العصير
وتدخنى السجاير
ياللى متابعانى بعنيكى كل يوم
من قصرك العالى العظيم
وانا بانتحر طلوع نزول على الدرج
وف طلعتى وف نزلتى
بالمح عينيكى اللى متابعانى
كأنهم سيخين حديد
بتغرزيهم تحت جلدى اللى صبح ورق
فاعرف بأنى فى عينيكى فرجه من ضمن الفرج
فى رحلتى اليوميه
من أعلى الى أوطى الدرج
فرجه جميله مسليه
كأنى نمره ف سيرك أو
بلياتشو على شاشة تليفزيون
أو أغنيه
اتعودت عينيكى تتسلى بيا
الصبح بدرى وانا واقفه فى انتظار العم سالم
فى أسفل السلالم
يفتح ماسورة الزباله لى وله
لا أبتسم ولا أسأله
انا وهوه قطتين
بنعيش على هوامش العماره
لا ليا أسره ولا معاش
ولا عمل ولا فراش ولا سيجاره
ماعرفش امتى راح تقع فى ايديا عضمه طازه
أو تيجى فى ايدين عمى سالم
بقيه من سيجاره
وساعات ييجم قطط كتير
ساعة ما سالم يفتح المخزن دهه
اللى ف نهاية المواسير
ألمح عينيكى بتبتسم ساعة العراك
تنبسطى من منظرنا ده وكأننا فى السيما
تتعلمى من حربنا المهاره
واسمع ساعات الضحكه م الشباك
واستغرب ازاااى احنا قطتين
جايين لدنيتنا دهه من بعض
انتى اذن بتحسدينى ع الحياه دهه ؟؟
لانى حره وابصر ايه
كل الكلام ده اللى انتى قايلاه فى الجواب
انى فقيره لكن سعيده
وعمرى ماأعيا والحاجات دى كلها ؟
طيب خلاص
تعالى ابقى معانا حره ف رحلة الالم
بدال ماقاعده تنزفى حسره وندم
بخطوتين على القدم
تبقى معانا حره فوق سلالم الخدم
ايه ؟ قلتى ايه ؟
بدال ما قاعده من ورا الستاير الحرير متمدده
وبابتسامتك المتنكده
لكن أنا متأكده
انه اذا حاولنا ناخدك عندنا
أو احنا جينا عندكم
حتدافعى عن هذا المكان للموت كلام
حريه قال
ماباكلشى انا من الكلام ده صدقى
فخبرة الرتاح غير خبرة الشقى
وبافهم الحريه غير كده
بافهمها لقمه كريمه بيت طيب دفا
تنفعنا ايه كلمة تمجد الوقوف تحت المطر
طالعه لنا من تحت الغطا والألحفه ؟؟
الفقر حريه ؟
صحيح منطق غريب
لكن مانيش شايفاه غريب فى ذلك الكون العجيب
انتى مريضه ؟ اما أنا ؟؟
الفرق ان انتى الطبيب شافك وانا
فين الطبيب اللى ييجى يشوفنى هنا ؟؟
ده حيكتشف فيا مرض
عمره ما صادفه لاف شقق ولا أوض
....................
بقى موضه دلوقت الغناى
يزينوا للفقرا شكل الفقر علشان تفضلوا
تعيشوا انتو فى الترف وفى النعيم
ونتقتل احنا هنا
على سلالم الخدم
واحنا بنبتسم
قطة السلالم

عبد الرحمن الأبنودي - من ديوان بعد التحية و السلام - من قطة في شقة الى قطة على سلالم الخدم

رثاء - موزار المصرى

الكابريس (او الكابريشيو) قالب موسيقي آلي بيغلب عليه الارتجال وعدم الالتزام بوزن محدد

كابريس - محمد القصبجي

تاه مني - برّين

فرقة اسكندريلا ... صوت الثورة المصرية .... اشهر الأغاني  ... راجعين .. صفحة جديدة ... حق الشهدا ... حيوا أهل الشام ... بالعبري الفصيح .... يحكى أن ... يا مصر قومي .... بشويش ... ده جنب ده ... مصر جميلة ... الحضرة الزكية .... مين اللي يقدر ساعة يحبس مصر ... البحر بيضحك ليه ... وغيرها ... 

اسكندريلا - البحر بيضحك ليه

هجرني حبيبي ~ غادة شبير

يما مويل الهوى يما مويليا 
طعن الخناجر ولا حكم الخسيس فيا
الصبر حلم العواجز يطرح زهور الأماني 
والقهرعدى الحواجز وانا اللي واقف مكاني 
شايف غيطان البشاير خايف وكانهن ايدي 
عدا الحمام اللي طاير مرضيش يرفرف علي
سألت شيخ الطريقة مارضيش يجاوب سؤالي 
ودارا عني الحقيقة وفاتني حاير في حالي 
سألت شيخ الأطبا  دوا الجراح اللي بي 
نظرلي نظرة محبة وقال دواي ف أيدي
يا مصر ونتي الحبيبة وانتي اغترابي وشقاي 
أنتي الجراح الرهيبة وانتي اللي عندك دواي 
علمني حبك عبارة سهلة وبسيطة وعفية 
شرط المحبة الجسارة شرع القلوب الوفية


كلمات: احمد فؤاد نجم 
ألحان: الشيخ امام

واحسرتى ... ضاع الزمان ولم افز

Samer Elkady

Recent comments

Ahmed Mohamed

Related tracks