حنا تحملنا بعض شوق ومسافات وحنين

‎⁨تحين ساعات الزعل متى سعادتنا تحين؟⁩

لي أيام مدري وين دارك ولا ادري ليه 
وانا خابر اني باب شفك ومزلاجه 
غياب بـلا سبّه هجاد بـلا تنبيه
وجفا أغلا العرب نار ٍ على الكبد وهّاجه
نضج قلبي من البعـد وش حاجتك تكويه
جفاك الجمر والصبر فـي بعدك الصاجه 
طبع حبك بقلبي والايام ما تمحيه
هـذا هجرك يحاول يموجه ولا ماجه 
يموت الامل لكن ضنون الغلا تحييه 
وعروق الوفا فالروح والقلب وجّاجه 
خبرتوا حـد ٍ يبكـي علـى واحد يبكيـه
وخبرتوا حدٍ مسجون مايبغي افراجه
احبه ولا ابغضته على شي إيسويه
ولا زالـت أرقاب الرجا فيه منعاجه 
عسى منزل ٍ ضمه حقوق الوسم تسقيه 
وتضحك له الدنيا وهـو يضحك أحجاجـه 
فقد خاطري شيٍ مـن الضيقه امسلّيه
وغدت روحي من النـاس والليـل هجّاجه 
اروح لمكانٍ خابـره خابـره ياتـيـه
اسوق القدم صوبه وهي مالها حاجه 
مكـان ٍ نزيـه وأول مواجهي له فيه 
وانا خابـر ٍ مارجل مثله بـدواجه 
لعل وعسى ما حدني للمجي يدعيه 
واشوفه وانا ماودي اسبب احراجه 
يحب الجريح اخـر دروب اللقاء ويجيه 
وتحب القدم جيّـة مكان اول مواجه
كان الامل اني مع الوقت بنساك
ياما نسيت امالي ولا نسيتك
واليوم يا بعدك يا بعد ويا صعب لقياك
لكني ابحث عنك لا من بكيتك
قد قالو ان الحي مع دور الافلاك
عينه تشوف الحي وينك بغيتك
اعيش هذا الحاضر بظل ذكراك
غصب علي تطري ولو ما طريتك
واليا طريت اسلى وافتش هداياك
واعيش واتذكر وش الي هديتك
انا فقدت مصافحة كف يمناك
وانا عشقت اول مكان التقيتك
وش حيلتي عمري مضى واتحراك
وش حيلتي وانا الذي مارويتك
وجدي على شوفك وقربك ولامان
ولبيه فاقدها ليا من دعيتك
بس ماودي اقول هذي
يا عيد سود العيون استنكرن منّي
وشلون ابارجع وارجّع وقتي الماضي
اسأل عن حاله ما سائلن عنّي
يا عيد لي صاحبٍ فاتن وفاتنّي
والحال منّي قضى وأنا قاضي
يا عيد أنا مولعٍ بصغير السنّي
ولو مبسمه سمّ قبّلته وانا راضي
خلف بن هذال
يمسيك بالخير ياموضوعي الاول 
انت السبايب ورى موضوعي الثاني 
لولاك ماكان للشارع ولا ميزه 
يا احلا مواعيدي ووصلي وحرماني 
يا اوفى العلاقات في زحمه علاقاتي 
جعلك بعد كل من جاني وخلاني 
جعلك بعد كل من جيته وخليته 
يا اخر محطاتي واخيير خلاني 
ياضحكه الباكر اللي ماتوقعته 
ياملغيه كل ماضي عشق بكاني 
ماقبل حبك محبه وسعة صدري 
حبك عطاني ويوم اعطاني اغناني 
(عبدالله علوش)
على وليف ٍ قسم ظنوني اقسام
واقفى وانا ما اعرف طرد المقفين
راح وترك في صدري وسوم واعلام
وصى علي طيفه وقفى بقلبين
ليته تعذّر كان ماهوب منلام
بعد ماشاف الدرب بيصير دربين
اشوى عليه شوي من عظ الابهام
واشوى علي شوي من دمعة البين
تمشي بنا الاقدام والموت قدام
وميعادنا يامفرق اثنين بعدين
ياعين لا تبكين وعيونه تنام
عادش الى ماخاب ظني بترضين 
لو الدموع تفيد فادن الايتام
ولو الكلام يفيد عادت فلسطين
ولو النبات يطلعه دمعة هيام
شفتوا على وجهي ورود وبساتين
الحب سجن وبعد الاحباب الاعدام 
وقلوبنا السجان ماادري مساجين
الحب نوم عمره شهور واعوام
وان قمت افهمها فراق وسهر عين
وانا تراي انعست من مدة ايام
لحدن يصحيني يالاقدار  تكفين
شلون تهجرني وأنا مالي على الهجر إحتمال
وشلون تهملني وأنا مانيب أطيق اهمالها
شلون تقطعني بسيف البعد قطاع الوصال
وأنا لو أقطع عرق قلبي ماقطعت وصالها
وشلون ماتشتاق؟ ماترحم؟ ماتذكر؟ ماتسال؟
وشلون ماتطلق يدينين كبلت بأغلالها
وشلون مايطري عليها لاتفيت في الظلال
متشبثن لاوقفت جنبه قعد بظلالها
لو المفارق صعب والنسيان ضرب من الخيال
إرخاي راسي لايروق لها ولا يحلا لها
(مدغم ابو شيبه)لاباحك الله هجر وذنوبك ذنوب
ماتدري انك رحت وغيابك غياب
يعني حرام اني من الحب ماتوب
عاتب وطلعني على طول كذاب
اشره علي بأية لغة بأية اسلوب
اضحك يفوح الكون زنبق وعناب
سولف يبوح ايلول للثلج ويذوب
تعال باقي لي هنا جرح ماطاب
جرحٍ على خبرك من العام ملهوب
(فهد الشهراني)
على الهون ياجرح المفارق وضيق البال
على الهون ياهم سطابي وقدرته
اعزك لوانك جرح ومجاهدك قتال
وروضت جسمي لاجل سقمك وصبرته
لاجل من ملك قلبي من الجال لين الجال
وفجيت له باب عن الناس سكرته
وحطيت له عن شمس قيظ الغرام ظلال
وشيدت له بيت بقلبي وعمرته
حفظته ودللته وجريت له موال
وتخيرت قربه ليتني ما تخيرته
رعى ريف قلبي لين صار الحشا مدهال
وعن مدهله جنبت غيره وذيرته
اداري عليه من الزعل وازعل العذال
وخطاه ان كبر في عين غيري تصاغرته
سقيته من عدود الغلا والغرام زلال
بعد ماجذب من دم قلبي وصدرته
قبل مايغطي ليله المنتثر بالشال
سرقت الكرى من نون عينيه وسهّرته
نقش كل حرف من حروفي على السلسال
تباهى بها واغاظ ناس مجاكرته
وبعد كل هالتقدير والحب والاجلال
تغير وهقواته عليه مغيرته
تكاثر علي الله يجازيه كيف الحال
وانا يوم اسوق العمر له ما تكاثرته
(تركي الميزاني)
غيبتك لو هي دقيقه تعتبر صده
الوقت دونك سجن وغيابك سياجه
 لا تعتذر لي ترى ماعاد في شدّه

12:00 | وش يبكيك ؟

u broke my heart

الزمان غدار والحكمه تقول " كل شيء معقول"

رُبما مليت منّي يارشيّق :/

يا ندمانه - زايد الصالح و خالد النادر | Ya Ndmana - Zayed Al Saleh & Khaled El Nader

ولا حن لك قلب ولا غصن فرعك مال

غناء : نوال الكويتية
ألحان : بشار الشطي
كلمات : فتحية العجلان

نوال الكويتية - أمنا رويحة الجنة

‎انتحل شخصيتك واوقف امام مرايتي 
‎واظمني واحبني واحكيلي وش سوى زمان
‎وش حيلتي لاصرت لي فالدنيا هذي حاجتي
‎مع اني ماكنت اعتقد هالحب يلقى بي مكان
‎هزمتني هزمتني واقلقت فيني راحتي
‎كم قلتها ماراح احب خدعني برك يالامان
‎علقتني خليتها باللون الابيض رايتي
‎مستسلم وكلي رجاء واجيك وكلي لك حنان

‎قبل اعترف مااخفيك انا يادنيتي وياغايتي 
‎فكرت باني مااعترف واداري شوقي لايبان
‎خفت تشمتبي وانا ياعمري ماهي عادتي
‎ارضى لاحد يضحك علي بس البلا فات الاون
‎ما قلت لك من وقتها وانا على سجادتي
‎ادعي عسى الله يقربك والله كريم ومستعان
‎حتى ولو ماصرت لي بوقف امام مراياتي 
‎وبانتحل شخصيتك واشكي لك وش سوى زمان

ولا حن لك قلب ولا غصن فرعك مال

Abrar

Recent comments

Kiroo Altamimi

Related tracks