الرمية من كلمات: مصطفى ساكس
الأغنية من كلمات: نصر الله عطا عمر
ألحان وأداء: أبوبكر سيد أحمد
___________
لو نسى التاريخ حقيقة
وضاعت الصور القديمة والمواريث العتيقة
يبقى ماضي الناس حكاية في الملفات والوثائق
والكتابات البتمسح بي مداد الزيف حقايق
يندفن نعش القضايا وتصبح الآثار خرايب والمدافن
وتزحف آلاف المسكان والمداين
وينكتم نفس البداية
--
لو نسى التاريخ حقيقة تضهب الناس في طريقا
تنشف أوراق العقيدة
تذبل أغضانا الوريقة
___________
مالك ولا عشمك سحاب
لا خصَّبِك زهو المطر
وما بحمِّدني العطش
ما دام غُناي مُشرع بحر
--
مالك مشيكِ على الرِّهاب
مغروسة في بطن الطشاش
لا بغـَّرك ضوَّ الشهاب
لا بقتحم حِسِّك طناش
مولودة في زمن الكجر
موؤودة في رنة وتر
--
وما بحمِّدني العطش
ما دام غُناي مُشرع بحر
--
مكتولة والنيل مي رذاذ
مكتومة يا ريحة الدعاش
مدعية بي حَرَد الحراز
تاوقتي ولا الشوف غبَاش
ما تمرقي
أمرقي
لمتين مدسدسة في الحُجا
أمرقي
يا مدخل الروح المحصن مخرجا
أمرقي
زمن المروق يا فاطنة جا

فاطنة السمحة - عود - جلسة إستماع - دبلن 2013

كلمات وألحان: عبد الرحمن الريح
غناء: عمر أحمد وأداها: خليل اسماعيل
***
ليه دا كلو يا حبيبي
بعض منو يجزي عنو
***
ليه دا كلو.. وانت عارف
إني واله دمعي ذارف
قلبي مُعرِض عني صارف
من زمان فارق محلو
***
ما عرفت إيه مرادك
من عنادك وإبتعادك
فلتعود أيام ودادك
تذكر المشتاق تطلو
***
لونك الفاتن خضارو
يزدري الازهار نضارو
خدك المغري إزدهارو
البلابل عاشقة فـُلـُّو
***
إنت باعث ذكرياتي
إنت ملهم أغنياتي
إنت قيثارة حياتي
إنت ما أحويه كلو
***
فى ربوع حيـَّك بوافي
حيث لي توحي القوافي
إنت كن في حبي وافي
يكفي من عطفك أقلو
***
ليه دا كلو يا حبيبي
بعض منو يجزي عنو

ليه دا كلو يا حبيبي

كلمات أحمد سعيد
حلوة ومالية الدنيا سماحة
ومافي إتنين بختلفوا عليها
أنا بتحدى الدنيا عشانا
وكل الدنيا حدود عينيها
--
بت بتضوي خرائط العالم
هي البتلون وبي يديها
كل ورود الكون إجتمعت
شان ما يشوفوا ورود خديها
--
عارف ذوقا وخفة روحا
زولة وديعة ورافعة الكلفة
مهما أصور مهما أبين
ألقى البت بالجد مختلفة
--
من الحور البت طنيتا
زايرة الدنيا إعارة وسلفة
آخر القول انا بيها متيم
زول الحب ما بعدم صرفة

7ilwa حلوة - أبوبكر سيد أحمد - دبلن 2013

كلمات مدني النخلي
ألحان وغناء أبوبكر سيد أحمد
مره بتدندن منتشي
تدفن همومك في الرسم
إسكب حنينك في الغنا
لو مره جرحـَك يلتئم
ما تزازي يا طير العشم
لامـِن نهارك ينقسم
أوعـَك تسلم وتنحني
للريح تطاطي وتنهزم
---
ما بشبـِهك ضهبي ومشيت
أنده مواعيدِك مدى
عديت مسافاتـِك حنين
ناداني من سطحك صدى
صمتـِك أوان الريح صهيل
إتكلمي
غطي المواسم بالهدير
إتقدمي
ماكي الرخو الدفرو الدمير – تتهدمي
أنده مواعيدك مدى
---
وصيتو قمريكي البطير
صبـَّاحي يطرب وينطرب
وصيتا شمس الذكرى ديك
قُبـَّال تقبـِّل للغرب
لو شفتي في الغربه الحنين
في قلبي منك ينسرِب
أحزاني ضوَّن نجمتين
الليل وقع من طولو نام
يوم شمسو فرت خصلتا
من غصنو قام
فرَّ الحمام 
شقشق صباح الدنيا بيك
بالإلفة والحب والسلام

Dandana دندنة - عود - أبوبكر سيد أحمد

كلمات حسين بازرعة - غناء عثمان حسين - أداء أبوبكر سيد أحمد في جلسة إستماع أسرية - دبلن/ إيرلندا 2013

Shajen شجن

شعر التجاني سعيد - غناء محمد وردي - أداء أبوبكر سيد أحمد في جلسة إستماع أسرية - دبلن/ إيرلندا 2013

Abu-baker Sid-Ahmed

Popular tracks