Name: مقطعات صوفية - الشيخ حسام - ساحة السادة العوفية الشاذلية - مايو 2025 by أبو بكر مأمون
Duration: 5 min 1 s
Description: مقطعات صوفية - الشيخ حسام حسن - ساحة السادة العوفية الشاذلية - مايو 2025

إبتهال حبى لمولايا أضنانى

من فيلم فرش وغطا 2013

----------------------------------

حبى لمولاى .. حبى لمولاى 
أضَنانِى وأسْقمْنى
فقلت لَهم يا أحبْابى 
هل يتدَاوَى الدَاءُ بالدَاءِ
حُبى لمَولاى 
أسقمنى وأضنانى 
فكيفَ أشكو إلى مولاى مولاى

حبى لمولايا أضنانى -  من فيلم فرش وغطا 2013

دار الفلك .. في مغزلك
طول السنين ما أمهلك
يا ماسك الروح في الحياة
الحب لك والخلد لك
إنت الازل وانت الابد
والهالك اللي يجهلك
يا شعب يا روح الخلود
الملك لك والخلد لك
***
الليل حلك .. والبوم سلك
والبحر عطشان منهلك
والسهم طاش
اسق العطاش
انت الكريم وبنسألك
***
يهوذا خان؟ .. أكم يهوذا وباع مسيح
لا يهوذا دام.. ولا جرح بيلازم جريح
مليون يهوذا خان أمانك وانهلك
وانت اللي باقي عالسواقي
ومنجلك
يفرش حصير القمح  فوق دم المسيح
وانت الجريح
تيجي الأطبة وتسألك
ما أعجبك
ما أنجبك
ما أحملك
ما أنبلك
يا شعب يا نبض الوجود
الخلد لك
والملك لك
الحكم لك .. والملك لك
الملك لك

نشيد الكروان - يا شعب يا روح الخلود - الشيخ امام

من أشعار أبو مدين التلمساني
و نوادر الشيخ النقشبندي
عيدوا على الوصال عيدوا * فإن شوقي لكم يزيد
خذوا فؤادي وقلبوه * وفتشوه كما تريدوا
فإن وجدتم به سواكم * زيدوا علي البعاد زيدوا
والله يا مهجتي وروحي * من الهوى متعب قعيد

النقشبندي عيدوا عليا الوصال

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

مقطعات صوفية - الشيخ حسام حسن - ساحة السادة العوفية الشاذلية - مايو 2025

مقطعات صوفية - الشيخ حسام - ساحة السادة العوفية الشاذلية - مايو 2025

من ضمن تسجيلات برنامج سلطان العاشقين عام 1974

الشيخ سيد النقشبندى / زدنى بفرط الحب فيك تحيراً / تسجيل نادر جداً

extras/individual reposts. clearing out the SD cards

C0000011

Intimate.  Addictive. This is the darkness you can’t resist.

We’ve been working on this record for almost two years – and now it’s finally here: “Devil” has been born.
But this album is nothing like anything we’ve done before. Dark, cryptic, yet strangely catchy – a sound that mixes our roots with pop culture fragments, hypnotic songwriting, and a touch of madness.

It’s by far our most experimental project, maybe even the most mainstream thing we’ve ever created. And still, it’s undeniably us – raw, uncompromising, layered, like a mirror of the darkness in our time.

This album is more than just music. It’s an invitation:
A dance between desire and downfall, a ritual between shadow and light, a voice pulling you into the unknown.

And here’s the best part: “Devil” is only dropping on SoundCloud. Nowhere else. No streaming platforms, no physical release. Just here.
It’s our little gift to the community that’s been with us all along.

We hope you’ll love it as much as we do.
Because for us, this isn’t just another chapter –
it might just be the best thing we’ve ever done.

Let yourself be tempted. Step inside.

Prince of Lies

Wake up soon

إذا الشمس غرقت
في بحر الغمام
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا ساير يا داير
يا ابو المفهومية
مفيش لك دليل
غير عيون الكلام


مر الكـــــلام زي الحـســـام يقطع مكان ما يـــمر
أما المديـــح سهل و مريــح يخدع لـكن بيــضـــر
والكلمة دين من غيـر اديــن بس الوفاء عالحـــــر



بسيطه جاوي جاوى
روايه المجاله
مليحه جاوى جاوى
للى ما نايمشى
طويله جاوى جاوى 
حكايه الرساله 
جريبه جاوى جاوى
وانت ماعالمشى
مد الخطوة وامشى 
تلجى الصعب فات
غير الله ما دامشى 
وكل حى مات
وان كنت ناصح وفهمت المجاله
فهمها يابنى للى ما فاهمشى
بسيطه 
كيف الدنيا لف ودور
ياطنبور 
هم شويه 
خلى الميه تغطى البور
معدودة الخطاوي
رايحه ولا جايه
ما يلمكش خوفك
ع الدنيا الدينه 
جول الكلمه عالي 
بالصوت البلالى
جول ان العداله
دين الانسانيه
كامش ليه وخايف
فرج الشفايف
هو العمر واحد
ولا العمر ميه ؟
وان كنت ناصح
وفهمت المجاله
فهمها يا بنيى للى ما فاهمشي
بسيطه 
كيف الدنيا لف ودور
يا طنبور 
هم شويه
خلى الميه تغطى البور
المولى خالجنا بالعدل وناشينا
طل ف خلجه
تلجاة
بالعجل مساوينا
ومنور طريجنا من فضله وهادينا
بالنور اللى طالل 
من غرة نبينا 
جن الليل غوانا
ومشينا فى عمانا 
ونسينا شارعنا
وتهنا فى المدينة 
وان كنت ناصح 
وفهمت المجاله 
فهمها يا بنى للى ما فاهمشى 
بسيطه 
كيف الدنيا لف ودور
ياطنبور
هم شويه خلى الميه
تغطى البور
يا مودر شبابك
بسنين العذاب
بين وهم الامانى 
والصبر اللى شاب
صبرك ع المساوي
بيزيد البلاوي
وتبجى انت المصيبه
وتبجى انت المصاب
يا ويلك بصبرك
ع الظالم وظلمه 
فى الدنيا وياويلك
من يوم الحساب
وان كنت ناصح وفهمت المجاله 
فهمها يا بنى للى ما فا همشي
بسيطه 
كيف الدنيا لف ودور
ياطنبور
هم شويه
خلى الميه تغطى البور


مقطعات صوفية - الشيخ حسام - ساحة السادة العوفية الشاذلية - مايو 2025

أبو بكر مأمون

Related tracks